ҲУКУМАТИ ҶУМҲУРИИ ТОҶИКИСТОН 

ҚАРОР

Мутобиқи моддаи 7 Қонуни Ҷумҳурии Тоҷикистон «Дар бораи шартномаҳои байналмилалии Ҷумҳурии Тоҷикистон» Ҳукумати Ҷумҳурии Тоҷикистон қарор мекунад:

1. Лоиҳаи Созишнома дар бораи хизматрасонии машваратӣ байни Вазорати энергетика ва захираҳои оби Ҷумҳурии Тоҷикистон ва Корпоратсияи Байналмилалии Молиявӣ маъқул дониста шавад.

2. Вазири энергетика ва захираҳои оби Ҷумҳурии Тоҷикистон Созишномаи мазкурро ба имзо расонад ва ҳангоми зарурат ба матни он тағйиру иловаҳои хусусияти муҳимнадоштаро ворид намояд.

3. Вазорати корҳои хориҷии Ҷумҳурии Тоҷикистон бо тартиби муқарраргардида бо Корпоратсияи Байналмилалии Молиявӣ сана ва маҳалли ба имзо расонидани Созишномаи мазкурро мувофиқа намояд.

СОЗИШНОМА ДАР БОРАИ ХИЗМАТРАСОНИИ МАШВАРАТӢ байни ВАЗОРАТИ ЭНЕРГЕТИКА ВА ЗАХИРАҲОИ ОБИ ҶУМҲУРИИ ТОҶИКИСТОН ва КОРПОРАТСИЯИ БАЙНАЛМИЛАЛИИ МОЛИЯВӢ

СОЗИШНОМА ДАР БОРАИ ХИЗМАТРАСОНИИ МАШВАРАТӢ

СОЗИШНОМАИ МАЗКУР аз «__» ___________соли 202_ байни:

1.ВАЗОРАТИ ЭНЕРГЕТИКА ВА ЗАХИРАҲОИ ОБИ ҶУМҲУРИИ ТОҶИКИСТОН («ВЭЗО ҶТ») (ки минбаъд «Муштарӣ» номида мешавад); ва

2.КОРПОРАТСИЯИ БАЙНАЛМИЛАЛИИ МОЛИЯВӢ, ки созмони байналмилие мебошад, ки мутобиқи муқаррароти Оиннома аз тарафи кишварҳои аъзои он, аз ҷумла Ҷумҳурии Тоҷикистон имзогардида таъсис дода шудааст («КБМ»), ки ҳар яке аз онҳо дар алоҳидагӣ «Тараф» ва дар якҷоягӣ «Тарафҳо» номида мешаванд.

ПЕШГУФТОР:

A. Муштарӣ барои таъмини устувори барқ аз номи Ҷумҳурии Тоҷикистон («ҶТ») масъулияти асосӣ дошта, ният дорад, ки Неругоҳи барқи офтобиро («НБОфт») дар асоси механизми шарикии давлат ва бахши хусусӣ («ШДБХ») бо мақсади диверсификатсияи тарҳи омехтаи тавлиди неруи барқ бунёд намояд.

B. Бинобар ин Муштарӣ кӯшиш менамояд, ки

иштирокчӣ(ҳо)-и бахши хусусӣ («ИБХ»)-иро барои тарҳрезӣ, маблағгузорӣ, сохтмон, истифода бурдан, нигоҳдорӣ ва интиқол додани неругоҳи барқи офтобии 500 МВт тавассути гуфтушунидҳои мустақим (Озмуни шарикии давлат ва бахши хусусӣ) бо АКВА ПАВЕР, ки дар доираи қонунҳои Арабистони Саудӣ дохил шудааст ва зери рақами 1010253392 ба қайд гирифта шуда, суроғаи худро дар Exit 8, Eastern Ring Road, Qurtubah District, P.O. Box 22616 Арриёз, 11416 муайян намудааст, ҷалб намояд.

C.Замимаи 1 дорои иттилооти маълумотномавӣ дар мавриди Савдои озмунии озоди ШДБХ мебошад.

D.КБМ, узви Гурӯҳи Бонки Умумиҷаҳонӣ муассисаи байналмилалии молиявӣ мебошад, ки ҶТ узви он мебошад ва дорои таҷрибаи машваратӣ оид ба муомилоти ШДБХ мебошад.

E.Муштарӣ дар асоси истисноӣ КБМ-ро ҷиҳати анҷом додани фаъолият ба сифати мушовири стратегии Муштарӣ дар асоси муҳлату шартҳои дар доираи Созишномаи мазкур муқарраргардида бо мақсади расондани кумак ба Муштарӣ дар арзёбӣ ва назорати Савдои озмунии ШДБХ, аз ҷумла арзёбии иҷро ва натиҷаҳои кори аз ҷониби мушовирони Муштарӣ пешниҳодгардида («Муомилоти ШДБХ») таъин кард ва КБМ таъинотро қабул намуд.

ТАРАФҲО БА МУВОФИҚАИ ЗЕРИН РАСИДАНД:

Фасли 1. Хизматрасонӣ

(a) КБМ ба Муштарӣ хизматҳои дар Замимаи 2 (Хизматрасонӣ) зикргардидаро бо мақсади расондани кумак ба Муштарӣ ҷиҳати ноил гардидан ба ҳадафу вазифаҳое, ки тавсифи онҳо дар банди В Пешгуфтор оварда шудааст, мерасонад.

(b) Хизматрасонӣ бояд аз тарафи КБМ тавассути кормандони худ анҷом дода шавад. КБМ ҳуқуқ дорад, ки кормандони худро бо салоҳдиди худ дар асоси ақидаи худ илова, бартараф ё иваз намояд.

(c) Муштарӣ аз ҳисоби маблағҳои худ ва таҳти масъулияти мушовироне, ки бо муомилоти ШДБХ алоқаманд мебошанд («Мушовирони Муштарӣ»), нигоҳ медорад. Дар ҳолате, ки КБМ иртибот ва ҳамоҳангсозии корро бо мушовирони Муштарӣ дар доираи Хизматрасонӣ амалӣ менамояд, КБМ уҳдадор нест, ки назорати мушовирони Муштариро анҷом диҳад ва барои амалҳо ё беамалии мушовирони Муштарӣ ё ҳар маслиҳат, хизматрасонӣ ё натиҷаи дигари коре, ки пурра ё қисман аз тарафи мушовирони Муштарӣ пешниҳод ё омода карда шудааст, ягон масъулият надорад. КБМ уҳдадор мешавад, ки арзёбӣ гузаронда, аз рӯйи натиҷаҳои кори пешниҳоднамудаи мушовирони Муштарӣ хулоса пешниҳод намояд. Ба ҳар ҳол Муштарӣ барои таъмини риояи дахлдори тавсияҳои КБМ тавассути ҳамоҳангсозии кор бо мушовирони Муштарӣ масъулият дорад.

(d) Замимаи 3 (Таъминоти кадрӣ) дорои рӯйхати намунавии кормандони КБМ мебошад, ки тавре интизор меравад, ба ҷараёни Хизматрасонӣ ҷалб карда мешаванд.

(e) Муштарӣ уҳдадор аст ҳар шахсеро, ки дар мавриди Муомилоти ШДБХ муроҷиат мекунад, тавассути Роҳбари гурӯҳи кории КБМ, ки дар Замимаи 3 (Таъминоти кадрӣ) зикр гардидааст, ба КБМ равона намояд.

