Бо қарори Ҳукумати ҶТ аз 20.02.1998с.№ 58 беэътибор дониста шуд

ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи тартиб ва шартҳои саҳомикунонии заводҳои пахтатозакунӣ

Ҷиҳати иҷрои Фармони Президенти Ҷумҳурии Тоҷикистон аз 29 декабри соли 1996 № 631 "Дар бораи тадбирҳои суръатбахшии саҳҳомикунонии корхонаҳо" ва бо мақсади баланд бардоштани самаранокии фаъолияти саноати пахтатозакунӣ, Ҳукумати Ҷумҳурии Тоҷикистон қapop мекунад:

1. Ба ҷамъиятҳои саҳҳомии навьи кушода табдил додани заводҳои пахтатозакунӣ ва нархгузории амволи онҳо бо Саридораи саноати пахтатозакунии назди Ҳукумати Ҷумҳурии Тоҷикистон дода шавад.

2. Муқаррар карда шавад, ки то 40 фоизи акцияҳои ҷамъиятҳои саҳоми бевосита ба кормандони заводҳои пахтатозакунии аз нав ташкилшаванда ва қисми боқимондаи он ба пахтаистеҳсолкунандагон ва дигар инвесторон фурӯхта мешавад. Дар айни замон идораи қисми саҳмияҳои ба давлат тааллуқдошта ва фурӯши онҳо ба ихтиёри Саридораи саноати пахтатозакунии назди Ҳукумати Ҷумҳурии Тоҷикистон, гузошта мешавад.