Бо Қарори Ҳукумати ҶТ аз 19.04.2001 с. № 189 беэътибор дониста шуд ба истиснои Низомномаи тасдикнамудаи он оид ба кумитахои махаллии замин

Ҳукумати Ҷумҳурии Тоҷикистон

КАРОР

Масъалаҳои Кумитаи оид ба захираҳои замин ва заминсозии назди Ҳукумати Ҷумҳурии Тоҷикистон

Мутобиқи Фармонҳои Президенти Ҷумҳурии Тоҷикистон аз 25 июни соли 1996 № 522 "Дар бораи аз нав ташкилдиҳии корхонаю ташкилотҳои кишоварзӣ, № 1021 "Дар бораи татбиқи ҳуқуқи истифодабарии замин" ва қарори Ҳукумати Ҷумҳурии Тоҷикистон аз 27 июли соли 1998 № 244 "Дар хусуси чораҳои иҷрои Фармони Президенти Ҷумҳурии Тоҷикистон "Дар бораи татбиқи ҳуқуқи истифодабарии заминҳо" Ҳукумати Ҷумҳурии қарор мекунад:

1.Низомномаи Кумитаи оид ба захираҳои замин ва заминсозии назди Ҳукумати Ҷумҳурии Тоҷикистон ва Низомномаи кумитаҳои маҳаллии замин тасдиқ карда шавад.

2.Сохтори дастгоҳи марказии Кумитаи оид ба захираҳои замин ва заминсозии назди Ҳукумати Ҷумҳури Тоҷикистон ва нақшаи идоракунии захираҳои замини мамлакат тибқи замима тасдиқ карда шаванд.

Шумораи дастгоҳи марказии Кумитаи оид ба азхираҳои замин ва заминсозии назди Ҳукумати Ҷумҳурии Тоҷикистон ба миқдори 70 воҳид (бидуни ҳайати кормандони оид ба муҳофизат ва хизматрасони бино) муқаррар карда шавад.

3. Ба Кумитаи оид ба захираҳои замин ва заминсозии назди Ҳукумати Ҷумҳурии Тоҷикистон иҷозат дода шавад, ки 3 ҷонишини раис, аз он ҷумла якто ҷонишини якум ва дар ҳайати 7 нафар коллегия дошта бошад ва лимити ҳайати кормандони хизматрасони нақлиётро ба андозаи 4 воҳид ҷудо кунад.

4.Шумораи кормандони дастгоҳҳои кумитаҳои вилоятии оид ба захираҳои замин ва заминсозӣ ба миқдори 31, кумитаҳои оид ба захираҳои замин ва заминсозии шуҳру ноҳияҳо ба миқдори 244 воҳид тасдиқ карда шавад.

5.Вазорати молияи Ҷумҳурии Тоҷикистон:

якҷоя бо Кумитаи захираҳои замин ва заминсозии назди Ҳукумати Ҷумҳурии Тоҷикистон дар мӯҳлати даҳ рӯз фонди музди меҳнат ва хароҷоти нигоҳдори дастгоҳи марказӣ, дастгоҳҳои кумитаҳои оид ба захираҳои замин ва заминсозии вилоятҳо, шаҳрҳо ва ноҳияҳоро муайян намояд;

кумитаҳои оид ба захираҳои замин ва заминсозии вилоятҳо, шаҳрҳо ва ноҳияҳо ба воситаи Кумитаи оид ба захираҳои замин ва заминсозии назди Ҳукумати Ҷумҳурии Тоҷикистон аз буҷети ҷумҳурӣ маблағгузорӣ мешаванд;

шумораи иловагии кормандон аз хисоби маблағҳои буҷа, ки бо моддаи "Маблағгузории хоҷагии халқ" барои Кумитаи оид ба захираҳои замин ва заминсозии назди Ҳукумати Ҷумҳурии Тоҷикистон дар соли 1999 пешбинӣ шудаанд, нигоҳ дошта мешаванд.

6. Музди меҳнати кормандони Кумитаи оид ба захираҳои замин ва заминсозии назди Ҳукумати Ҷумҳурии Тоҷикистон ба шартҳои пардохти музди меҳнат дар вазоратҳо ва кумитаҳои давлатии Ҷумҳурии Тоҷикистон аз 13 сентябри соли 1996 № 422 "Масъалаҳои Кумитаи оид ба захираҳои замин ва заминсозии назди Ҳукумати Ҷумҳурии баробар карда мешавад.

7.Карори Ҳукумати Ҷумҳурии Тоҷикистон аз 13 сентябри соли 1996 № 422 "Масъалаҳои Кумитаи оид ба захираҳои замин ва заминсозии назди Ҳукумати Ҷумҳурии Тоҷикистон" беэътибор дониста шавад.