Дар Вазорати адлияи Ҷумҳурии Тоҷикистон

11 августи соли 2025, №1354 ба қайди давлатӣ

гирифта шудааст

Тартиби таҳия ва муҳлати пешниҳоди ҳисоботҳои молиявӣ 

Тартиби таҳия ва муҳлати пешниҳоди ҳисоботҳои молиявӣ (минбаъд – Тартиби мазкур) мутобиқи қисми 2 моддаи 29² Қонуни Ҷумҳурии Тоҷикистон «Дар бораи фаъолияти суғуртавӣ» таҳия гардида, тартиби таҳия, муҳлати пешниҳоди ҳисоботҳои молиявӣ, пур намудани шаклҳои ҳисоботи молиявӣ ва сохтори ҷадвалҳои онро барои ташкилотҳои  суғуртавӣ (азнавсуғуртакунӣ) муқаррар менамояд.

1.МУҚАРРАРОТИ УМУМӢ

1. Таҳлили фаъолияти молиявии ташкилоти суғуртавӣ бо Тартиби мазкур барои амалӣ намудани мақсаду вазифаҳои асосии танзим, назорат ва фаъолияти дурусти молиявии ташкилоти суғуртавӣ (азнавсуғуртакунӣ) ҷиҳати нигоҳдории низоми устувори суғуртаи кишвар ва таъмини ҳимояи манфиатҳои қонунии шахсони воқеӣ ва ҳуқуқӣ гузаронида мешавад.

2. Пешниҳоди ҳисоботҳои молиявӣ (минбаъд – ҳисобот) ба Бонки миллии Тоҷикистон барои ташкилотҳои суғуртавӣ (азнавсуғуртакунӣ) ҳатмӣ мебошад.

3. Ҳисобот дар асоси маълумоти ҳисобдорӣ омода гардида, барои ҳисоббаробаркунии андоз бо буҷет асос шуда наметавонад.

2. МУНДАРИҶА

4. Ҳисоботи молиявии ташкилотҳои суғуртавӣ (азнавсуғуртакунӣ) бояд маълумот ва шаклҳои ҳисоботи зеринро дар бар гирад:

- унвонварақа (бо имзо ва муҳр);

- маълумот дар бораи ҳиссаи муассисон (саҳмдорон)-и ташкилоти суғуртавӣ (азнавсуғуртакунӣ);

- ҳисобот оид ба ҳолати молиявӣ;

- ҳисобот оид ба фоида ва зарар ва дигар даромадҳои маҷмӯӣ;

- ҳисобот оид ба тағйирёбии сармоя;

- ҳисобот оид ба гардиши воситаҳои пулӣ;

- тавзеҳот ба ҳисобот;

- ҷадвали 1. Воситаҳои пулӣ ва муодил (ҳамарзиш)-ҳои онҳо;

- ҷадвали 2. Саҳмияҳо ва вомбаргҳо;

- ҷадвали 3. Маблағгузориҳои молиявӣ – пасандозҳо;

- ҷадвали 4. Сармоягузориҳо ба ташкилотҳои фаръӣ ва зертобеъ;

- ҷадвали 5. Сармоягузориҳо ба молу мулки ғайриманқул;

- ҷадвали 6. Дигар сармоягузориҳо;

- ҷадвали 7. Қарзҳои дебиторӣ аз амалиётҳои суғуртавӣ;

- ҷадвали 8. Қарзҳои дебиторӣ аз амалиётҳои азнавсуғуртакунӣ ва суғуртаи муштарак;

- ҷадвали 9. Қарзҳои дебитории тарафҳои вобаста;

- ҷадвали 10. Дигар қарзҳои дебиторӣ;

- ҷадвали 11. Воситаҳои асосӣ;

- ҷадвали 12. Дороиҳои ғайримоддӣ;

- ҷадвали 13. Дигар дороиҳо;

- ҷадвали 14. Мукофоти (ҳаққи) суғуртавии соли ҳисоботӣ (N);

- ҷадвали 15. Мукофоти (ҳаққи) суғуртавии соли гузашта (N-1);

- ҷадвали 16. Мукофоти (ҳаққи) суғуртавии бадастомада/ бадастнаомадаи соли ҳисоботӣ (N);

- ҷадвали 17. Мукофоти (ҳаққи) суғуртавии бадастомада/ бадастнаомадаи соли гузашта (N-1);

- ҷадвали 18. Мукофоти (ҳаққи) суғуртавии софи бадастомадаи соли ҳисоботӣ (N);

- ҷадвали 19. Мукофоти (ҳаққи) суғуртавии софи бадастомадаи соли гузашта (N-1);

- ҷадвали 20. Мукофоти (ҳаққи) суғуртавии ба азнавсуғуртакунӣ интиқолшудаи соли ҳисоботӣ (N);

- ҷадвали 21. Захираи зарарҳо то азнавсуғуртакунӣ дар соли ҳисоботӣ (N);

- ҷадвали 22. Захираи зарарҳо то азнавсуғуртакунӣ дар соли гузашта (N-1);

- ҷадвали 23. Захираи зарарҳо баъди азнавсуғуртакунӣ дар соли ҳисоботӣ (N);

- ҷадвали 24. Захираи зарарҳо баъди азнавсуғуртакунӣ дар соли гузашта (N-1);

- ҷадвали 25. Маҷмуи пардохту ҷубронҳои суғуртавӣ (то азнавсуғуртакунӣ) дар соли ҳисоботӣ (N);

- ҷадвали 26. Маҷмуи пардохту ҷубронҳои суғуртавӣ (то азнавсуғуртакунӣ) дар соли гузашта (N-1);

- ҷадвали 27. Зарарҳои пардохтшудаи холис (баъди азнавсуғуртакунӣ) дар соли ҳисоботӣ (N);

- ҷадвали 28. Зарарҳои пардохтшудаи холис (баъди азнавсуғуртакунӣ) дар соли гузашта (N-1);

- ҷадвали 29. Таносуби пардохту ҷуброни суғуртавӣ нисбат ба мукофоти суғуртавӣ – соли ҳисоботӣ (N);

- ҷадвали 30. Таносуби пардохту ҷуброни суғуртавӣ нисбат ба мукофоти суғуртавӣ - соли гузашта (N-1);

- ҷадвали 31. Қарздории кредиторӣ аз амалиётҳои суғуртавӣ;

- ҷадвали 32. Қарздории кредиторӣ аз амалиётҳои азнавсуғуртакунӣ;

- ҷадвали 33. Қарздории кредитории тарафҳои вобаста;

- ҷадвали 34. Дигар қарздории кредиторӣ;

- ҷадвали 35. Дигар уҳдадориҳо;

- ҷадвали 36. Дигар даромад ва хароҷоти андеррайтингӣ;

- ҷадвали 37. Даромади соф аз сармоягузорӣ;

- ҷадвали 38. Хароҷотҳои идоравӣ;

- ҷадвали 39. Дигар хароҷотҳо – ғайриандеррайтингӣ;

- ҷадвали 40. Дигар даромадҳо – ғайриандеррайтингӣ;

- ҷадвали 41. Фоида/зарар аз фоизҳои идоранашаванда;

- ҷадвали 42. Феҳристи агентҳои суғуртавӣ;

- ҷадвали 43. Маълумот оид ба амалиётҳои азнавсуғуртакунии ташкилотҳои суғуртавӣ;

- ҷадвали 44. Ҳаҷми умумии захираҳои суғуртавӣ;

- ҷадвали 45. Ҳисобот оид ба таркиби захираҳои суғуртавӣ;

- ҷадвали 46. Ҳадди ақалли маржаи пардохтпазирии ташкилоти суғуртавӣ (азнавсуғуртакунӣ);

- ҷадвали 47. Маржаи пардохтпазирии ҳақиқии ташкилоти суғуртавӣ (азнавсуғуртакунӣ);

- ҷадвали 48. Маржаи пардохтпазирии ташкилоти суғуртавӣ (азнавсуғуртакунӣ);

- ҷадвали 49. Дороиҳои пардохтпазир;

- ҷадвали 50. Диверсификатсияи дороиҳои ташкилоти суғуртавӣ (азнавсуғуртакунӣ);

- ҷадвали 51. Маълумот дар бораи суғуртаи ҳатмии ҷавобгарии маданию ҳуқуқии соҳибони воситаҳои нақлиёт;

- ҷадвали 52 Маълумот дар бораи кормандони ташкилот;

- ҷадвали 53. Маълумот оид ба шикоятҳои суғурташавандагон;

- ҷадвали 54. Ҳисоботи фаврии ташкилоти суғуртавӣ (азнавсуғуртакунӣ).

Эзоҳ: Дар Тартиби макур ихтисораҳои зерин истифода мешаванд:

- ЗМБН - Захираи мукофоти суғуртавии бадастнаомада;

- ЗЗБН - Захираи зарарҳои бавуднаомада;

- ЗЗАПН - Захираи зарарҳои арзшуда, вале пардохтнашуда;

- ЗЗБАН - Захираи зарарҳои бавуҷудомада, вале арзнашуда;

- ЗНМС - Захираи норасоии мукофоти суғуртавӣ;

- ЗҲФ - Захираи барои ҳолатҳои фавқулода;

- ЗТП - Захираи тадбирҳои пешгирикунанда;

- ДЗС - Дигар захираҳои суғуртавӣ.

3. ТАРТИБИ ПУРКУНИИ ҲИСОБОТИ МОЛИЯВИИ ТАШКИЛОТИ СУҒУРТАВӢ (АЗНАВСУҒУРТАКУНӢ)

5. Пуркунии шаклҳои ҳисоботӣ аз ҷониби ташкилотҳои суғуртавӣ (азнавсуғуртакунӣ) бо пайдарҳамии зерин анҷом дода мешавад:

- унвонварақа, маълумот дар бораи муассисони ташкилоти суғуртавӣ (азнавсуғуртакунӣ);

- ҷадвалҳои ҳисоботи молиявӣ аз 1, 2, 3, 4, 5, 6, 7, 8, 9, 10, 11, 12 то 13;

- ҷадвалҳои мукофоти (ҳаққи) суғуртавӣ аз 15, 14, 17, 16, 19, 18 то 20;

- ҷадвалҳои пардохти суғуртавӣ (ҷуброни суғуртавӣ) аз 22, 21, 24, 23, 26, 25, 28, 27, 29 то 30;

- ҷадвалҳои боқимондаи ҳисоботи молиявӣ аз 31, 32, 33, 34 то 35;

- катакчаҳои кабуд дар ҳисоботи молиявӣ;

- ҷадвалҳои ҳисобот оид ба фоида ва зарар аз 36, 37, 38, 39, 40 то 41;

- катакчаҳои кабуди ҳисобот оид ба фоида ва зарар;

- катакчаҳои кабуди ҳисобот оид ба тағйирёбии сармоя;

- ҳисобот оид ба гардиши воситаҳои пулӣ;

- ҷадвалҳои 42 - 54;

- тавзеҳот ба ҳисоботи молиявӣ.

6. Унвонварақа, ки дар замимаи 1 Тартиби мазкур оварда шудааст, маълумоти зеринро дар бар мегирад:

- давраи ҳисоботӣ (семоҳа, солона ва ислоҳот);

- номи пурраи ташкилоти суғуртавӣ (азнавсуғуртакунӣ);

- суроғаи ҳуқуқии ташкилоти суғуртавӣ (азнавсуғуртакунӣ), шаҳр/ ноҳия, рақами телефон ва почтаи электронӣ;

- сана ва рақами иҷозатнома оид ба фаъолияти суѓуртавӣ;

- шурои нозирон (мансаб, насаб ва ном, почтаи электронӣ, музди маоши солона);

- роҳбарон (мансаб, насаб ва ном, почтаи электронӣ, муҳлати фаъолият);

- аудити берунӣ (мансаб, насаб ва ном, почтаи электронӣ, рақами телефон;

- тасдиқи ҳисобот аз ҷониби шахсони масъули ташкилоти суғуртавӣ (азнавсуғуртакунӣ) (бо имзо ва ному насаб).

