Замимаи 1
ба қарори Ҳукумати
Ҷумҳурии Тоҷикистон
аз 31 июли соли 2025,
№ 429Барномаи амнияти озуқавории Ҷумҳурии Тоҷикистон барои солҳои 2026-2030
1.МУҚАРРАРОТИ УМУМӢ
1.Барномаи амнияти озуқавории Ҷумҳурии Тоҷикистон барои солҳои 2026-2030 (минбаъд - Барнома) бо мақсади таъмини амнияти озуқавории кишвар, беҳтар кардани дастрасӣ ба озуқаворӣ, оқилона истифода бурдани захираҳои озуқаворӣ ва баланд бардоштани устувории таъминоти он, инчунин ҷиҳати амалишавии ҳадафҳои Стратегияи миллии рушди Ҷумҳурии Тоҷикистон то соли 2030 таҳия гардидааст.
2.Таъмини амнияти озуқавории Ҷумҳурии Тоҷикистон яке аз самтҳои муҳимтарини амнияти иқтисодии мамлакат мебошад, ки ба рушди устувор, таъмини аҳолӣ бо маҳсулоти хушсифати озуқаворӣ ва татбиқи сиёсати демографӣ, таҳкими низоми тандурустӣ ва баланд бардоштани сифати қобилияти ҳаётии шаҳрвандон мусоидат мекунад. Сарфи назар аз тамоюлҳои мусбати иқтисодӣ ва рушди соҳаи кишоварзӣ, дар соҳаи амнияти озуқавории Ҷумҳурии Тоҷикистон мушкилоту вазифаҳое вуҷуд доранд, ки ҳалли ҳамаҷонибаро тақозо мекунанд.
3.Ҳалли маҷмуии масъалаҳои амнияти озуқаворӣ мавҷудияти маҳсулоти хӯроквории кофӣ, бехатар ва серғизо, дастрасии ҷисмонӣ ва иқтисодии ҳамаи табақаҳои аҳолӣ ба ғизои мувофиқ, худтаъминкунӣ ва таъмини устувори кишварро бо маҳсулоти кишоварзӣ ва озуқаворӣ дар бар гирифта, ҳамзамон мустақилияти давлатро дар масъалаҳои таъмини озуқаворӣ, истифодаи самараноки захираҳо барои коҳиш додани норасоии мавсимии маҳсулоти кишоварзӣ ва устуворӣ ба тағйирёбии иқлим дар назар дорад.
2.ТАҲЛИЛИ ВАЗЪИ ҶОРӢ ВА МУШКИЛОТИ АСОСӢ
4.Яке аз ҳадафҳои асосии Барномаи амнияти озуқавории Ҷумҳурии Тоҷикистон барои солҳои 2020-2024, ки бо қарори Ҳукумати Ҷумҳурии Тоҷикистон аз 25 июни соли 2020, №386 тасдиқ шудааст, истифодаи оқилонаи захираҳои дар мамлакат мавҷудбудаи кишоварзӣ, таъмини рушди устувори истеҳсолоти кишоварзӣ ва афзоиши истеҳсоли ватанӣ ба шумор мерафт. Он барои таъмини дастрасии аҳолӣ ба маҳсулоти бехатар ва ноил шудан ба сатҳи устувори амнияти озуқаворӣ (на камтар аз 70 дарсад) зарур буд.
5.Дар натиҷаи тадбирҳои андешидаи Ҳукумати Ҷумҳурии Тоҷикистон дар самти амалисозии Барномаи амнияти озуқавории Ҷумҳурии Тоҷикистон барои солҳои 2020-2024 сатҳи таъминоти аҳолӣ бо маҳсулоти асосии озуқавории ватанӣ тибқи нишондодҳои соли 2024 ба ҳисоби миёна ба 80 дарсад расонида шуд.
6.Ҳаҷми маҳсулоти умумии кишоварзӣ дар ҳамаи шаклҳои хоҷагидорӣ дар соли 2024-ум 73976,6 миллион сомониро ташкил дод, ки дар муқоиса ба соли 2023-юм 10,6 дарсад, аз ҷумла ҳаҷми маҳсулоти растанипарварӣ 50984,8 миллион сомонӣ ё 13,4 дарсад ва чорводорӣ, 22991,8 миллион сомонӣ ё 4,8 дарсад зиёд мебошад.
7.Дар соли 2024 дар ҳамаи шаклҳои хоҷагидории ҷумҳурӣ 1828318 тонна ғалла (880734 тонна гандум), 1263948 тонна картошка, 3289179 тонна сабзавот (836911 тонна пиёз), 1144806 тонна зироатҳои полизӣ, 823048 тонна мева (277717 тонна себ ва 313052 тонна зардолу), 289931 тонна ангур ва 1875754 тонна хӯроки чорво истеҳсол карда шудааст. Дар муқоиса ба ҳамин давраи соли 2023 истеҳсоли ғалла 4,2 дарсад (гандум 2,4 дарсад), картошка 10,4 дарсад, сабзавот 8,7 дарсад (пиёз 7,3 дарсад), зироатҳои полизӣ 13,4 дарсад, мева 23,9 дарсад ва ангур 1,5 баробар зиёд мебошад.
8.Дар солҳои 2023 ва 2024 майдони кишти зироатҳои кишоварзӣ дар Тоҷикистон ҳудуди 861,4 гектарро ташкил дод, ки аз он дар соли 2023-юм 595,4 ҳазор гектар ва дар соли 2024-ум 600,6 ҳазор гектарро майдони заминҳои обёришаванда ишғол карданд. Дар баробари ин, афзоиши назарраси кишти такрорӣ мушоҳида гардида, ҳамасола пас аз кишти асосӣ дар масоҳати 200 ҳазор гектар кишти такрорӣ гузаронида мешавад. Таҳлили истифодаи заминҳои корам дар ҳамаи шаклҳои хоҷагидории ҷумҳурӣ нишон дод, ки соли 2024 дар заминҳои обӣ ҳамагӣ 600,6 ҳазор гектар зироатҳои кишоварзӣ кошта шудааст, ки аз он 36,7 ҳазор гектар дар байни қаторҳои боғ мебошад. Тамоюли кишти такрориро ба назар гирифта, ба чунин хулоса омадан мумкин аст, ки дар солҳои охир ба ҳисоби миёна 33 дарсад заминҳои обӣ барои кишти такрорӣ истифода бурда мешаванд.
9.Ба ҳолати 1 июли соли 2024 дар анборҳо ва яхдонҳо захираи ғалла 8124,4 тонна, ҷуворимакка барои дон - 131,0 тонна, картошка - 28,2 тонна, сабзавот - 509,1 тонна (аз ҷумла 460,7 тонна сабзӣ, 48,4 тонна бех пиёз), 1739 тонна орд, 700,5 тонна шакар, 547,4 тонна равғани растанӣ, 456,6 тонна биринҷ ва 3767,4 қуттии шартии тамоми намудҳои маҳсулоти консерваро ташкил додааст.
