Бо қарори Ҳукумати ҶТ аз 2 апрели соли 2002 № 155 беэътибор дониста шуд

Ҳукумати Ҷумҳурии Тоҷикистон

ҚАРОР

Дар бораи тарифҳои қувваи барк ва гармӣ

Бо мақсади иҷрои Нақшаи тадбирҳо дар доираи татбиқи барномаи миёнамӯҳлати иқтисодии Ҳукумати Ҷумҳурии Тоҷикистои, ки Президенти Ҷумҳурии Тоҷикистон 20 марти соли 2000 тасдиқ кардааст ва бо мақсади фаъолияти мӯътадили соҳаи энергетикӣ, Ҳукумати Ҷумҳурии Тоҷикистон қарор мекунад:

1. Аз 1 апрели соли 2000 тарифҳои зерини қувваи барқ ва гармӣ, ки Ширкати давлатии саҳомию холдингии "Барқи Тоҷик" ба фурӯш мерасонад чунин муқаррар карда шавад:

а) қувваи барқ:

барои корхонаҳои саноатӣ ва истеъмолкунандагони ба онҳо баробаркардашуда ба андозаи 1,72 дирам, ва барои дигар истеъмолкунандагони соҳаи кишоварзӣ ва ҷайрисаноатӣ (ба истиснои ташкилотҳои буҷетӣ) ба андозаи 2.97 дирам барои як квт.соат (қарори Ҳукумати ҶТ аз 1 ноябри соли 2000 № 422);

барои истеъмолкунандагони коммуналӣ, нақлиёти барқии шаҳрӣ, ташкилотҳои буҷетӣ, насосҳо ва стансияҳои насосии интиқоли об, сарфи назар аз тобеияти идоравӣ, қубури оби кишоварзӣ 2,50 рубл барои як кВт.соат;

барои аҳолӣ дар ҳаҷми 5 рубл барои як кВт.соат ҳангоми меъёри 150-кВт.соат дар як моҳ ва барои ҳар як кВт.соат зиёда аз меъёри муайянгардида - 11,0 рубл;

б) қувваи гармӣ:

барои саноат, хоҷагии гармхонаҳо ва меҳмонхонаҳо ба ҳисоби миёна ба андозаи 24000 рубл барои як Гкал;

барои хоҷагиҳои ҳаммому шустагарӣ, муассисаҳои хушкшӯӣ ба андозаи 1000 рубл ва барои истеъмолкунандагони савдои яклухт, кооперативҳои манзилу сохтмон 100 рубл барои як Гкал;

в) барои қувваи барқ барои эҳтиёҷи гармкунӣ ва таъмини оби гарм (истифода барои дегҳои барқӣ ва бойлерҳои барқӣ), барои корхонаҳо, ташкилот ва идораҳо ба андозаи 49 рубл барои як кВт.соат;

2. Ба Ширкати давлатии саҳомию ҳолдингии "Барқи Тоҷик" иҷозат дода шавад, ки барои иҷрои корҳо ба теъдоди то 15 фоизи шумораи меъёри мутахассисонро дар асоси қарордод ҷалб намуда, хароҷотро ба арзиши аслии маҳсулот дохил кунад.

3. Вазорати иқтисод ва робитаҳои иқтисодии хориҷии Ҷумҳурии Тоҷикистон якҷоя бо Ширкати давлатии саҳомию ҳолдингии "Барқи Тоҷик" дар асоси қарори мазкур ба нархномаи №09-01-1996 "Тарифҳои қувваи барқ ва гармӣ" тағйироти дахлдор ворид намояд.

4. Вазорати иқтисод ва робитаҳои иқтисодии хориҷии Ҷумҳурии Тоҷикистон ба тарифҳои қувваи барқ ва гармӣ вобаста ба ҷараёни беқурбшавии пул бо мувофиқаи Ҳукумати Ҷумҳурии Тоҷикистон тағйирот ворид намояд.

5. Асноди зайл беэътибор дониста шаванд:

Қарори Ҳукумати Ҷумҳурии Тоҷикистон аз 7 апрели соли 1999 № 140 "Дар бораи тарифҳои қувваи барқ ва гармӣ";

Қарори Ҳукумати Ҷумҳурии Тоҷикистон аз 5 ноябри соли 1999 № 456 "Дар бораи ворид намудани тағйирот ба Қарори Ҳукумати Ҷумҳурии Тоҷикистон аз 7 апрели соли 1999 № 140 "Дар бораи тарифҳои қувваи барқ ва гармӣ".

банди 3 қарори Ҳукумати Ҷумҳурии Тоҷикистон аз 31 марти соли 1998 № 97 "Дар хусуси тадбирҳои беҳбуди вазъи молиявӣ ва рушди минбаъдаи комбинати маъдантозакунии Анзоб (қарори Ҳукумати ҶТ аз 1 ноябри соли 2000 № 422).

сархати якуми банди 4 қарори Ҳукумати Ҷумҳурии Тоҷикистон аз 22 январи соли 1998 № 9-3 "Дар хусуси тадбирҳои истиқрор ва барқарорсозии иқтидори Заводи алюминии тоҷик (қарори Ҳукумати ҶТ аз 1 ноябри соли 2000 № 422).