ПРЕЗИДЕНТИ ҶУМҲУРИИ ТОҶИКИСТОН

ФАРМОН

Дар бораи таъсиси Кумитаи давлатии сохтмон ва меъмории Ҷумҳурии Тоҷикистон

Бо мақсади амали намудани сиёсати ягонаи давлати дар комплекси сохтмони ва мутобиқи моддаи (59 Конститутсияи (Сарқонуни) Ҷумҳурии Тоҷикистон фармон медиҳам:

1. Кумитаи давлатии сохтмон ва меъмории Ҷумҳурии Тоҷикистон таъсис дода шавад.

2. Ба зиммаи Кумитаи давлатии сохтмон ва меъмории Ҷумҳурии Тоҷикистон таҳия ва татбиқи сиёсати ягонаи давлати дар соҳаҳои сохтмон ва меъмори вогузошта шавад.

3. Ба Системаи мақомоти марказии ҳокимияти иҷроияи Ҷумҳурии Тоҷикистон, ки бо Фармони Президенти Ҷумҳурии Тоҷикистон аз 4 июли соли 2002 № 853 "Дар бораи системаи мақомоти марказии ҳокимияти иҷроияи Ҷумҳурии Тоҷикистон" тасдиқ шудааст, тағйироту иловаҳои зерин ворид карда шавад:

ба банди 4 калимаҳои "Кумитаи давлатии сохтмон ва меъмории Ҷумҳурии Тоҷикистон" илова карда шаванд;

аз банди 5 калимаҳои "Кумитаи меъморӣ ва сохтмони назди Ҳукумати Ҷумҳурии Тоҷикистон" хориҷ карда шаванд.

4. Ҳукумати Ҷумҳурии Тоҷикистон:

дар мӯҳлати ду моҳ Низомномаи Кумитаи давлатии сохтмон ва меъмории Ҷумҳурии Тоҷикистон, сохтор ва шумораи дастгоҳи маркази, нақшаи идораи онро тасдиқ ва тартиби маблағгузории онро муайян намояд;

масъалаи ҷойгиркунонии Кумитаи давлатии сохтмон ва меъмории Ҷумҳурии Тоҷикистонро ҳал намояд;

масъалаи барҳамдиҳии Кумитаи меъмори ва сохтмони назди Ҳукумати Ҷумҳурии Тоҷикистон, Ширкати давлатии сохтмонии Ҷумҳурии Тоҷикистон "Тоҷикстрой", Консерни давлати-кооперативии "Тоҷикдеҳсохтмон", Консерни давлатии "Фурӯзон"-и Ҷумҳурии Тоҷикистон ва Корпоратсияи давлатии корҳои васлкуни ва махсуси бинокории "Тоҷикмонтажспецстрой"-и Ҷумҳурии Тоҷикистонро бо тартиби муқарраргардида барраси намояд;

Ҷиҳати иҷрои ин Фармон тадбирҳо андешида, қарорҳои худро бо он мутобиқ гардонад.