ҚОНУНИ ҶУМҲУРИИ ТОҶИКИСТОН

Дар бораи ворид намудани тағйироту иловаҳо ба Қонуни Ҷумҳурии Тоҷикистон "Дар бораи кооператсияи матлубот дар Ҷумҳурии Тоҷикистон"

Ба Қонуни Ҷумҳурии Тоҷикистон аз 13 марти соли 1992 "Дар бораи кооператсияи матлубот дар Ҷумҳурии Тоҷикистон" (Ахбори Шӯрои Олии Ҷумҳурии Тоҷикистон, с.1992, № 7, м. 105; Ахбори Маҷлиси Олии Ҷумҳурии Тоҷикистон, с. 1995, № 22, м. 268) тағйироту иловаҳои зерин ворид карда шавад:

Моддаи 1.

1. Дар моддаи 1:

дар қисми якум калимаҳои "оммавии", "ба мақсади" мутобиқан ба калимаҳои "ғайридавлатии", "бо мақсади" иваз карда шуда, баъд аз калимаи "манфиатҳои" калимаи "оинномавии" илова карда шавад;

қисми дуюм бо мазмуни зайл илова карда шавад:

"Кооператсияи матлубот фаъолиятро оид ба қонеъ намудани манфиат ва талаботи саҳмдорон, муҳайё ва инкишофи инфраструктура вусъат додани кооператсияи матлубот, ҳимояи манфиатҳои истеъмолкунандагон, таъсиррасони ба сиёсати соҳаи истеъмол ва дигар масъалаҳоро дар асоси санадҳои меъёрию ҳуқуқи амали менамояд";

қисми дуюм қисми сеюм ҳисобида шуда, дар таҳрири зайл баён карда шавад:

"Кооператсияи матлубот савдои чакана, яклухт ва комиссиони, хӯроки умуми, хариди маҳсулоти кишоварзи, ашёи хом ва дигар маҳсулот, инкишофи бозор ва хоҷагиҳои ёрирасон, истеҳсоли молҳои сермасриф, намудҳои гуногуни хизматрасони, гузаронидани чорабиниҳои мадани ва варзиши, таъсис, инкишоф ва нигоҳ доштани муассисаҳои таълимии кооператсияи матлубот, тайёр намудани кадрҳо ва такмили ихтисоси онҳо, фаъолияти иқтисодии хориҷиро ташкил менамояд. Ба ислоҳоти иҷтимоии деҳот, ташаккул ва инкишофи хоҷагиҳои деҳқони (фермери), хоҷагиҳои шахси, афзоиши захираҳои хӯроквори ва дигар молҳои истеъмолии халқ, беҳтар шудани хизматрасони ба аҳоли фаъолона мусоидат мекунад".

2. Дар моддаи 2:

номи модда дар таҳрири зерин баён карда шавад:

"Асосҳои фаъолияти кооператсияи матлубот";

дар қисми якум ибораи "дар асоси принсипҳои" ба ибораи "мутобиқ бо асосҳои" иваз карда шавад.

3. Дар моддаи 3:

дар номи модда калимаи "нормативии" ба калимаи "меъёрии" иваз карда шавад;

дар қисми дуюм ибораи "арзиш ва принсипҳои кооперативи" ба ибораи "сарват ва асосҳои кооператсияи матлубот" иваз карда шавад.

4. Дар қисми якуми моддаи 4 ва қисмҳои якум ва ҳафтуми моддаи 5 калимаи "ВАБК" ба ибораи "Вилояти Мухтори Кӯҳистони Бадахшон" иваз карда шавад.

5. Дар моддаи 4:

дар қисми дуюм ибораи "фаъолияти шахсии хоҷагиро" ба ибораи "фаъолияти хоҷагиҳои хусусиро" иваз карда шавад;

аз қисми сеюм ибораи "сатҳҳои мухталифи" хориҷ карда шавад.

