Бо қарори Ҳукукмати ҶТ аз 04.03.2002с. № 87 беэътибор дониста шуд

ҲУКУМАТИ ҶУМҲУРИИ ТОҶИКИСТОН

ҚАРОР

Масъалаҳои кумитаи сангҳои қимматбаҳо ва ороишии назди Ҳукумати Ҷумҳурии Тоҷикистон

Ҷиҳати иҷрои қарори Ҳукумати Ҷумҳурии Тоҷикистон аз 24 октябри соли 1996 № 471 "Дар бораи таъсиси Кумитаи металлҳои қимматбаҳои назди Ҳукумати Ҷумҳурии Тоҷикистон ва Кумитаи сангҳои қимматбаҳо, ва ороишии назди Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Низомномаи замимагардидаи Кумитаи сангҳои қимматбаҳо ва ороишии назди Ҳукумати Ҷумҳурии Тоҷикистон сохтори дастгоҳи маркази ва рӯйхати воҳидҳои сохтории Кумита тасдиқ карда шаванд.

2. Ба Кумита сангҳои қиматбаҳо ва ороишии назди Ҳукумати Ҷумҳурии Тоҷикистон иҷозат дода шавад, ки ду муовини Раис, инчунин дар ҳайати ҳафт нафар коллегия дошта бошад.

3. Шумораи кормандони дастгоҳи марказии Кумитаи сангҳои қимматбаҳо ва ороишии назди Ҳукумати Ҷумҳурии Тоҷикистон, ғайр аз ҳайати хизматрасон, 20 воҳид муқаррар карда шавад.

4. Ба Кумитаи сангҳои қиматбаҳо ва ороишии назди Ҳукумати Ҷумҳурии Тоҷикистон ба миқдори се воҳид лимити автомобильҳои сабукрави хизмати муқаррар карда шавад.

5. Муқаррар карда шавад, ки Кумитаи сангҳои қиматбаҳо ва ороишии назди Ҳукумати Ҷумҳурии Тоҷикистон ва корхонаҳои тобеи он ба истиснои корхонаҳои иктишофи геологие, ки аз буҷети давлати маблағгузори мешаванд, бо усули ҳисоби пурраи хоҷаги кор мекунанд. Таъминоти дастгоҳи маркази аз ҳисоби маблағҷудокуни аз фоидаи ташкилоту корхонаҳои тобеъ, аз рӯи қарордод муайян карда шавад.

6. Вазорати молияи Ҷумҳурии Тоҷикистон якҷоя бо Кумитаи сангҳои қимматбаҳо ва ороишии назди Ҳукумати Ҷумҳурии Тоҷикистон лимити сафарҳои хизматии кормандони дастгоҳи марказии Кумитаи сангҳои қимматбаҳо ва ороишии назди Ҳукумати Ҷумҳурии Тоҷикистонро муайян кунад.