Бо қарори Ҳукумати ҶТ аз 31.12.1998 с. № 553 беэътибор дониста шуд

ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи рӯзномаҳои ҷумҳуриявии "Ҷумҳурият", "Народная газета" ва "Халқ овози"

Бо мақсади нашри саривақтии рӯзномаи Ҳукумати "Ҷумҳурият", рӯзномаҳои "Народная газета" ва "Халқ овози" Ҳукумати Ҷумҳурии Тоҷикистон қарор мекунад:

1. Нашр шудани рӯзномахо аз соли 1997 ба таври зайл муқаррар карда шавад:

"Ҷумҳурият" - ҳафтае 2 маротиба ё ин ки 104 шумора дар 1 сол.

"Народная газета" ва "Халқ овози" - ҳафтае 1 маротиба ё ин ки 52 шумора дар 1 сол. Адади нашри рӯзномаҳо вобаста ба талаботи хонандагон муайян карда шавад.

2. Вазорати молияи Ҷумҳурии Тоҷикистон барои сари вақт нашр шудани рӯзномаҳои мазкур маблағгузориро мувофиқи нишондоди буҷети давлатӣ пешбинӣ намояд.

3. Таъминоти моддиву техникии рӯзномаҳои зикршуда ба ӯҳдаи нашриёти "Шарқи Озод" гузошта шавад.

4. Вазорати алоқаи ҷумҳурӣ барои муътадил сохтани кори паҳн кардани рӯзномаҳо, ташкили обуна ва фурӯши рӯзномаҳои "Ҷумҳурият", "Народная газета" ва "Халқ овози" чораҳои мушаххас андешад.