(f) Муштарӣ барои амалисозии саривақтии Муомилоти ШДБХ, қабул кардани ҳамаи қарорҳои дахлдор ва андешидани зарурии марбут ба онҳо мутобиқи қонунгузории амалкунанда (аз ҷумла уҳдадориҳо дар доираи созишномаҳои байналмилалии амалкунанда) масъулияти асосӣ дорад. Муштарӣ бояд тамоми чораҳои заруриро андешад, то ба КБМ ва кормандон имконият фароҳам оварда шавад, ки Хизматрасонии пешбининамудаи Созишномаи мазкурро анҷом диҳанд, аз ҷумла:

(i) мунтазам таъмин намудани КБМ бо иттилоот дар бораи Муштарӣ ва Муомилоти ШДБХ (аз ҷумла ҳама гуна тағйирот) ё ҳама гуна масъалаҳое, ки метавонанд ба қобилияти хизматрасонии КБМ ё усул ва ё муҳлати иҷрои онҳо таъсир расонанд, ё оид ба ҳама гуна масъалаҳои дигаре, ки метавонанд аз тарафи КБМ ба таври асоснок пешниҳод карда шаванд. Ин ба мушовирони Муштарӣ додани ваколатҳоро оид ба пешниҳод намудани ҳамаи натиҷаҳои кор ва иттилооти дахлдори дархостнамудаи КБМ бе ягон талаби ба имзо расондани созишномаҳо дар бораи махфият дар бар мегирад. Муомила бо иттилооти ба ихтиёри КБМ додашуда бояд мутобиқи муқаррароти дар Фасли 16 (Дастрасӣ ба иттилоот) овардашуда сурат гирад;

(ii) додани иҷозат ба КБМ, аз ҷумла кормандони он барои ташриф овардан назорати объектҳои Лоиҳа ва пешниҳоди дастрасӣ ба дафтарҳои баҳисобгирӣ, кормандон, роҳбарон, аудиторон ва агентон, вале танҳо дар доираи фаъолияти Лоиҳа ва Муомилоти ШДБХ;

(iii) ба КБМ пешниҳод намудани иттилоот ё дастгирӣ, ки метавонад ба андозаи асоснок талаб карда шавад, то ин ки КБМ бо имконияти Хизматрасонии самаранок ва муассир таъмин карда шавад.

(g) Муштарӣ эътироф менамояд, ки ҳадафу вазифаҳои КБМ пешбурди муомилоти самаранок, шаффоф ва рақобатнок мебошад ва бинобар ин КБМ бо исрор ба Муштарӣ тавсия медиҳад, ки дар доираи назорат ва ваколатҳои худ барои татбиқи тавсияҳои Барномаи қолабии Гурӯҳи Бонки Умумиҷаҳонӣ оид ба ифшои иттилоот дар бораи ҳамкории давлат ва бахши хусусӣ («Барномаи қолабии ифшои иттилоот дар бораи ШДБХ») мутобиқи таҷрибаи пешқадами таъсиси сохтори муназзами ифшои пешакии иттилоот дар мавриди Лоиҳа ва Муомилоти ШДБХ ҳамаи чораҳои заруриро андешад. Барномаи қолабии ифшои иттилоот дар бораи ШДБХ дар суроғаи зерин нашр гардидааст: http://pubdocs.worldbank.org/en/773541448296707678/Disclosure-in-PPPs-Framework.pdf.

(h) Муштарӣ якҷоя бо ИБХ -и интихобгардида барои муайянсозӣ, идоракунӣ ва сабук кардани ҳамаи хавфҳои марбут ба Лоиҳа масъул мебошад. Муштарӣ эътироф менамояд, ки ҳангоми Хизматрасонӣ КБМ машваратдиҳиро ба Муштарӣ мутобиқи Стандартҳои самаранокии КБМ оид ба устувории экологӣ ва иҷтимоӣ амалӣ менамояд. Ҳангоми таҳия ва амалисозии Муомилоти ШДБХ Муштарӣ барои истифодаи Стандартҳои самаранокии КБМ чораҳо меандешад. Бо мақсади дастурдиҳии методӣ ба Муштарӣ оид ба истифодаи Стандартҳои самаранокии КБМ, КБМ фаъолиятеро анҷом медиҳад, ки тавсифи он дар Замимаи 2 (Хизматрасонӣ) оварда шудааст, вале ба шарте, ки КБМ дар назди Муштарӣ ё ҳар тарафи сеюм барои (i) ҳама гуна риоя накардани Стандартҳои самаранокии КБМ ё ҳар қонунгузории амалкунанда ва заминаи меъёрию ҳуқуқӣ аз тарафи Муштарӣ ё ИБХ-и интихобгардида ва ё (ii) идоракунии ҳама гуна хавфҳои экологӣ ва иҷтимоии марбут ба Лоиҳа уҳдадор намебошад ва масъулият надорад.

(i) КБМ кори доимиро ҷиҳати пешгирии қаллобӣ ба коррупсия дар доираи фаъолияти худ анҷом дода, ба таҳкими кори худ оид ба идоракунӣ ва мубориза бо коррупсия идома медиҳад. Бо расмиёти КБМ оид ба танзими айбдоркунӣ дар қаллобӣ ва коррупсия дар доираи лоиҳаҳои КБМ дар суроғаи зерин шинос шудан мумкин аст: www.ifc.org/anticorruption.

(j) Муштарӣ бо он розӣ аст, ки (i) ягон аҳде намебандад ё ягон чорабиниро амалӣ наменамояд, ки аз тарафи Шурои амнияти Созмони Милали Муттаҳид ё кумитаҳои он мутобиқи Боби VII Оинномаи Созмони Милали Муттаҳид манъ шудаанд; ё (ii) ба ҳар амалияи коррупсионӣ, қаллобӣ, забоняккунӣ, маҷбурсозӣ ё монеъшавӣ («Амалияи манъшуда») дар мавриди Муомилоти ШДБХ, Лоиҳа ё ҳама гуна муомилоти дар доираи Созишномаи мазкур ташкилгардида ҷалб карда намешавад (ё ҳар шахсро ваколатдор намекунад ё иҷозат намедиҳад, ки аз номи ӯ ҷалб карда шавад).

(k) Иттилоот дар бораи Лоиҳа ва маълумоти шахсӣ. (А) Муштарӣ барои ҳар огоҳинома, созишнома ё иҷозатҳои марбут ба ҷамъоварӣ ва интиқоли ҳама гуна маълумот ё иттилоот (аз ҷумла маълумоти шахсӣ) аз тарафи Муштарӣ ё аз номи ӯ, бо мақсади ифшои иттилоот дар назди ИБХ-и эҳтимолӣ дар робита бо Лоиҳа ё муомилоти ШДБХ ё дар назди КБМ ва истифодаи минбаъда ё коркарди чунин маълумот ё иттилоот аз тарафи КБМ дар доираи амалисозии муомилоти ШДБХ масъулият дорад. Мутобиқи Созишномаи мазкур «Маълумоти шахсӣ» ба ҳар иттилооте дахл дорад, ки марбут ба шахсони воқеӣ мебошад ё ба тариқи дигар мутобиқи қонунгузории амалкунанда, қоидаҳо ва заминаи меърию ҳуқуқӣ дар соҳаи таъмини махфият, коммуникатсияи электронӣ ва ҳифзи маълумот ҳамчун маълумоти шахсӣ, маълумоти мушаххаскунандаи шахсият ё иттилооти шахсӣ ҳисобида ё муайян карда мешавад.