7. Варақа дар бораи муассисони ташкилоти суғуртавӣ (азнавсуғуртакунӣ), ки намунаи он дар замимаи 2 Тартиби мазкур оварда шудааст, маълумоти зеринро дар бар мегирад:

- номи саҳмиядор;

- макони ҷойгиршавӣ;

- шумораи саҳмҳо;

- ҳиссаи иштирок дар сармояи оинномавӣ (маблағи иштироки бевосита ва бавосита, бо пули миллӣ) аз ҷумла муассисон –ғайрирезидентҳо;

- фоизи иштирок, аз ҷумла муассисон – ғайрирезидентҳо.

8. Ҳисобот оид ба ҳолати молиявии ташкилоти суғуртавӣ (азнавсуғуртакунӣ), ки дар замимаи 3 Тартиби мазкур оварда шудааст, бояд ҳама самтҳои фаъолияти хоҷагидорию молиявиро дар бар гирад. Ҳисобот оид ба ҳолати молиявӣ аз сутунҳои зерин иборат аст:

- истинод ба ҷадвали мушаххас;

- номгӯйи ҳисобҳои тавозунӣ;

- рақами ҳисобҳои тавозунӣ;

- аломати ҳисобҳо (+)/(-);

- семоҳаи 1;

- семоҳаи 2;

- семоҳаи 3;

- семоҳаи 4;

- тағйирот дар семоҳаи соли ҳисоботӣ;

- тавозун ба охири соли ҳисоботӣ;

- тавозун ба охири соли гузашта;

- тавозуни ҳамин давраи соли гузашта;

- сутуни санҷишӣ.

9. Ҳисобот оид ба ҳолати молиявӣ бо тартиби зерин пур карда мешавад:

1) дар бахши Тавозун – «Дороиҳо» то «Ҳиссаи азнавсуғуртакунандагон дар захираҳои суғуртавӣ» маълумот ба таври зерин ворид карда мешавад:

- семоҳаи ҳисоботӣ (1, 2, 3 ё 4) интихоб карда шуда, он дар ҳамаи ҷадвалҳои ҳисобот гузошта мешавад;

- дар сутуни «Тавозун ба охири соли гузашта» маълумоти пурраи давраи қаблӣ ворид карда мешаванд;

- дар сутуни «Тавозуни ҳамин давраи соли гузашта» маълумоти ҳамин давраи соли гузашта ворид карда мешаванд;

- дар сутуни семоҳаи ҳисоботӣ барои пур кардани сатрҳои «Воситаҳои пулӣ», «Сармоягузориҳои кутоҳмуддат», «Қарздории дебитории суғурташавандагон», «Қарздории дебиторӣ аз амалиётҳои азнавсуғуртакунӣ», «Ҳисобҳо барои қабул аз тарафҳои вобаста», «Қарздории дебитории дигар», «Воситаҳои асосӣ», «Дороиҳои ғайримоддӣ», «Дигар дороиҳо» ва «Ҳиссаи азнавсуғуртакунандагон дар захираҳои суғуртавӣ» бо гузариш ба истинодҳо маълумотҳои ҷадвалҳои дахлдор пур карда мешаванд;

2)ҷадвалҳои мукофоти (ҳаққи) суғуртавӣ бо тартиби дар зербанди 3) банди 5 Тартиби мазкур пешбинишуда пур карда мешаванд;

3)ҷадвалҳои пардохти суғуртавӣ (ҷуброни суғуртавӣ) бо тартиби дар зербанди 4) банди 5 Тартиби мазкур пешбинишуда пур карда мешаванд;

4)дар бахши Тавозун – «Ҳиссаи азнавсуғуртакунандагон дар захираи зарарҳо» дар сутуни семоҳаи ҳисоботӣ ба сатри «Ҳиссаи азнавсуғуртакунандагон дар захираи зарарҳо» гузашта, бақияҳо санҷида мешаванд, зеро онҳо дар қадамҳои қаблӣ пур карда шудаанд;

5) дар бахши Тавозун – уҳдадориҳо бо тартиби зерин пур карда мешаванд:

- дар сутуни семоҳаи ҳисоботӣ дар сатрҳои «Захираи норасоии мукофотҳои суғуртавӣ – ҳаёт», «Захираи норасоии мукофотҳои суғуртавӣ – умумӣ» ва «Захира барои ҳолатҳои фавқулода – умумӣ» маълумот дар катакчаҳои бо ранги кабуд ишорашуда ворид карда мешаванд;

- дар сутуни семоҳаи ҳисоботӣ ба сатрҳои «Захира аз шартномаҳои азнавсуғуртакунӣ – ҳаёт» ва «Захираи аз шартномаҳои азнавсуғуртакунӣ – умумӣ» гузашта, маълумот санҷида мешаванд, зеро онҳо дар қадамҳои қаблӣ пур карда шудаанд;

- дар сутуни семоҳаи ҳисоботӣ барои пур кардани сатрҳои «Қарздории кредиторӣ аз амалиётҳои суғуртавӣ», «Қарздории кредиторӣ аз амалиётҳои азнавсуғуртакунӣ», «Қарздории кредитории тарафҳои вобаста», «Қарздории кредитории дигар» ва «Дигар уҳдадориҳо» бо гузариш ба истинодҳо маълумоти ҷадвалҳои дахлдор пур карда мешаванд;

6)дар бахши Тавозун – Сармоя бо тартиби зерин пур карда мешавад:

- дар сутуни семоҳаи ҳисоботӣ дар сатрҳои «Сармояи оинномавӣ» ва «Сармояи иловагӣ» бақия дар катакчаҳои бо ранги кабуд ишорашуда ворид карда мешавад;

- дар сутуни семоҳаи ҳисоботӣ дар сатри «Фоидаи тақсимнашудаи соли ҳисоботӣ» бақия аз «Ҳисобот оид ба фоида ва зарар» ба таври худкор пур карда мешавад;

- дар сутуни семоҳаи ҳисоботӣ дар сатри «Фоидаи тақсимнашудаи солҳои қаблӣ» бақия дар катакчаи бо ранги кабуд ишорашуда ворид карда мешавад;

- дар сутуни семоҳаи ҳисоботӣ бақияи дигар ҳисобҳои Сармоя дар катакчаҳои бо ранги кабуд ишорашуда ворид карда мешавад.

Эзоҳ: Дар сатрҳои ҳисобот оид ба ҳолати молиявӣ катакчаҳои бо ранги кабуд ишорашуда мавҷуданд, ки ба онҳо маълумот бо номҳои мувофиқи ҳисобҳо ва бақияҳо ворид карда мешаванд.

10. Дар ҳисобот оид ба фоида ва зарар ва дигар даромади маҷмуӣ, ки дар замимаи 4 Тартиби мазкур оварда шудааст, натиҷаи фаъолияти ташкилот дар давраи ҳисоботӣ нишон дода мешавад:

1) ҳисобот оид ба фоида ва зарар аз сутунҳои зерин иборат аст:

- истинод ба ҷадвали мушаххас;

- номгӯйи ҳисобҳои тавозунӣ;

- рақами ҳисобҳои тавозунӣ;

- аломати ҳисобҳо (+)/(-);

- семоҳаи 1;

- семоҳаи 2;

- семоҳаи 3;

- семоҳаи 4;

- тавозун ба охири соли ҳисоботӣ;

- бақия ба охири соли гузашта;

- бақия ба ҳамин давраи соли гузашта;

- сутуни санҷишӣ;

2)бахши «Ҳисобот оид ба фоида ва зарар ва дигар даромади маҷмуӣ» бо тартиби зерин пур карда мешавад:

- дар сутуни семоҳаи ҳисоботӣ маълумотҳо оид ба мукофоти (ҳаққи) суғуртавӣ ба таври худкор пур карда шуда, дурустии онҳо санҷида мешавад;

- дар сутуни семоҳаи ҳисоботӣ дар сатрҳои «Хароҷоти подошпулии комиссионӣ», «Даромад аз тантема» ва «Тантемаи пардохтшуда» бақияҳо дар катакчаҳои бо ранги кабуд ишорашуда ворид карда мешаванд;

- дар сутуни семоҳаи ҳисоботӣ барои пур кардани сатрҳои «Дигар даромадҳои андеррайтингӣ», «Дигар хароҷотҳои андеррайтингӣ», «Даромади фоизӣ», «Хароҷоти идоравӣ», «Дигар хароҷоти ғайриандеррайтингӣ», «Дигар даромади ғайриандеррайтингӣ», «Фоида/зарар аз фоизҳои идоранашаванда» бо гузариш ба истинодҳо маълумоти ҷадвалҳои дахлдор пур карда мешаванд;

- дар сутуни семоҳаи ҳисоботӣ дар сатри «Даромад/хароҷоти андеррайтингӣ» маълумот ба таври худкор ҳисоб ва пур карда шуда, дурустии бақия санҷида мешавад;

- дар сутуни семоҳаи ҳисоботӣ ба сатри «Даромад/зарар то андозбандӣ» гузашта, дурустии бақия санҷида мешавад, зеро он ба таври худкор ҳисоб ва пур карда мешавад;

- дар сутуни соли ҳисоботӣ дар сатри «Андоз аз даромад» бақия дар катакчаи бо ранги кабуд ишорашуда ворид карда мешавад;

- дар сутуни соли ҳисоботӣ ба сатри «Фоидаи тақсимнашудаи/зарари соли ҳисоботӣ» гузашта, дурустии бақия санҷида мешавад, зеро он ба таври худкор ҳисоб карда мешавад;

- дар сутуни семоҳаи ҳисоботӣ ба сатри «Дигар даромади маҷмуӣ» гузашта, бақия дар катакчаи бо ранги кабуд ишорашуда ворид карда мешавад.

11. Ҳисобот оид ба тағйирёбии сармояи худӣ, ки дар замимаи 5 Тартиби мазкур оварда шудааст, мавҷудият ва ҳаракати ҳамаи намудҳои сарчашмаҳои сармояи худии ташкилотро нишон медиҳад, аз ҷумла:

- дар сатри «Бақияи сармоя дар аввали соли гузашта» маблағи сармоя дар охири давраи гузашта ворид карда мешавад;

- дар сатри «Фоидаи/зарари солҳои гузашта» бақияи фоида/зарари солҳои гузашта аз ҳисобот оид ба фоида ва зарар ба таври худкор пур карда мешавад;

- дар сатри «Дигар тағйироти сармоя дар соли гузашта» дигар тағйироте, ки соли гузашта дар сармоя ба амал омадаанд, ворид карда мешавад;

- дар сатри «Бақияи сармоя дар охири соли гузашта» маблағи сармоя дар аввали соли гузашта бо ҷамъи фоида/зарари соли гузашта ва дигар тағйироти сармоя дар соли гузашта ворид карда мешаванд (бақия бояд дар тавозун ба сармояи охири соли гузашта баробар бошад);

- дар сатри «Бақияи сармоя ба аввали соли ҳисоботӣ» маблағи сармоя дар охири соли гузашта ба таври худкор ба аввали соли ҳисоботӣ мегузарад;

- дар сатри «Фоида/зарари соли ҳисоботӣ» бақияи фоида/зарари соли ҳисоботӣ аз ҳисобот оид ба фоида ва зарар ба таври худкор мегузарад;

- дар сатри «Дигар тағйироти сармоя дар соли ҳисоботӣ» дигар тағйироте, ки соли ҳисоботӣ дар сармоя ба амал омадаанд, ворид карда мешавад;

- дар сатри «Бақияи сармоя дар охири соли ҳисоботӣ» маблағи сармоя дар аввали соли ҳисоботӣ бо ҷамъи фоида/зарари соли ҳисоботӣ ва дигар тағйироте, ки соли ҳисоботӣ дар сармоя ба амал омадаанд пур карда мешавад (бақия бояд дар тавозун ба сармояи соли ҳисоботӣ баробар бошад).