6. Дар моддаи 5:

дар ном баъд аз калимаи "Мақомоти" калимаи "роҳбарикунандаи" илова карда шавад;

дар қисмҳои якум, дуюм ва сеюм баъд аз калимаи "олии" калимаи "роҳбарикунанда" илова карда шуда, калимаи "идораи" хориҷ карда шавад;

дар қисми сеюм калимаҳои "саҳҳомон", "(намояндагон)" мутобиқан ба калимаҳои "саҳмдорон", "(маҷлиси намояндаҳо)" иваз карда шаванд;

дар қисми чорум калимаи "конференцияҳо" ба калимаи "конференсияҳо" иваз карда шавад;

қисми панҷум дар таҳрири зайл баён карда шавад:

"Маҷлиси умумии саҳмдорон (маҷлиси намояндаҳо), конференсия ва анҷуман мақомоти идора ва мақомоти назоратро интихоб менамояд";

дар қисми шашум калимаи "Халқаи" ба калимаи "Ташкилоти" иваз карда шавад;

аз қисми ҳафтум калимаи "(правленияҳои)" хориҷ карда шавад.

7. Дар моддаи 6:

номи модда дар таҳрири зерин баён карда шавад:

"Иттифоқи ҷумҳуриявии ҷамъиятҳои матлуботи Тоҷикистон";

дар қисмҳои якум ва дуюм калимаи "Тоҷикматлубот" ба ибораи "Иттифоқи Тоҷикматлубот" иваз карда шавад.

8. Дар моддаи 7:

дар қисми якум калимаи "замонат" ба калимаи "кафолат" иваз карда шавад;

дар сархати чоруми қисми дуюм ибораи "ба майдон бароянд" ба ибораи "баромад кунанд" иваз карда шавад;

дар қисми чорум калимаи "нукоти" ба калимаи "мавқеи" иваз карда шавад.

9. Дар моддаи 8:

дар қисми якум калимаҳои "соҳаи" "ва ё аз нав ташкил" хориҷ карда шуда, калимаҳои "ташкил", "объектҳои" мутобиқан ба калимаҳои "бунёд", "иншоотҳои" иваз карда шаванд;

қисми дуюм бо мазмуни зайл илова карда шавад:

"Мақомоти давлати ва мақомоти ҳокимияти иҷроия дар маҳалҳо дар фаъолияти хоҷаги, молияви ва дигар фаъолияти ҷамъиятҳои матлубот ва иттифоқҳои онҳо ба ғайр аз мавридҳое, ки дар қонунҳои Ҷумҳурии Тоҷикистон дар назар дошта шудааст, ҳуқуқи дахолат карданро надоранд. Муносибатҳои ҷамъиятҳои матлубот ва иттифоқҳои онҳо бо мақомоти ҳокимияти иҷроия дар маҳалҳо дар асоси созишнома муайян карда мешаванд";

дар қисми чорум калимаҳои "юридики", "мудохилаи", "суди ҳаками" мутобиқан ба калимаҳои "ҳуқуқи", "дахолати", "суди иқтисоди" иваз карда шавад;

қисмҳои дуюм, сеюм ва чорум мувофиқан қисмҳои сеюм чорум ва панҷум ҳисобида шаванд.

10. Дар моддаи 10:

дар қисми дуюм баъд аз ибораи "иттифоқҳои онҳо" ибораи "бо розигии иттифоқи ҷумҳуриявии онҳо" илова карда шавад;

қисми сеюм дар таҳрири зайл баён карда шавад:

"Манбаъҳои амволи кооператсияи матлубот аз ҳисоби ҳаққи узвияти саҳмдорон, даромад аз фаъолияти соҳибкории ҷамъиятҳои матлубот, иттифоқҳои ҷамъиятҳои матлубот ва ташкилотҳои аз тарафи онҳо таъсис шуда, инчунин аз ҳисоби дигар манбаъҳое, ки қонунгузории Ҷумҳурии Тоҷикистон манъ накардааст, ташаккул меёбанд";

дар қисми чорум калимаи "тасарруф" ба калимаи "мусодира" иваз карда шуда, пас аз ибораи "иттифоқҳои онҳо" ибораи "ҳамчун моликияти кооператсияи матлубот" илова карда шавад;

қисми панҷум дорои мазмуни зайл илова карда шавад:

"Моликияти кооператсияи матлубот ба ташкилотҳо, корхонаҳо ва муассисаҳои аз тарафи ҷамъиятҳои матлубот, иттифоқҳои ҷамъиятҳои матлубот таъсис дода, вобаста карда мешавад".