(B) Бидуни вайронкунии уҳдадориҳои пешбининамудаи зербанди (А) дар боло овардашуда, дар ҳолате, ки агар Муштарӣ ё ҳар шахсе аз номи ӯ амалкунанда ягон маълумоти шахсиро дар назди КБМ дар робита бо амалисозии Лоиҳа, аз ҷумла бо мақсади ошкорсозии ИБХ-и эҳтимолӣ дар робита бо Лоиҳа ё Муомилоти ШДБХ тавассути сомонаи Лоиҳа ё дар реҷаи маҷозӣ ё маркази коркарди маълумот ва ё ба тариқи дигар ифшо намояд (ба ғайр аз ном ва иттилоот барои тамоси кормандони Муштарӣ, ки ба амалисозии Лоиҳа ҷалб гардидаанд), Муштарӣ уҳдадор аст таъмин намояд, ки:

(i) агар КБМ иттилоотро дар шакли мушаххаскунандаи шахсият дархост накарда бошад ё барои пешниҳоди чунин иттилоот розигӣ надода бошад, иттилоот тарзе таҳрир ва беном гардонида мешавад, мушаххасгардонӣ ё имконияти мушаххасгардонии ягон шахс истисно карда; ва

(ii) дар ҳолате, ки агар дар асоси иттилооти пешниҳодгардида ягон шахс мушаххас гардонида шавад ё мушаххас гардонида шуда тавонад:

(1)ифшои иттилоот бо риояи муқаррароти қонунгузории амалкунанда дар бораи ҳифзи маълумот ё махфияти маълумоти нисбати Муштарӣ татбиқшаванда (масалан, ҳама гуна талабот оид ба пешниҳоди иттилоот дар бораи шахсон ё гирифтани розигии чунин шахсон) бо дарназардошти номгӯйи пурраи истифодаи эҳтимолии иттилоот аз ҷониби КБМ, аз ҷумла дар робита бо хизматрасонӣ ва мутобиқи муқаррароти пешбининамудаи огоҳиномаи КБМ дар бораи махфияти маҳсулот ва хизматрасонӣ амалӣ карда мешавад (Ifc.org/privacy/productnotice);

(2)барои таъмини он, ки иттилоот эътимоднок ва ба талабот оид ба ошкорсозӣ аз рӯйи ҳаҷм мутобиқ буда, ошкорсозӣ нисбати шахсони манфиатдор одилона мебошад, чораҳои асоснок андешида шаванд; ва

(3)иттилоот ҳангоми интиқолдиҳӣ бо чораҳои дахлдори муҳофизат таъмин карда шавад.

(C) Муштарӣ КБМ-ро аз масъулият озод менамояд ва онро аз зиён аз ҳама гуна масъулият, зарар, хароҷот ва масрафе, ки аз ҳама гуна талабот, амалҳо ё тафтишот бармеоянд, аз ҷумла аз чораҳои меъёрию ҳуқуқие, ки дар натиҷа ё дар робита бо ҳама гуна вайронкунии уҳдадориҳо ё масъулият аз тарафи Муштарӣ дар боираи банди (k)-и мазкур ё дар натиҷаи ифшои маълумоти шахсӣ ва ё истифодаи он аз ҷониби КБМ ба миён меоянд, ҳифз менамояд.

Фасли 2. Нақшаи кор ва ҷадвали пешакӣ

(a) Мутобиқи бандҳои (b) ва (с) Фасли 2 КБМ Хизматрасониро дар давоми 30 моҳ анҷом медиҳад ва дар доираи ин КБМ ҳамаи воситаҳои дастрасро дар доираи ҳудуди ҷоиз барои Хизматрасонии саривақтӣ сафарбар менамояд.

(b) Нақша ва ҷадвали кори дар Фасли 2 овардашуда ба фаҳмиши КБМ оид ба талаботи ҳар марҳилаи Лоиҳа ва ҷадвали мӯҳлате, ки байни Муштарӣ ва мушовирони Муштарӣ мувофиқашуда асос меёбанд ва онҳо дар асоси индикативӣ дода шудаанд. Ба ғайр аз ин КБМ дар назар дорад, ки Муштарӣ барои пешниҳоди иттилоот, қабули қарорҳо ва расонидани кумаки зарурӣ чораҳои бетаъхир меандешад, мушовирони Муштарӣ бошанд, уҳдадориҳои дахлдори худро дар шакли қаноатбахш ва сари вақт иҷро менамоянд.

(c) Нақша ва ҷадвали кори дар Фасли 2 пешбинигардида метавонанд таҳти таъсири қарорҳои минбаъдае қарор дода шаванд, метавонанд аз тарафи Муштарӣ ҳар вақт дар давом ё дар охири ҳар марҳилаи Муомилоти ШДБХ қабул карда шуда, роҳҳои амалисозии марҳилаи навбатӣ ё вақти пешниҳоди натиҷаҳои кор аз ҷониби мушовирони Муштарӣ муайян карда шаванд. КБМ метавонад ҳар вақт Муштариро дар шакли хаттӣ огоҳ созад, агар чунин шуморад, ки Нақша ва ҷадвали кор тағйиру иловаҳоро талаб менамоянд ва ҳама гуна тағйиру иловаҳо бояд байни Тарафҳо мувофиқа карда шаванд.

Фасли 3. Намояндагони Тарафҳо ва огоҳиномаҳо

(a) Муштарӣ уҳдадор аст шахсеро, ки ба сифати намояндаи Муштарӣ («Намояндаи Муштарӣ») амал мекунад, интихоб ва таъин намояд ва насаб, ном ва номи падари ӯ бояд дар шакли хаттӣ дар рӯз ва то фаро расидани Санаи эътибор пайдо кардан (ки дар Фасли 15 (Санаи эътибор пайдо кардан) пешбинӣ гардидааст) ба маълумоти КБМ расонида шавад. Намояндаи Муштарӣ бояд дорои чунин сатҳи мансаб ва масъулият ва дастрасӣ ба шахсони қабулкунандаи қарорҳо бошад, ки ваколати умумӣ оид ба ҳамоҳангсозӣ аз номи Муштарӣ, ҷалби ҳар мақом ё тарафи сеюм ба ҷараёни амалисозии Муомилоти ШДБХ ва қабули қарорҳои саривақтӣ дар робита бо ин амалӣ карда шавад.

(b) Ба Намояндаи Муштарӣ ваколат дода мешавад, ки аз номи Муштарӣ дар ҳама масъалаҳое, ки ба Созишномаи мазкур дахл доранд, амал кунад. Инчунин мувофиқа ҳосил шудааст, ки:

(i) ҳисоботҳо, тавсияҳо ва муросилоти дигар дар ҳар шакл, ки аз КБМ ба номи Намояндаи Муштарӣ ирсол гардидааст, ҳамчун мувофиқи тартиби муқарраргардида ба Муштарӣ супоридашуда баррасӣ карда мешавад;

(ii) дастурамалҳо, маъқулдонӣ, озодкунӣ, розигӣ, қарорҳо ва муросилоте, ки КБМ аз Намояндаи Муштарӣ мегирад, ҳамчун мувофиқи тартиби муқарраргардида аз тарафи Муштарӣ ирсол ё иҷрогардида ва аз Муштарӣ гирифташуда баррасӣ карда мешавад;

ва Намояндаи Муштарӣ уҳдадор аст, ки ҳамоҳангсозӣ ва ҳамкории доимии дахлдор ва самаранок ва сафарбаркунии ҳамаи захираҳои заруриро таъмин намояд, то ин ки ба КБМ барои Хизматрасонӣ имконият дода шавад.

(c) Бо санади мазкур КБМ Менеҷери минтақавӣ оид ба хизматрасонии машваратӣ аз рӯйи муомилот дар доираи шарикии давлат ва бахши хусусӣ ҷаноби Майкл Опагиро ба сифати намояндаи худ («Намояндаи КБМ»), ки дорои ваколатҳо ва ҳуқуқ барои анҷом додани амалҳо аз номи КБМ оид ба ҳамаи масъалаҳои марбут ба Созишномаи мазкур мебошад, таъин менамояд.

(d) Ҳама гуна огоҳинома ё муросилоти дигар, ки бояд дар доираи Созишномаи мазкур пешниҳод карда шавад, дар шакли хаттӣ анҷом дода мешавад. Ҳар чунин муросилот метавонад тавассути қосид, почтаи авиатсионӣ, почтаи электронӣ ё хадамоти маъмули номарасонӣ бо суроғаи дар поён зикргардидаи Тарафҳо ва ё бо ҳар суроғаи дигаре, ки як Тараф ба Тарафи дигар нишон додааст, ҳар вақт дастрас гардида, аз лаҳзаи гирифта шуданаш эътибор пайдо мекунад.

