Бо қарори Ҳукумати ҶТ аз 28.12.2006с. № 613 беэътибор дониста шуд

Ҳукумати Ҷумҳурии Тоҷикистон

ҚАРОР

Масъалаҳои Кумитаи давлатии заминсозии Ҷумҳурии Тоҷикистон

Мутобиқи Фармони Президенти Ҷумҳурии Тоҷикистон аз 14 марти соли 2001 № 534 "Дар бораи таъсиси Кумитаи давлатии заминсозии Ҷумҳурии Тоҷикнстон" Ҳукумати Ҷумҳурии Тоҷикистон қарор мекунад:

1. Низомномаи Кумитаи давлатии заминсозии Ҷумҳурии Тоҷикистон тасдиқ карда шаванд (замима мегарданд) (Қарори Ҳукумати ҶТ аз 03.06.2006 № 268).

Сохтори дастгоҳи марказӣ, нақшаи идоракунии Кумитаи давлатии заминсозии Ҷумҳурии Тоҷикистон ва номгӯи ташкилоту корхонаҳои давлатие, ки фаъолияташонро тибқи созишномаи дуҷониба бо Кумитаи давлатии заминсозии Ҷумҳурии Тоҷикистон анҷом медиҳанд, тасдиқ карда шаванд (замима мегарданд)(Қарори Ҳукумати ҶТ аз 03.06.2006 № 268).

2. Шумораи ниҳоии кормандони Кумитаи давлатии заминсозии Ҷумҳурии Тоҷикистон ба миқдори 327 воҳид (бе ҳайати хизматрасон), аз ҷумла дастгоҳи марказӣ ба миқдори 74 воҳид ва кумитаҳои заминсозии вилоятӣ, шаҳрӣ ва ноҳиявӣ ба миқдори 253 воҳид муқаррар карда шаванд )(Қарори Ҳукумати ҶТ аз 03.06.2006 № 268).

3. Ба Кумитаи давлатии заминсозии Ҷумҳурии Тоҷикистон иҷозат дода шавад, ки се муовини раис, аз ҷумла як муовини аввал, ҳайати мушовараи иборат аз 7 нафар дошта бошад ва ба он лимити ҳайати кормандон оид ба хизматрасонии нақлиёти автомобилии сабукрав 4 воҳид ҷудо карда шавад.

4. Вазорати молияи Ҷумҳурии Тоҷикистон:

якҷоя бо Кумитаи давлатии заминсозии Ҷумҳурии Тоҷикистон дар мӯҳлати 10 рӯз фонди пардохти музди меҳнат ва хароҷоти таъминоти дастгоҳи марказии он, дастгоҳҳои кумитаҳои вилоятӣ, шаҳрӣ ва ноҳиявии заминсозиро муайян намояд:

иҷозат дода шавад, ки таъминоти кумитаҳои вилоятӣ, шаҳрӣ ва ноҳиявии заминсозӣ тавассути Кумитаи давлатии заминсозии Ҷумҳурии Тоҷикистон аз буҷети ҷумҳуриявӣ сурат гирад.

5. Ба Кумитаи давлатии заминсозии Ҷумҳурии Тоҷикистон мутобиқи Кодекси замини Ҷумҳурии Тоҷикистон барои кушодани ҳисобномаи махсус дар Идораи марказии хазинадории Вазорати молияи Ҷумҳурии Тоҷикистон иҷозат дода шавад.

6. Қарори Ҳукумати Ҷумҳурии Тоҷикистон аз 4 феврали соли 1999 № 31 "Масъалаҳои Кумитаи захираҳои замин ва заминсозии назди Ҳукумати Ҷумҳурии Тоҷикистон" ба истиснои Низомномаи тасдиқнамудаи он оид ба кумитаҳои маҳаллии замин бе эътибор дониста шуда, дар ин Низомнома тамояи истинодҳо ба Кумитаи захираҳои замин ва заминсозии назди Ҳукумати Ҷумҳурии Тоҷикистон ба истинодҳо ба, Кумитаи давлатии заминсозии Ҷумҳурии Тоҷикистон ва тамоми истинодҳо ба ба кумитаҳои маҳаллии замин ба истинодҳо ба кумитаҳои маҳаллии заминсозӣ иваз карда шаванд.

Дар Қарори Ҳукумати Ҷумҳурии Тоҷикистон аз 15 июли соли 1997 № 294 "Дар бораи тасдиқи Низомномаи назорати давлатӣ ба истифода ва муҳофизати замин дар Ҷумҳурии Тоҷикистон" ва Низомномаи тасдиқнамудаи он дар бораи назорати давлатӣ ба истифода ва муҳофизати замин дар Ҷумҳурии Тоҷикистон ва дар Қарори Ҳукумати Ҷумҳурии Тоҷикистон аз 26 июли соли 2000 № 318 "Дар бораи ворид намудани тағйироту иловаҳо ба Низомномаи назорати давлатӣ ба истифода ва муҳофизати замин дар Ҷумҳурии Тоҷикистон" тамоми истинодҳо ба Кумитаи захираҳои замин ва заминсозии назди Ҳукумати Ҷумҳурии Тоҷикистон бо истинодҳо ба Кумитаи давлатии заминсозии Ҷумҳурии Тоҷикистон иваз карда шаванд.