10.Дар охири соли 2024 саршумори чорвои калони шохдор дар ҳамаи шаклҳои хоҷагидорӣ 2789,2 ҳазор сарро ташкил дод, ки нисбат ба ҳамин давраи соли гузашта 127,2 ҳазор сар ё 4,8 дарсад зиёд мебошад. Дар ин давра саршумори гӯсфанду буз 7150,2 ҳазор capро ташкил дод, ки нисбат ба ҳамин давраи соли гузашта 490,1 ҳазор cap ё 7,4 дарсад зиёд аст. Аз шумораи умумии саршумори чорво ҳиссаи хоҷагиҳои наздиҳавлигӣ 93,6 дарсад чорвои калони шохдор ва 82,2 дарсад гӯсфанду бузро ташкил медиҳад. Дар соли 2024 дар ҳамаи шаклҳои хоҷагидорӣ 416034 тонна гӯшт, 1177381 тонна шир ва 1265564 ҳазор дона тухм истеҳсол карда шуд. Истеҳсоли гӯшт нисбат ба ҳамин давраи соли 2023-юм 4,5 дарсад, шир 5,3 дарсад ва тухм 3,4 дарсад афзудааст.
11.Соли 2023 дар ҷумҳурӣ 1223699 ҳазор дона тухм истеҳсол шудааст. Истеҳсоли тухм сарфи назар аз 3,8 дарсад кам шудани саршумори парандаҳо нисбат ба соли 2022-юм 11522 ҳазор дона зиёд шуд. Дар маҷмуъ, дар минтақаҳои ҷумҳурӣ 63 дарсад ба вилояти Суғд, 11 дарсад ба вилояти Хатлон ва 25 дарсади тухмҳои истеҳсолшуда ба ноҳияҳои тобеи ҷумҳурӣ рост меояд. Тибқи маълумоти Агентии омор тухмгирӣ аз ҳар сар мурғи тухмдиҳанда дар ҷумҳурӣ соли 2023 ба ҳисоби миёна 287 дона ва дар соли 2018 ҳамагӣ 181 донаро ташкил дод. Ҳамин тариқ, 106 дона зиёд шудани нишондиҳанда мушоҳида карда мешавад.
12.Мутобиқи маълумоти оморӣ ҳаҷми истеҳсоли маҳсулоти чорводорӣ ба ҳар cap аҳолӣ барои пурра қонеъ гардонидани талаботи рӯзафзуни аҳолӣ кифоя нест. Дар соли 2024 бахши чорводории кишвар 51 дарсад талаботи физиологии аҳолиро ба гӯшт ва маҳсулоти гӯштӣ, 100 ба шир ва маҳсулоти ширӣ ва 69 дарсадро ба тухм таъмин кардааст.
13.Ин нишондиҳандаҳо аз зарурати боз ҳам тараққӣ додани соҳаи чорводорӣ, ҷорӣ намудани технологияҳои ҳозиразамони истеҳсолот, васеъ намудани базаи хӯроки чорво ва баланд бардоштани маҳсулнокии чорводорӣ барои таъмини амнияти озуқавории мамлакат шаҳодат медиҳанд.
14.Сохтори савдои берунии маҳсулоти хӯрокворӣ вобастагии кишварро аз воридоти маҳсулоти асосии хӯрокворӣ нишон медиҳад. Масалан, ҳиссаи маҳсулоти хӯрокворӣ дар ҳаҷми умумии содирот аз 5,0 дарсади соли 2023 то 3,9 дарсад дар соли 2024 коҳиш ёфт. Воридоти маҳсулоти хӯрокворӣ аз 855,8 ҳазор тоннаи соли 2023 то ба 1053,4 ҳазор тонна дар соли 2024 ё 23,1 дарсад зиёд шудааст. Молҳои асосии воридотӣ гандум, шакар ва маҳсулоти қаннодӣ, картошка, сабзавот ва равғани растанӣ боқӣ мемонанд. Ин нишондиҳандаҳо зарурати амалисозии тадбирҳои иловагиро ҷиҳати рушди истеҳсолоти кишоварзӣ, тавсеаи иқтидори содиротӣ ва коҳиш додани вобастагӣ аз воридоти молҳои озуқаворӣ таъкид мекунанд.
15.Тибқи таҳлилҳои пешакӣ моҳи июни соли 2024 қувваи корӣ (бо дарназардошти шуғлимандон ва бекорони расман бақайдгирифташуда) 2680,5 ҳазор нафарро ташкил дод, ки аз он 2631,2 ҳазор нафар (98,2 дарсад) дар иқтисодиёт машғулбуда, 49,3 ҳазор нафар мақоми расмии бекорро доранд, ки ин 1,8 дарсади шумораи умумии қувваи кориро ташкил медиҳад. Музди воқеии меҳнат бо дарназардошти тағйирёбии индекси нархҳо дар моҳи июни соли 2024 нисбат ба моҳи майи соли 2024-ум 17,2 дарсад ва нисбат ба моҳи июни соли 2023-юм 12,1 дарсад афзудааст. Дар моҳи июни соли 2024 сатҳи пасттарини музди меҳнат дар бахши воқеии иқтисодиёт, дар соҳаи кишоварзӣ, ҷангал ва моҳипарварӣ (855,69 сомонӣ) ба қайд гирифта шудааст. Дар нимсолаи якуми соли 2024 даромади пулии номиналӣ ба ҳар сари аҳолӣ нисбат ба нимсолаи якуми соли 2023-юм 5,6 дарсад афзуда, дар як моҳ 917,46 сомониро ташкил дод, даромади пулии воқеӣ 1,9 дарсад афзуд. Сарфи назар аз афзоиши музди маош ва даромад, таъмини амнияти озуқаворӣ дар Тоҷикистон ҳамчун мушкилот боқӣ мемонад, ки зарурати андешидани тадбирҳоро барои беҳтар намудани дастрасии аҳолӣ ба ғизои хушсифат нишон медиҳад. Инчунин бояд ба назар гирифт, ки музди меҳнати паст дар бахши кишоварзӣ метавонад ба амнияти озуқаворӣ таъсири манфӣ расонад.
16.Тибқи маълумоти оморӣ дар соли 2024 дар саросари кишвар ҳиссаи хароҷоти хоҷагиҳои хонаводагӣ барои озуқаворӣ зиёд гардид. Ба ҳисоби миёна дар саросари ҷумҳурӣ ин ҳисса аз 47,3 дарсади соли 2023 то 50,5 дарсад дар соли 2024 афзоиш ёфтааст. Дар шаҳрҳо афзоиш мувофиқан аз 52,4 дарсади соли 2023 то 54,1 дарсад дар соли 2024 ва дар деҳот ҷойҳо бошад, мувофиқан аз 43 дарсад то 47,3 дарсадро ташкил дод.
