ҲУКУМАТИ ҶУМҲУРИИ ТОҶИКИСТОН

ҚАРОР

Мутобиқи моддаи 7 Қонуни Ҷумҳурии Тоҷикистон «Дар бораи шартномаҳои байналмилалии Ҷумҳурии Тоҷикистон» Ҳукумати Ҷумҳурии Тоҷикистон қарор мекунад:

1. Лоиҳаи Ёддошти тафоҳум байни Саридораи геологияи назди Ҳукумати Ҷумҳурии Тоҷикистон ва Вазорати рушди саноати маъдан ва истихроҷи масъданҳои кӯҳии Ҷумҳурии Зимбабве доир ба ҳамкорӣ дар соҳаи омӯзиши геологӣ маъқул дониста шавад.

2. Сардори Саридораи геологияи назди Ҳукумати Ҷумҳурии Тоҷикистон Ёддошти тафоҳуми мазкурро ба имзо расонад ва ҳангоми зарурат ба матни он тағйиру иловаҳои хусусияти муҳимнадоштаро ворид намояд.

3. Вазорати корҳои хориҷии Ҷумҳурии Тоҷикистон бо тартиби муқарраргардида бо ҷониби Зимбабе сана ва маҳалли ба имзо расонидани Ёддошти тафоҳуми мазкурро мувофиқа намояд.

ЁДДОШТИ ТАФОҲУМ байни Саридораи геологияи назди Ҳукумати Ҷумҳурии Тоҷикистон ва Вазорати рушди саноати маъдан ва истихроҷи маъданҳои кӯҳии Ҷумҳурии Зимбабве доир ба ҳамкорӣ дар соҳаи омӯзиши геологӣ

МУҚАДДИМА

Бо дарназардошти он ки Саридораи геологияи назди Ҳукумати Ҷумҳурии Тоҷикистон ва Вазорати маъданҳо ва рушди саноати кӯҳии Ҷумҳурии Зимбабве (минбаъд дар якҷоягӣ «Тарафҳо» ва дар алоҳидагӣ «Тараф» номида мешавад) хоҳиши ба имзо расонидани Ёддошти тафоҳуми мазкурро доранд;