12. Дар ҳисобот оид ба гардиши воситаҳои пулӣ, ки дар замимаи 6 Тартиби мазкур оварда шудааст, маълумот вобаста ба тағйирот дар воситаҳои пулӣ, хамарзишҳои воситаҳои пулӣ, бо роҳҳои гурӯҳбандии даромадҳо ва пардохтҳои воситаҳои пулӣ дар соли ҳисоботӣ, доир ба фаъолиятҳои амалиётӣ, молиявӣ, маблағгузориҳо ва дигар воридоту пардохтҳо нишон дода мешаванд:

- дар сатри «Гардиши воситаҳои пулӣ аз фаъолияти суғуртавӣ» гардиши пули нақд аз рӯйи амалиётҳои суғуртавӣ нишон дода мешавад;

- дар сатри «Гардиши воситаҳои пулӣ аз сармоягузориҳо» гардиши пули нақд аз рӯйи амалиётҳои сармоягузорӣ нишон дода мешавад;

- дар сатри «Гардиши воситаҳои пулӣ аз маблағгузориҳо» гардиши пули нақд аз маблағгузориҳо нишон дода мешавад;

- дар сатри «Тағйирёбии гардиши воситаҳои пулӣ» ҷамъи гардиши воситаҳои пулӣ аз амалиётҳои суғуртавӣ, аз сармоягузориҳо, маблағгузориҳо ва дигар даромаду пардохтҳо нишон дода мешавад;

- дар сатри «Воситаҳои пулӣ ва ҳамарзишҳои он дар аввали соли ҳисоботӣ» бақияи воситаҳои пулӣ ва ҳамарзишҳои он дар охири соли гузашта нишон дода мешавад;

- дар сатри «Воситаҳои пулӣ ва ҳамарзишҳои он дар охири соли ҳисоботӣ» бақияи воситаҳои пулӣ ва ҳамарзишҳои он дар охири соли ҳисоботӣ нишон дода мешавад;

- сатри «Ҳисоби назоратӣ» тағйирёбии воситаҳои пулӣ ва ҳамарзишҳои он дар охири соли гузашта ва охири соли ҳисоботиро, ки он бояд ба тағйирёбии холиси гардиши воситаҳои пулӣ баробар бошад, муайян менамояд.

4. СОХТОРИ ҶАДВАЛҲОИ ҲИСОБОТӢ

13. Ҷадвали 1. Воситаҳои пулӣ ва муодил (ҳамарзиш)-ҳои онҳо, ки дар замимаи 7 Тартиби мазкур, оварда шудааст, маълумоти зеринро дар бар мегирад:

1) воситаҳои пулӣ дар хазина, аз ҷумла пули нақди хазина бо пули миллӣ ва асъори хориҷӣ, пули нақд, ки истифодаи онҳо маҳдуд аст, ҳуҷҷатҳои хазинавӣ, муодил (ҳамарзиш)-ҳои пулӣ ва дигар ҳисобҳо бо пули нақд ба аввали соли ҳисоботӣ ва барои семоҳаи ҳисоботӣ;

2) воситаҳои пулӣ дар бонк, аз ҷумла ҳисобҳо бо пули миллӣ ва асъори хориҷӣ дар бонкҳои маҳаллӣ, ҳисобҳо дар бонкҳои хориҷӣ, воситаҳои пулӣ дар ҳисобҳои бонкӣ, ки истифодаи онҳо маҳдуд аст, воситаҳои пулии дар роҳбуда, воситаҳои пулӣ дар бонки алоқаманд бо пули миллӣ ва асъори хориҷӣ ба аввали соли ҳисоботӣ ва барои семоҳаи ҳисоботӣ;

3) ҳамагӣ дар соли ҳисоботӣ.

14. Ҷадвали 2. Саҳмияҳо ва вомбаргҳо, ки дар замимаи 8 Тартиби мазкур оварда шудааст, маълумоти зеринро дар бар мегирад:

1) дар қисми якуми ҷадвал:

- усули баҳодиҳӣ, санаи харид, саҳмияҳо ва вомбаргҳо, коғазҳои қиматноки саҳомии хориҷӣ ба аввали соли ҳисоботӣ;

- саҳмияҳо ва вомбаргҳо, коғазҳои қиматноки саҳомии хориҷӣ бо пули нақд барои семоҳаи ҳисоботӣ;

- бақия ба аввали соли ҳисоботӣ, семоҳаи 1, 2, 3 ва 4;

- тағйирёбии арзиши бозорӣ;

- фоида ё зарар ва тағйирёбии арзиши бозорӣ дигар даромадҳои маҷмуӣ;

2) дар қисми дуюми ҷадвал:

- усули баҳодиҳӣ, санаи харид, бақия ба аввали соли ҳисоботӣ, коғазҳои қиматноки қарзии кӯтоҳмуддат ва коғазҳои қиматноки қарзии дарозмуддат ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ;

3) дар қисми сеюми ҷадвал:

- сабикаҳои тиллоии Бонки миллии Тоҷикистон ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ;

4) дар қисми чоруми ҷадвал:

- вомбаргҳо аз рӯйи эмитентҳои дохилӣ ва хориҷӣ бо гурӯҳбандӣ аз рӯйи муҳлат ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ.

15. Ҷадвали 3. Маблағгузориҳои молиявӣ – пасандозҳо, ки дар замимаи 9 Тартиби мазкур оварда шудааст, маълумоти зеринро дар бар мегирад:

1) дар қисми якуми ҷадвал:

- пасандозҳо, аз ҷумла пасандозҳо дар ташкилотҳои қарзии молиявии маҳаллӣ бо пули миллӣ ва асъори хориҷӣ, пасандозҳо дар бонкҳои хориҷӣ, пасандозҳо дар ташкилотҳои қарзии молиявии алоқаманд бо пули миллӣ ва асъори хориҷӣ, дигар пасандозҳо ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ;

2) дар қисми дуюми ҷадвал:

- бақияи ниҳоии ҳисобҳои пасандозии ташкилоти суғуртавӣ (азнавсуғуртакунӣ) аз рӯйи ҳар як ташкилоти қарзии молиявӣ дар алоҳидагӣ ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ.

16. Ҷадвали 4. Сармоягузориҳо ба ташкилотҳои фаръӣ ва зертобеъ, ки дар замимаи 10 Тартиби мазкур оварда шудааст маълумоти зеринро дар бар мегирад:

- усули баҳодиҳӣ, сармоягузориҳо ба ташкилотҳои фаръӣ ва зертобеъ ва сармоягузориҳо ба ташкилотҳои фаръӣ ва зертобеи муштарак ба аввали соли ҳисоботӣ ва барои семоҳаи ҳисоботӣ;

- ҳисса аз моликият ба охири соли ҳисоботӣ аз рӯйи ҳар як сармоягузориҳо ба ташкилотҳои фаръӣ ва зертобеъ ва сармоягузориҳо ба ташкилотҳои фаръӣ ва зертобеи муштарак.

17. Ҷадвали 5. Сармоягузориҳо ба молу мулки ғайриманқул, ки дар замимаи 11 Тартиби мазкур оварда шудааст, маълумоти зеринро дар бар мегирад:

- усули баҳодиҳӣ, санаи харид, сармоягузориҳо ба молу мулки ғайриманкул аз ҷумла, қитъаи замин, биноҳо ва иншоот, таҷдиди объектҳои сармоягузорӣ ба молу мулки ғайриманқул ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ.

18. Ҷадвали 6. Дигар сармоягузориҳо, ки дар замимаи 12 Тартиби мазкур оварда шудааст, маълумоти зеринро дар бар мегирад:

- дигар сармоягузориҳои дарозмуддат ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ.

19. Ҷадвали 7. Қарздории дебитории амалиётҳои суғуртавӣ, ки дар замимаи 13 Тартиби мазкур оварда шудааст, маълумоти зеринро дар бар мегирад:

1) дар қисми якуми ҷадвал:

- қарздории дебитории суғурташавандагон, ки муҳлаташон то 90 рӯз ва зиёда аз 90 рӯз ба таъхир афтодаанд, бақия ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ;

2) дар қисми дуюми ҷадвал:

- қарздории дебитории агентҳо ва брокерҳои суғуртавӣ, ки муҳлаташон то 90 рӯз ва зиёда аз 90 рӯз ба таъхир афтодаанд, бақия ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ;

3) дар қисми сеюми ҷадвал:

- захираи қарзҳои беэътимоди суғурташавандагон ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ;

4) дар қисми чоруми ҷадвал:

- қарздории дебитории суғурташавандагон, агентҳо ва брокерҳои суғуртавӣ аз рӯйи муҳлат, аз ҷумла батаъхирнаафтода аз рӯйи гурӯҳбандӣ аз 31 то 60 рӯз, аз 61 то 90 рӯз, аз 91 то 120 рӯз ва зиёда аз 121 ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ;

5) дар қисми панҷуми ҷадвал:

- маълумот оид ба 10 қарзи дебитории калонтарини суғурташавандагон, агентҳо ва брокерҳои суғуртавӣ ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ.

20. Ҷадвали 8. Қарздории дебитории амалиётҳои азнавсуғуртакунӣ, ки дар замимаи 14 Тартиби мазкур оварда шудааст, маълумоти зеринро дар бар мегирад:

- қарздории дебитории амалиётҳои азнавсуғуртакунӣ, аз ҷумла қарздории дебитории ташкилотҳои суғуртавӣ аз амалиётҳои суғуртаи муштарак, қарздории дебитории шартномаҳои азнавсуғуртакунии қабулгардида, қарздории дебитории ҷубронҳо аз шартномаҳои азнавсуғуртакунӣ, қарздории дебиторӣ вобаста ба иҷрои шартҳои шартнома, қарздории дебитории шартномаҳои азнавсуғуртакунии қатъшуда, дигар қарздории дебитории шартномаҳои азнавсуғуртакунӣ ва захираи қарзҳои беэътимоди азнавсуғуртакунандагон ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ.

21. Ҷадвали 9. Қарздории дебитории тарафҳои вобаста, ки дар замимаи 15 Тартиби мазкур оварда шудааст, маълумоти зеринро дар бар мегирад:

1) дар қисми якуми ҷадвал:

- қарздории дебитории саҳмиядорон ва муассисон, директорон - шахсони роҳбарикунанда ва мансабдор, ташкилотҳои асосӣ (модарӣ) ва ташкилотҳои фаръӣ, аз ҷумла ҳисобҳо барои қабул аз ташкилотҳои асосӣ (модарӣ), ҳисобҳо барои қабул аз ташкилотҳои фаръӣ ва зертобеъ, ҳисобҳо барои қабул аз саҳмиядорон ва муассисон, ҳисобҳо барои қабул аз директорон - шахсони рохбарикунанда ва мансабдор, қарздории муассисон дар сармояи оинномавӣ ва захираи дигар қарзҳои беэътимод ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ;

2) дар қисми дуюми ҷадвал:

- қарздории дебитории тарафҳои вобаста аз рӯйи муҳлат бо гурӯҳбандии батаъхирнаафтода, батаъхирафтода аз 31 то 60 рӯз, аз 61 то 90 рӯз, аз 91 то 120 рӯз ва зиёда аз 121 рӯз ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ;3) дар қисми сеюми ҷадвал:

- маълумот дар бораи 10 қарзи дебитории калонтарини тарафҳои вобаста, аз ҷумла қарзҳои андозӣ аз корхонаҳои фаръӣ ва зертобеъ, қарзҳои дебитории ташкилоти асосӣ (модарӣ), қарзҳои дебитории директорон, роҳбарон ва менеҷерон, қарзҳои дебитории ташкилотҳои асосӣ (модарӣ), фаръӣ ва зертобеъ, идоракунии сармоягузории дебитории ташкилотҳои асосӣ (модарӣ), фаръӣ ва зертобеъ ва дигар хизматрасониҳо ба ташкилотҳои асосӣ (модарӣ), фаръӣ ва зертобеъ ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ.

22. Ҷадвали 10. Дигар қарздории дебиторӣ, ки дар замимаи 16 Тартиби мазкур оварда шудааст, маълумоти зеринро дар бар мегирад:

- дигар қарздории дебиторӣ, аз ҷумла ҳисобҳо барои қабули мол ва хизматрасонӣ, ҳисобҳо барои қабули мол ва хизматрасонӣ бо асъори хориҷӣ, векселҳо барои қабул, пешпардохтҳо ба таъминкунандагон, қарздории дебитории кормандон, қисми ҷории қарзи дарозмуддат, қарзҳои дебитории дигар амалиётҳо, фоизҳо барои қабул, суди саҳмияҳо барои қабул ва дигар ҳисобҳо барои қабул ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ.

