Бо Қарори Ҳукумати ҶТ аз 1.08.2008с. № 377 беэътибор дониста шуд

Ҳукумати Ҷумҳурии Тоҷикистон

ҚАРОР

Дар бораи Комиссияи кор бо ноболиғони назди Ҳукумати Ҷумҳурии Тоҷикистон

Дар асоси Фармони Президенти Ҷумҳурии Тоҷикистон аз 23 феврали соли 1995 №178 "Дар бораи тасдиқи Низомномаи комиссияҳо оиди кор бо ноболиғон", Ҳукумати Ҷумҳурии Тоҷикистон қарор мекунад:

1. Комиссияи кор бо ноболиғони назди Ҳукумати Ҷумҳурии Тоҷикистон дар ҳайати зерин /аз рӯи вазифа/ таъсис дода шавад:

Муовини Сарвазири Ҷумҳурии Тоҷикистон, ки масъалаҳои кор бо ҷавононро ба ӯҳда дорад /Раиси Комиссия/;

Вазири маорифи Ҷумҳурии Тоҷикистон /ҷонишини раиси Комиссия/;

сармутахассиси шӯъбаи комплекси иҷтимоию фарҳангии дастгоҳи иҷроияи Президенти Ҷумҳурии Тоҷикистон /котиби масъули маошхӯри Комиссия/;

Вазири меҳнат ва шуғли аҳолии Ҷумҳурии Тоҷикистон;

Вазири адлияи Ҷумҳурии Тоҷикистон;

Вазири фарҳанг ва итилооти Ҷумҳурии Тоҷикистон;

Вазири тандурустии Ҷумҳурии Тоҷикистон;

Раиси Кумитаи тарбияи ҷисмонӣ ва варзиши назди Ҳукумати Ҷумҳурии Тоҷикистон;

Раиси Шӯрои марказии Иттифоқи ҷавонони Ҷумҳурии Тоҷикистон /бо розигӣ/;

Раиси Кумитаи кор бо занон ва оилаи назди Ҷумҳурии Тоҷикистон;

ҷонишини якуми Вазири мудофияи Ҷумҳурии Тоҷикистон;

ҷонишини Вазири корҳои дохилии Ҷумҳурии Тоҷикистон;

ҷонишини Раиси Шӯрои федератсия иттифокҳои касабаи Ҷумҳурии Тоҷикистон /бо розигӣ/;

Раиси хазинаи кӯдакони Ҷумҳурии Тоҷикистон /бо розигӣ/;

2. Қарори Шӯрои Вазирони Ҷумҳурии Тоҷикистон аз 23 июни соли 1994 № 293 "Дар бораи таъсиси Комиссияи оиди ба корҳои ноболиғони назди Шӯрои Вазирони Ҷумҳурии Тоҷикистон" аз эътибор соқит дониста шавад.