ҲУКУМАТИ ҶУМҲУРИИ ТОҶИКИСТОН

ҚАРОР

Қарори Шурои Маҷлиси намояндагони Маҷлиси Олии Ҷумҳурии Тоҷикистон аз 23 июни соли 2025, №246 «Дар бораи лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи истеҳсолоти иҷро»-ро баррасӣ намуда, Ҳукумати Ҷумҳурии Тоҷикистон қарор мекунад:

Хулосаи замимагардидаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи истеҳсолоти иҷро» ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шавад.

Ҳукумати Ҷумҳурии Тоҷикистон лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи истеҳсолоти иҷро»-ро, ки бо қарори Шурои Маҷлиси намояндагони Маҷлиси Олии Ҷумҳурии Тоҷикистон аз 23 июни соли 2025, №246 барои додани хулоса ба Ҳукумати Ҷумҳурии Тоҷикистон пешниҳод гардидааст, мавриди баррасӣ қарор дода, оид ба моддаи 1 таклифҳои зеринро манзур менамояд:

1) дар сархати якуми қисми 1 ва сархати якуми қисми 4 калимаҳои «вилоятҳои Суғд ва Хатлон» ба калимаи «вилоятҳо» иваз карда шаванд;

2) дар қисми 5 ба моддаи 42 Қонуни мазкур иловашаванда калимаи «алоҳида» ба калимаи «иҷро» иваз карда шавад;

3) дар моддаи 47 дар таҳрири нав ифодашаванда:

- қисми 3 дар таҳрири зерин ифода карда шавад:

«3. Муқаррароти пешбининамудаи қисми 2 моддаи 50 Қонуни мазкур барои бекор намудани қарор оид ба муваққатан маҳдуд намудани баромада рафтани қарздор аз ҳудуди Ҷумҳурии Тоҷикистон асос мегардад.»;

- дар қисми 5 калимаҳои «қисмҳои 3 ва» ба калимаҳои «қисми 2 моддаи 50 Қонуни мазкур ва қисми» иваз карда шаванд;

4) қисми 8 дар таҳрири зерин ифода карда шавад:

«8. Дар қисми 2 моддаи 50:

- бандҳои 3) ва 4) бо мазмуни зерин илова карда шаванд:

«3) дар ҳолати тағйир додани санади судӣ, санадҳои мақомоти давлатӣ ва шахсони мансабдор агар асосҳои ба феҳрист ворид намудан аз байн рафта бошад;

4) дар асоси аризаи ситонанда баргардонидани ҳуҷҷати иҷро, ба истиснои ҳолатҳое, ки ситониш ба фоидаи давлат анҷом дода мешавад;»;

- банди 3) банди 5) ҳисобида шавад.».