23. Ҷадвали 11. Воситаҳои асосӣ, ки дар замимаи 17 Тартиби мазкур оварда шудааст, бояд маълумоти зеринро дар бар гирад:

1) дар қисми якуми ҷадвал:

- воситаҳои асосӣ, аз ҷумла қитъаи замин, бино ва иншоот, ободонии моликияти иҷора, ободонии қитъаи замин, молу мулки ғайриманқул дар хориҷа, коҳиши арзиши ҷамъшудаи воситаҳои асосӣ, мебел, асбоб ва таҷҳизоти идоравӣ, воситаҳои нақлиёт ва дигар воситаҳои асосӣ ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ;

2) дар қисми дуюми ҷадвал:

- фарсоиши ҷамъшудаи воситаҳои асосӣ ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ;

3) дар қисми сеюми ҷадвал:

- воситаҳои асосии холис ба аввали соли ҳисоботӣ, семоҳаи ҳисоботӣ ва ҳамагӣ дар соли ҳисоботӣ, ки ба таври худкор ҳисоб карда мешавад.;

4) дар қисми чоруми ҷадвал бақияи ниҳоии 5 бинои калонтарин пас аз фарсоиши ҷамъшуда бо нишон додани маҳалли ҷойгиршавӣ, истифодабарии бино, аз ҷумла бинои корӣ, филиал ва намояндагӣ;

5) дар қисми панҷуми ҷадвал:

- сохтмони нотамом, таҷҳизот барои васлкунӣ ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ.

24. Ҷадвали 12. Дороиҳои ғайримоддӣ, ки дар замимаи 18 Тартиби мазкур оварда шудааст, маълумоти зеринро дар бар мегирад:

1) дар қисми якуми ҷадвал:

- дороиҳои ғайримоддӣ, аз ҷумла ҳуқуқи истифодаи қитаи замин, гудвил, патентҳо, иҷозатномаҳо, франшизаҳо, тамғаҳои молӣ, ҳуқуқи муаллифӣ, барномаҳои таъминотӣ, дороиҳои ғайримоддии нотамом ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ;

2) дар қисми дуюми ҷадвал:

- фарсоиши ҷамъшудаи дороиҳои ғайримоддӣ ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ;

3) дар қисми сеюми ҷадвал:

- дороиҳои ғайримоддии холис ба аввали соли ҳисоботӣ, семоҳаи ҳисоботӣ ва ҳамагӣ дар соли ҳисоботӣ, ки ба таври худкор ҳисоб карда мешавад.

25. Ҷадвали 13. Дигар дороиҳо, ки дар замимаи 19 Тартиби мазкур оварда шудааст, маълумоти зеринро дар бар мегирад:

- дигар дороиҳо, аз ҷумла хароҷотҳои пешпардохтшуда, андозҳои пешпардохтшуда, дороиҳои ғайригардон барои фурӯш, варақаҳои полиси суғуртавӣ, дороиҳои мавқуфгузошташудаи андоз ва қарзҳои дебитории дарозмуддат ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ.

Эзоҳ ба бандҳои 13-25: дар ҷадвалҳои 1 – 13, сутуни ҷамъи соли ҳисоботӣ аз сутунҳои бақия ба аввали соли ҳисоботӣ, семоҳаи 1, 2, 3 ва 4 ба таври худкор ҳисоб карда мешаванд.

26. Ҷадвали 14. Мукофоти (ҳаққи) суғуртавии соли ҳисоботӣ (N), ки дар замимаи 20 Тартиби мазкур оварда шудааст, маълумотро оид ба мукофоти (ҳаққи) суғуртавии соли ҳисоботӣ (N) аз рӯйи соҳаҳои суғуртаи ҳаёт ва умумӣ дар бар мегирад. Мукофоти суғуртавӣ аз рӯйи намудҳои суғуртаи ҳатмӣ ва ихтиёрӣ, шумораи шартномаҳо ва мукофоти суғуртавии баргардонидашуда аз рӯйи соҳаҳои суғуртаи ҳаёт ва умумӣ дар сутунҳои алоҳида нишон дода мешавад.

27. Ҷадвали 15. Мукофоти (ҳаққи) суғуртавии соли гузашта (N-1), ки дар замимаи 21 Тартиби мазкур оварда шудааст, маълумотро оид ба мукофоти (ҳаққи) суғуртавии соли гузашта (N-1) аз рӯйи соҳаҳои суғуртаи ҳаёт ва умумӣ дар бар мегирад. Мукофоти суғуртавӣ аз рӯйи намудҳои суғуртаи ҳатмӣ ва ихтиёрӣ, маблағи суғуртавӣ, шумораи шартномаҳо ва мукофоти суғуртавии баргардонидашуда дар сутунҳои алоҳида нишон дода мешавад.

Эзоҳ ба бандҳои 26 ва 27: дар ҷадвалҳои 14-15, сутуни ҷамъи соли ҳисоботӣ ба таври худкор ҳисоб карда мешавад.

28. Ҷадвали 16. Мукофоти (ҳаққи) суғуртавии бадастомада/ бадастнаомадаи соли ҳисоботӣ (N), ки дар замимаи 22 Тартиби мазкур оварда шудааст, маълумотро дар бораи бақияи мукофоти (ҳаққи) суғуртавии бадастнаомадаи давраи гузашта дар бар мегирад. Мукофоти (ҳаққи) суғуртавии бадастнаомадаи соли ҳисоботӣ (N) бояд маълумотҳоро аз рӯйи намудҳои соҳаҳои суғуртаи ҳаёт ва умумӣ барои семоҳаи соли ҳисоботӣ инъикос намояд.

29. Ҷадвали 17. Мукофоти (ҳаққи) суғуртавии бадастомада/ бадастнаомадаи соли гузашта (N-1), ки дар замимаи 23 Тартиби мазкур оварда шудааст, маълумотро дар бораи бақияи мукофоти (ҳаққи) суғуртавии бадастнаомадаи соли гузашта дар сутуни тавозун ба аввали соли ҳисоботӣ дар бар мегирад. Мукофоти (ҳаққи) суғуртавии бадастомада/бадастнаомадаи соли ҳисоботӣ (N-1) бояд маълумотро аз рӯйи соҳаҳои суғуртаи ҳаёт ва умумӣ барои семоҳаи ҳисоботӣ инъикос намояд.

Эзоҳ ба бандҳои 28 ва 29:

- дар ҷадвали 16 сутуни тавозун ба аввали соли ҳисоботӣ аз ҷадвали 17 ва сутуни мукофотҳои (ҳаққи) суғуртавӣ аз ҷадвали 14 ба таври худкор мегузарад;

- дар ҷадвалҳои 16-17, сутуни тавозун дар соли ҳисоботӣ, сутуни тағйирот дар захираи мукофоти суғуртавии бадастнаомада ва сутуни мукофотҳои бадастомада аз сутунҳои семоҳаи 1, 2, 3 ва 4 ба таври худкор ҳисоб карда мешаванд.

30. Ҷадвали 18. Мукофоти (ҳаққи) суғуртавии софи бадастомада дар соли ҳисоботӣ (N), ки дар замимаи 24 Тартиби мазкур оварда шудааст, маълумоти зеринро дар бар мегирад:

- мукофоти (ҳаққи) суғуртавии бадастомада дар аввали соли ҳисоботӣ (N);

- мукофоти (ҳаққи) суғуртавӣ аз азнавсуғуртакунӣ дар соли ҳисоботӣ (N) аз рӯйи соҳаҳои суғуртаи ҳаёт ва умумӣ барои семоҳаи соли ҳисоботӣ;

- мукофоти (ҳаққи) суғуртавии ба азнавсуғуртакунӣ интиқолшудаи соли ҳисоботӣ (N) аз рӯйи соҳаҳои суғуртаи ҳаёт ва умумӣ барои семоҳаи соли ҳисоботӣ;

- мукофотҳои софи бадастомадаи соли ҳисоботӣ аз сутунҳои мукофоти суғуртавии бадастомада дар аввали сол, ҷамъи мукофотҳои суғуртавӣ аз азнавсуғуртакунӣ ва тарҳи мукофотҳои суғуртавии ба азнавсуғуртакунӣ интиқолшудаи соли ҳисоботӣ (N) ба таври худкор ҳисоб карда мешаванд;

- ҳиссаи азнавсуғуртакунандагон дар захираи мукофоти суғуртавии бадастнаомада соли ҳисоботӣ (N) аз рӯйи соҳаҳои суғуртаи ҳаёт ва умумӣ барои семоҳаи соли ҳисоботӣ.

Эзоҳ: Мукофоти (ҳаққи) суғуртавии бадастомада дар соли ҳисоботӣ (N) аз ҷадвали 16 ба таври худкор мегузарад.

31. Ҷадвали 19. Мукофоти (ҳаққи) суғуртавии софи бадастомада – соли гузашта (N-1), ки дар замимаи 25 Тартиби мазкур оварда шудааст, маълумоти зеринро дар бар мегирад:

- мукофоти (ҳаққи) суғуртавии бадастомада дар аввали соли ҳисоботӣ (N-1);

- мукофоти (ҳаққи) суғуртавӣ аз азнавсуғуртакунии соли ҳисоботӣ (N-1) аз рӯйи соҳаҳои суғуртаи ҳаёт ва умумӣ барои семоҳаи соли ҳисоботӣ (N-1);

- мукофоти (ҳаққи) суғуртавии ба азнавсуғуртакунӣ интиқолшудаи соли ҳисоботӣ (N-1) аз рӯйи соҳаҳои суғуртаи ҳаёт ва умумӣ барои семоҳаи соли ҳисоботӣ (N-1);

- мукофотҳои софи бадастомадаи соли ҳисоботӣ (N-1) аз сутунҳои мукофоти суғуртавии бадастомада дар аввали соли ҳисоботӣ (N-1), ҷамъи мукофотҳои суғуртавӣ аз азнавсуғуртакунӣ ва тарҳи мукофотҳои суғуртавии ба азнавсуғуртакунӣ интиқолшудаи соли ҳисоботӣ (N-1) ба таври худкор ҳисоб карда мешаванд;

- ҳиссаи азнавсуғуртакунандагон дар захираи мукофоти суғуртавии бадастнаомада соли ҳисоботӣ (N-1) аз рӯйи соҳаҳои суғуртаи ҳаёт ва умумӣ барои семоҳаи соли ҳисоботӣ (N-1).

Эзоҳ: Мукофоти (ҳаққи) суғуртавии бадастомада дар аввали соли ҳисоботӣ (N-1) аз ҷадвали 17 ба таври худкор мегузарад.

32. Ҷадвали 20. Мукофоти (ҳаққи) суғуртавии ба азнавсуғуртакунӣ интиқолшуда – соли ҳисоботӣ (N), ки дар замимаи 26 Тартиби мазкур оварда шудааст, маълумоти зеринро дар бар мегирад:

- ҳиссаи азнавсуғуртакунандагон дар мукофотҳои суғуртавии бадастнаомадаи соли ҳисоботӣ (N) аз рӯйи ташкилотҳои азнавсуғуртакунӣ барои семоҳаи соли ҳисоботӣ (N);

- маълумот дар бораи кишвари азнавсуғуртакунанда, агенти рейтингӣ, рейтинг ва санаи рейтинг, номи ташкилоти брокерӣ, давлати ҷойгиршавии брокер, маблағи суғуртавӣ, маблағи азнавсуғурташуда, пардохту ҷуброни суғуртавӣ аз ҷониби азнавсуғуртакунанда ва намуди шартномаи азнавсуғуртакунӣ.

