ПРЕЗИДЕНТИ ҶУМҲУРИИ ТОҶИКИСТОН

ФАРМОН

Дар бораи баъзе тағйиротҳо дар системаи идораи давлатӣ

Бо мақсади такмили системаи идораи давлати ва мувофиқи моддаи 69 Конститутсияи (Сарқонуни) Ҷумҳурии Тоҷикистон фармон медиҳам:

Ҳукумати Ҷумҳурии Тоҷикистон:

1. Масъалаи барҳамдиҳии Ширкати давлатии холдингии "Ғалла", Ҷамъияти саҳомии шакли кушодаи "Тоҷикдеҳкимиё", Корхонаи воҳиди давлатии "Тоҷикнафтугаз", Корхонаи воҳиди давлатии "Тоҷикангишт", Ширкати давлатии тиҷоратию истеҳсолии "Тоҷиклес"-и Ҷумҳурии Тоҷикистонро бо тартиби муқарраргардида барраси намояд.

2. Функсия ва вазифаҳои идораи Ширкати давлатии холдингии "Ғалла" ва Ҷамъияти саҳомии шакли кушодаи "Тоҷикдеҳкимиё"-ро ба зиммаи Вазорати кишоварзии Ҷумҳурии Тоҷикистон, Корхонаи воҳиди давлатии "Тоҷикнафтугаз" ва Корхонаи воҳиди давлатии "Тоҷикангишт"-ро ба зиммаи Вазорати энергетикаи Ҷумҳурии Тоҷикистон, Ширкати давлатии тиҷоратию истеҳсолии "Тоҷиклес"-и Ҷумҳурии Тоҷикистонро ба зиммаи Вазорати саноати Ҷумҳурии Тоҷикистон вогузор намояд.

3. Ҷиҳати иҷрои ин Фармон тадбирҳо андешида, қарорҳои худро бо он мутобиқ гардонад.