Барои Муштарӣ:

Вазорати энергетика ва захираҳои оби

Ҷумҳурии Тоҷикистон

ш.Душанбе

кӯчаи Шамсӣ, 5/1

Ба номи:

   -Насаб, ном ва номи падар: ______________________

    Мансаб: Вазири энергетика ва захираҳои оби ҶТ

    Почтаи электронӣ: info@mewr.tj

Барои КБМ:

International Finance Corporation

2121 Pennsylvania Avenue, N.W.

Washington, D.C. 20433

United States of America

Email: notifications@ifc.org

Attention: Director, PPP and Corporate Finance

With a copy to the IFC Representative

     -Mr. _________________

      Regional Manager

      Public Private Partnerships Transaction Advisory Services

      Middle East, Central Asia, Turkey, Afghanistan and Pakistan

      Email: mopagi@ifc.org

(e) Ҳар яке аз Тарафҳо ҳуқуқ дорад, ки бо роҳи огоҳкунии хаттии Тарафи дигар намояндаи худро иваз намояд.

Фасли 4. Подош

Муштарӣ пардохти маблағҳои зеринро ба КБМ ба сифати подош анҷом медиҳад:

(a)хироҷ ба андозаи 100000 (сад ҳазор) доллари ИМА («Подоши пешакӣ»), ки бояд дар давоми сӣ (30) рӯзи тақвимӣ пас аз ба имзо расонидани Созишномаи мазкур пардохт карда шавад;

(b)Подоши пардохт барои амалисозии лоиҳа дар ҳаҷми 900000 (нуҳсад ҳазор) доллари ИМА, ки бояд дар давоми сӣ (30) рӯзи тақвимӣ пас аз ба имзо расонидани ҳуҷҷатҳои Лоиҳа (тавре ки дар зер муайян карда шудааст), (сарфи назар аз ҳолати дараҷаи иҷрои шартҳои эътибор пайдо кардан) («Санаи анҷоми Лоиҳа») пардохт карда шавад.

Бе расонидани ягон зиён ба уҳдадориҳои Муштарӣ оид ба пардохти Подош барои амалисозии Лоиҳа ба КБМ, Муштарӣ метавонад (мутобиқи муқаррароти қонунгузории амалкунанда) анҷоми чунин пардохтҳоро аз тарафи ИБХ дар Санаи бастани Муомилоти ШДБХ ташкил намояд. Ҳама гуна пардохтҳое, ки КБМ пурра аз ИБХ гирифтааст, ба ин андоза аз уҳдадориҳои Муштарӣ оид ба пардохти Подош барои амалисозии Лоиҳа тарҳ карда мешаванд, ба шарте ки масъулияти Муштарӣ барои ҳар қисми пардохтнашудаи Подош барои амалисозии Лоиҳа идома меёбад.

(c) Барои мақсадҳои Фасли 4 мазкур «Ҳуҷҷатҳои лоиҳавӣ», сарфи назар аз миқёси Лоиҳа ё тағйир ёфтани усули эҳтимолии амалисозӣ дар давраи байни санаи баимзорасонии Созишномаи мазкур ва ба имзо расонидани ҳуҷҷатҳои лоиҳавии дахлдор. маънои Созишномаи ШДБХ ё ҳар созишномаеро (созишномаҳое) дорад, ки амалисозии пурра ё ҷузъии Лоиҳаро таъмин менамояд.

Фасли 5. Ҷуброни хароҷот

(a)Тамоми хароҷоти ҳайати кормандони КБМ, аз ҷумла пардохти роҳкиро, истиқомат ва хӯрок ба маблағи подоши дар Фасли 4 (Подош) дар боло пешбинигардида дохил карда шудааст.

(b)КБМ ҷиҳати ҷустуҷӯи фондҳои трастии мувофиқ ва саҳми дигари донорон ва шарикони дигари худ бо мақсади расонидани кумак дар кам кардани хароҷоти умумии Муштарӣ (дар асоси он, ки фондҳо ва саҳмгузориҳо метавонанд барои қисман пардохт намудани уҳдадориҳои Муштарӣ дар назди КБМ мутобиқи ҳуҷҷати мазкур истифода гарданд) чораҳо меандешад, ба шарте ки ягон муқаррароти ҳуҷҷати мазкур ба КБМ вогузор намудани уҳдадориро оид ба ҷалби чунин фондҳо ва саҳмгузориҳо дар назар надорад ва наметавонад ҳамчун вогузоркунандаи чунин уҳдадорӣ баррасӣ шавад, ҳамчунин мавҷудияти ягон дастгирии молиявӣ аз ҷониби ҳар чунин фонд ё саҳм наметавонад ба уҳдадориҳои Муштарӣ дар доираи Созишномаи мазкур таъсир расонад.

Ҳеҷ муқаррароти дар ин ҷо зикргардида ба КБМ уҳдадориро оид ба ҷалби чунин фондҳо ва саҳмгузориҳо вогузор намекунад ва наметавонад ҳамчун вогузоркунандаи чунин уҳдадорӣ баррасӣ шавад, ҳамчунин мавҷудияти ягон дастгирии молиявӣ аз ҷониби ҳар чунин фонд ё саҳм наметавонад ба уҳдадориҳои Муштарӣ дар доираи Созишномаи мазкур, аз ҷумла уҳдадорӣ оид ба пардохтҳои пешбининамудаи Фасли 4 (Подош) таъсир расонад.

(c) Дар ҳолате, ки агар Муштарӣ пардохти саривақтии ягон маблағи мутобиқи Созишномаи мазкур ба КБМ пардохтшавандаро анҷом дода натавонад, КБМ метавонад бе маҳдуд кардани ягон ҳуқуқу уҳдадории дар ҳуҷҷати мазкур ва дар қонунгузорӣ пешбинигардида корҳоро боздорад.

Фасли 6. Пардохтҳои дигар аз рӯйи муомилот

Подошу хароҷоти дар фаслҳои 4 (Подош) ва 5 (Ҷуброни хароҷот) зикргардида, ки дар боло оварда шудаанд, танҳо ба ҳаҷми Хизматрасонии КБМ дахл доранд, ва бо ин сабаб чунин подошу хароҷотеро, ки метавонанд дар доираи амалисозии Муомилоти ШДБХ ба миён оянд, ба монанди хароҷот барои ҷойгиркунӣ, хароҷоти реклама, хароҷот барои маъракаи пайгирии афкори омма ё ҳар хароҷоти марбут ба маблағгузории Лоиҳа дар бар намегиранд.

Фасли 7. Пардохтҳо

(a) Ҳамаи пардохтҳо ба КБМ мутобиқи Созишномаи мазкур бояд пурра ба КБМ дар ҳолати фаро расидани муҳлат бо доллари Иёлоти Муттаҳидаи Америка бо маблағҳои пулии омодагардида бе ягон тарҳкунии маблағи андоз, боҷу хироҷ ё ё тарзи дигари нигоҳ доштани маблағ (ҳамаи ин хароҷот аз ҷониби Муштарӣ пардохт мешавад) ба суратҳисоби дар поён овардашудаи КБМ ё ҳар бонки дигар дар ҷое, ки аз тарафи КБМ ҳар вақт нишон дода мешавад, анҷом дода шаванд:

Account Holder: IBRD

Account Number: 36397302

Bank Name: Citibank N.A.

Bank Address: 388 Greenwich Street, New York, NY 10013 USA

Swift BIC Address: CITIUS33XXX

(b) Дар ҳолате, ки агар маблағи мутобиқи Созишномаи мазкур ба КБМ пардохтшаванда бо истинод ба ҳар асъори дигар ба ғайр аз доллари ИМА ҳисоб карда шавад, маблағи чунин пардохт бо доллари ИМА бо истифодаи қурби баландтарини мубодила барои харидани доллари ИМА бо чунин асъор ё асъори дар санаи муомилоти дахлдор зикргардида ба самти зиёдкунии ин пардохт, сарфи назар аз санаи пардохт, ҳисоб карда мешавад.

(c) Дар ҳолате, ки агар Муштарӣ ягон пардохти дар Созишномаи мазкур пешбинигардидаро анҷом дода натавонад, он уҳдадор аст, ки барои ҳар рӯзи батаъхиргузории пардохти маблағ фоизҳоро аз маблағи чунин пардохт аз рӯйи меъёри солона ба андозаи як фоиз (1%) болотар аз Меъёри фоизии самараноки фонди федералӣ оид ба пасандозҳои шабонарӯзӣ, ки ҳамарӯза аз ҷониби Бонки федералии захиравии Ню-Йорк интишор меёбад, пардохт намояд ва ин меъёри фоизӣ аз санаи батаъхиргузории пардохти дахлдор то санаи анҷоми воқеии пардохт (то додани хулоса, инчунин пас аз додани хулоса) ҳисоб карда мешавад.