17.Дар соли 2024 ғизонокии миёнаи шабонарӯзии вояи хӯрока ба як нафар 2594,27 килокалорияро ташкил дод, ки ин аз меъёри тавсиянамудаи Ташкилоти Умумиҷаҳонии Тандурустӣ 2100 ккал дар як шабонарӯз зиёд аст. Ҳамагӣ соли 2024 дар ҷумҳурӣ ба ҳисоби миёна истеъмоли картошка ба ҳар сари аҳолӣ 43,87 кг, сабзавот ва маҳсулоти полизӣ 129,58 кг, шир ва маҳсулоти ширӣ 43,04 кг, гӯшт ва маҳсулоти гӯштӣ 24,88 кг, равғани растанӣ ва равғанҳои дигар 20,32 кг, тухм 176 дона, қанд ва маҳсулоти қаннодӣ 17,86 кг, мева 36,94 кг-ро ташкил дод. Ҳиссаи аз ҳад зиёди хароҷоти хоҷагиҳои хонаводагӣ барои харидани маҳсулоти нонӣ ба 32,1 дарсад рост меояд.
18.Нокифоя будани истеҳсоли озуқаворӣ дар ҷумҳурӣ ба сатҳи талаботи аҳолии ҷумҳурӣ ба баъзе навъҳои маҳсулоти озуқаворӣ таъсири ҷиддӣ мерасонад. Дар аввали соли 2024 индекси нархҳои истеъмолӣ 101,9 дарсад, аз ҷумла молҳои озуқаворӣ 101,3 дарсад, молҳои ғайриозуқаворӣ 101,6 дарсад ва хизматрасонии пулакӣ ба аҳолӣ 104,0 дарсадро ташкил дод. Дар маҷмуъ, афзоиши хароҷот барои молҳои озуқаворӣ аз мушкилоти эҳтимолии иқтисодии аҳолӣ шаҳодат медиҳад.
19.Мушкилоти асосии амнияти озуқаворӣ дар Тоҷикистон инҳоянд:
- дар даҳсолаи охир дар ҷумҳурӣ афзоиши якбораи басомад ва шиддатнокии ҳодисаҳои шадиди обу ҳаво мушоҳида карда мешавад, ки ин ба соҳаи кишоварзӣ таъсири манфӣ мерасонад. Интизор меравад, ки обшавии пиряхҳо дар ояндаи кӯтоҳмуддат боиси афзоиши обхезиҳои баҳорӣ ва дар ояндаи дарозмуҳлат боиси кам гардидани ҳаҷм ва бадшавии сифати об мегардад, ки ин ба соҳаи кишоварзӣ ва тандурустӣ бевосита таъсир мерасонад. Бахши кишоварзӣ яке аз соҳаҳои афзалиятноке дониста шудааст, ки ба хавфи тағйирёбии иқлим, аз ҷумла болоравии ҳарорати миёна, ҳарорати шадид ва боришот, хушксолӣ, тағйирёбии ҷараёни дарёҳо, обшавии пиряхҳо, тағйирёбии реҷаи боришот, тӯфонҳои чангу ғубор, норасоии об, тағйирёбии популятсияи зараррасонҳо ва касалиҳои растанӣ, инчунин тағйирёбии мавсимҳо дучор меоянд;
- 80 дарсади маҳсулоти кишоварзӣ аз заминҳои обёришаванда ба даст меояд, ки ин соҳаро барои амнияти озуқаворӣ хеле муҳим мегардонад. Бо вуҷуди ин, самаранокии обёрӣ тақрибан 30 дарсад арзёбӣ карда шуда, обгирии миёнаи солонаи об ба як гектар хеле баланд мебошад. Зиёда аз 90 дарсади ҳаҷми умумии обгирӣ аз сарчашмаҳои табиӣ барои эҳтиёҷоти заминҳои обӣ истифода мешавад. Қисми зиёди заминҳои обёришаванда (беш аз 40 дарсад) аз пойгоҳҳои обкашӣ вобастаанд, ки аксари онҳо дар ҳолати корношоям қарор доранд. Инфрасохтори куҳнашудаи обёрӣ, сатҳи пасти нигоҳдорӣ ва идоракунии бад боиси паст шудани сифати хизматрасонҳои ирригатсионӣ, кам шудани ҳосилнокӣ ва даромади аҳолии деҳот мегардад. Инфрасохтори ирригатсионӣ аксар вақт бо дарназардошти оқибатҳои тағйирёбии иқлим тарҳрезӣ нашудааст;
- соҳаи кишоварзӣ бузургтарин истеъмолкунандаи оби тоза аст (зиёда аз 70 дарсад). Норасоии об бевосита боиси камшавии истеҳсолоти кишоварзӣ гардида, ба амнияти озуқаворӣ таҳдид мекунад. Баландшавии ҳарорат талаботи зироатҳои кишоварзиро ба обёрӣ зиёд карда, ба ин васила эътимоднокии таъминоти об коҳиш меёбад ва боиси норасоии бештар ва шадидтари об мегардад. Пешгӯинашаванда будани реҷаи боришот ва ба вуҷуд омадани хушксолӣ ва обхезиҳои шадид низ барои банақшагирии таъминоти об мушкилот эҷод мекунанд;
- сармоягузориҳои маҳдуд ба шабакаи заҳбуру заҳкашҳо, хизматрасонии нокифоя ва идоракунии бади захираҳои об ба шӯршавӣ ва ботлоқшавии заминҳо дар баъзе минтақаҳои обёришаванда оварда расонидааст;
- ҳарчанд барои обёрии кишоварзӣ субсидияҳои зиёд дода мешавад, дараҷаи маблағгузорӣ ҳанӯз ҳам нокифоя аст. Зиёда аз 60 дарсади хароҷоти асосӣ барои обёрии кишоварзӣ аз ҷониби шарикони рушд маблағгузорӣ мешавад;
- бо вуҷуди кишвари аграрӣ будани Тоҷикистон он миқдори зиёди молҳои озуқавориро ворид мекунад, ки ҳиссаи он дар ҳаҷми умумии воридоти молҳо баланд боқӣ мемонад (тақрибан 22 дарсад аз соли 2016 то соли 2022). Воридоти маҳсулоти озуқаи кишоварзӣ нисбат ба содирот 2,6 баробар зиёд аст. Бахусус вобастагӣ аз воридоти чунин маҳсулот, ба монанди гандум, ҷуворимакка, биринҷ, тухмиҳои равғандор ва моҳӣ зиёд мебошад;
- ҳосилнокии меҳнат дар соҳаи кишоварзӣ назар ба соҳаҳои ғайрикишоварзии низоми озуқаи кишоварзӣ хеле паст аст;
- вазъи ҷуғрофию сиёсиӣ дар ҷаҳон низ барои таъмини амнияти озуқавории кишвар мушкилоти иловагӣ ба вуҷуд меорад.
3.МАҚСАД ВА ВАЗИФАҲОИ БАРНОМА
20.Мақсади Барнома ноил шудан ба таъмини пурраи амнияти озуқавории аҳолии кишвар дар сатҳҳои умумимиллӣ ва минтақавӣ, инчунин дар сатҳи хоҷагиҳои хонаводаӣ мебошад.
