Бо қарори Ҳукумати ҶТ аз 28.12.2006с. № 607 беэътибор дониста шуд

Ҳукумати Ҷумҳурии Тоҷикистон

ҚАРОР

Оид ба ворид намудани тағйирот ба баъзе қарорҳои Ҳукумати Ҷумҳурии Тоҷикистон

Бо мақсади минбаъд баланд бардоштави самаранокии фаъолияти мақомоти андоз ва гумрук дар асоси азнавташкилдиҳӣ аз рӯи принсипҳои функсионалӣ Ҳукумати Ҷумҳурии Тоҷикистон қарор мекунад:

1. Замимаҳои 1 ва 2, ки бо қарори Ҳукамати Ҷумҳурии Тоҷикистон аз 12 феврали соли 2002 № 48 "Масъалаҳои Вазорати даромадҳо ва пардохтҳои давлатии Ҷумҳурии Тоҷикистон" тасдиқ карда шудаанд, дар тақрири зерин ифода карда шаванд (замима мегарданд).

2. Бандҳои 4 ва 5 қарори Ҳукумати Ҷумҳурии Тоҷикистон аз 4 ноябри соли 2002 № 427 "Дар бораи ворид намудани тағйироту иловаҳо ба қарори Ҳукумати Ҷумҳурии Тоҷикистон аз 12 феврали соли 2002 № 48" беэътибор дониста шаванд.

3. Вазорати даромадҳо ва пардохтҳои давлатии Ҷумҳурии Тоҷикистон дар мӯҳлати се моҳ оид ба ворид намудани тағйироту иловаҳо ба санадҳои меъёрии ҳуқуқии дахлдор, ки аз ислоҳоти фаъолияти Вазорати даромадҳо ва пардохтҳои давлатии Ҷумҳурии Тоҷикистон аз рӯи принсипҳои функсионалӣ бармеоянд, таклиф пешниҳод намояд.

Сохтори Дастгоҳи марказии Вазорати даромадҳо ва пардохтҳои давлатии Ҷумҳурии Тоҷикистон (ВДПД ҶТ)

1. Вазир

2. Муовини аввали Вазир

3. Муовинони Вазир

4. Идораи маҷмӯии ташкилию бозрасӣ

5. Идораи такмили маъмурияти андоз ва гумрук

6. Идораи технологияи иттилоотӣ

7. Идораи ҳамкориҳои байналмилалӣ

8. Идораи кадрҳо ва сиёсати кадрӣ

9. Идораи ҳуқуқ

10. Идораи молиявии иқтисодӣ

11. Мудирияти корҳо

12. Департаменти андоз

13. Департаменти гумрук

14. Қисми махсус