33. Ҷадвали 21. Захираи зарарҳо то азнавсуғуртакунӣ дар соли ҳисоботӣ (N), ки дар замимаи 27 Тартиби мазкур оварда шудааст, маълумоти зеринро дар бар мегирад:

1) дар қисми якуми ҷадвалзахираи зарарҳои арзшуда, вале пардохтнашуда аз рӯйи соҳаҳои суғуртаи ҳаёт ва умумӣ ба аввали соли ҳисоботӣ ва барои семоҳаи соли ҳисоботӣ (N);

2) дар қисми дуюми ҷадвал дигар захираҳо аз рӯйи соҳаҳои суғуртаи ҳаёт ва умумӣ ба аввали соли ҳисоботӣ (N) ва барои семоҳаи соли ҳисоботӣ (N);

3) дар қисми сеюми ҷадвал захираи тадбирҳои пешгирикунанда аз рӯйи соҳаҳои суғуртаи ҳаёт ва умумӣ ба аввали соли ҳисоботӣ (N) ва барои семоҳаи соли ҳисоботӣ (N);

4) дар қисми чоруми ҷадвал захираи зарарҳои бавуҷудомада, вале арзнашуда аз рӯйи соҳаҳои суғуртаи ҳаёт ва умумӣ ба аввали соли ҳисоботӣ (N) ва барои семоҳаи соли ҳисоботӣ (N);

5) дар қисми панҷуми ҷадвал:

- ҳамагӣ захираҳо ба аввали соли ҳисоботӣ (N) аз сутунҳои тавозун ба аввали соли ҳисоботии захираи зарарҳои арзшуда, вале пардохтнашуда, тавозун ба аввали соли ҳисоботии дигар захираҳо, тавозун ба аввали соли ҳисоботии захираи тадбирҳои пешгирикунанда ва тавозун ба аввали соли ҳисоботии захираи зарарҳои бавуҷудомада, вале арзнашуда ба таври худкор ҳисоб карда мешаванд;

- тағйирот дар захираи зарарҳои арзшуда, вале пардохтнашуда, тағйирот дар дигар захираҳо, тағйирот дар захираи тадбирҳои пешгирикунанда ва тағйирот дар захираи зарарҳои бавуҷудомада, вале арзнашуда;

- тағйироти маҷмуи захираҳо аз сутунҳои тағйирот дар захираи зарарҳои арзшуда, вале пардохтнашуда, тағйирот дар дигар захираҳо, тағйирот дар захираи тадбирҳои пешгирикунанда ва тағйирот дар захираи зарарҳои бавуҷудомада, вале арзнашуда ба таври худкор ҳисоб карда мешаванд;

- маҷмуи захираи зарарҳои соли ҳисоботӣ аз сутунҳои ҷамъи захираҳо ба аввали соли ҳисоботӣ ва тағйироти маҷмуи захираҳо дар соли ҳисоботӣ (N) ба таври худкор ҳисоб карда мешаванд.

Эзоҳ: Бақияи захираи зарарҳои арзшуда, вале пардохтнашудаи соли ҳисоботӣ (N), бақияи дигар захираҳои соли ҳисоботӣ (N), бақияи захираи тадбирҳои пешгирикунандаи соли ҳисоботӣ (N), бақияи захираи зарарҳои бавуҷудомада, вале арзнашудаи соли ҳисоботӣ (N) ба таври худкор аз ҷадвали 22 ба аввали соли ҳисоботӣ мегузарад.

34. Ҷадвали 22. Захираи зарарҳо то азнавсуғуртакунӣ дар соли гузашта (N-1), ки дар замимаи 28 Тартиби мазкур оварда шудааст, маълумоти зеринро дар бар мегирад:

1) дар қисми якуми ҷадвал захираи зарарҳои арзшуда, вале пардохтнашуда аз рӯйи соҳаҳои суғуртаи ҳаёт ва умумӣ ба аввали соли ҳисоботӣ ва барои семоҳаи соли ҳисоботӣ (N-1);

2) дар қисми дуюми ҷадвал дигар захираҳо аз рӯйи соҳаҳои суғуртаи ҳаёт ва умумӣ ба аввали соли ҳисоботӣ ва барои семоҳаи соли ҳисоботӣ (N-1);

3) дар қисми сеюми ҷадвал захираи тадбирҳои пешгирикунанда аз рӯйи соҳаҳои суғуртаи ҳаёт ва умумӣ ба аввали соли ҳисоботӣ ва барои семоҳаи соли ҳисоботӣ (N-1);

4) дар қисми чоруми ҷадвал захираи зарарҳои бавуҷудомада, вале арзнашуда аз рӯйи соҳаҳои суғуртаи ҳаёт ва умумӣ ба аввали соли ҳисоботӣ ва барои семоҳаи соли ҳисоботӣ (N-1);

5) дар қисми панҷуми ҷадвал:

- ҷамъи ҳамаи захираҳо ба аввали соли ҳисоботӣ (N-1) аз сутунҳои тавозун ба аввали соли ҳисоботии захираи зарарҳои арзшуда, вале пардохтнашуда, тавозун ба аввали соли ҳисоботии дигар захираҳо, тавозун ба аввали соли ҳисоботии захираи тадбирҳои пешгирикунанда ва тавозун ба аввали соли ҳисоботии захираи зарарҳои бавуҷудомада, вале арзнашуда;

- тағйирот дар захираи зарарҳои арзшуда, вале пардохтнашуда, тағйирот дар дигар захираҳо, тағйирот дар захираи тадбирҳои пешгирикунанда ва тағйирот дар захираи зарарҳои бавуҷудомада, вале арзнашуда аз сутунҳои семоҳаи 1, 2, 3 ва 4 захираи дахлдори соли ҳисоботӣ(N-1);

- тағйироти маҷмуи захираҳо аз сутунҳои тағйирот дар захираи зарарҳои арзшуда, вале пардохтнашуда, тағйирот дар дигар захираҳо, тағйирот дар захираи тадбирҳои пешгирикунанда ва тағйирот дар захираи зарарҳои бавуҷудомада, вале арзнашудаи соли ҳисоботӣ (N-1);

- маҷмуи захираи зарарҳои соли ҳисоботӣ (N-1) аз сутунҳои ҷамъи захираҳо ба аввали соли ҳисоботӣ ва тағйироти маҷмуи захираҳои соли ҳисоботӣ ба таври худкор ҳисоб карда мешаванд.

Эзоҳ: Сутунҳои тағйирот дар захираи зарарҳои арзшуда, вале пардохтнашуда, тағйирот дар дигар захираҳо, тағйирот дар захираи тадбирҳои пешгирикунанда ва тағйирот дар захираи зарарҳои бавуҷудомада, вале арзнашуда аз сутунҳои семоҳаи 1, 2, 3 ва 4 захираи дахлдори соли ҳисоботӣ (N-1) ба таври худкор ҳисоб карда мешаванд.

35. Ҷадвали 23. Захираи зарарҳо баъди азнавсуғуртакунӣ дар соли ҳисоботӣ (N), ки дар замимаи 29 Тартиби мазкур оварда шудааст, маълумоти зеринро дар бар мегирад:

1) дар қисми якуми ҷадвал маҷмуи захираи зарарҳо ба аввали соли ҳисоботӣ;

2) дар қисми дуюми ҷадвал захираи зарарҳо аз шартномаҳои азнавсуғуртакунӣ аз рӯйи соҳаҳои суғуртаи ҳаёт ва умумӣ ба аввали соли ҳисоботӣ ва барои семоҳаи соли ҳисоботӣ (N);

3) дар қисми сеюми ҷадвал:

- ҳиссаи азнавсуғуртакунандагон дар захираҳои суғуртавӣ аз рӯйи соҳаҳои суғуртаи ҳаёт ва умумӣ ба аввали соли ҳисоботӣ ва барои семоҳаи соли ҳисоботӣ (N);

- захираи зарарҳои холиси соли ҳисоботӣ аз сутуни бақияи маҷмуи захираи зарарҳо ба аввали соли ҳисоботӣ, сутуни ҷамъи захираи зарарҳо аз шартномаҳои азнавсуғуртакунӣ ва сутуни ҷамъи ҳиссаи азнавсуғуртакунандагон дар захираҳои суғуртавӣ;

4)дар қисми чоруми ҷадвал:

- ҳиссаи азнавсуғуртакунандагон дар захираи зарарҳои арзшуда, вале пардохтнашуда аз рӯйи соҳаҳои суғуртаи ҳаёт ва умумӣ ба аввали соли ҳисоботӣ ва барои семоҳаи соли ҳисоботӣ (N);

- ҳиссаи азнавсуғуртакунандагон дар дигар захираҳои суғуртавӣ аз рӯйи соҳаҳои суғуртаи ҳаёт ва умумӣ ба аввали соли ҳисоботӣ ва барои семоҳаи соли ҳисоботӣ (N);

- ҳиссаи азнавсуғуртакунандагон дар захираи зарарҳои бавуҷудомада, вале арзнашудаи аз рӯйи соҳаҳои суғуртаи ҳаёт ва умумӣ ба аввали соли ҳисоботӣ ва барои семоҳаи соли ҳисоботӣ (N);

- ҳамагӣ ҳиссаи азнавсуғуртакунандагон дар захираҳои суғуртавии соли ҳисоботӣ, аз сутунҳои ҷамъи ҳиссаи азнавсуғуртакунандагон дар захираи зарарҳои арзшуда, вале пардохтнашуда, ҷамъи ҳиссаи азнавсуғуртакунандагон дар дигар захираҳои суғуртавӣ ва ҷамъи ҳиссаи азнавсуғуртакунандагон дар захираи зарарҳои бавуҷудомада, вале арзнашуда ба таври худкор ҳисоб карда мешавад;

Эзоҳ: Маҷмуи захираи зарарҳо ба аввали соли ҳисоботӣ аз ҷадвали 21, маҷмуи захираи зарарҳо аз шартномаҳои азнавсуғуртакунӣ ба аввали соли ҳисоботӣ (N), ҷамъи ҳиссаи азнавсуғуртакунандагон дар захираҳои суғуртавӣ ба аввали соли ҳисоботӣ аз ҷадвали 24 ба таври худкор мегузаранд.

36. Ҷадвали 24. Захираи зарарҳо баъди азнавсуғуртакунӣ дар соли гузашта (N-1), ки дар замимаи 30 Тартиби мазкур оварда шудааст, маълумоти зеринро дар бар мегирад:

1) дар қисми якуми ҷадвал маҷмуи захираи зарарҳо ба аввали соли ҳисоботӣ (N-1);

2) дар қисми дуюми ҷадвал захираи зарарҳо аз шартномаҳои азнавсуғуртакунӣ аз рӯйи соҳаҳои суғуртаи ҳаёт ва умумӣ ба аввали соли ҳисоботӣ ва барои семоҳаи соли ҳисоботӣ (N-1);

3) дар қисми сеюми ҷадвал:

- ҳиссаи азнавсуғуртакунандагон дар захираҳои суғуртавӣ аз рӯйи соҳаҳои суғуртаи ҳаёт ва умумӣ ба аввали соли ҳисоботӣ (N-1) ва барои семоҳаи соли ҳисоботӣ (N-1);

- захираи зарарҳои холиси соли ҳисоботӣ (N-1) аз сутуни бақияи маҷмуи захираи зарарҳо ба аввали соли ҳисоботӣ (N-1), сутуни ҷамъи захираи зарарҳо аз шартномаҳои азнавсуғуртакунӣ ва сутуни ҷамъи ҳиссаи азнавсуғуртакунандагон дар захираҳои суғуртавӣ;

4)дар қисми чоруми ҷадвал:

- ҳиссаи азнавсуғуртакунандагон дар захираи зарарҳои арзшуда, вале пардохтнашуда аз рӯйи соҳаҳои суғуртаи ҳаёт ва умумӣ ба аввали соли ҳисоботӣ (N-1) ва барои семоҳаи соли ҳисоботӣ (N-1);

- ҳиссаи азнавсуғуртакунандагон дар дигар захираҳои суғуртавӣ аз рӯйи соҳаҳои суғуртаи ҳаёт ва умумӣ ба аввали соли ҳисоботӣ (N-1) ва барои семоҳаи соли ҳисоботӣ (N-1);

- ҳиссаи азнавсуғуртакунандагон дар захираи зарарҳои бавуҷудомада, вале арзнашуда аз рӯйи соҳаҳои суғуртаи ҳаёт ва умумӣ ба аввали соли ҳисоботӣ (N-1) ва барои семоҳаи соли ҳисоботӣ (N-1);

- ҳамагӣ ҳиссаи азнавсуғуртакунандагон дар захираҳои суғуртавии соли ҳисоботӣ (N-1), аз сутунҳои ҷамъи ҳиссаи азнавсуғуртакунандагон дар захираи зарарҳои арзшуда, вале пардохтнашуда, ҷамъи ҳиссаи азнавсуғуртакунандагон дар дигар захираҳои суғуртавӣ ва ҷамъи ҳиссаи азнавсуғуртакунандагон дар захираи зарарҳои бавуҷудомада, вале арзнашуда ба таври худкор ҳисоб карда мешавад;

Эзоҳ: Маҷмуи захираи зарарҳо ба аввали соли ҳисоботӣ (N-1) аз ҷадвали 22 ба таври худкор мегузарад.