21.Вазифаҳои Барнома аз инҳо иборат мебошанд:
- баланд бардоштани сатҳи мавҷудияти озуқаворӣ барои тамоми аҳолӣ, аз ҷумла истеҳсол, тақсимот ва мубодила бо роҳи мусоидат ба афзунгардони истеҳсолот, ҳосилнокӣ, нигоҳдорӣ, такмил додани технологияҳо, ҷиҳати самаранок истифода бурдани захираҳои мавҷуда;
- беҳтар кардани дастрасӣ ба озуқаворӣ, аз ҷумла молҳои афзалдонистаи шахсони алоҳида ва хоҷагиҳои хонаводагӣ. Барои ин, оид ба кам кардани шумораи шахсон ва хоҷагиҳои хонаводаги камбизоат ва осебпазире, ки дар масъалаи дастрасии ғизо мушкилӣ доранд, бояд кор бурда шавад;
- беҳтар кардани истеъмоли молҳои ғизо, яъне истеъмоли кофӣ ва бехатар барои таъмини мубодилаи солими моддаҳо. Ин ҷузъи амнияти озуқаворӣ бо низомоти тандурустӣ ва бехатарии ғизо, санитария ва маърифати истеъмолкунандагон алоқаманд аст;
- баланд бардоштани устувории таъминоти озуқаворӣ, ҳамчун роҳи тадриҷан ба даст овардани он. Он корҳои омодагӣ ба ҳодисаҳои табиат, тағйироти обу ҳаво, мусоидат ба беҳгардонии инфрасохтори дахлдор, таъмини суботи ҷамоавии сиёсию иқтисодиро дар назар дорад.
4.САМТҲОИ АФЗАЛИЯТНОКИ БАРНОМА
22.Барнома ду афзалияти стратегиро пайгирӣ менамояд:
- таҳкими ниҳодии низоми амнияти озуқаворӣ, ки самтҳои зеринро дар бар мегирад: таъмин кардани Вазорати кишоварзӣ бо воситаҳои ҳозиразамони таҳлил ва банақшагирӣ, инчунин мустаҳкам намудани пойгоҳи моддию техникӣ ва иқтидори кадрӣ тавассути таълим ва бозомӯзии кадрҳои соҳаи кишоварзӣ; дастгирии рушди муассисаҳои илмӣ ва таълимӣ; пешниҳод намудани санадҳои қонунгузорӣ ва меъёрӣ дар соҳаи кишоварзӣ ва амнияти озуқаворӣ; ташкили низоми иттилоотӣ барои мониторинги ҳолати бозори озуқаворӣ.
- ба даст овардани ҳадафҳои амнияти озуқаворӣ дар сатҳи миллӣ, минтақавӣ ва хонаводаҳо.
23.Афзалияти стратегӣ – ин таҳкими ниҳодии низоми амнияти озуқаворӣ буда маҷмуи тадбирҳоеро дар бар мегирад, ки ба таъмини омодагии муносиб, тақвият додани иқтидори мақомоти давлатӣ ва ҳамкории онҳо бо ташкилотҳои дигаре, ки ба раванди арзёбии амнияти озуқаворӣ, вокуниш ба буҳронҳои озуқаворӣ ва ба даст овардани мақсаду вазифаҳои пешбинишуда оид ба таъмини амнияти озуқаворӣ ҷалб гардиданд, нигаронида шудааст.
24.Таҳкими ниҳодии низоми амнияти озуқаворӣ дар таъмини иҷрои самараноки барномаҳои амнияти озуқаворӣ дар Ҷумҳурии Тоҷикистон нақши марказӣ дошта, татбиқи як қатор тадбирҳои стратегиро пешбинӣ менамояд:
- таҳияи низоми мониторинги амнияти озуқаворӣ, ки ҷамъоварии мунтазами маълумотро оид ба истеҳсол, тақсимот, хароҷот, нархҳо, талаботи ҳадди ақал барои кӯдакон ва калонсолон, маълумоти минтақавӣ, ва иттилоот дар бораи савдои байналмилалӣ ва тағйирёбии нарх дар бар мегирад;
- таҳияи низоми арзёбии амнияти озуқаворӣ;
- таҷдид ва таҳкими заминаҳои ҳуқуқӣ ва ниҳодӣ.
25.Ноилшавӣ ба ҳадафҳои амнияти озуқаворӣ дар сатҳи миллӣ, минтақавӣ ва хоҷагиҳои хонаводагӣ нақшаи иҷрои тадбирҳоеро дар бар мегирад, ки барои бомуваффақият ба даст овардани мақсаду вазифаҳои дар соҳаи таъмини амнияти озуқаворӣ пешбинишуда заруранд. Тадбирҳои мазкур ба принсипҳои дар сатҳи байналмилалӣ эътирофшудаи амнияти озуқаворӣ мувофиқат мекунанд.
26.Ноил шудан ба ҳадафҳои амнияти озуқаворӣ дар сатҳи миллӣ, минтақавӣ ва хоҷагиҳои хонаводагӣ тавассути иҷрои тадбирҳои зерин таъмин карда мешаванд:
- бо дарназардошти вобастагии зиёди кишоварзӣ аз обёрӣ ба татбиқ ва ҳавасмандгардонии идоракунии самаранок ва устувори захираҳои об, навсозии инфрасохтори обёрӣ, беҳтар намудани ҳолати мелиоративии заминҳо ва баланд бардоштани ҳосилнокӣ, инчунин татбиқ, ҳавасмандгардонӣ ва рушди кишоварзии «Сабз», татбиқи доираи васеи тадбирҳо барои мутобиқшавӣ ба тағйирёбии иқлим ҳам дар сатҳҳои миллию минтақавӣ ва ҳам дар сатҳи субъектҳои хоҷагидор таваҷҷуҳи махсус зоҳир карда мешавад;
- беҳтар намудани дастрасӣ ба озуқаворӣ ба таъмини он нигаронида шудааст, ки ҳамаи гурӯҳҳои аҳолӣ, бахусус гурӯҳҳои камбизоат ва осебпазири аҳолӣ, барои ба даст овардани миқдори кофии озуқавории бехатар ва серғизо имконияти иқтисодӣ ва ҷисмонӣ дошта бошанд;
- бо дарназардошти хавфҳои марбут ба тағйирёбии иқлим ва ҳодисаҳои фавқулодаи обу ҳаво баланд бардоштани устувории таъминот самти ниҳоят муҳим ба шумор меравад. Татбиқи васеи принсипҳои иқтисоди «Сабз» ва тадбирҳо ҷиҳати мутобиқшавӣ ба тағйирёбии иқлим ба коҳиш ёфтани ноустувории таъминот мусоидат мекунад.
