ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйироту иловаҳо ба Низомномаи назорати давлатӣ ба истифода ва ҳифзи замин дар Ҷумҳурии Тоҷикистон

Ҳукумати Ҷумҳурии Тоҷикистон қарор мекунад:

Ба Низомномаи назорати давлатӣ ба истифода ва ҳифзи замин дар Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 15 июли соли 1997 № 294 тасдиқ шудааст, тағйироту иловаҳои зайл дохил карда шавад:

1. Дар банди 1.1. калимаҳои "корхонаҳо, муассисаҳо ва ташкилотҳо" ба калимаҳои "ашхоси ҳуқуқӣ" иваз карда шавад:

2. Банди 1.3. дар таҳрири нав баён карда шавад:

"1.3. Назорати давлатии замин аз тарафи Кумитаи давлатии заминсозии Ҷумҳурии Тоҷикистон ва мақомоти он дар маҳалҳо ва Вазорати ҳифзи табиати Ҷумҳурии Тоҷикистон анҷом дода мешавад (Қарори Ҳукумати ҶТ аз 19.04.2001 № 189).

Ин мақомот фаъолияти худро дар ҳамкорӣ бо мақомоти ҳокимияти намояндагӣ ва иҷроия ва байни ҳамдигар анҷом медиҳанд".

3. Дар банди 1.4.:

дар сархати якум баъд аз калимаи "муовини раис" калимаҳои сардори Саридораи бозрасии давлатии Кумитаи замин" илова карда шавад;

сархати чорум бо мазмуни зайл илова карда шавад:

"автомашинаҳои хизматии нозирони давлатии замин бо нишонаи масус "Бозрасии Давлатии Замин (БДЗ), қайд карда мешаванд";

сархатҳои чорум, панҷум мувофиқан сархатҳои панҷум ва шашум ҳисобида шаванд.

4. Дар банди 2.1.:

сархати панҷум бо мазмуни зайл илова карда шавад:

"гузаронидани экспертизаи барномаҳои маблағгузорӣ ва лоиҳаҳои истифодабарӣ ва ҳифзи замин инчунин лоиҳаҳои танзими замин";

сархатҳои панҷум, шашум, ҳафтум, ҳаштум ва нуҳум мувофиқан сатрҳои шашум, ҳафтум, ҳаштум, нӯҳум ва даҳум ҳисобида шаванд;

дар сархати ҳаштум баъд аз калимаҳои "бунёд шудан" калимаҳои "дар мувофиқаткунии ҳуҷҷатҳои шаҳрсозӣ ва танзими замин иштирок намояд" илова карда шавад.

5. Дар банди 2.2.:

сархатҳои чорум ва панҷум бо мазмуни зайл илова карда шавад:

"риояи баррасии мӯҳлати муқарраршудаи аризаҳои (дархостҳо) шаҳрвандонро оид ба ҷудо намудани қитъаҳои замин;

саривақт пардохтани андози замин аз тарафи заминистифодабарандагон";

сархатҳои чорум ёздаҳум мувофиқан сархатҳои панҷум- сенздаҳум ҳисобида шаванд.

6. Дар банди 3.1.:

сархатҳои чорум, панҷум ва шашум бо мазмуни зайл илова карда шавад:

"-боздоштани иҷроиши карорҳои ғарайриқонуни оид ба ҷудо намудани қитъаҳои замин, то баррасии эътирозномаҳо дар идораҳои дахлдор (ташкилотҳои болоии ҳокимияти иҷроия, суд ва суди иқтисодӣ);

- бо мӯҳр маҳкам кардан, бастан, манъ кардан ва муваққатан боздоштани фаъолияти заминистифодабарандагоне, ки Сертификати ҳуқуқи истифодаи заминро надоранд;

- аз эътибор соқит намудани шартномаҳои оид ба истифодан замин, ки мухолифи қонунгузории ҷории замин тартиб дода шудаанд";

сархатҳои чорум-нуздаҳум мувофиқан сархатҳои ҳафтум-бисту-дуюм ҳисобида шаванд;

дар сархати сеюм баъд аз калимаҳои "ба суд" калимаҳои "бе боҷу хироҷ" илова карда шаванд;

дар сархати ёздаҳум калимаҳои "таклиф" ва "шаҳодатнома" мувофиқан ба калимаҳои "огоҳнома" ва "Сертификат" иваз карда шавад.

7. Дар банди 4. 5. калимаҳои "таъминоти моддию техникӣ ва" хориҷ карда шавад.