11. Дар қисми якуми моддаи 11 ибораи "шахсони юридики" ба ибораи "шахсони ҳуқуқи" иваз карда, калимаҳои "ассоциацияҳои", "концернҳо", "консорциумҳо" мутобиқан ба калимаҳои ,ассотсиатсияҳои,, ,консернҳо,, "консорсиумҳо" иваз карда шаванд.

12. Дар моддаи 12:

дар қисми якум ибораи "колхозу совхозҳо" ба ибораи "ташкилоту корхонаҳои комплекси агросаноати" иваз карда шавад;

дар қисми чорум калимаҳои "тиҷоратию", "объектҳои" мутобиқан ба калимаҳои "савдою", "иншоотҳои" иваз карда шаванд.

13. Дар моддаи 13:

калимаи "(горпо)" хориҷ карда шавад;

баъд аз ибораи "фурӯши яклухти" калимаи "молу" илова карда шавад;

калимаҳои "базаҳои", "кемпинг" мутобиқан ба калимаҳои "анборҳои", "қароргоҳ" иваз карда шаванд.

14. Дар моддаи 14:

дар қисми якум ибораи "маҳсулоти хӯрока ва ғайрихӯрока" ба ибораи "молҳои хӯроквори ва ғайрихӯроквори" иваз карда шавад;

дар қисми дуюм баъд аз калимаи "таҳиякунандагони" калимаи "молу" илова карда шуда, ба ҷои калимаи "аукционҳо" калимаи "ауксионҳо" навишта шавад.

15. Дар моддаи 15:

дар қисми якум калимаи "тиҷорати" бо калимаи "савдо" иваз карда шавад;

дар қисми дуюм калимаи "калькуляция (таъмини нарх)" ба калимаи "нархгузори" иваз карда шавад;

дар сарсатри сеюми қисми сеюм калимаи "ставкаи" ба калимаи "меъёри" иваз карда шавад;

дар қисми чорум ибораҳои "ки ҳуқуқи шахсии юридики", "кредити ва кассави", "пеши", "ба майдон мебароянд" мутобиқан ба ибораҳои "ҳамчун шахси ҳуқуқи", "қарзи ва хазинави", "назди", "баромад кунанд" иваз карда шуда, калимаи "доранд" аз матн хориҷ карда шавад.

16. Дар моддаи 16:

дар қисми якум калимаи "системаи" хориҷ карда шавад;

дар сархати дуюми қисми якум калимаҳои "ҳифозати", "пеши", "замонат" мутобиқан ба калимаҳои "ҳифзи", "назди", "кафолати" иваз карда шавад;

дар қисми сеюм калимаҳои "облигацияҳо" ба калимаи "вомбаргҳо" иваз карда шавад.

17. Дар моддаи 17:

дар қисми якум калимаҳои "тавсеаи", "истифодаи режими" мутобиқан ба ибораҳои "васеъ намудани", "татбиқи реҷаи" иваз карда шаванд;

дар қисми дуюм пеш аз калимаи "Тоҷикматлубот" калимаи "иттифоқи" навишта шавад;

дар қисми сеюм пеш аз калимаи "ихтиёрашон" калимаи "дар" илова карда шавад, калимаи "объектҳои" ба калимаи "иншоотҳои" иваз карда шуда, ибораи "ва амнияти иқтисодиро" хориҷ карда шуда, ба ҷои калимаи "зист" калимаи "зистро" навишта шавад.

18. Дар моддаи 18 калимаҳои "Тоҷикматлубот", "Иттиҳоди (алянси) байналхалқии кооперативи" мутобиқан ба калимаҳои "Иттифоқи Тоҷикматлубот", "Иттифоқи байналмиллалии кооператсия" иваз карда шаванд.

19. Дар моддаи 19:

дар сарсатри якуми қисми якум ибораи "анҷом диҳанд" ба ибораи "татбиқ намоянд" иваз карда шуда, баъд аз ибораи "аз фурӯши" калимаи "молу" илова карда шавад;

дар сарсатри дуюми қисми якум баъд аз калимаҳои "аз содироти" калимаҳои "молу маҳсулот" илова карда шавад.

20. Дар тамоми матни лоиҳаи Қонун калимаи "кооперация" ба калимаи "кооператсия" иваз карда шавад.

Моддаи 2. Тартиби мавриди амал қарор додани Қонуни мазкур

Қонуни мазкур пас аз интишори расми мавриди амал қарор дода шавад.