Фасли 8. Бекор кардани Созишнома

(a)Муштарӣ метавонад ҳар вақт ва бо салоҳдиди худ Созишномаи мазкурро тавассути ирсоли огоҳиномаи хаттӣ ба КБМ на дертар аз сӣ (30) рӯз то санаи эътибор кардани бекоркунии Созинома бекор намояд.

(b) Дар ҳолате, ки агар:

(i)ҳар вақт Муштарӣ дар хусус вобаста накардан ё идома надодани амалисозии Муомилоти ШДБХ ё Лоиҳа пас аз он, ки Хизматрасонии дар Замимаи 2 (Хизматрасонӣ) пешбинигардида анҷом дода шудааст ё ба тариқи дигар амалисозии Муомилоти ШДБХ ё Лоиҳаро боздорад, қатъ намояд ё дар хусуси идома надодани амалисозии онҳо қарор қабул намояд, ё

(ii)ҷараёни амалиёти Муомилоти ШДБХ ё Лоиҳа суст ё ба давраи тӯлонии вақт қатъ гардад, ки ин (ба ақидаи КБМ аз рӯйи натиҷаҳои машварат байни КБМ ва Муштарӣ) онро дар назар дорад, ки Муштарӣ бе таъхиргузории беасос ё рад кардани маъқулдонии имзои ҳуҷҷатҳои лоиҳавӣ дар давоми давраи асоснок афзалиятро таҷдиди назар мекунад, Муомилоти ШДБХ ё Лоиҳаро ба таъхир мегузорад, бозмедорад ё қатъ менамояд (аз ҷумла, масалан, тавассути рад кардани додани ҳуҷҷатҳои тендерӣ),

КБМ метавонад ба Муштарӣ огоҳиномаи хаттиро бо зикри он, ки агар Муштарӣ ва КБМ дар давоми сӣ (30) рӯз пас аз чунин огоҳкунӣ дар хусуси дигар ба мувофиқа нарасанд, Муомилоти ШДБХ аз ҷониби Муштарӣ ба муҳлати номуайян боздошташуда ва Созишномаи мазкур аз санае, ки баъди сӣ (30) рӯзи пас аз чунин огоҳкунӣ фаро мерасад, аз ҷониби Муштарӣ қатъгардида ҳисобида мешавад.

(c) КБМ метавонад ҳар вақт ва бо салоҳдиди худ Созишномаи мазкурро тавассути ирсоли огоҳиномаи хаттӣ ба муштари на дертар аз сӣ (30) рӯз то санаи эътибор пайдо кардан бекор намояд. Агар чунин бекоркунӣ дар натиҷаи ҳолатҳое, ки метавонанд дар шакли асоснок дар давоми давраи давраи сирӯза бартараф карда шаванд, сурат нагирад, КБМ ҷиҳати гузаронидани машварат бо Муштарӣ пеш аз додани огоҳинома мутобиқи банди (с)-и мазкур чораҳо меандешад.

(d) Агар Тарафҳои ҳуҷҷати мазкур дар шакли хаттӣ ба мувофиқаи дигар нарасанд ё Созишномаи мазкур пештар мутобиқи муқаррароти бандҳои (a), (b) ё (c) Фасли 8 мазкур бекор карда шавад, амали Созишномаи мазкур дар санае, ки баъди сӣ (30) моҳи пас аз эътибор пайдо кардани Созишномаи мазкур фаро мерасад, қатъ мегардад.

(e) Ҳангоми бекоркунии Созишномаи мазкур ва мутобиқи муқаррароти банди (f) Фасли 8 мазкур уҳдадориҳои Тарафҳои Созишномаи мазкур бе маҳдудкунии ҳуқуқҳое, ки то санаи бекоркунӣ ба даст оварда шудаанд, мутаносибан қатъ мегарданд ва дар ин ҳолат:

(i) Муштарӣ бояд бетаъхир ҳамаи подошҳое, ки бояд ба КБМ дар муҳлатҳои пешбининамудаи Фасли 4 (Подош) пардохт карда шаванд, инчунин тамоми хароҷоти КБМ-ро, ки то санаи эътибор пайдо кардани бекоркунӣ ҳисоб карда шудааст, пардохт намояд;

(ii) агар Созишномаи мазкур аз ҷониби Муштарӣ мутобиқи банди (а) ё (b Фасли 8 мазкур ё аз ҷониби КБМ мутобиқи банди (с) Фасли 8 мазкур, вале танҳо дар натиҷаи он, ки Муштарӣ ҳар яке аз уҳдадориҳои худро дар доираи Созишномаи мазкур вайрон кардааст, ё мутобиқи банди (d) Фасли 8 мазкур бекор карда шуда бошад, Муштарӣ инчунин уҳдадор аст фавран маблағҳои зеринро пардохт намояд:

(1)агар бекоркунӣ пас аз баимзорасонии Созишномаи мазкур, вале то гузаштани 6 моҳ аз Санаи эътибор пайдо кардани он сурат гирад, Муштарӣ уҳдадор аст, ки ба КБМ сесаду бисту панҷ ҳазор (325 000,00) доллари ИМА пардохт намояд;

(2)агар бекоркунӣ пас аз 6 моҳ, вале то 12 моҳ пас аз Санаи эътибор пайдо кардан сурат гирад, Муштарӣ уҳдадор аст, ки ба КБМ шашсаду панҷоҳ ҳазор (650 000,00) доллари ИМА пардохт намояд;

(3)агар бекоркунӣ пас аз гузаштани 12 моҳ пас аз Санаи эътибор пайдо кардан сурат гирад, Муштарӣ уҳдадор аст, ки ба КБМ нуҳсад ҳазор (900 000,00) доллари ИМА пардохт намояд;

Ба ҳар ҳол маблағҳои дар банди (е) Фасли 8 мазкур зикргардида пардохт карда намешаванд, агар Муштарӣ Созишномаи мазкурро дар асоси қонунӣ бо сабаби ба андозаи назаррас қобилият надоштани КБМ барои иҷрои уҳдадориҳои дар ин ҷо зикргардида, ба ғайр аз дар натиҷаи (А) ҳар ҳодисаи дар Фасли 12 (Форс-мажор) зикргардида ё (В) ҳамзамон қобилият надоштани Муштарӣ барои иҷрои ҳар яке аз уҳдадории дар ин ҷо зикргардидаи худ бекор намояд.

(f) Сарфи назар аз тартиби дигари дар ин ҷо ё дар қисми дигар зикргардида, амали муқаррароти фаслҳо 7 (Пардохтҳо), 8 (Қатъ намудан), 13 (Ҳисоботҳо, ҳуҷҷатҳо ва мавод), 14 (Қайду шарт ва ҷуброни зарар), 16 (Дастрасӣ ба иттилоот) ва 17 (Ҳалли баҳсҳо) пас аз бекоркунии Созишномаи мазкур нигоҳ дошта мешавад.

Фасли 9. Арзёбии таъсир

КБМ ба сифати созмони байналмилалӣ оид ба рушд дар доираи сиёсати худ уҳдадор аст, ки арзёбии самаранокии Лоиҳаро бо истифода аз нишондодҳои рушд ва нишондодҳои дигари самаранокии кор гузаронад. Бо ин мақсад Муштарӣ бояд чунин маълумот ва иттилоотеро, ки метавонанд ба таври асоснок аз ҷониби КБМ барои муайян намудани самаранокии кори Лоиҳа дархост карда шаванд, пешниҳод намояд. Пас аз бекоркунии Созишномаи мазкур ва дар давоми панҷ (5) сол пас аз ин Муштарӣ бояд ба таври асоснок ҷиҳати пешниҳод намудани чунин маълумот ва фикру мулоҳизаҳо ва мусоидат барои дастрасии кормандони КБМ ба танзимгарони Лоиҳа бо мақсади арзёбии самаранокии кори Лоиҳа чораҳо андешад.

