Бо Карори Хукумати ЧТ аз 27.02.1996с. № 104 беэътибор дониста шуд

Ҳукумати Ҷумҳурии Тоҷикистон

ҚАРОР

Дар бораи статуси Ҷамъияти саҳомии кушодаи "Биржаи молию ашьеи хоми Тоҷикистон"

Бо мақсади иҷрои Фармони Президенти Тоҷикистон аз 3 декабри 1994 №8 "Дар бораи тадбирҳои аввалиндараҷаи таъмиқи дигаргунсозиҳои иқтисодӣ ва тезондани гузариш ба муносибатҳои бозорӣ" Ҳукумати Ҷумҳурии Тоҷикистон карор мекунад:

1.Пешниҳоди муассисон дар хусуси таъсиси Ҷамъияти саҳомии кушодаи "Биржаи молию ашьеи хоми Тоҷикистон" дар ҷумҳури маъкул дониста шавад.

2.Муассисони Биржаи молию ашьёи хоми Тоҷикистон Оинномаи биржаро мувофиқи тартиби муқаррагардида ба қайд гузоранд.

3. Кумитаи давлатии карордод ва савдои Ҷумҳурии Тоҷикистон:

номгӯи мол ашьеи хом ва маводи дар ҷумҳурӣ истеҳсолшавандаеро, ки ба воситаи Биржаи молию ашьеи хоми Тоҷикистон ба фурӯш расонда мешаванд, ба баррасии Ҳукумати Ҷумҳурии Тоҷикистон пешниҳод кунад;

дар кори ба Биржаи молию ашьёи хоми Тоҷикистон ҷудо намудани бинои хизматӣ ва анбор мусоидат кунад.