ҚОНУНИ ҶУМҲУРИИ ТОҶИКИСТОН

Дар бораи дохил кардани тағйироту иловаҳо ба Қонуни Ҷумҳурии Тоҷикистон "Дар бораи матбуот ва дигар воситаҳои ахбори омма"

Моддаи 1. Ба Қонуни Ҷумҳурии Тоҷикистон аз 14 декабри соли 1990 "Дар бораи матбуот ва дигар воситаҳои ахбори омма" (Ведомостҳои Шӯрои Олии Ҷумҳурии Тоҷикистон, соли 1990, № 24, мод. 421; 1992, № 10, мод. 144; № 11, мод. 175; Ахбори Маҷлиси Олии Ҷумҳурии Тоҷикистон, 1996, № 3, мод. 48; 1997, № 23-24, мод. 333; 1999, № 12, мод. 335) тағйироту иловаҳои зайл дохил карда шаванд:

1. Дар қисми якуми моддаи 1 ва банди 2 моддаи 35 калимаи "информациони" ба калимаи "иттилооти" иваз карда шавад.

2. Ҷумлаи охири моддаи 2 дар таҳрири зайл ифода карда шавад: "Сензураи давлати ва таъқиб барои танқид манъ аст".

3. Дар матни Қонун калимаи "материалҳои" ба калимаи "маводи", калимаи "юридики" ба калимаи "ҳуқуқи", калимаҳои "гражданини ҷумҳури" ба калимаҳои "шаҳрванди Ҷумҳурии Тоҷикистон", калимаи "гражданинҳо" ба калимаи "шаҳрвандон", калимаи "гражданинҳоро" ба калимаи "шаҳрвандонро", калимаи "нормативии" ба калимаи "меъёрии", калимаи "органи" ба калимаи "мақоми", калимаи "маҳкама" ба калимаи "суд" ва калимаҳои "нормаҳои байналхалқи" ба калимаҳои "меъёрҳои байналмилали" иваз карда шаванд.

4. "Дар моддаи 3:

қисми якум дар таҳрири зайл ифода гардад: ,Воситаҳои ахбори оммаи Ҷумҳурии Тоҷикистон фаъолияти худро ба забони давлати ва ба забонҳои дигар тибқи Конститутсияи (Сарқонуни) Ҷумҳурии Тоҷикистон ва қонунгузории Ҷумҳурии Тоҷикистон амали менамоянд";

қисми сеюм хориҷ карда шавад.

5. Дар қисми якуми моддаи 6 баъди калимаҳои "зулму зӯровари" калимаҳои "терроризм бо ҳамаи зуҳуроташ" дохил карда шаванд.

6. Моддаи 7 дар таҳрири зайл ифода карда шавад:

"Моддаи 7. Қонунгузории Ҷумҳурии Тоҷикистон дар бораи матбуот ва дигар воситаҳои ахбори омма

Қонунгузории Ҷумҳурии Тоҷикистон дар бораи матбуот ва дигар воситаҳои ахбори омма ба Конститутсияи (Сарқонуни) Ҷумҳурии Тоҷикистон асос ёфта, аз ҳамин Қонун ва дигар санадҳои меъёрию ҳуқуқии Ҷумҳурии Тоҷикистон, инчунин санадҳои ҳуқуқии байналмилалие, ки Ҷумҳурии Тоҷикистон эътироф кардааст, иборат мебошад".

7. Дар моддаи 8:

қисми дуюм дар таҳрири зайл ифода карда шавад:

"Дар Ҷумҳурии Тоҷикистон ба инҳисори м4атбуот ва дигар воситаҳои ахбори омма роҳ дода намешавад";

ба модда қисми сеюм бо мазмуни зайл илова карда шавад:

"Муассиси воситаҳои ахбори омма буда наметавонанд:

- шаҳрвандоне, ки ба синни ҳаждаҳсолаги нарасидаанд, ё мувофиқи тартиби муқаррарнамудаи қонун аз қобилияти амал маҳрум шудаанд, ё қобилияти амалашон маҳдуд карда шудааст;

- ҳизбҳои сиёси, иттиҳодияҳои ҷамъиятие, ки фаъолияташон мувофиқи қонун манъ карда шудааст;

- шаҳрвандони хориҷи ё шахсони бешаҳрванд"

8. Моддаи 21 дар таҳрири зайл баён карда шавад:

"Моддаи 21. Нусхаҳои ройгони назорати ва ҳатми

Нусхаҳои ройгони назорати ва ҳатмии матбуоти даврие, ки дар Ҷумҳурии Тоҷикистон ба қайд гирифта шудаанд, сарфи назар аз шаклҳои моликияташон, баъди ба табъ расидан аз ҷониби муассисон, тибқи тартиби муқарраркардаи Ҳукумати Ҷумҳурии Тоҷикистон дар рӯзи чоп шудан фавран ба идораҳо, муассисаҳо ва ташкилотҳои дахлдор фиристода мешаванд.

Нусхаҳои назорати ва ҳатмии матбуоти даврие, ки дар Ҷумҳурии Тоҷикистон сабти ном шуда, дар хориҷи кишвар чоп мешаванд, ҳамчунин ба дигар идораҳо, муассисаҳо ва ташкилотҳои дахлдор фиристонида мешаванд.

Феҳристи муассисаҳои ҷумҳуриявиро, ки бояд нусхаҳои ройгони назорати ва ҳатмии матбуоти давриро гиранд, Ҳукумати Ҷумҳурии Тоҷикистон муайян менамояд".

