ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАГЙИРОТУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ ШАРТНОМАҲОИ БАЙНАЛМИЛАЛИИ ҶУМҲУРИИ ТОҶИКИСТОН"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Ба Қонуни Ҷумҳурии Тоҷикистон "Дар бораи шартномаҳои байналмилалии Ҷумҳурии Тоҷикистон" аз 11 декабри соли 1999 (Ахбори Маҷлиси Олии Ҷумҳурии Тоҷикистон № 12, моддаи 348) тағйироту иловаҳои зерин ворид карда шаванд:

1. Аз қисми якуми моддаи 1 ва моддаи 2, банди "3" моддаи 3, сарлавҳаи боби III, қисми якуми моддаи 16 калимаи "тасвиб" хориҷ карда шавад.

2. Зербанди "а)" банди 3 моддаи 3 дар таҳрири зерин баён карда шавад:

"а) "тасдиқ - тарзи изҳори ризоияти Ҷумҳурии Тоҷикистон дар Маҷлиси намояндагони Маҷлиси Олии Ҷумҳурии Тоҷикистон ба ҳатми будани шартномаҳои байналмилали, ки аз тарафи намояндаи ваколатдори он ба имзо расидааст ва тарзи изҳори ризоияти Ҷумҳурии Тоҷикистон ба ҳатми будани шартномаҳои байналмилали, ки воҷиби тасдиқи Маҷлиси намояндагони Маҷлиси Олии Ҷумҳурии Тоҷикистон набуда, ба ҷуз имзокуни тарзи дигари тасдиқи иловагии онро пешбини мекунад;".

3. Дар зербанди "а" банди "3" моддаи 3 ба ҷои калимаи "тасвиб" калимаи "тасдиқ" навишта шавад.

4. Зербанди "в" аз банди 3 моддаи 3 хориҷ карда шавад.

5. Зербанди "г" банди 3 моддаи 3 зербанди "в" ҳисобида шавад.

6. Азбаски матнҳои тоҷики ва русии қисми аввали моддаи 6 Қонуни мазкур ба ҳам номувофиқанд ва дар онҳо амалҳои гуногуни ҳуқуқи нисбати шаклҳои мухталифи шартномаҳо ба ҳам омехта шудаанд, қисми ёдшуда дар таҳлили зайл баён карда шавад:

"Қарорҳо оид ба гузаронидани гуфтушунидҳо дар хусуси бастан ва дар бораи имзокунии шартномаҳои байналмилалие, ки аз номи Ҷумҳурии Тоҷикистон ва Ҳукумати Ҷумҳурии Тоҷикистон баста мешаванд ва инчунин қарорҳо дар бораи додани ваколат ба гузаронидани гуфтушунид ва имзои онҳо мувофиқан аз тарафи Президенти Ҷумҳурии Тоҷикистон ва Ҳукумати Ҷумҳурии Тоҷикистон қабул карда мешаванд".

7. Дар моддаҳои 7, 9, 10, 11, 13, 21, 25 калимаҳои "тасвиб", "тасвиби", "тасвибнома", "тасвибномаро", "тасвибномаҳо", "тасвибшуда", "тасвибшудаи" мутобиқан ба калимаҳои "тасдиқ", "тасдиқи", "тасдиқнома", "тасдиқномаро", "тасдиқномаҳо", "тасдиқшуда", "тасдиқшудаи" иваз карда шаванд.

8. Моддаи 8 ба таври зерин навишта шавад:

Моддаи 8. Шартномаҳои байналмилалии Ҷумҳурии Тоҷикистон, ки Маҷлиси намояндагони Маҷлиси Олии Ҷумҳурии Тоҷикистон тасдиқ мекунад.