Фасли 10. Ваколатҳо ва иҷозатҳо

(a) Муштарӣ дарк мекунад ва кафолат медиҳад, ки ӯ ҳамаи ваколатҳо ва иҷозатҳоеро (ки дар банди (с) Фасли 10 мазкур зикр гардидаанд), ки барои ба имзо расонидани Созишномаи мазкур заруранд, гирифтааст ва уҳдадор мешавад, ки ҳамаи муқаррароти онро (аз ҷумла пардохт ва гузаронидани ҳамаи боҷу хироҷ ва подоше, ки бояд ба КБМ мутобиқи ҳуҷҷати мазкур пардохт карда шаванд) иҷро намояд.

(b) Муштарӣ уҳдадор аст, ки Ваколатҳо ва иҷозатҳоро, ки барои амалисозии пурраи Созишномаи мазкур, Хизматрасонии муассир аз ҷониби КБМ ва иҷрои ҳамаи уҳдадориҳои худ аз ҷониби Муштарӣ, ки дар ҳуҷҷати мазкур пешбинӣ гардиданд (аз ҷумла пардохт намудани ва гузаронидани ҳамаи маблағҳои ба КБМ пардохтшаванда тасдиқи Ҳуҷатҳои лоиҳавӣ) заруранд, гирад ва дар давоми тамоми давраи амалисозӣ онҳоро дастгирӣ намояд.

(c) Дар доираи Созишномаи мазкур «Ваколатҳо ва иҷозатҳо» маънои ҳар маъқулдонӣ ё розигии корпоратсия, қарздиҳандагон ва саҳмгузорон, ҳар иҷозатнома ё маъқулдонӣ (бо ҳама гуна ҳуҷҷати тасдиқкунанда), бақайдгирӣ, додани ариза ё озодкуниро аз тарафи ҳар раёсат, комиссия, мақом, трибунал, агентӣ ё ташкилоти миллӣ, фаромиллӣ, минтақавӣ ё маҳаллии давлатӣ, шаҳрӣ, маъмурӣ ё судӣ, ё бонки миллӣ (ё ҳар шахсе, ки вазифаҳои бонки миллиро иҷро мекунад, хоҳ давлатӣ ё ғайридавлатӣ бошад, сарфи назар аз шакли моликият, муассиса ё ном) дорад.

Фасли 11. Стандартҳои самаранокии КБМ; Бархӯрди манфиатҳо

(a)КБМ уҳдадор аст Хизматрасониро ба тариқи лозима ва касбӣ анҷом диҳад. Ҳангоми Хизматрасонӣ КБМ инчунин ҳадафу вазифаҳои Муштарӣ, ки дар банди В Пешгуфтор пешбинӣ гардидаанд, талаботи эҳтимолии ИБХ ва қарздиҳандагони онҳо ва амалияи бозориро ба назар мегирад.

(b)КБМ ҳангоми иҷрои хидматҳо уҳдадор мешавад, ки қонунҳо ва қоидаҳои дахлдори Ҷумшурии Точикистон ва қонунҳои ҳама гуна юрисдиксияеро, ки дар он ягон қисми Хизматрасониҳо аз ҷониби КБМ иҷро карда мешаванд, риоя кунад. КБМ уҳдадор нест, ки Хидматҳоро то андозае иҷро кунад, ки ин амал боиси вайрон кардани қонунҳо ё қоидаҳо гардад.

(с) КБМ метавонад ба иттилооти пешниҳоднамудаи Муштарӣ умед бандад, таҳлилу тавсияҳои он бошанд, метавонанд ба иттилооте, ки Муштарӣ ба баррасии КБМ пешниҳод намудааст ё бояд пешниҳод намояд («Иттилооти Муштарӣ»), инчунин ба натиҷаи кор, аз ҷумла таҳқиқот, ҳисоботҳо, таҳлилҳо ва ақидаи мушовирони Муштарӣ, аз ҷумла мушовирони ҳуқуқии байналмилалӣ ва маҳаллӣ («Натиҷаи кори тарафҳои сеюм») асос ёбанд. КБМ ҳуқуқ дорад тахмин намояд, ки иттилооти Муштарӣ ва натиҷаи кори тарафҳои сеюм бе гузаронидани санҷиши мустақил боэътимод, пурра ва кофӣ мебошанд.

(d) КБМ ягон пешниҳод намекунад ё уҳдадориро дар мавриди сармоягузорӣ ё пешниҳод намудани ҳама гуна захираҳои молиявӣ (аз суратҳисоби худ ё дар шакли дигар) барои Лоиҳа, Муштарӣ ё ягон тарафи сеюми аз тарафи Муштарӣ дар робита бо Хизматрасонӣ ё Лоиҳа таъингардида ба зимма намегирад.

(e) КБМ Хизматрасониро ҳамчун ваколати худ оид ба рушд анҷом медиҳад. Муштарӣ эътироф менамояд, ки КБМ ширкати ба қайд гирифташудаи брокерию дилерӣ намебошад ва дар шакли ташкилоти фидутсиарӣ (боваринок) нисбати Муштарӣ ё ҳар тарафи дигар ва ё ба сифати намояндаи қонунӣ ё агенти Муштарӣ дар асоси қарордод ё асоси дигар амал намекунад ва розӣ мешавад, ки Муштарӣ дар асоси тахмини чунин уҳдадориҳои фидутсиарӣ ё агентӣ талаб карда наметавонад ва бо ҳамин аз ҳама гуна ҳуқуқи талаб кардан даст мекашад.

(f) Муштарӣ мефаҳмад ва эътироф менамояд, ки:

(i) КБМ ё созмонҳои дигар Гурӯҳи Бонки Умумиҷаҳонӣ ба Лоиҳа пештар ҷалб гардида буданд («Манфиатҳои қаблӣ»);

(ii) КБМ ё созмонҳои дигар Гурӯҳи Бонки Умумиҷаҳо ҳоло ё дар оянда метавонанд (ё дар гузашта метавонистанд) қарз диҳанд ё маблағгузории сармояро анҷом диҳанд, кафолати иҷро додаанд ё дорои ҳиссаи саҳмияҳои овоздиҳанда, ҳуқуқ барои мустақиман ё ғайримустақим ба даст овардани манфиатҳо мебошанд, дорои ҳуқуқи таъин намудаани як ё якчанд аъзо ба шурои директорон (ё мақоми шабеҳ) мебошанд (буданд), суғурта аз хавфҳои сиёсиро таъмин мекунанд (мекарданд ё ба тариқи дигар ба муносибатҳои сармоягузорӣ бо як ё якчанд иштирокчиёни эҳтимолии савдо ё иштирокчиёни муваффақи савдо ё шахсони вобастаи онҳо дар доираи Лоиҳа («Манфиатҳои молиявии иштирокчии савдо») ҷалб гардидаанд (гардида буданд); ё

(iii) КБМ ё созмонҳои дигар Гурӯҳи Бонки Умумиҷаҳо ҳоло ё дар оянда метавонанд (ё дар гузашта метавонистанд) хизматрасонии техникӣ ё машваратиро (аз ҷумла ва бе маҳдудият хизматрасонии стратегиро) анҷом диҳанд ё маблағгузориро аз номи як ё якчанд иштирокчиёни эҳтимолии савдо ё шахсони вобастаи онҳо дар доираи Лоиҳа («Манфиатҳои молиявии иштирокчии савдо») ташкил намудаанд (ташкил карда буданд).

(g) Муштарӣ эътироф менамояд, ки бархӯрди манфиатҳои воқеӣ ё эҳтимолӣ метавонад байни уҳдадориҳои КБМ дар назди Муштарӣ дар доираи Созишномаи мазкур ва манфиатҳои аъзои Гурӯҳи Бонки Умумиҷаҳонӣ дар робита бо ҳама гуна Манфиатҳои қаблӣ, ҳама гуна манфиатҳои иштирокчии савдо ё Манфиатҳои машваратии иштирокчии савдо («Бархӯрди манфиатҳо») ҷой дошта бошад ё ба миён ояд.

