Ҳукумати Ҷумҳурии Тоҷикистон

ҚАРОР

Дар бораи ворид намудани тағйироту иловаҳо ба баъзе қарорҳои Ҳукумати Ҷумҳурии Тоҷикистон

Бо мақсади иҷрои Қонуни Ҷумҳурии Тоҷикистон аз 16 маи соли 1997 "Дар бораи хусусигардонии моликияти давлатӣ" Ҳукумати Ҷумҳурии Тоҷикистон қарор мекунад:

1. Ба банди 2 қарори Ҳукумати Ҷумҳурии Тоҷикистон аз 4 апрели соли 1997 № 156 "Дар бораи чораҳои иловагии ба низом даровардани шартҳои барориш, тартиби муомилот ва истифодаи чекҳои номии хусусигардонӣ" калимаҳои "мақомоти ҳокимияти иҷроияи маҳаллӣ (ҳукуматҳо)" бо калимаҳои "Раисони вилоятҳо ва шаҳру ноҳияҳо" иваз карда шаванд.

2. Ба қарори Ҳукумати Ҷумҳурии Тоҷикистон аз 4 маи 1997 № 179 "Дар бораи тасдиқ намудани Тартиби ҷудо кардани бахшҳо ва воҳидҳои сохтории корхонаҳо барои фурӯши минбаъдаи онҳо ҳамчун объекҳои мустақили хусусигардонӣ" тағьироти зерин ворид карда шавад:

дар муқаддима ишора ба Қонуни Ҷумҳурии Тоҷикистон аз 4 ноябри соли 1995 № 194 "Дар бораи ғайридавлатикунонӣ ва хусусигардонии моликияти давлатӣ" бо ишора ба Қонуни Ҷумҳурии Тоҷикистон аз 16 маи соли 1997 № 464 "Дар бораи хусусигардонии моликияти давлатӣ" иваз карда шавад;

дар банди 1.1 ва банди 2.7 Тартиби ҷудо кардани бахшҳо ва воҳидҳои сохтории корхонаҳо барои фурӯши минбадаи онҳо ҳамчун объектҳои мустақили хусусигардонӣ ишора ба Қонуни Ҷумҳурии Тоҷикистон аз 4 ноябри соли 1995 № 194 "Дар бораи ғайридавлатикунонӣ ва хусусигардонии моликияти давлатӣ" бо ишора ба Қонуни Ҷумҳурии Тоҷикистон аз 16 маи соли 1997 № 464 "Дар бораи хусусигардонии моликияти давлатӣ" иваз карда шавад;

дар банди 2.1 калимаҳои "ғайридавлатикунонӣ ва" хориҷ карда шаванд.

3. Дар банди 1 фасли 1 "Дастуруламали муайян намудани арзиши объектҳои хусусигардонӣ", ки бо қарори Ҳукумати Ҷумҳурии Тоҷикистон аз 4 маи соли 1997 № 181 тасдиқ гардидааст, ишора ба Қонуни Ҷумҳурии Тоҷикистон "Дар бораи ғайридавлатикунонӣ ва хусусигардонии моликияти давлатӣ" бо ишора ба Қонуни Ҷумҳурии Тоҷикистон аз 16 маи соли 1997 № 464 "Дар бораи хусусигардонии моликияти давлатӣ" иваз карда шавад.

4. Қарорҳои зерин беэътибор дониста шавад:

қарори Шӯрои Вазирони Ҷумҳурии Тоҷикистон аз 16 ноябри соли 1993 № 578 "Дар бораи суръат бахшидани ҷараёни, ғайридавлатикунонӣ ва хусусигардонӣ дар Ҷумҳурии Тоҷикистон";

қарори Ҳукумати Ҷумҳурии Тоҷикистон аз 17 октябри соли 1995 № 633 "Дар бораи тасдиқ намудани Низомномаи Комиссияи давлатии Ҷумҳурии Тоҷикистон оид ба хусусигардонии моликияти давлатӣ";

қарори Ҳукумати Ҷумҳурии Тоҷикистон аз 20 маи соли 1996 № 203 "Дар бораи барномаи хусусигардонии моликияти давлатӣ дар Ҷумҳурии Тоҷикистон дар солҳои 1996-1997";

қарори Ҳукумати Ҷумҳурии Тоҷикистон аз 4 апрели соли 1997 № 154 "Дар бораи тартиб ва шартҳои саҳомигардонии заводҳои пахтатозакунӣ".