Ҳукумати Ҷумҳурии Тоҷикистон

ҚАРОР

Дар бораи комиссияи давлатии байниидоравии экспертии мошинҳои назоратию кассавӣ

Бо мақсади иҷрои фармони Раёсати Шӯрои Олии Ҷумҳурии Тоҷикисон аз 7 апрели соли 1994 № 232 "Дар бораи истифодаи мошинҳои назоратию кассавӣ ҳангоми ҳисобу китоби пул бо аҳолӣ" Ҳукумати Ҷумҳурии Тоҷикисотн қарор мекунад:

1. Комиссияи давлатии байниидоравии экспертии мошинҳои назоратию кассавӣ дар ҳайати мутобиқи замима (аз рӯи вазифа) таъсис дода шавад.

2. Низомномаи замимагардидаи комиссияи давлатии байниидоравии экспертии мошинҳои назоратию кассавӣ тасдиқ карда шавад.

3. Роҳбарии фаъолияти Комиссияи давлатии байниидоравии экспертии мошинҳои назоратию кассавӣ ба зиммаи сардори Саридораи давлатии андози назди Ҳукумати Ҷумҳурии Тоҷикистон гузошта шавад.

4. Комиссияи давлатии байниидоравии экспертии мошинҳои назоратию кассавӣ дар мӯҳлати як моҳ Реестри давлатии мошинҳои кассавии дар қаламрави Ҷумҳурии Тоҷикситон истифодашавандаро тасдиқ кунад.