9. Ба қисми дуюми моддаи 22 баъди калимаҳои "ва ё дини" калимаҳои "терроризм бо ҳамаи зуҳуроташ", дохил карда шаванд.

10. Номи моддаи 23 дар таҳрири зайл ифода карда шавад:

"Нигоҳ доштани нусхаи ахбори паҳншуда"

11. Дар қисми сеюми моддаи 24 калимаи "рубрикаи" ба калимаи "бахши" иваз карда шавад.

12. Номи боби III дар таҳрири зайл ифода карда шавад:

"Боби III. Муносибати воситаҳои ахбори омма бо шаҳрвандон, мақомоти давлати ва иттиҳодияҳои ҷамъияти"

13. Қисми панҷуми моддаи 28 дар таҳрири зайл ифода карда шавад:

"Нашри такрории маводҳо аз дигар воситаҳои ахбори омма бо нишондоди ҳатмии манбаи он мумкин аст".

14. Қисми сеюми моддаи 33 хориҷ карда шавад.

15. Ба қисми якуми моддаи 34 баъди калимаҳои "ва ё дини" калимаҳои "терроризм бо ҳамаи зуҳуроташ" илова карда шавад.

16. Дар моддаи 35 калимаҳои "агентиҳои информатсиони", "депутатҳои", "сессияҳои шӯроҳо" ва "пленумҳои" мувофиқан ба калимаҳои "агентиҳои иттилооти", "вакилони", "иҷлосияи маҷлисҳо", "пленумҳо" ва "раёсатҳо" иваз карда шаванд.

17. Моддаи 36 дар таҳрири зайл ифода карда шавад:

"Моддаи 36. Норавоии монеъшави ба фаъолияти қонунии касбии журналист

Монеъ шудан ба фаъолияти қонунии касбии журналист, ҳамчунин маҷбур намудани ӯ барои паҳн кардан ё рад намудани пахши иттилоот, ки ба таҳдиди зӯровари, нобуд сохтан ё вайрон кардани амвол, паҳн кардани дурӯғи бофтае ё фош намудани дигар маълумоте, ки ҷабрдида мехоҳад онҳоро нигоҳ дорад алоқаманд аст, ҳамчунин бо роҳи таҳдиди поймол намудани ҳуқуқ ва манфиатҳои қонунии журналист боиси ҷавобгари мегардад".

18. Моддаи 37 дар таҳрири зайл ифода карда шавад:

"Моддаи 37. Ҷавобгари барои ғайриқонуни тайёр ва интишор намудани воситаҳои ахбори омма

Тайёр ва интишор намудани маҳсулоти воситаҳои ахбори омма бо вайрон кардани муқаррароти ҳамин Қонун ё баъди қабули қарор дар бораи қатъи нашри он мувофиқи қонунгузории Ҷумҳурии Тоҷикистон боиси ҷавобгари мегардад".

19. Номи моддаи 38 дар таҳрири зайл ифода карда шавад:

"Моддаи 38. Товони зарари маънави"

20. Моддаи 39 хориҷ карда шавад.

21. Ба Қонун боби нав дар таҳрири зайл илова карда шавад:

"Боби VI. Ҳамкориҳои байналмилали дар соҳаи ахбори омма

Моддаи 39. Фаъолияти воситаҳои ахбори оммаи хориҷи дар Ҷумҳурии Тоҷикистон

Воситаҳои ахбори оммаи хориҷи ҳуқуқ доранд дар Ҷумҳурии Тоҷикистон фаъолият намоянд. Ин фаъолият бо роҳи кушодани намояндагиҳо ва ё аккредитатсияи хабарнигорон дар Ҷумҳурии Тоҷикистон сурат мегирад.

Намояндагиҳои воситаҳои ахбори оммаи хориҷи, инчунин агентиҳои иттилоотии байналмилали дар Ҷумҳурии Тоҷикистон тибқи қонунгузории Ҷумҳурии Тоҷикистон ва бо мувофиқаи Вазорати корҳои хориҷии Ҷумҳурии Тоҷикистон таъсис дода мешаванд.

Аккредитатсияи хабарнигорони хориҷиро Вазорати корҳои хориҷии Ҷумҳурии Тоҷикистон тибқи тартиботи муқарраргардида амали мегардонад.

Вазорати корҳои хориҷии Ҷумҳурии Тоҷикистон метавонад мувофиқаи худро барои кушодани намояндагиҳои воситаҳои ахбори хориҷи ва аккредитатсияи хабарнигорони хориҷиро дар сурати хилофи Конститутсияи (Сарқонуни) Ҷумҳурии Тоҷикистон ва қонунгузории Ҷумҳурии Тоҷикистон, инчунин хилофи манфиатҳои миллии Тоҷикистон будани фаъолияти онҳо, бекор намояд.

Моддаи 40. Шартномаҳои байналмилали

Ҳамкории байналмилалии воситаҳои ахбори оммаи Ҷумҳурии Тоҷикистон дар асоси санадҳои ҳуқуқии байналмилалие, ки Ҷумҳурии Тоҷикистон онҳоро эътироф намудааст, инчунин дар асоси шартномаҳои бевосита ба амал бароварда мешаванд".

Моддаи 2. Қонуни мазкур пас аз интишори расмиаш мавриди амал қарор дода мешавад.