37. Ҷадвали 25. Маҷмуи пардохту ҷубронҳои суғуртавӣ (то азнавсуғуртакунӣ) дар соли ҳисоботӣ (N), ки дар замимаи 31 Тартиби мазкур оварда шудааст, маълумоти зеринро дар бар мегирад:

- пардохту ҷубронҳои суғуртавӣ то азнавсуғуртакунӣ аз рӯйи соҳаҳои суғуртаи ҳаёт ва умумӣ дар семоҳаи соли ҳисоботӣ (N);

- ҳамагӣ дар соли ҳисоботӣ (N);

- тағйироти маҷмуи захираҳо дар соли ҳисоботӣ (N);

- маҷмуи пардохту ҷубронҳои суғуртавӣ дар соли ҳисоботӣ(N).

Эзоҳ: Тағйироти маҷмуи захираҳо дар соли ҳисоботӣ (N) аз ҷадвали 21 ба таври худкор ҳисоб карда мешавад.

38. Ҷадвали 26. Маҷмуи пардохту ҷубронҳои суғуртавӣ (то азнавсуғуртакунӣ) дар соли гузашта (N-1), ки дар замимаи 32 Тартиби мазкур оварда шудааст, маълумоти зеринро дар бар мегирад:

- пардохту ҷубронҳои суғуртавӣ то азнавсуғуртакунӣ аз рӯйи соҳаҳои суғуртаи ҳаёт ва умумӣ дар семоҳаи соли ҳисоботӣ (N-1);

- ҳамагӣ дар соли ҳисоботӣ (N-1);

- тағйироти маҷмуи захираҳо дар соли ҳисоботӣ (N-1);

- маҷмуи пардохту ҷубронҳои суғуртавӣ дар соли ҳисоботӣ (N-1).

Эзоҳ: Тағйироти маҷмуи захираҳо дар соли ҳисоботӣ (N-1) аз ҷадвали 22 ба таври худкор ҳисоб карда мешавад.

39. Ҷадвали 27. Зарарҳои пардохтшудаи холис (баъди азнавсуғуртакунӣ) дар соли ҳисоботӣ (N), ки дар замимаи 33 Тартиби мазкур оварда шудааст, маълумоти зеринро дар бар мегирад:

1) дар қисми якуми ҷадвал маҷмуи пардохту ҷубронҳои суғуртавӣ (N) аз рӯйи соҳаҳои суғуртаи ҳаёт ва умумӣ дар соли ҳисоботӣ;

2) дар қисми дуюми ҷадвал:

- пардохту ҷубронҳо аз рӯйи шартномаҳои азнавсуғуртакунӣ барои семоҳаи соли ҳисоботӣ (N);

- ҳамагӣ дар соли ҳисоботӣ;

3)дар қисми сеюми ҷадвал:

- тағйироти захира аз рӯйи шартномаҳои азнавсуғуртакунӣ дар семоҳаи соли ҳисоботӣ (N);

- ҳамагӣ дар соли ҳисоботӣ;

4) дар қисми чоруми ҷадвал:

- ҳиссаи азнавсуғуртакунандагон дар пардохту ҷубронҳо дар семоҳаи соли ҳисоботӣ (N);

- ҳамагӣ дар соли ҳисоботӣ;

5) дар қисми панҷуми ҷадвал:

- тағйироти ҳиссаи азнавсуғуртакунандагон дар захираи зарарҳо дар семоҳаи соли ҳисоботӣ (N);

- ҳамагӣ дар соли ҳисоботӣ;

- зарарҳои пардохтшудаи холис, аз сутунҳои маҷмуи пардохту ҷубронҳои суғуртавӣ дар аввали соли ҳисоботӣ, ҷамъи пардохту ҷубронҳо аз рӯйи шартномаҳои азнавсуғуртакунӣ, ҷамъи тағйирот аз рӯйи шартномаҳои азнавсуғуртакунӣ, ҷамъи ҳиссаи азнавсуғуртакунандагон дар пардохту ҷуброни суғуртавӣ ва тағйироти ҳиссаи азнавсуғуртакунандагон дар захираҳои соли ҳисоботӣ (N), ба таври худкор ҳисоб карда мешавад.

Эзоҳ: Маҷмуи пардохту ҷубронҳои суғуртавӣ соли ҳисоботӣ (N) аз ҷадвали 25. тағйироти захира аз рӯйи шартномаҳои азнавсуғуртакунӣ, тағйироти ҳиссаи азнавсуғуртакунандагон дар захираи зарарҳо аз ҷадвали 23 ба таври худкор ҳисоб карда мешаванд.

40. Ҷадвали 28. Зарарҳои пардохтшудаи холис (баъди азнавсуғуртакнӣ) дар соли гузашта (N-1), ки дар замимаи 34 Тартиби мазкур оварда шудааст, маълумоти зеринро дар бар мегирад:

1) дар қисми якуми ҷадвал маҷмуи пардохту ҷубронҳои суғуртавӣ аз рӯйи соҳаҳои суғуртаи ҳаёт ва умумӣ барои соли ҳисоботӣ (N-1);

2) дар қисми дуюми ҷадвал:

- пардохту ҷубронҳо аз рӯйи шартномаҳои азнавсуғуртакунӣ барои семоҳаи соли ҳисоботӣ (N-1);

- ҳамагӣ дар соли ҳисоботӣ;

3) дар қисми сеюми ҷадвал:

- тағйироти захира аз рӯйи шартномаҳои азнавсуғуртакунӣ дар соли ҳисоботӣ (N-1);

- ҳамагӣ дар соли ҳисоботӣ;

4) дар қисми чоруми ҷадвал:

- ҳиссаи азнавсуғуртакунандагон дар пардохту ҷубронҳо дар соли ҳисоботӣ (N-1);

- ҳамагӣ дар соли ҳисоботӣ;

5) дар қисми панҷуми ҷадвал:

- тағйироти ҳиссаи азнавсуғуртакунандагон дар захираи зарарҳо дар соли ҳисоботӣ (N-1);

- ҳамагӣ дар соли ҳисоботӣ;

- зарарҳои пардохтшудаи холис, аз сутунҳои маҷмуи пардохту ҷубронҳои суғуртавӣ дар аввали соли ҳисоботӣ (N-1), ҷамъи пардохту ҷубронҳо аз рӯйи шартномаҳои азнавсуғуртакунӣ, ҷамъи тағйирот аз рӯйи шартномаҳои азнавсуғуртакунӣ, ҷамъи ҳиссаи азнавсуғуртакунандагон дар пардохту ҷуброни суғуртавӣ ва тағйироти ҳиссаи азнавсуғуртакунандагон дар захираҳои соли ҳисоботӣ (N-1), ба таври худкор ҳисоб карда мешавад.

Эзоҳ: Маҷмуи пардохту ҷубронҳои суғуртавӣ соли ҳисоботӣ (N-1) аз ҷадвали 26, тағйироти захира аз рӯйи шартномаҳои азнавсуғуртакунӣ, тағйироти ҳиссаи азнавсуғуртакунандагон дар захираи зарарҳо дар соли ҳисоботӣ (N-1) аз ҷадвали 24, ба таври худкор ҳисоб карда мешаванд.

41. Ҷадвали 29. Таносуби пардохту ҷуброни суғуртавӣ нисбат ба мукофоти (ҳаққи) суғуртавӣ дар соли ҳисоботӣ (N), ки дар замимаи 35 Тартиби мазкур оварда шудааст, маълумоти зеринро дар бар мегирад:

- маҷмуи пардохту ҷубронҳои суғуртавӣ дар соли ҳисоботӣ (N);

- мукофоти суғуртавии бадастомада дар соли ҳисоботӣ (N);

- меъёри зарар, аз таносуби сутуни маҷмуи пардохту ҷубронҳои суғуртавӣ нисбат ба мукофоти суғуртавии бадастомада дар соли ҳисоботӣ (N) ба таври худкор ҳисоб карда мешавад;

- зарарҳои пардохтшудаи холис дар соли ҳисоботӣ (N);

- мукофоти суғуртавии софи бадастомада дар соли ҳисоботӣ (N);

- меъёри холиси зарар, аз таносуби сутуни зарарҳои пардохтшудаи холис нисбат ба мукофоти суғуртавии софи бадастомада дар соли ҳисоботӣ (N) ба таври худкор ҳисоб карда мешавад.

Эзоҳ: Маҷмуи пардохту ҷубронҳои суғуртавӣ дар соли ҳисоботӣ (N) аз ҷадвали 25, мукофоти суғуртавии бадастомада дар соли ҳисоботӣ (N) аз ҷадвали 16. зарарҳои пардохтшудаи холис дар соли ҳисоботӣ (N) аз ҷадвали 27. ва мукофоти суғуртавии софи бадастомада дар соли ҳисоботӣ (N) аз ҷадвали 18. ба таври худкор ҳисоб карда мешавад.

42. Ҷадвали 30. Таносуби пардохту ҷубронҳои суғуртавӣ нисбат ба мукофоти суғуртавӣ дар соли ҳисоботии (N-1), ки дар замимаи 36 Тартиби мазкур оварда шудааст, маълумоти зеринро дар бар мегирад:

- маҷмуи пардохту ҷубронҳои суғуртавӣ дар соли ҳисоботӣ (N-1);

- мукофоти суғуртавии бадастомада дар соли ҳисоботӣ (N-1);

- меъёри зарар, аз таносуби сутуни маҷмуи пардохту ҷубронҳои суғуртавӣ нисбат ба мукофоти суғуртавии бадастомада дар соли ҳисоботӣ (N-1) ба таври худкор ҳисоб карда мешавад.

- зарарҳои пардохтшудаи холис дар соли ҳисоботӣ (N-1);

- мукофоти суғуртавии софи бадастомада дар соли ҳисоботӣ (N-1);

- меъёри холиси зарар, аз таносуби сутуни зарарҳои пардохтшудаи холис нисбат ба мукофоти суғуртавии софи бадастомада дар соли ҳисоботӣ (N-1) ба таври худкор ҳисоб карда мешавад.

Эзоҳ: Маҷмуи пардохту ҷубронҳои суғуртавӣ то азнавсуғуртакунӣ дар соли ҳисоботӣ (N-1) аз ҷадвали 26. мукофоти суғуртавии бадастомада дар соли ҳисоботӣ (N-1) аз ҷадвали 17. зарарҳои пардохтшудаи холис дар соли ҳисоботӣ (N-1) аз ҷадвали 28. мукофоти суғуртавии софи бадастомада дар соли ҳисоботӣ (N-1) аз ҷадвали 19 ба таври худкор ҳисоб карда мешаванд.

Бандҳои 26 - 42: Дар ҷадвалҳои 14 – 30 сутунҳои ҷамъи соли ҳисоботӣ ба таври худкор ҳисоб карда мешаванд.

43. Ҷадвали 31. Қаздории кредиторӣ аз амалиётҳои суғуртавӣ, ки дар замимаи 37 Тартиби мазкур оварда шудааст, маълумоти зеринро дар бар мегирад:

- қарзҳои кредиторӣ аз амалиётҳои суғуртавӣ, инчунин қарздории агентҳо ва брокерҳо аз рӯйи подошпулиҳои комиссионии ҳисобшуда ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ.

44. Ҷадвали 32. Қарздории кредиторӣ аз амалиётҳои азнавсуғуртакунӣ, ки дар замимаи 38 Тартиби мазкур оварда шудааст, маълумоти зеринро дар бар мегирад:

- қарзҳои кредиторӣ аз амалиётҳои азнавсуғуртакунӣ ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ.

