ҚОНУНИ КОНСТИТУТСИОНИИ ҶУМҲУРИИ ТОҶИКИСТОН

Дар бораи ворид намудани тағйироту иловаҳо ба Қонуни конститутсионии Ҷумҳурии Тоҷикистон "Дар бораи тартиби ҳалли масъалаҳои сохти марзиву маъмурии Ҷумҳурии Тоҷикистон"

Моддаи 1.

Ба Қонуни конститутсионии Ҷумҳурии Тоҷикистон аз 4 ноябри соли 1995 (Ахбори Маҷлиси Олии Ҷумҳурии Тоҷикистон, соли 1995, № 21 моддаи 239, соли 2000, № 11 моддаи 513) "Дар бораи тартиби ҳалли масъалаҳои сохти марзиву маъмурии Ҷумҳурии Тоҷикистон" тағйироту иловаҳои зайл ворид карда шаванд:

Моддаи 21 дар таҳрири зайл баён карда шавад:

"Дар мавридҳои зарурӣ ба воҳидҳои марзиву маъмурӣ ва маҳалҳои аҳолинишин бо пешниҳоди Ҳукумати Ҷумҳурии Тоҷикистон гузоштани номи ходимони барҷастаи ҷамъиятию сиёсӣ ва илму фарҳанг, ки дар қайди ҳаёт нестанд, мумкин аст".

Ба моддаи 23, сатри дуюм баъди калимаи "пешниҳоди" калимаҳои "Ҳукумати Ҷумҳурии Тоҷикистон" илова карда шаванд.

Моддаи 2.

Қонуни мазкур пас аз интишори расмӣ мавриди амал қарор дода шавад.