ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРОТУ ИЛОВАҲО БА КОДЕКСИ МУРОФИАВӢ-ҶИНОЯТИИ ҶУМҲУРИИ ТОҶИКИСТОН

Маҷлиси Олии Ҷумҳурии Тоҷикистон қарор мекунад:

Ба Кодекси мурофиавӣ-ҷиноятии Ҷумҳурии Тоҷикистон, ки бо Қонуни Ҷумҳурии Тоҷикистон аз 17 августи соли 1961 тасдиқ шудааст, тағйироту иловаҳои зайл ворид карда шаванд:

1. Моддаи 113 бо банди 10 дорои мазмуни зайл илова карда шавад:

"10) Агентии назорати маводи нашъаовари назди Президенти Ҷумҳурии Тоҷикистон - оид ба парвандаҳое, ки мутобиқи Қонун таҳти пешбурди онҳо қарор дода шудааст.

2. Моддаи 122:

- қисми якум баъд аз калимаҳои "амнияти давлатӣ" ба калимаҳои "корҳои дохилӣ ва Агентии назорати маводи нашъаовари назди Президенти Ҷумҳурии Тоҷикистон" илова карда шавад;

- қисми сеюм баъд аз калимаи "гумрук" ба калимаҳои "Агентии назорати маводи нашъаовари назди Президенти Ҷумҳурии Тоҷикистон" илова карда шавад;

- қисми ҳафтум баъди рақами "181" бо рақамҳои "200, 201, 202" илова карда шавад;

- модда бо қисми нуҳуми дорои мазмуни зайл илова карда шавад:

"Оид ба парвандаҳои вобаста бо ҷиноятҳое, ки моддаҳои 200, 201, 202 ва 289 (нисбати контрабандаи (кочоқ) маводи нашъаовар, психотропӣ) Кодекси ҷиноятии Ҷумҳурии Тоҷикистон пешбинӣ намудааст, тафтишоти пешакӣ инчунин аз тарафи муфаттишони Агентии назорати маводи нашъаовари назди Президенти Ҷумҳурии Тоҷикистон гузаронида мешаванд";

қисмҳои нуҳум ва даҳум мувофиқан қисмҳои даҳум ва ёздаҳум ҳисобида шаванд.