5.МАНБАЪҲОИ МАБЛАҒГУЗОРИИ БАРНОМА
27.Маблағгузории умумии амалисозии Барнома дар ҳаҷми 378,2 млн сомонӣ муайян шудааст, аз ҷумла аз ҳисоби:
- маблағҳои буҷети ҷумҳуриявӣ бо дарназардошти маблағгузории барномаҳои амалкунандаи дахлдори соҳаи кишоварзӣ – 53,3 миллион сомонӣ;
- маблағҳои бахши хусусӣ – 25,5 миллион сомонӣ;
- маблағҳои шарикони рушд (донорҳо) – 299,4 миллион сомонӣ.
6.ХАТАРҲОИ ЭҲТИМОЛИЕ, КИ БА ИҶРОИ БАРНОМА ТАҲДИД МЕНАМОЯНД
28.Суръати рушди кишоварзиро хатарҳои зерин суст карда, ба беҳдошти вазъи саломатии аҳолӣ таъсири манфӣ мерасонанд, ки дар натиҷаи он барои ба даст овардани нишондиҳандаҳои зерҳадафи Барнома манеа эҷод карда, иҷрои Барномаи амнияти озуқавории Ҷумҳурии Тоҷикистонро барои солҳои 2026-2030 ба таъхир меандозанд:
- хатарҳои табиию иқлимӣ, ки ба баландшавии ҳарорат, боришоти фавқулода, хушксолӣ, тағйирёбии реҷаи гидрологии дарёҳо, нарасидани об, паҳншавии зараррасонҳо ва офатҳои табиӣ алоқаманд мебошанд;
- хатарҳои инфрасохторие, ки ба рушди нокифоя, фарсуда шудани низоми обёрӣ, сифати пасти хизматрасониҳои ирригатсионӣ ва ҳолати ғайриқаноатбахши шабакаҳои заҳбурию коллекторӣ алоқаманданд;
- хатарҳои технологие, ки бо ақибмонии суръати татбиқи навовариҳои технологӣ дар истеҳсолоти кишоварзӣ алоқаманд мебошанд;
- сатҳи пасти ҳосилнокии меҳнат дар бахши саноати кишоварзӣ;
- хатарҳои иқтисодие, ки ба тағйироти номусоиди вазъи макроиқтисодӣ, ноустувории нишондиҳандаҳои иқтисоди ҷаҳонӣ ва миллӣ алоқаманданд;
- хатарҳои ҷуғрофию сиёсие, ки занҷираҳои молрасонӣ, дастрасӣ ба технологияҳо ва захираҳои молиявиро халалдор менамоянд;
- хатарҳои эпидемиологӣ ва ғайра.
29.Афзалияту тадбирҳои стратегии дар Барнома пешбинишуда бевосита ба кам кардан ё пурра бартараф намудани хатарҳои мазкур равона гардидаанд. Барнома инчунин ташкили низоми маҷмуии мониторинг ва вокуниши фавриро ба буҳронҳо, аз ҷумла таҳлили амиқи хатарҳо ва муайянсозии аҳаммияти минтақавии ҳолатҳои фавқулодаро барои огоҳсозии барвақтӣ ва андешидани тадбирҳои пешакӣ менамояд.
7.НАТИҶАҲОИ ЧАШМДОШТИ БАРНОМА
30.Натиҷаҳои чашмдошти Барнома инҳо мебошанд:
- иқтидори мақомоти давлатӣ тақвият меёбад, низоми иттилоотӣ ва огоҳсозии барвақтӣ ташкил карда хоҳад шуд, арзёбии амнияти озуқаворӣ беҳтар гардида, нақшаҳои вокуниши фаврӣ ба буҳронҳо тартиб дода хоҳанд шуд;
- хароҷот кам шуда, истеҳсоли маҳсулот аз ҳисоби ҷорӣ намудани усулҳои инноватсионӣ, барқароркунии ҳосилхезии заминҳо, таҳияи усулҳои устувор, зиёд намудани саршумори чорво, истифодаи технологияҳои рақамӣ ва муосиргардонии агробизнес афзоиш меёбад;
- дастрасӣ ба озуқаворӣ аз ҳисоби пешбурди сиёсати устувори иқтисодӣ ва таъмини некӯаҳволӣ, беҳтар гардонидани сатҳи огоҳӣ дар бораи воя ва ғизои солим беҳтар гардида, стандартҳои истеъмол муқаррар гашта, ғизои гурӯҳҳои осебпазири аҳолӣ беҳтар карда мешавад;
- устувории бозорҳои озуқаворӣ ва ташаккули захираҳои онҳо таъмин мегардад, сиёсати вокуниши фаврӣ ба ҳолатҳои буҳронӣ ва омодабошӣ ба тағйирёбии иқлим амалӣ гардида, нақшаҳои вокуниши фаврӣ ба буҳронҳо тартиб дода хоҳанд шуд.
8. МОНИТОРИНГ ВА АРЗЁБИИ АМАЛИСОЗИИ БАРНОМА
31. Мониторинг ва арзёбии амалисозии Барнома аз ҷониби Вазорати кишоварзии Ҷумҳурии Тоҷикистон гузаронида мешавад.
32. Мониторинг ва арзёбии амалисозии Барнома дар асоси талаботи қарори Ҳукумати Ҷумҳурии Тоҷикистон аз 29 декабри соли 2018, №615 «Дар бораи Қоидаҳои гузаронидани мониторинг ва арзёбии амалишавии ҳуҷҷатҳои стратегии сатҳи миллӣ, барномаҳои соҳавӣ ва минтақавии рушд дар Ҷумҳурии Тоҷикистон» гузаронида мешавад.
9.МУҚАРРАРОТИ ХОТИМАВӢ
33. Вазорати кишоварзии Ҷумҳурии Тоҷикистон ва мақомоти иҷроияи маҳаллии ҳокимияти давлатӣ дар амалигардонии Барнома масъулият доранд.
Приложение 1
к постановлению Правительства
Республики Таджикистан
от «31» июля 2025 года,
№429Программа продовольственной безопасности Республики Таджикистан на 2026-2030 годы
1.ОБЩИЕ ПОЛОЖЕНИЯ
1.Программа продовольственной безопасности Республики Таджикистан на 2026-2030 годы (далее - Программа) разработана в целях обеспечения продовольственной безопасности страны, улучшения доступа к продовольствию, рационального использования продовольственных ресурсов и повышения устойчивости его поставок, а также для реализации целей Национальной стратегии развития Республики Таджикистан до 2030 года.
2.Обеспечение продовольственной безопасности Республики Таджикистан является одним из важнейших направлений экономической безопасности страны, способствующим устойчивому развитию, обеспечению населения доброкачественными продуктами питания и реализации демографической политики, укреплению системы здравоохранения и повышению качества жизнеспособности граждан. Независимо от позитивных экономических тенденций и развития аграрного сектора, в сфере продовольственной безопасности Республики Таджикистан сохраняются проблемы и задачи, требующие комплексного решения.
