ҲУКУМАТИ ҶУМҲУРИИ ТОҶИКИСТОН

ҚАРОР

Қарори Шӯрои Маҷлиси намояндагони Маҷлиси Олии Ҷумҳурии Тоҷикистон аз 6 январи соли 2025, №2524 «Дар бораи лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маърифати экологӣ»-ро баррасӣ намуда, Ҳукумати Ҷумҳурии Тоҷикистон қарор мекунад:

Хулосаи замимагардидаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маърифати экологӣ» ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шавад.

Хулосаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маърифати экологӣ»

Ҳукумати Ҷумҳурии Тоҷикистон лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маърифати экологӣ»-ро, ки бо қарори Шӯрои Маҷлиси намояндагони Маҷлиси Олии Ҷумҳурии Тоҷикистон аз 6 январи соли 2025, №2524 барои додани хулоса ба Ҳукумати Ҷумҳурии Тоҷикистон пешниҳод гардидааст, мавриди баррасӣ қарор дода, вобаста ба он таклифҳои зеринро манзур менамояд:

1) дар ном ва муқаддимаи моддаи 1 лоиҳаи қонун калимаҳои «ЭКОЛОГӢ» ва «экологӣ» мувофиқан ба калимаҳои «ЭКОЛОГИИ АҲОЛӢ» ва «экологии аҳолӣ» иваз карда шаванд;

2) сархатҳои якум ва дуюми қисми 2 бинобар коста ва душворфаҳм таҳия гардидан, таҷдид карда шаванд;

3) қисми 4 хориҷ карда шавад, зеро меъёри амалкунанда дуруст ва фаҳмо мебошад;

4) қисми 7 дар иртибот бо матни амалкунанда такмил дода шавад;

5) дар қисми 9:

- дар сархати якум калимаи «дуюм» ба калимаи «дуюми» иваз карда шавад;

- сархатҳои дуюм ва сеюм дар иртибот бо муқаррароти муқаддима ва сархати якуми қисми 1 моддаи 8 Қонуни мазкур дар шакли пешниҳодгардида қобили қабул намебошанд;

6) дар қисми 12:

- сархати дуюм хориҷ карда шавад;

- сархати сеюм дар таҳрири зерин ифода карда шавад:

«- дар сархати ҳафтум аломати нуқта ба аломати нуқтавергул «:» иваз гардида, сархати ҳаштум ба мазмуни зерин илова карда шавад;

«- амалӣ намудани ваколатҳои дигаре, ки қонунгузории Ҷумҳурии Тоҷикистон пешбинӣ намудааст.»»;

7) қисми 13 хориҷ карда шавад, зеро муқаррароти Қонуни амалкунанда аз рӯйи мазмун ба салоҳияти Ҳукумати Ҷумҳурии Тоҷикистон ва ваколати мақомоти гуногуни давлатӣ алоқаманд мебошанд;

8) дар сархати якуми қисми 14 калимаи «мувовиқан» ба калимаи «мувофиқан» иваз карда шавад;

9) дар қисми 15 калимаи «калимаҳои» ба калимаи «калимаи» иваз карда шавад;

10) дар қисми 16 калимаҳои «Дар» ва «ва» мувофиқан ба калимаҳои «Ба» ва «гардида,» иваз карда шаванд.

Пешниҳод карда мешавад, ки хатоҳои имлоӣ, грамматикӣ ва техникии дар лоиҳа ҷойдошта ислоҳ гардида, матни забони русӣ ба матни забони тоҷикӣ мутобиқ карда шавад.