45. Ҷадвали 33. Қарздории кредиторӣ ба тарафҳои вобаста, ки дар замимаи 39 Тартиби мазкур оварда шудааст, маълумоти зеринро дар бар мегирад:

- қарзҳои кредиторӣ дар назди саҳомон ва муассисон, директорон шахсони роҳбарикунанда ва мансабдор, ташкилотҳои асосӣ (модарӣ) ва ташкилотҳои фаръӣ ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ.

46. Ҷадвали 34. Дигар қарздории кредиторӣ, ки дар замимаи 40 Тартиби мазкур оварда шудааст, маълумоти зеринро дар бар мегирад:

- дигар қарзҳои кредиторӣ, ба монанди музди меҳнати пардохтшаванда, андози нафақавии пардохтшаванда, андоз аз даромади шахсони воқеии пардохтшаванда, андози иҷтимоии пардохтшаванда, суди саҳмияҳои пардохтшаванда, фоизҳо барои пардохт, дигар хароҷотҳои ҳисобкардашуда, қарздорӣ аз рӯйи варақаҳои иҷро, уҳдадорӣ аз рӯйи ҳақгузории иттифоқи касаба, андозҳо барои пардохт ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ.

47. Ҷадвали 35. Дигар уҳдадориҳо, ки дар замимаи 41 Тартиби мазкур оварда шудааст, маълумоти зеринро дар бар мегирад:

- қарздории кредитории тиҷоратӣ, уҳдадориҳои кӯтоҳмуддати қарзӣ, захираҳои хароҷот ва пардохтҳои дарпешистода, уҳдадориҳои дарозмуддат ва даромадҳои мавқуфгузошташуда ба аввали соли ҳисоботӣ ва барои семоҳаи ҳисоботӣ;

- ҳамагӣ дар соли ҳисоботӣ.

48. Ҷадвали 36. Дигар даромад ва хароҷоти андеррайтингӣ, ки дар замимаи 42 Тартиби мазкур оварда шудааст, маълумоти зеринро дар бар гирад:

- дигар даромади андеррайтингӣ, аз ҷумла фурӯш, суброгатсия, даромад аз дороиҳои хайрия, даромад аз барқарорсозии зиён аз коҳиши арзиш, даромад аз барқарорсозии захираи қарзҳои беэътимод аз рӯйи шартномаҳои суғуртавӣ, даромад аз барқарорсозии захираи қарзҳои беэътимод аз рӯйи шартномаҳои азнавсуғуртакунӣ ва суғуртаи муштарак, даромад аз фарқияти амалиётҳои асъорӣ, дигар даромадҳо, даромад аз истифодаи дороиҳои дигар ташкилотҳо, инчунин дигар хароҷотҳои андеррайтингӣ, аз ҷумла хароҷоти фурӯш, хароҷоти реклама ва таблиғот, хароҷоти музди меҳнат, ҳақгузорӣ ба фонди иҷтимоӣ, хароҷоти қарзҳои беэътимод, хароҷоти хизматрасониҳои кафолатӣ, хароҷоти истеҳлоки воситаҳои асосӣ, хароҷоти мукофотонӣ, мукофотпулиҳо ба агентҳо, дигар хароҷотҳои фурӯш ва дигар хароҷотҳо барои семоҳаи ҳисоботӣ;

- ҳамагӣ дар соли ҳисоботӣ.

49. Ҷадвали 37. Даромади соф аз сармоягузорӣ, ки дар замимаи 43 Тартиби мазкур оварда шудааст, маълумоти зеринро дар бар мегирад:

- даромади соф аз сармоягузорӣ, ба монанди даромади фоизӣ, даромад аз сармоягузориҳо, даромад аз суди саҳмияҳо, дигар даромадҳо, хароҷоти фоизӣ, зарар аз сармоягузориҳо, хароҷот аз коҳиши арзиш ва дигар хароҷотҳо барои семоҳаи ҳисоботӣ;

- ҳамагӣ дар соли ҳисоботӣ.

50. Ҷадвали 38. Хароҷотҳои идоравӣ, ки дар замимаи 44 Тартиби мазкур оварда шудааст, маълумоти зеринро дар бар мегирад:

- хароҷотҳои идоравӣ, ба монанди хароҷоти музди меҳнат (кормандони маъмурӣ), ҳақгузорӣ ба фондҳои иҷтимоӣ (кормандони маъмурӣ), хароҷоти иҷора, хароҷоти пардохти хизматрасониҳои касбӣ, андозҳо ва боҷҳо, хароҷоти асбобҳои идоравӣ, таъмир ва нигоҳдории воситаҳои асосӣ, хароҷоти таъминоти барномавӣ, хароҷоти сафарҳои хизматӣ (дохилӣ), ҷаримаҳо, пеня ва ҷаримаи аҳдшиканӣ, хароҷоти таҳқиқот ва коркард, хароҷоти фарсудашавии воситаҳои асосӣ, хароҷоти истеҳлоки дороиҳои ғайримоддӣ, хароҷоти аудит, хароҷоти андоз аз арзиши иловашудаи баҳисобгирифтанашуда, хароҷотҳои коммуналӣ, хароҷотҳои коммуникатсионӣ, хароҷоти қувваи барқ, хароҷоти сӯзишворӣ, хароҷотҳои намояндагӣ, хароҷоти хайриявӣ, хароҷоти хизматрасониҳои бонкӣ, хароҷотҳои таълимӣ, хароҷотҳои машваратӣ, хароҷоти сафарҳои хизматии хориҷӣ ва дигар хароҷотҳои семоҳаи ҳисоботӣ;

- ҳамагӣ дар соли ҳисоботӣ.

51. Ҷадвали 39. Дигар хароҷотҳои ғайриандеррайтингӣ, ки дар замимаи 45 Тартиби мазкур оварда шудааст, маълумоти зеринро дар бар мегирад:

- дигар хароҷотҳои ғайриандеррайтингӣ, ба монанди зарар аз фарқияти қурбӣ аз рӯйи амалиётҳо бо асъори хориҷӣ, зарари мубодилаи асъор, хароҷот аз нобудкунии дороиҳо, мукофот (изофанарх) ба сармоягузориҳо, қарзҳо ва дигар маблағгузориҳо, захираи қарзҳои беэътимод ва дигар хароҷотҳои ғайриамалиётии семоҳаи ҳисоботӣ;

- ҳамагӣ дар соли ҳисоботӣ.

52. Ҷадвали 40. Дигар даромадҳо – ғайриандеррайтингӣ, ки дар замимаи 46 Тартиби мазкур оварда шудааст, маълумоти зеринро дар бар мегирад:

- дигар даромадҳои ғайриандеррайтингӣ, ба монанди дисконт (тахфиф) аз сармоягузориҳо, қарзҳо ва дигар маблағгузориҳо, даромад аз тағйирёбии қурб, даромад аз мубодилаи асъор, даромад аз фурӯши дороиҳои дарозмуддат, дигар даромадҳои ғайриамалиётии семоҳаи ҳисоботӣ;

- ҳамагӣ дар соли ҳисоботӣ.

53. Ҷадвали 41. Фоида/зарар аз фоизҳои идоранашаванда, ки дар замимаи 47 Тартиби мазкур оварда шудааст, маълумоти зеринро дар бар мегирад:

- ҳисобҳои даромад аз фоизҳои идоранашаванда ва ҳисобҳои хароҷот аз фоизҳои идоранашаванда аз ҷониби ташкилотҳои суғуртавӣ (азнавсуғуртакунӣ)-и дорои бонкҳои фаръӣ барои семоҳаи ҳисоботӣ;

- ҳамагӣ дар соли ҳисоботӣ.

Эзоҳ ба ҷадвалҳои 31-41: Сутуни ҷамъи соли ҳисоботӣ ба таври худкор аз сутунҳои бақия ба аввали соли ҳисоботӣ, семоҳаи 1, 2, 3 ва 4 ба таври худкор ҳисоб карда мешаванд.

54. Ҷадвали 42. Феҳристи агентҳои суғуртавӣ, ки дар замимаи 48 Тартиби мазкур оварда шудааст, маълумотро дар бораи агентҳои суғуртавӣ (шахсони воқеӣ ва ҳуқуқӣ), аз ҷумла насаб, ном, маҳалли зист (шахси воқеӣ), суроғаи ҳуқуқӣ (шахси ҳуқуқӣ), рақами шаҳодатнома, санаи гирифтани шаҳодатнома ва муҳлати эътибори он, рақам ва санаи шартномаи меҳнатӣ, рақами телефон, санаи аз феҳристи агентҳои суғуртавии ташкилоти суғуртавӣ хориҷ кардани агенти суғуртавӣ, сабаби аз феҳристи агентҳои суғуртавии ташкилоти суғуртавӣ хориҷ кардани агенти суғуртавӣ, ҳаҷми умумии мукофоти суғуртавии вориднамудаи агенти суғуртавӣ, ҳаҷми умумии мукофоти комиссионии додашуда ба агенти суғуртавӣ, андозаи умумии андоз аз даромад (андоз аз даромади шахсони воқеӣ) ва андози иҷтимоӣ (барои суғуртакунандагон) дар бар мегирад.

55. Ҷадвали 43. Маълумот оид ба амалиётҳои азнавсуғуртакунии ташкилотҳои суғуртавӣ, ки дар замимаи 49 Тартиби мазкур оварда шудааст, маълумотро оид ба амалиёти азнавсуғуртакунии ташкилотҳои суғуртавӣ аз рӯйи ҳар як шартномаи суғурта алоҳида дар ду қисм дар бар мегирад:

- амалиётҳои суғуртавие, ки ба азнавсуғуртакунӣ интиқол дода мешаванд, аз ҷумла шартномаҳои суғурта, тарифи суғуртавӣ бо фоиз, мукофоти суғуртавӣ ва маблағи суғуртавӣ;

- амалиётҳои азнавсуғуртакунӣ, аз ҷумла брокери суғуртавӣ, ташкилоти азнавсуғуртакунӣ (ватанӣ, хориҷӣ), тарифи азнавсуғуртавӣ бо фоиз, мукофоти суғуртавии ба азнавсуғуртакунӣ додашуда ва маблағи суғуртавии азнавсуғурташуда дар алоҳидагӣ нишон дода мешавад.

56. Ҷадвали 44. Ҳаҷми умумии захираҳои суғуртавӣ, ки дар замимаи 50 Тартиби мазкур оварда шудааст, маълумотҳоро тибқи Тартиби ҷойгиркунии маблағҳои захираҳои суғуртавии ташкилотҳои суғуртавӣ (азнавсуғуртакунӣ), ки бо қарори Раёсати Бонки миллии Тоҷикистон аз 6 августи соли 2021, №129 тасдиқ гардида, дар Вазорати адлияи Ҷумҳурии Тоҷикистон 23-юми августи соли 2021-ум, №1093 ба қайди давлатӣ гирифта шудааст, дар бар мегирад.

57. Ҷадвали 45. Ҳисобот оид ба таркиби захираҳои суғуртавӣ, ки дар замимаи 51 Тартиби мазкур оварда шудааст, маълумотро оид ба ҷойгиркунии маблағҳои захираҳои суғуртавӣ тибқи Тартиби ҷойгиркунии маблағҳои захираҳои суғуртавии ташкилотҳои суғуртавӣ (азнавсуғуртакунӣ), ки бо қарори Раёсати Бонки миллии Тоҷикистон аз 6 августи соли 2021, №129 тасдиқ гардида, дар Вазорати адлияи Ҷумҳурии Тоҷикистон 23-юми августи соли 2021-ум, №1093 ба қайди давлатӣ гирифта шудааст, дар бар мегирад.

58. Ҷадвали 46. Ҳадди ақалли маржаи пардохтпазирии ташкилоти суғуртавӣ (азнавсуғуртакунӣ), ки дар замимаи 52 Тартиби мазкур оварда шудааст, маълумотро вобаста ба ҳисобкунии ҳадди ақалли маржаи пардохтпазирии ташкилотҳои суғуртавӣ (азнавсуғуртакунӣ) тибқи талаботи муқаррарнамудаи Тартиби ҳисобкунии таносуби меъёри маблағҳои худӣ (сармоя) ва уҳдадориҳои қабулнамудаи ташкилотҳои суғуртавӣ (азнавсуғуртакунӣ), ки бо қарори Раёсати Бонки миллии Тоҷикистон аз 9 октябри соли 2020, №135 тасдиқ гардида, дар Вазорати адлияи Ҷумҳурии Тоҷикистон 11-уми ноябри соли 2020-ум, №1042 ба қайди давлатӣ гирифта шудааст, дар бар мегирад.