3.Комплексное решение задач продовольственной безопасности включает в себя наличие достаточного, безопасного и питательного рациона, физического и экономического доступа всех слоев населения к адекватному питанию, самодостаточность и устойчивое обеспечение страны сельскохозяйственной продукцией и продовольствием, и в то же время предполагает независимость государства в вопросах продовольственного обеспечения, эффективного использования ресурсов для снижения сезонного дефицита сельскохозяйственной продукции и устойчивости к изменениям климата.
2.АНАЛИЗ СИТУАЦИИ И ОСНОВНЫЕ ПРОБЛЕМЫ
4.Одной из основных целей Программы продовольственной безопасности Республики Таджикистан на 2020-2024 годы, утвержденной постановлением Правительства Республики Таджикистан от 25 июня 2020 года №386, является рациональное использование имеющихся в стране сельскохозяйственных ресурсов, обеспечение устойчивого развития сельскохозяйственного производства и увеличение внутреннего производства. Это было необходимо для обеспечения доступа населения к безопасной продукции и достижения устойчивого уровня продовольственной безопасности (не менее 70 процентов).
5.В результате предпринятых Правительством Республики Таджикистан мер в части реализации Программы продовольственной безопасности Республики Таджикистан на 2020-2024 годы уровень обеспеченности населения основной отечественной продовольственной продукцией согласно показателям 2024 года достиг в среднем до 80 процентов.
6.Объем валовой продукции сельского хозяйства во всех формах хозяйствования в 2024 году составил 73976,6 млн. сомони и по сравнению с 2023 годом он увеличился на 10,6 процента, в том числе объем продукций растениеводства составил 50984,8 млн. сомони или увеличился на 13,4 процента, животноводства 22991,8 млн. сомони или на 4,8 процента больше.
7.В 2024 году во всех формах хозяйствования республики было произведено 1828318 тонн зерновых (880734 тонн пшеницы), 1263948 тонн картофеля, 3289179 тонн овощей (836911 тонн лука), 1144806 тонн бахчевых, 823048 тонн фруктов (277717 тонн яблок и 313052 тонна абрикоса), 289931 тонн винограда и 1875754 тонн кормовых культур. По сравнению с аналогичным периодом 2023 года наблюдается увеличение производства зерновых на 4,2 процента (пшеницы на 2,4 процента), картофеля на 10,4 процента, овощей на 8,7 процента (лука на 7,3 процента), бахчевых на 13,4 процента, фруктов на 23,9 процента и винограда в 1,5 раза.
8.В 2023 и 2024 годах посевная площадь сельскохозяйственных культур в Таджикистане составила около 861,4 га, из которых площадь орошаемых земель занимает 595,4 тыс. га в 2023 году и 600,6 тыс. га в 2024 году. При этом, наблюдается значительное увеличение площадей повторного посева, ежегодно после основного посева проводится повторный посев на площади 200 тыс. гектаров. Анализ использования пахотных земель во всех формах хозяйствования республики показал, что в 2024 году на орошаемых землях всего посеяно 600,6 тыс. га сельскохозяйственных культур, из них в междурядьях садов - 36,7 тыс. га. Принимая во внимание тенденцию повторного сева, можно прийти к такому выводу, что за последние годы в среднем около 33 процентов орошаемых земель используются для повторного посева.
9.По состоянию на 1 июля 2024 года на складах и в морозильных хранилищах запас зерновых составил 8124,4 тонны, 131,0 тонны кукурузы на зерно, 28,2 тонны картофеля, 509,1 тонны овощей (в том числе 460,7 тонны моркови, 48,4 тонны репчатого лука), 1739 тонны муки, 700,5 тонны сахара, 547,4 тонны растительного масла, 456,6 тонны риса и 3767,4 условных банок всех видов консервной продукции.
10.На конец 2024 года поголовье крупного рогатого скота во всех категориях хозяйств составило 2789,2 тыс. голов, что на 127,2 тыс. голов или на 4,8 процента больше, чем за соответствующий период прошлого года. За этот период поголовье овец и коз составило 7150,7 тыс. голов, что больше на 490,1 тыс. голов или на 7,4 процента. Из общего поголовья скота доля хозяйств населения составляет 93,6 процента крупного рогатого скота и овец и коз – 82,2 процента. Во всех формах хозяйствования в 2024 году было произведено 416034 тонн мяса, 1177381 тонн молока и 1265564 тыс. яиц. По сравнению с аналогичным периодом 2023 года производство мяса увеличилось на 4,5 процента, молока на 5,3 процента, а яиц на 3,4 процента.
11.В 2023 году по республике было произведено 1223699 тыс. штук яиц. По сравнению с 2022 годом производство яиц увеличилось на 11522 тыс. штук яиц, несмотря на уменьшение поголовья птиц на 3,8 процента. В целом, по регионам страны на Согдийскую область приходится 63 процента, на Хатлонскую область - 11 процентов и на районы республиканского подчинения - 25 процентов произведенных яиц. По данным Агентства по статистике при Президенте Республики Таджикистан средняя годовая яйценоскость кур-несушек по республике в 2023 году составила 287, в 2018 году только -181 штуку, Таким образом наблюдается улучшение показателя на 106 штук.
12.Согласно статистическим данным объёмы производства животноводческой продукции на душу населения недостаточны для полного удовлетворения растущих потребностей населения. В 2024 году животноводческий сектор страны обеспечивал на 51 процентов физиологические нормы потребности населения в мясе и мясной продукции, 100 процентов в молоке и молочной продукции и 69 процентов в яйцах.
13.Данные показатели свидетельствуют о необходимости дальнейшего развития животноводческой отрасли, внедрения современных технологий производства, расширения кормовой базы и повышения продуктивности животноводства для обеспечения продовольственной безопасности страны.
14.Структура внешней торговли продовольственной продукции указывает на зависимость страны от импорта основных продуктов питания. К примеру, доля продовольственных товаров в общем объёме экспорта снизилась с 5,0 процента в 2023 году до 3,9 процента в 2024 году. Импорт продовольственной продукции значительно возрос, с 855,8 тыс. тонн в 2023 году до 1053,4 тыс. тонн в 2024 году, или на 23,1 процент. Основными импортируемыми товарами остаются пшеница, сахар и кондитерские изделия, картошка, овощи и растительное масло. Данные показатели подчёркивают необходимость осуществления дополнительных мер по развитию агропромышленного производства, расширения экспортного потенциала и снижения зависимости от импорта продовольственных товаров.