(h) КБМ уҳдадор мешавад, ки дар давоми муҳлати амали Созишномаи мазкур чораҳоро ҷиҳати сабук кардани чунин бархӯрди манфиатҳо, аз ҷумла ҷудо кардани дастаҳо ва маҳдуд кардани мубодилаи иттилооти махфӣ ё хизматӣ байни чунин дастаҳо то замоне, ки соҳиби иттилоот розигии пешакии хаттӣ намедиҳад, мутобиқи ҷараён ва расмиёти КБМ ва Гурӯҳи Бонки Умумиҷаҳонӣ дар мавриди идоракунии бархӯрди манфиатҳои корӣ ташкил ва дастгирӣ менамояд.

(i) Муштарӣ бо механизми сабуккунии дар боло тавсифёфта розӣ шуда, бо ҳамин аз ҳама гуна ва тамоми даъвоҳое, ки ба тасдиқи Бархӯрди манфиатҳо ё истифодаи номатлуби иттилоот дар мавриди тамоми муқаррароти дар боло зикргардида асос ёфтаанд, даст мекашад ё бозхонд менамояд ва КБМ-ро аз масъулият аз ҳама гуна зиён, талаб, зарар ё даъвоҳое, ки аз чунин Бархӯрди манфиатҳо ё истифодаи иттилоот ва ё дар робита бо онҳо ба миён меоянд, озод мекунад ва ҳифз менамояд.

Фасли 12. Форс-мажор

Дар ҳолате, ки ҳама гуна Хизматрасонӣ аз ҷониби КБМ бо сабабҳои берун аз ҳудуди назорати асосноки он, аз ҷумла қувваи рафънопазир ба таъхир гузошта мешавад ё номумкин аст, мақомоти ҳокимияти давлатӣ ё ҳама гуна воситаҳои онҳо, корпартоӣ, низоъҳои шаҳрвандӣ ё ҳодисаҳои ба ин монанд, КБМ барои иҷрои уҳдадориҳои худ, ки дар ҳуҷҷати мазкур пешбинӣ гардидаанд, масъул намебошад.

Фасли 13. Ҳисоботҳо, ҳуҷҷатҳо ва мавод

(a) Ҳамаи ҳисоботҳо, таҳлилҳо, машваратҳо ё маводи дигари аз тарафи ё бо мусоидати КБМ пешниҳодгардида танҳо барои иттилоот, фоида ва истифодаи Муштарӣ дар робита бо Муомилоти ШДБХ пешбинӣ гардида, метавонанд ба андозае аз ҷониби Муштарӣ ба қадри зарурат байни кормандони худ, шахсони мансабдор ва мушовирон дар робита бо Муомилоти ШДБХ паҳн карда шаванд, ки ин зарур мебошад, вале набояд бе розигии хаттии КБМ барои мақсадҳои дигар истифода шаванд, интишор, ошкор карда шаванд ё ба ҳар тарафи сеюм супорида шаванд ё ҳар тарафи сеюм наметавонад ба он умед бандад. Ҳар ёддошти иттилоотӣ, эълон ё ҳар ҳуҷҷати дигар дар бораи пешниҳод, ки барои паҳн кардан дар байни сармоягузорони эҳтимолӣ ё ИБХ пешбинӣ гардидааст, ё ҳар даъват ба сармоягузорони эҳтимолӣ ё ИБХ барои иштирок ё ибрози манфиатдорӣ барои иштирок дар Лоиҳа метавонад танҳо пас аз он бароварда шавад, ки он аз тарафи Муштарӣ ҳамчун ҳуҷҷати худ қабул, тасвиб ё тасдиқ карда шавад ва танҳо ба шарте, ки ҳар нусхаи ҳуҷҷати бо ҳамин тариқ қабулгардида огоҳинома ва изҳорот дар бораи даст кашидан аз масъулиятро, ки аз рӯйи шакл ва мундариҷа қонеъкунандаи КБМ мебошад, дар бар мегирад.

(b) Муштарӣ набояд бе розигии пешакии хаттии КБМ КБМ-ро намояндагӣ кунад ва набояд ба кормандон, шахсони мансабдор ё шахсони вобаста иҷозат диҳад, ки КБМ-ро намояндагӣ намоянд ва он набояд ақидаи КБМ-ро пешниҳод намояд ё ба чунин шахсони мансабдори Муштарӣ ё шахсони вобастаи ӯ иҷозат диҳад, ақидаи КБМ-ро пешниҳод намоянд.

(c) Муштарӣ наметавонад ном, тамғаи молӣ ё логотипи КБМ-ро дар ҳама гуна эълонҳо, адабиёт ё иттилооти рекламавӣ, ишораҳо, маводи маркетингӣ, брошюраҳо, сомонаҳо, баёнияҳои матбуотӣ ё ҳар маводи оммавии дигари шабеҳ бе розигии пешакии хаттии КБМ барои ҳар маврид истифода намояд ё барои истифодаи онҳо иҷозат диҳад.

(d) Ҳамаи маводе, ки то санаи баимзорасонии Созишномаи мазкур ба Тараф тааллуқ дошта («Маводи қаблан мавҷудбуда»-и чунин Тараф), дар робита бо Муомилоти ШДБХ истифода мешавад, ва ҳамаи ҳуқуқҳои ҳамроҳи моликияти зеҳнӣ (аз ҷумла ҳуқуқи муаллиф, патентҳо, тамғаҳои молӣ, сирри тиҷоратӣ ва ҳуқуқҳои дигари моликият) моликияти истисноии чунин Тараф боқӣ мемонанд. Бо ҳуҷҷати мазкур КБМ ба Муштарӣ иҷозатномаи ғайриистисноии пурра пардохтшударо барои истифодаи Маводи қаблан мавҷудбудаи худ ҳуқуқи вобастаи моликияти зеҳниро (аз ҷумла ҳуқуқи истеҳсол ва истифодаи корҳое, ки аз он бармеоянд) танҳо дар доираи зарурати тарафи иҷозатномадор барои истифодаи ҳуқуқҳои ба он дар доираи ҳуҷҷати мазкур додашуда ё барои иҷрои уҳдадориҳои худ дар доираи ҳуҷҷати мазкур медиҳад. Дар доираи ҳуҷҷати мазкур «мавод» иттилоот, маълумот, махзани маълумот, ҷадвал, нақша, осори санъат, аксҳо, ҳисоботҳо, маводи аудиоӣ, маводи видеоӣ, маводи аудиовизуалӣ, таъминоти барномавӣ, замимаҳо, ихтироот, ҷараёнҳо ва маводи дигарро, новобоста аз шакл, дар бар мегирад.

(e) Сарфи назар аз ҳар истилоҳи дигари дар Созишномаи мазкур истифодашуда, вале мутобиқи муқаррароти банди (с) Фасли 16 (Дастрасӣ ба иттилоот) КБМ дорои ҳуқуқ ва иҷозатномаи умумиҷаҳонӣ, бозхонданашаванда ва ғайриистисноӣ барои истифода ва ба таври дигар истифода бурдани машваратҳои аз ҷониби КБМ ба Мизоҷ ба манфиати мизоҷони дигари КБМ ва лоиҳаҳое, ки он дар онҳо иштирок мекунад, инчунин ҳуқуқи додани иҷозат ба муштариёни дигари КБМ барои истифодаи чунин машваратҳо дар робита бо фаъолнокии дахлдори кории онҳо мебошад.