59. Ҷадвали 47. Маржаи пардохтпазирии ҳақиқии ташкилоти суғуртавӣ (азнавсуғуртакунӣ), ки дар замимаи 53 Тартиби мазкур оварда шудааст, маълумотро дар бораи маржаи пардохтпазирии ҳақиқии ташкилотҳои суғуртавӣ (азнавсуғуртакунӣ) тибқи талаботи муқаррарнамудаи Тартиби ҳисобкунии таносуби меъёри маблағҳои худӣ (сармоя) ва уҳдадориҳои қабулнамудаи ташкилотҳои суғуртавӣ (азнавсуғуртакунӣ), ки бо қарори Раёсати Бонки миллии Тоҷикистон аз 9 октябри соли 2020, №135 тасдиқ гардида, дар Вазорати адлияи Ҷумҳурии Тоҷикистон 11-уми ноябри соли 2020-ум, №1042 ба қайди давлатӣ гирифта шудааст, дар бар мегирад.

60. Ҷадвали 48. Маржаи пардохтпазирии ташкилоти суғуртавӣ (азнавсуғуртакунӣ), ки дар замимаи 54 Тартиби мазкур оварда шудааст, маълумотро дар бораи таносуби маржаи пардохтпазирии ҳақиқии ташкилотҳои суғуртавӣ (азнавсуғуртакунӣ) тибқи талаботи муқаррарнамудаи Тартиби ҳисобкунии таносуби меъёри маблағҳои худӣ (сармоя) ва уҳдадориҳои қабулнамудаи ташкилотҳои суғуртавӣ (азнавсуғуртакунӣ), ки бо қарори Раёсати Бонки миллии Тоҷикистон аз 9 октябри соли 2020, №135 тасдиқ гардида, дар Вазорати адлияи Ҷумҳурии Тоҷикистон 11-уми ноябри соли 2020-ум, №1042 ба қайди давлатӣ гирифта шудааст, дар бар мегирад.

61 Ҷадвали 49. Дороиҳои пардохтпазир, ки дар замимаи 55 Тартиби мазкур оварда шудааст, таносуби дороиҳои пардохтпазир нисбат ба ҳаҷми умумии захираҳои суғуртавиро тибқи талаботи муқаррарнамудаи Тартиби ҳисобкунии таносуби меъёри маблағҳои худӣ (сармоя) ва уҳдадориҳои қабулнамудаи ташкилотҳои суғуртавӣ (азнавсуғуртакунӣ), ки бо қарори Раёсати Бонки миллии Тоҷикистон аз 9 октябри соли 2020, №135 тасдиқ гардида, дар Вазорати адлияи Ҷумҳурии Тоҷикистон 11-уми ноябри соли 2020-ум, №1042 ба қайди давлатӣ гирифта шудааст, дар бар мегирад.

62. Ҷадвали 50. Диверсификатсияи дороиҳои ташкилоти суғуртавӣ (азнавсуғуртакунӣ, ки дар замимаи 56 Тартиби мазкур оварда шудааст, маълумотро дар бораи диверсификатсияи дороиҳои ташкилоти суғуртавӣ (азнавсуғуртакунӣ) тибқи талаботи муқаррарнамудаи Тартиби ҳисобкунии таносуби меъёри маблағҳои худӣ (сармоя) ва уҳдадориҳои қабулнамудаи ташкилотҳои суғуртавӣ (азнавсуғуртакунӣ), ки бо қарори Раёсати Бонки миллии Тоҷикистон аз 9 октябри соли 2020, №135 тасдиқ гардида, дар Вазорати адлияи Ҷумҳурии Тоҷикистон 11-уми ноябри соли 2020-ум, №1042 ба қайди давлатӣ гирифта шудааст, дар бар мегирад.

63. Ҷадвали 51. Маълумот дар бораи суғуртаи ҳатмии ҷавобгарии маданию ҳуқуқии соҳибони воситаҳои нақлиёт, ки дар замимаи 57 Тартиби мазкур оварда шудааст, маълумотро дар бораи суғуртаи ҳатмии ҷавобгарии маданию ҳуқуқии соҳибони воситаҳои нақлиёт, аз ҷумла шумораи умумии шартномаҳои суғурта ва полиси суғуртавӣ (шахсони воқеӣ, ҳуқуқӣ), шумораи умумии даъвоҳои арзшуда (шахсони воқеӣ, ҳуқуқӣ), шумораи умумии пардохту ҷубронҳои баррасишуда, вале пардохтнашуда (шахсони воқеӣ, ҳуқуқӣ), шумораи умумии пардохту ҷубронҳои додашуда (шахсони воқеӣ, ҳуқуқӣ), маблағи умумии пардохту ҷубронҳои додашуда (молу мулк, марг, маъюбии дараҷаи 1, 2 ва 3, зарари ҷисмонӣ), маблағи умумии пардохту ҷубронҳои радкардашуда (молу мулк, марг, маъюбии дараҷаи 1, 2 ва 3, зарари ҷисмонӣ) ва сабаби радкунии пардохту ҷубронҳои суғуртавӣ аз рӯйи вилоятҳо ва шаҳрҳо дар алоҳидагӣ дар бар мегирад.

64. Ҷадвали 52. Маълумот дар бораи кормандон, ки дар замимаи 58 Тартиби мазкур оварда шудааст, маълумотро дар бораи кормандон, аз ҷумла шумораи умумии кормандон, кормандони роҳбарикунанда ва агентҳои суғуртавӣ бо нишон додани музди маош, мукофотпулиҳо ва мукофотпулиҳои комиссионӣ дар соли ҳисоботӣ ва соли гузашта аз рӯйи вилояту шаҳрҳо дар алоҳидагӣ дар бар мегирад.

65. Ҷадвали 53. Маълумот оид ба шикоятҳои суғурташавандагон, ки дар замимаи 59 Тартиби мазкур оварда шудааст, маълумотро дар бораи шикоятҳои суғурташавандагон, аз ҷумла шумораи шикоятҳо, рақами полиси суғуртавӣ, муҳлати оғози полиси суғуртавӣ, муҳлати анҷоми полиси суғуртавӣ, намуди суғурта, сабабҳои арзу шикоятҳо (напардохтан ё қисман пардохтани пардохту ҷуброни суғуртавӣ, ҳуҷҷатҳои дархостшуда пешниҳод карда шудаанд, дер пардохт гардидани даъвоҳо, дигар сабабҳо), хулоса ва шарҳу тавзеҳоти ташкилоти суғуртавӣ оид ба арзу шикоятҳо дар алоҳидагӣ аз рӯйи ҳар як шикоят дар бар мегирад.

66. Ҷадвали 54. Ҳисоботи фаврии ташкилоти суғуртавӣ (азнавсуғуртакунӣ), ки дар замимаи 60 Тартиби мазкур оварда шудааст, маълумотро дар бораи мукофоти (ҳаққи) суғуртавӣ, мукофоти (ҳаққи) суғуртавии ба азнавсуғуртакунӣ додашуда, пардохти (ҷуброни) суғуртавӣ, пардохти (ҷуброни) суғуртавӣ аз ҷониби ташкилотҳои азнавсуғуртакунӣ, миқдори шартномаҳои басташуда, уҳдадории базиммагирифташуда, уҳдадории ба азнавсуғуртакунӣ додашуда, сармоягузориҳо, даромад аз сармоягузориҳо, воситаҳои пуллӣ, захираҳои суғуртавӣ, ҳиссаи азнавсуғуртакунандагон дар захираҳои суғуртавӣ, андозҳо, шумораи кормандони воҳидӣ, шумораи агентҳои суғуртавӣ ва музди меҳнати кормандонро дар бар мегирад.

67. Ҷадвали Тавзеҳот ба ҳисобот, ки дар замимаи 61 Тартиби мазкур оварда шудааст, маълумотро дар бораи тағйироти назаррас дар ҳисобот оид ба ҳолати молиявӣ ва ҳисобот оид ба фоида ва зарар аз рӯйи ҳар як ҳисоб дар алоҳидагӣ дар бар мегирад.

5. МУҲЛАТ ВА ТАРТИБИ ПЕШНИҲОДИ ҲИСОБОТҲО

68. Ҳар як ташкилоти суғуртавӣ (азнавсуғуртакунӣ) бояд корманди масъулро барои пурра, дуруст ва сари вақт пешниҳод намудани ҳисобот уҳдадор намояд. Корманди масъул барои тамос бо Бонки миллии Тоҷикистон оид ба ҳамаи масъалаҳое, ки ба маълумоти дар ҳисобот инъикосёфта алоқаманд аст, масъул ҳисобида мешавад.

69. Ҳисоботи молиявии ташкилоти суғуртавӣ (азнавсуғуртакунӣ) дар шакли электронӣ ва хаттӣ дар муҳлатҳои зерин пешниҳод карда мешавад:

- ҳисоботи семоҳа ва солона дар давоми 6 рӯзи тақвимӣ пас аз ба охир расидани давраи ҳисоботӣ;

- ҳисоботи фаврии ташкилоти суғуртавӣ (азнавсуғуртакунӣ) бояд моҳона дар давоми 5 рӯзи тақвимӣ пас аз ба охир расидани моҳ пешниҳод карда шавад;

- шакли электронии ҳисобот бояд бо тартиби муқарраргардида то ба охир расидани рӯзи охирини ҳисоботӣ тариқи суроғаи электронии Бонки миллии Тоҷикистон ирсол карда шавад.

70. Агар санаи охирини ҳисоботӣ ба рӯзи истироҳат (рӯзҳои ид, шанбе ва якшанбе) рост ояд, ташкилоти суғуртавӣ (азнавсуғуртакунӣ) бояд дар рӯзи якуми кории баъди истироҳат ҳисоботро пешниҳод намояд.

5) Ташкилоти суғуртавӣ (азнавсуғуртакунӣ) метавонад хатоҳои дар шакли электронии ҳисобот муайянкардаи худро дар муҳлатҳои зерин ислоҳ намуда, хисоботро аз нав ба Бонки миллии Точикистон пешниҳод намояд:

- барои ҳисоботи фаврӣ – 2 рӯзи корӣ;

- барои ҳисоботи семоҳа – 2 рӯзи корӣ;

- барои ҳисоботи солона – 3 рӯзи корӣ.

71. Нусхаи ҳисоботи молиявии солона, аз ҷумла ҳисоботи молиявии ташкилоти суғуртавӣ (азнавсуғуртакунӣ), ки аз аудити берунӣ гузаштааст, тибқи талаботи моддаи 293 Қонуни Ҷумҳурии Тоҷикистон «Дар барои фаъолияти суғуртавӣ» ба Бонки миллии Тоҷикистон пешниҳод карда мешавад.

72. Ҳисоботи ташкилоти суғуртавӣ (азнавсуғуртакунӣ) ба Бонки миллии Тоҷикистон мутобиқи шаклҳои ҳисоботи замимашуда пешниҳод карда мешавад.

6. МУҚАРРАРОТИ ХОТИМАВӢ

73. Барои сари вақт пешниҳод накардани ҳисобот, инчунин дар ҳолате, ки аз ҷониби Бонки миллии Тоҷикистон баъд аз муҳлатҳои дар банди 69 Тартиби мазкур муқарраргардида нопурра ва носаҳеҳу нодуруст будани ҳисоботи молиявии пешниҳодшуда ошкор гардад, тибқи моддаи 341 Қонуни Ҷумҳурии Тоҷикистон «Дар бораи фаъолияти суғуртавӣ» нисбат ба ташкилоти суғуртавӣ (азнавсуғуртакунӣ) чораҳои фаврии ислоҳӣ ва таъсиррасонӣ татбиқ карда мешаванд.

Ниг. ба Замимаҳои 1-21

Ниг. ба Замимаҳои 22-32

Ниг. ба Замимаҳои 33-61