15.По предварительной оценке в июне 2024 года рабочая сила (включая занятых и официально зарегистрированных безработных) составила 2680,5 тыс. человек, из которых 2631,2 тыс. человек (98,2 процента) были заняты в экономике, 49,3 тыс. человек имеют официальный статус безработного, что составляет 1,8 процента от общей численности рабочей силы. Реальная заработная плата, с учетом изменения индекса цен, в июне 2024 года выросла на 17,2 процента по сравнению с май месяцем 2024 года и на 12,1 процента по сравнению с июнь месяцем 2023 года. В июнь месяце 2024 года наблюдался самый низкий уровень заработной платы в реальном секторе экономики в сельском, лесном хозяйстве и рыбоводстве (855,69 сомони). В первом полугодии 2024 года среднедушевые номинальные денежные доходы по сравнению с первым полугодием 2023 года увеличились на 5,6 процента и составили 917,46 сомони в месяц, а реальные денежные доходы увеличились на 1,9 процента. Несмотря на рост заработной платы и доходов, в Таджикистане сохраняется проблема продовольственной необеспеченности, что указывает на необходимость принятия мер для улучшения доступа населения к доброкачественному продовольствию. Также следует учитывать, что низкие заработные платы в сельскохозяйственном секторе могут негативно влиять на продовольственную безопасность.
16.Согласно статистическим данным в 2024 году наблюдается увеличение доли расходов домохозяйств на продовольствие по всей стране. В среднем по всей республике эта доля выросла с 47,3 процента в 2023 году до 50,5 процента в 2024 году. В городах увеличение составило с 52,4 процента в 2023 году до 54,1 процента в 2024 году, а в сельской местности - соответственно с 43 процента до 47,3 процента.
17.В 2024 году средняя суточная пищевая ценность рациона питания на одного человека составила 2594,27 килокалорий, что превышает рекомендуемую Всемирной Организацией Здравоохранения норму в 2100 килокалорий в сутки. Всего в 2024 году среднедушевое потребление картофеля по республике составило 43,87 кг, овощей и бахчевой продукции 129,58 кг, молока и молочных продуктов 43,04 кг, мясной продукции 24,88 кг, растительного масла и других жиров 20,32 кг, яиц 176 штук, сахара и кондитерских изделий 17,86 кг, фруктов 36,94 кг. Наибольшая доля расходов домохозяйств приходится на покупку хлебобулочных изделий - 32,1 процента.
18.Недостаточное производство продовольствия в республике существенно влияет на уровень потребности населения республики в отдельных видах продовольственной продукции. На начало 2024 года индекс потребительских цен составил 101,9 процента, в том числе на продовольственные товары 101,3 процента, непродовольственные товары 101,6 процента и платные услуги населению 104,0 процентов. В целом, рост расходов на продовольственные товары указывает на возможные экономические трудности населения.
19.Основные проблемы продовольственной безопасности Таджикистана включают в себя следующее:
- за последние десятилетия в стране наблюдается резкое увеличение частоты и интенсивности экстремальных погодных явлений, что негативно сказывается на сельском хозяйстве. Ожидается, что таяние ледников в краткосрочной перспективе приведет к увеличению весенних паводков и сокращению объема ухудшению качества воды в долгосрочной перспективе, что напрямую затронет сельское хозяйство и здравоохранение. Сектор сельского хозяйства определен как один из приоритетных отраслей, подверженных риску изменения климата, включая повышение средней температуры, экстремальные температуры и осадки, засухи, изменения стока рек, таяния ледников, изменения в распределении осадков, пыльные бури, нехватки воды, изменения в популяциях вредителей и болезней растений, а также сдвиги в сезонах;
- 80 процентов сельскохозяйственной продукции обеспечивается за счет орошаемых земель, что делает сектор критически важным для продовольственной безопасности. Вместе с тем, эффективность орошения оценивается примерно в 30 процентов, а средний ежегодный забор воды на один гектар очень высок. Более 90 процентов общего объема водозабора из природных источников используется для нужд орошаемого земледелия. Значительная часть орошаемых площадей (более 40 процентов) зависит от насосных станций, многие из которых находятся в разрушенном состоянии. Устаревшая инфраструктура орошения, низкий уровень сохранения и управления приводят к низкому качеству ирригационных услуг, снижению производительности и доходов сельского населения. Ирригационная инфраструктура часто не проектировалась с учетом последствий изменения климата;
- сельскохозяйственный сектор является крупнейшим потребителем пресной воды (более 70 процентов). Дефицит воды напрямую ведет к уменьшению сельскохозяйственного производства и угрожает продовольственной безопасности. Повышение температуры увеличит потребность сельскохозяйственных культур в орошении, и тем самым снижается надежность водоснабжения, что приводит к более частому и серьезному дефициту воды. Непредсказуемость режима выпадения осадков и возникновение экстремальных засух и наводнений также препятствуют планированию водоснабжения;
- ограниченные инвестиции в коллекторно-дренажную сеть, ненадлежащее обслуживание и плохое управление водными ресурсами привели к засолению и заболачиванию земель в некоторых орошаемых зонах;
- несмотря на то, что сельскохозяйственное орошение в значительной степени субсидируется, уровень финансирования остается недостаточным. Более 60 процентов капитальных расходов на сельскохозяйственное орошение финансируется партнерами по развитию;
- несмотря на то, что Таджикистан является аграрной страной, он импортирует значительное количество продовольственных товаров, доля которых в общем импорте товаров остается высокой (около 22 процентов в период с 2016 по 2022 год). Импорт агропродовольственной продукции в 2,6 раза превышает экспорт. Особенно высока зависимость от импорта по таким позициям, как пшеница, кукуруза, рис, масличные семена и рыба;
- производительность труда в сельском хозяйстве значительно ниже, чем в несельскохозяйственных секторах агропродовольственной системы;
- геополитическая ситуация в мире также создает дополнительные вызовы для обеспечения продовольственной безопасности в стране.
3.ЦЕЛИ И ЗАДАЧИ ПРОГРАММЫ
20.Целью Программы является достижение полного обеспечения продовольственной безопасности для населения страны на общенациональном и региональном уровнях, а также на уровне домохозяйств.
21.Задачами Программы являются следующие:
- повышение уровня наличия продовольствия для всего населения, включая производство, распределение и обмен путем содействия росту производства, производительности, хранения, совершенствования технологий для повышения эффективности использования существующих ресурсов;
- улучшение доступа к продовольствию, включая товаров предпочтения отдельных лиц и домохозяйств. Для этого необходимо вести работу по сокращению числа бедных и уязвимых лиц, а также домохозяйств, испытывающих трудности с доступом к продуктам питания;
- улучшение использования продуктов питания, то есть достаточное и безопасное потребление для обеспечения здорового метаболизма. Этот компонент продовольственной безопасности связан с системами здравоохранения и пищевой безопасности, санитарии и просвещения потребителей;
- повышение стабильности поставок продовольствия, как возможности ее получения с течением времени. Это подразумевает работу над готовностью к стихийным явлениям, изменениям климата, содействия улучшению соответствующей инфраструктуры, обеспечения базовой экономико-политической стабильности, и т.д.
4.СТРАТЕГИЧЕСКИЕ ПРИОРИТЕТЫ ПРОГРАММЫ
22.Программа отслеживает два стратегических приоритета:
- институциональное укрепление системы продовольственной безопасности, включающее следующие направления: обеспечение Министерства сельского хозяйства современными аналитическими и планирующими инструментами, а также укрепление материально-технической базы и кадрового потенциала посредством подготовки и переподготовки кадров аграрного сектора поддержка развития научных и образовательных учреждений; представление законодательных и нормативных документов в сфере сельского хозяйства и продовольственной безопасности; создание информационной системы для мониторинга состояния продовольственного рынка;
- достижение целей продовольственной безопасности на национальном, региональном и домашнем уровнях.