Шартномаҳои зерин мавриди тасдиқ қарор мегиранд:

1. Шартномаҳои байналмилалии Ҷумҳурии Тоҷикистон дар бораи сулҳ, дӯсти, ҳамкори ва ёрии мутақобил, ҳамчунин шартномаҳо дар бораи асосҳои муносибатҳои байнидавлати;

2. Шартномаҳо дар бораи масъалаҳое, ки ба иқтидори мудофиавии Ҷумҳурии Тоҷикистон марбутанд;

3. Шартномаҳо дар бораи масъалаҳои халъи силоҳ ё назорати байналмилали аз болои силоҳдори;

4. Шартномаҳо дар бораи масъалаҳои таъмини сулҳ ва амнияти байналмилали;

5. Шартномаҳо дар бораи сулҳ;

6. Шартномаҳо дар бораи амнияти дастаҷамъи;

7. Шартномаҳо дар бораи марзбандии қаламрави Ҷумҳурии Тоҷикистон бо давлатҳои дигар;

8. Шартномаҳо дар бораи додани қарзҳои давлати, ёрии иқтисоди ва кӯмакҳои дигар ба давлатҳои хориҷи;

9. Шартномаҳо дар бораи ҳавасмандгардони ва ҳимояи сармоягузориҳо;

10. Шартномаҳое, ки мавзӯъашон ҳуқуқ ва озодиҳои асосии инсон ва шаҳрванд мебошанд;

11. Шартномаҳо дар бораи иштироки Ҷумҳурии Тоҷикистон дар иттиҳодияҳои байнидавлати, созмонҳои байналмилали ва иттиҳодияҳои байналмилалии дигар, агар чунин шартномаҳо ба онҳо додани қисми ваколатҳои Ҷумҳурии Тоҷикистонро пешбини кунанд ва ё аз лиҳози ҳуқуқи ҳатми будани қарорҳои мақомоти онҳоро барои Ҷумҳурии Тоҷикистон муқаррар намоянд;

12. Шартномаҳое, ки аз номи Ҷумҳурии Тоҷикистон дар бораи истифодаи захираҳои табии аз тарафи дигар субъектҳои ҳуқуқии байналмилали баста мешаванд;

13. Шартномаҳо дар бораи додани қарзҳо ба давлате, ки ӯҳдадории молиявии Ҷумҳурии Тоҷикистон пешбини кардааст;

14. Шартномаҳое, ки қоидаҳои дигареро нисбат ба онҳое, ки дар қонунгузории Ҷумҳурии Тоҷикистон вуҷуд доранд, муқаррар мекунанд;

15. Шартномаҳои байналмилалии Ҷумҳурии Тоҷикистон, ки тарафҳо ҳангоми бастани онҳо барои тасдиқи минбаъдаашон паймон кардаанд.

Ҳамчунин шартномаҳои байналмилалии Ҷумҳурии Тоҷикистон, ки тарафҳо ҳангоми бастани онҳо барои тасдиқашон (ратификатсия) қарор гузоштаанд.

9. Дар матни тоҷикии қисми саввуми моддаи 9 (зербанди 2) калимаи "имзои" ба калимаи "тасдиқи" иваз карда шавад, чунки дар ин сурат шартномаи байналмилали аллакай ба имзо расида, зарурати асосноккунии тасдиқи он бояд инъикос карда шавад.

10. Сарлавҳаи моддаи 12 ин тавр таҳрир карда шавад:

"Моддаи 12. Тартиби тасдиқи шартномаҳои байналмилалии Ҷумҳурии Тоҷикистон аз ҷониби Президенти Ҷумҳурии Тоҷикистон ва Ҳукумати Ҷумҳурии Тоҷикистон.

11. Ба манзури таъмини нашри шартномаҳои байналмилали ба моддаи 21 Қонуни ёдшуда баъд аз ибораи "Маҷмӯаи қонунҳои Ҷумҳурии Тоҷикистон" ибораҳои "ва дигар нашрияҳои расмии Маҷлиси Олии Ҷумҳурии Тоҷикистон, Президенти Ҷумҳурии Тоҷикистон ва Ҳукумати Ҷумҳурии Тоҷикистон" илова карда шаванд.

12. Дар қисми 2-юми моддаи 22 калимаи "амалиётҳое" ба калимаи "амалҳое" иваз карда шавад.