Ҳукумати Ҷумҳурии Тоҷикистон

ҚАРОР

Дар бораи ворид намудани тағйиротҳо ба Низомномаи хусусигардонии корхонаҳо тибқи лоиҳаҳои инфиродӣ

Бо мақсади суръатбахши ба ҷараёни хусусигардонии корхонаҳои давлатӣ тибқи лоиҳаҳои инфиродӣ, ҷалб намудани сармоягузорони ҳориҷӣ ба иқтисоди миллӣ Ҳукумати Ҷумҳурии Тоҷикистон қарор мекунад:

Ба Низомнома дар бораи хусусигардонии корхонаҳо тибқи лоиҳаҳои инфиродӣ, ки бо қарори Ҳукумати Ҷумҳурии Тоҷикистон аз 30 декабри соли 1998 № 526 тасдиқ шудааст, тағироту иловаҳои зерин дохил карда шавад:

банди 19 ба таҳрири зайл навишта шавад: "Барои иштирок дар савдо Иштирокчии он бояд ба миқдори 50 (панҷоҳ) доллари ИМА ё ҳамин маблағро бо рубли тоҷикӣ аз рӯи курси расмии Бонки Миллии Тоҷикистон дар рӯзи пардохт кафолатпулӣ супорад. Маблағи номбурда кафолат медиҳад, ки Иштирокчӣ дар сурати ғолиб омадан дар савдо барои имзои протоколи натиҷаи савдо ва шартномаи хариду фурӯш ҳуқуқ пайдо намояд";

дар сархати якуми банди 24 ба ҷои калимаҳои "на кам аз 2 моҳ то гузаронидани тендер", бо калимаҳои "на кам аз даҳ рӯзи тақвимӣ то гузаронидани тендер" иваз карда шавад;

ба банди 41 сархати зерин илова карда шавад:

"Дар сурати иҷро накардани ӯҳдадориҳои шартномаи хариду фурӯши гирифта шуда аз ҷониби ғолиби савдо, ки ба пурра ва саривақт пардохтони қиммати объект вобаста мебошад, Комиссия ҳуқуқ дорад ин шартномаро бекор кунад ва ба иштирокчии дигари савдо, ки нархи аз ҳама болотарро пешниҳод кардааст, вале Ғолиб набаромадааст Протоколи ғолибият ва шартномаи хариду фурӯшро имзо намояд.