23.Стратегический приоритет – это институциональное укрепление системы продовольственной безопасности включающее в себя комплекс мер, направленных на обеспечение соответствующей подготовки и усилени потенциала государственных органов и их взаимодействия с другими вовлечёнными организациями в процесс оценки продовольственной безопасности, реагирование на продовольственные кризисы и достижение предусмотренных целей и задач обеспечения продовольственной безопасности.
24.Институциональное укрепление продовольственной безопасности имеет ключевую роль в обеспечении эффективного выполнения программ по продовольственной безопасности в Республике Таджикистан и предусматривает реализацию нескольких стратегических мер:
- разработка системы мониторинга продовольственной безопасности, которая включает регулярный сбор информации о производстве, распределении, затратах, ценах, минимальных требованиях для детей и взрослых, региональных данных, информации о международной торговле и движении цен;
- разработка системы оценки продовольственной безопасности;
- обновление и укрепление правовой и институциональной базы.
25.Достижение целей продовольственной безопасности на национальном, региональном уровнях и на уровне домохозяйств представляет собой план выполнения мер, необходимых для успешного достижения намеченных целей и задач в области продовольственной безопасности. Указанные меры соответствуют принципам продовольственной безопасности, признанным на международном уровне.
26.Достижение целей продовольственной безопасности на национальном, региональном уровнях и на уровне домохозяйств обеспечивается посредством выполнения следующих мер:
- учитывая высокую зависимость сельского хозяйства от орошения, особое внимание будет уделено внедрению и поощрению эффективного и устойчивого управления водными ресурсами, модернизации ирригационной инфраструктуры и улучшению мелиоративному состоянию земель и повышению продуктивности, а также внедрению, поощрению и развитию «Зелёного» сельского хозяйства и применению широкого спектра мер для адаптации к изменениям климата, как на общенациональном и региональном уровнях, так и на уровне хозяйствующих субъектов.
- улучшение доступа к продовольствию направлено на обеспечение того, чтобы все группы населения, особенно малообеспеченный и уязвимый слой поселения, имели экономические и физические возможности для приобретения достаточного количества безопасного и питательного продовольствия. Это включает меры по поддержке доходов населения, развитию рыночной инфраструктуры, продовольственной безопасности и улучшению логистики;
- с учетом рисков, связанных с изменением климата и экстремальных погодных явлений, критически важным направлением является повышение стабильности поставок. Широкое внедрение принципов «Зелёной» экономики и мер по адаптации к изменениям климата будет способствовать снижению нестабильности в поставках.
5.ИСТОЧНИКИ ФИНАНСИРОВАНИЯ ПРОГРАММЫ
27.Общее финансирование реализации Программы определено в объеме 378,2 млн. сомони, в том числе за счет:
- средств республиканского бюджета с учетом финансирования соответствующих действующих программ сельского хозяйства – 53,3 млн сомони;
- средств частного сектора – 25,5 млн. сомони;
- средств партнеров по развитию (доноров) – 299,4 млн сомони.
6.ПОТЕНЦИАЛЬНЫЕ РИСКИ, УГРОЖАЮЩИЕ ВЫПОЛНЕНИЮ ПРОГРАММЫ
28. Следующие риски замедляют темпы развития сельского хозяйствам и влияют негативно на состояние системы здравоохранения, вследствие чего затрудняется достижение подцелевых индикаторов Программы и создают барьеры для реализации Программы продовольственной безопасности Республики Таджикистан на 2026-2030 годы:
- природные климатические риски, связанные с повышением температуры, экстремальными осадками, засухой, изменением гидрологического режима рек, дефицитом воды, распространением вредителей, и стихийными бедствиями;
- инфраструктурные риски, связанные с недостаточным развитием, изношенностью оросительных систем, низким качеством услуг по орошению, неудовлетворительным состоянием дренажно-коллекторных систем;
- технологические риски, связанные с отставанием темпов внедрения, технологических инноваций в сельскохозяйственное производство;
- низкий уровень производительности труда в агропромышленном секторе;
- экономические риски, связанные с неблагоприятными изменениями макроэкономической ситуации, устойчивости мировых и национальных экономических показателей;
- геополитические риски, нарушающие цепочки поставок, доступ к технологиям и финансовым ресурсам;
- эпидемиологические риски и т.д.
29. Приоритеты и стратегические меры, изложенные в Программе, напрямую направлены на снижение или полное устранение этих рисков. Программа также предусматривает создание комплексной системы мониторинга и экстренного реагирования на кризисы, включая углубленный анализ рисков и определение региональных значений чрезвычайных ситуаций для раннего предупреждения и принятия предупреждающих мер.
7.ОЖИДАЕМЫЕ РЕЗУЛЬТАТЫ ПРОГРАММЫ
30. Ожидаемые результаты Программы:
- укрепится потенциал государственных органов, будет создана система информирования и раннего оповещения, совершенствуется оценка продовольственной безопасности, будут разработаны планы реагирования на чрезвычайные ситуации в кризисных ситуациях;
- будет снижены затраты и увеличится производство продукции за счет внедрения инновационных методов, восстановления плодородия земель, разработки устойчивых методов, увеличения поголовья скота, использования цифровых технологий и модернизации агробизнеса;
- улучшится доступ к продовольствию улучшится за счет устойчивой экономической политики и обеспечения, благосостояния повышения осведомлённости о рационах и здоровом питании, будут установлены стандарты потребления и улучшится питание уязвимых групп населения;
- будет обеспечена устойчивость продовольственных рынков и формирование их резервов, реализуется политика оперативного реагирования на кризисные ситуации и готовности к изменению климата, будут разработаны планы реагирования на кризисное ситуации в кризисных ситуациях.
8. МОНИТОРИНГ И ОЦЕНКА РЕАЛИЗАЦИИ ПРОГРАММЫ
31. Мониторинг и оценку реализации Программы осуществляет Министерство сельского хозяйства Республики Таджикистан.
32. Мониторинг и оценка Программы проводятся на основании требований постановления Правительства Республики Таджикистан от 29 декабря 2018 года, №615 «О Правилах проведения мониторинга и оценки реализации стратегических документов национального уровня, отраслевых и региональных программ развития, осуществляемых в Республике Таджикистан».
9.ЗАКЛЮЧИТЕЛЬНЫЕ ПОЛОЖЕНИЯ
33. За реализацию Программы ответственными являются Министерство сельского хозяйства Республики Таджикистан и местные исполнительные органы государственной власти.
Приложение 2
к постановлению Правительства
Республики Таджикистан
от «31» июля 2025 года, №429
План мероприятий по реализации Программы продовольственной безопасности Республики Таджикистан на 2026-2030 годы
Приложение 2
