ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ ТАБЪУ НАШР"

Моддаи 1. Моддаи 5 Қонуни Ҷумҳурии Тоҷикистон аз 27 декабри соли 1993 "Дар бораи табъу нашр" (Ахбори Шӯрои Олии Ҷумҳурии Тоҷикистон, соли 1994, № 1, моддаи 28; Ахбори Маҷлиси Олии Ҷумҳурии Тоҷикистон, соли 1996, № 3, моддаи 48; соли 1997, № 9, моддаи 117; соли 1999, № 12, моддаи 329, соли 2002 №11, моддаи 726) дар тағиру иловаҳои зайл ворид карда шавад:

1. Дар матни Қонун калимаи "интеллектуали" ба калимаи "зеҳни", калимаи "интишори" ба калимаи "ношири", калимаи "интишороти" ба калимаи "нашриёти", калимаи "байналхалки" ба калимаи "байналмиллалй", калимаи "интишорот" ба калимаи "нашриёт", калимаи "мақоми" ба калимаи "салохияти", калимаи "андозаҳои" ба калимаи "меъёрҳои", калимаи "бепул" ба калимаи "ройгон", калимахои "тайёркунанда", "омодагар" ба калимаи "таҳиягар", калимахои "Вазорати матбуот ва ахбор" ба калимахои "Вазорати фарҳанг" иваз карда шаванд.

2. Дар кисми якуми моддаи 1 калимахои "Конуни асосии" ба калимахои "Конститутсияи (Сарконуни)" иваз карда шаванд.

3. Моддаи 4 дар таҳрири зайл ифода карда шавад:

"Моддаи 4. Конунгузории Ҷумҳурии Тоҷикистон дар бораи табъу нашр.

Конунгузории Ҷумҳурии Тоҷикистон дар бораи табъу нашр ба Конститутсияи (Сарконуни) Ҷумҳурии Тоҷикистон асос ёфта, аз хамин Конун, дигар санадҳои меъёрии ҳуқуқии Ҷумҳурии Тоҷикистон ва санадҳои ҳуқуқии байналмилалие, ки Ҷумҳурии Тоҷикистон эътироф кардааст, иборат мебошад".

4. Дар қисми якуми моддаи 5 баъд аз калимахои "дар корхонаҳои табъу нашри махсусгардонидашудаи Ҷумҳурии Тоҷикистон" калимахои "ва дар холатхои истисноӣ бо қарори Ҳукумати Ҷумҳурии Тоҷикистон дар хориҷа" илова карда шаванд.

5. Дар банди 5 кисми якуми моддаи 10 калимахои "аз ҳисоби коғази онхо" хориҷ карда шаванд.

6. Қисми сеюми моддаи 14 дар таҳрири зайл ифода карда шавад:

"Корхонаҳои полиграфи ва савдои китоб барои таҳия ва паҳн намудани нашрияҳои ташкилотҳое, ки ҳуқуқи ношири надоранд, инчунин маълумотномаи нашрияро бе риояи меъёрҳои (стандартҳои) давлати нашр мекунанд, ба ҷавобгарии маъмурӣ кашида мешаванд".

7. Дар моддаи 30 калимаи "таълифи" ба калимаи "қалами" иваз шавад.

8. Дар моддаи 33 калимаи "Азнавчопкунии" ба калимаи "Чопи" иваз карда шавад.

9. Дар моддаи 35 калимаи "нуқтаҳои" ба калимаи "талаботи" иваз карда шуда, калимахои "ё ҳакамият" хориҷ карда шаванд.

Моддаи 2.

Қонуни мазкур пас аз интишори расми мавриди амал карор дода шавад.