Бо қарори Ҳукумати ҶТ аз 5.02.2003с. № 52 беэътибор дониста шуд

Ҳукумати Ҷумҳурии Тоҷикистон

ҚАРОР

Дар бораи таъсиси Корхонаи воҳиди давлатии "Тоҷикангишт"

Бо мақсади иҷрои Қонуни Ҷумҳурии Тоҷикистон "Дар бораи энергетика" Ҳукумати Ҷумҳурии Тоҷикистон қарор мекунад:

1. Корхонаи воҳиди давлатии ,Тоҷикангишт, дар заминаи корхонаҳо ва ҷамъиятҳои саҳҳомии (пакети назоратии саҳмияҳояшон ба давлат тааллуқдошта) истихроҷи ангишт, таъсис дошта шавад.

2. Рӯйхати замимагардидаи корхонаҳо ва ҷамъиятҳои саҳҳомии (пакети назоратии саҳмияҳояшон ба давлат тааллуқдошта) истихроҷи ангшит тобеъи Корхонаи воҳиди давлатии "Тоҷикангишт" тасдиқ карда шавад.

3. Корхонаи воҳиди давдатии "Тоҷикангишт" дар муддати як моҳ Оинномаашро тартиб дода, барои тасдиқ кардан ба Вазорати энергетикаи Ҷумҳурии Тоҷикистон пешниҳод намояд.

4. Вазорати адлияи Ҷумҳурии Тоҷикистон Оинномаи Корхонаи воҳиди давлатии "Тоҷикангишт"-ро мувофиқи тартиби муқарраршуда сабти ном намояд.

5. Муқаррар карда шавад, ки маблағгузории Корхонаи воҳиди давлатии "Тоҷикангишт" дар асоси қарордод бо корхонаҳои давлатӣ ва ҷамъиятҳои саҳҳомии дар саноати ангишт фаъолияткунанда анҷом дода мешавад.

6. Дар Номгӯи корхонаҳои давлатӣ ва ҷамъиятҳои саҳҳомии (пакети назоратии саҳмиҳояшон ба давлат тааллуқдошта) дар соҳаи энергетика фаъолияткунанда, ки бо қарори Ҳукумати Ҷумҳурии Тоҷикистон аз 29 декабри соли 2000 № 484 тасдиқ шудааст, ба ҷои калимаҳои "Иттиҳодияи истеҳсолии "Ленинободангишт", Кони "ФонЯғноб", Кони "Зиддӣ", Кони "Назарайлоқ" калимаҳои "Корхонаи воҳиди давлатии "Тоҷикангишт" навишта шаванд.

7. Кумитаи давлатии идораи амволи давлатии Ҷумҳурии Тоҷикистон ва Ҳукумати шаҳри Душанбе дар муддати як моҳ дар хусуси ҷойгиркунии Корхонаи воҳиди давлатии "Тоҷикангишт" пешниҳодҳо манзур намояд.

Номгӯи Корхонаҳои давлатӣ ва ҷамъиятҳои саҳомии (пакети назоратии саҳмияҳояшон ба давлат тааллуқ доранд, ки тобеъи Корхонаи воҳиди давлатии "Тоҷикангишт" мебошанд.

1. Иттиҳодияи истеҳсолии "Ленинободангишт"

2. Кони "Фон-Яғноб".

3. Кони "Назар-Айлоқ".

4. Кони "Зиддӣ"