ҚОНУНИ ҶУМҲУРИИ ТОҶИКИСТОН

Дар бораи ворид намудани иловаҳо ба Қонуни Ҷумҳурии Тоҷикистон "Дар бораи ӯҳдадории умумии ҳарбӣ ва хизмати ҳарбӣ"

Моддаи 1.

Ба Қонуни Ҷумҳурии Тоҷикистон аз 29 ноябри соли 2000 "Дар бораи ӯҳдадории умумии ҳарбӣ ва хизмати ҳарбӣ" (Ахбори Маҷлиси Олии Ҷумҳурии Тоҷикистон, с.2000, № 11, мод. 539) иловаҳои зерин ворид карда шаванд:

Дар номи матни русии қонун калимаҳои "воинской службе" ба калимаҳои "военной службе" иваз кард шаванд.

Дар қисми шашуми моддаи 1 баъд аз калимаҳои "қӯшунҳои дохилии Вазорати корҳои дохилии Ҷумҳурии Тоҷикистон" калимаҳои "Полки посбоникунандаи Раёсати корҳои ислоҳии Вазорати адлияи Ҷумҳурии Тоҷикистон" илова карда шаванд.

Ба қисми нӯҳуми моддаи 7 баъд аз калимаҳои "мақомоти корҳои дохилӣ" калимаҳои "муассиса ва мақомоти системаи иҷрои ҷазои ҷиноятӣ" илова карда шаванд.

Дар қисми ҳаштуми моддаи 39 ва қисми чоруми моддаи 50 баъд аз калимаҳои "мақомоти корҳои дохилӣ" калимаҳои "муассиса ва мақомоти системаи иҷрои ҷазои ҷиноятӣ" илова карда шаванд.

Моддаи 2.

Қонуни мазкур пас аз интишори расмӣ мавриди амал қарор дода шавад.