ҲУКУМАТИ ҶУМҲУРИИ ТОҶИКИСТОН 

ҚАРОР

Қарори Шӯрои Маҷлиси намояндагони Маҷлиси Олии Ҷумҳурии Тоҷикистон аз 19 майи соли 2025, №179 «Дар бораи лоиҳаи Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон»-ро баррасӣ намуда, Ҳукумати Ҷумҳурии Тоҷикистон қарор мекунад:

Хулосаи замимагардидаи Ҳукумати Ҷумҳурии Тоҷикистон ба лоиҳаи Қонуни конститутсионии Ҷумҳурии Тоҷикистон «Оид ба ворид намудани тағйироту иловаҳо ба Қонуни конститутсионии Ҷумҳурии Тоҷикистон «Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон» ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шавад.

Хулосаи Ҳукумати Ҷумҳурии Тоҷикистон ба лоиҳаи Қонуни конститутсионии Ҷумҳурии Тоҷикистон «Оид ба ворид намудани тағйироту иловаҳо ба Қонуни конститутсионии Ҷумҳурии Тоҷикистон «Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон»

Ҳукумати Ҷумҳурии Тоҷикистон лоиҳаи Қонуни конститутсионии Ҷумҳурии Тоҷикистон «Оид ба ворид намудани тағйироту иловаҳо ба Қонуни конститутсионии Ҷумҳурии Тоҷикистон «Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон»-ро, ки бо қарори Шӯрои Маҷлиси намояндагони Маҷлиси Олии Ҷумҳурии Тоҷикистон аз 19 майи соли 2025, №179 барои додани хулоса ба Ҳукумати Ҷумҳурии Тоҷикистон пешниҳод гардидааст, мавриди баррасӣ қарор дода, вобаста ба он таклифҳои зеринро манзур менамояд:

1)дар ном калимаи «ТАҒЙИРОТУ» ба калимаи «ТАҒЙИРУ» иваз карда шавад;

2)оид ба моддаи 1:

-дар муқаддима қалимаи «тағйироту» ба калимаи «тағйиру» иваз карда шавад;

-дар сархати якуми қисми I калимаҳои «дар», «калимаи» ва «шавад» мувофиқан ба калимаҳои «ба», «калимаҳои» ва «шаванд» иваз карда шуда, калимаҳои «ва касбӣ» хориҷ карда шаванд;

-аз сархати дуюми қисми 1 калимаҳои “ва касбӣ” хориҷ карда шаванд;

-дар қисми 2 калимаҳои «раиси Кумитаву Комиссияҳои Маҷлиси миллӣ ва Маҷлиси намояндагон, вакилони Маҷлиси намояндагон» ба калимаҳои «муовини якум ва муовинони Раиси Маҷлиси намояндагон, раисони кумитаҳо ва комиссияҳои Маҷлиси миллӣ ва Маҷлиси намояндагон, вакилони Маҷлиси намояндагони Маҷлиси Олии Ҷумҳурии Тоҷикистон» иваз карда шаванд.

Пешниҳод карда мешавад, ки хатоҳои грамматикӣ ва техникии лоиҳа ислоҳ гардида, матни забони русӣ ба матни забони тоҷикӣ мутобиқ карда шавад.