Фасли 14. Маҳдудкунии масъулият ва ҷуброни зарар

(a) КБМ ягон тасдиқот ё кафолати возеҳ ифодагардида ё эҳтимолиро нисбати инҳо намедиҳад:

(i) эътимоднокӣ, пуррагӣ ё кифоягии ҳама гуна иттилооти Муштарӣ ё натиҷаи кори тарафҳои сеюм;

(ii) эътимоднокӣ, пуррагӣ ё кифоягии ҳама гуна ҳисоботҳо, таҳлилҳо, ёддоштҳо ё эълонҳо, аз ҷумла ҳама гуна дурнамо ё ҳисобҳои дар онҳо ҷойдошта, ки аз тарафи КБМ ё бо мусоидати он таҳия гардидаанд («Натиҷаи кори КБМ»);

(iii) миқёси муваффақият, ки дар доираи амалисозии ягон тавсияи дар Натиҷаи кори КБМ мавҷудбуда ё ҳангоми қабули қарор дар бораи иштироки сармоягузори эҳтимолӣ ё ИБХ аз тарафи Муштарӣ, амалисозии Муомилоти ШДБХ ё пешниҳоди ҳама гуна маблағгузорӣ бо ин мақсад ба даст овардан мумкин.

(b) КБМ наметавонад барои ҳама гуна зарар, хароҷот, зиён ё уҳдадориҳое, ки метавонанд Муштарӣ ё ҳар яке аз агентон, воҳидҳо ё шахсони вобастаи он, ё ҳар яке аз саҳмдорони онҳо, ё ҳар қарздиҳанда, ИБХ ё сармоягузор ва ё ИБХ ё сармоягузори эҳтимолӣ ё ҳар тарафи сеюми дигар нисбат ба ҳар чунин Хизматрасонӣ ё ҳар натиҷаи кори КБМ бо онҳо дучор шаванд ё аз сар гузаронанд, масъулият надорад, агар танҳо аз ҷониби суди арбитражӣ мутобиқи Фасли 17 (Ҳалли баҳсҳо) дар сатҳи қарори ниҳоии қатъӣ муайян карда нашавад, ки чунин зарар, хароҷот, зиён ё масъулият дар натиҷаи хунукназарӣ ё қоидавайронкунии барқасдона аз тарафи КБМ ба вуҷуд омадааст.

(c) Сарфи назар аз муқаррароти пешбинигардида, масъулияти КБМ, дар ҳолати мавҷуд будан, ки аз ё дар робита бо Созишномаи мазкур ё Хизматрасонӣ бармеояд, (i) наметавонад ба ҳама гуна зиён ё зарар, фоида ё имконияти аздастрафтаи ғайримустақим, махсус, тасодуфӣ, минбаъда ё қобили таваҷҷуҳ дахл дошта бошад ва (ii) наметавонад аз маблағи ҳаққи хизмати касбие, ки аз тарафи КБМ ба суратҳисоби худ дар робита бо Созишномаи мазкур гирифтааст, зиёдтар бошад.

(d) КБМ барои ҳама гуна вайронкунии уҳдадориҳо ё ҳама гуна амал аз тарафи ҳар иштирокчии савдо, ИБХ, сармоягузор, қарздиҳанда ё ҳар шахси дигаре, ки Муштарӣ ё ҳар шахси дигари таъиннамудаи Муштарӣ бо ӯ ҳуҷҷатҳои лоиҳавӣ ё ҳама гуна созишномаи марбут бо Хизматрасонӣ, Муомилоти ШДБХ ё Лоиҳаро ба имзо мерасонад, масъулият надорад.

(e) Муштарӣ уҳдадор мешавад, ки зарарро ҷуброн намуда, КБМ-ро аз масъулият ҳифз намояд ва бо талаби КБМ ҳама гуна хароҷот (аз ҷумла хароҷоти судӣ), зарар, даъво, зиён ё уҳдадориҳоеро, ки КБМ ва/ё ҳар яке аз кормандон, шахсони мансабдор ё агентони дахлдори он метавонанд дучор шаванд (аз ҷумла дар натиҷаи ҳар даъво, талаб, амал ё тафтишоти судӣ, аз ҷумла амалҳои танзимкунанда, ки ба муқобили ҳар яке аз онҳо аз ҷониби ҳар тарафи сеюм (новобаста аз он, ки он бо Муштарӣ алоқаманд аст) бо ҳар асос оғоз гардидаанд), ки метавонанд дар робита бо ҳар вайронкунии уҳдадориҳо ё масъулияти Муштарӣ мутобиқи Созишномаи мазкур ё дар робита бо Хизматрасонии КБМ мутобиқи Созишномаи мазкур ё боварии ҳар шахс ба ҳар амале, ки аз тарафи КБМ иҷро шудааст ё нашудааст, ба миён оянд, пардохт ё ҷуброн намояд; вале ба шарте, ки Муштарӣ барои ҷуброни зарари дар боло зикргардида ба он дараҷае масъулият надорад, ки суди арбитражии ба таври лозима мутобиқи муқаррароти Фасли 17 (Ҳалли баҳсҳо) таъсисёфта бо қарори ниҳоии арбитражии шикоятнашаванда муайян намояд, ки ҳама гуна чунин зарар, даъво, зиён ё масъулият дар натиҷаи рафтори барқасдонаи ғайриқонунӣ ё хунукназарии дағалонаи КБМ ба вуҷуд омадааст.

(f) КБМ ҳуқуқи назорат кардани ҳимояро аз ҳар талаби тарафи сеюм, ки мавзуи озодкунӣ аз масъулият аз тарафи Муштарӣ буда, Муштарӣ бо КБМ ҷиҳати татбиқи ҳама гуна чораҳои дастраси муҳофизат ҳамкорӣ менамояд, нигоҳ медорад.

Фасли 15. Санаи эътибор пайдо кардан

Созишномаи мазкур аз рӯзе, ки Тарафи охирин ин Шартномаро ба таври лозима иҷро менамояд, эътибор пайдо мекунад.

Фасли 16. Дастрасӣ ба иттилоот

(a) Ба сифати созмони байналмилӣ КБМ Сиёсати КБМ оид ба дастрасӣ ба иттилоот («СДИ»)-ро амалӣ менамояд, ки он уҳдадориҳои КБМ-ро дар доираи машваратҳои ҷамъиятӣ ва ифшои иттилооти марбут ба лоиҳаҳое, ки он дар онҳо иштирок менамояд, ба танзим медарорад. СДИ нисбати ҳамаи ҳуҷҷатҳо, маълумот ва иттилооти дигаре, ки аз тарафи КБМ аз Муштарӣ ё тарафҳои сеюм гирифта шуда, марбут ба фаъолияти Муштарӣ, Муомилоти ШДБХ ва Лоиҳа мебошанд, татбиқ мегардад. СДИ дар сомонаи КБМ бо суроғаи www.ifc.org/Disclosure интишор гардидааст.

(b) Дар СДИ зикр карда мешавад, ки КБМ иттилооти молиявӣ, тиҷоратӣ, патентӣ ё иттилооти дигари махфиро, ки ба КБМ аз тарафи муштариёни он ё тарафҳои сеюм пешниҳод гардидааст, бе розигии чунин муштариён ё тарафҳои сеюм ба аҳли ҷомеа ифшо намекунад.

(c) Мутобиқи СДИ КБМ ба аҳли ҷомеа иттилооти муайянро дар бораи фаъолияти КБМ пешкаш менамояд. Мисолҳои чунин иттилоот дар доираи кумаки техникӣ ва хизматрасонии машваратии КБМ таҷрибаи пешқадам ё ҳисоботҳои ба такмили таъсир ба рушди ташаббусҳои КБМ равонагардида ва чунин иттилооти маҳдудро дар бораи Лоиҳа, ба монанди тавсифи мухтасари Лоиҳа, таъсири эҳтимолӣ барои рушд ва натиҷаҳои воқеӣ дар бар мегиранд.

(d) Мутобиқи СДИ КБМ иттилоотро дар мавриди Лоиҳа ва Муомилоти ШДБХ тавассути ҳуҷҷати КБМ оид ба Иттилоот дар бораи лоиҳаи хизматрасонии машваратӣ («ҲИЛХМ») бо роҳи ҷойгиркунии ҳуҷҷат дар сомонаи берунаи КБМ барои ифшои иттилоот дар бораи лоиҳа (ниг. www.ifc.org ва ба фасли Лоиҳаҳои КБМ/Ифшои иттилоот гузаред) ифшо менамояд. Матни ҲИЛХМ, ки бояд дар марҳилаи якум ифшо гардад, дар Замимаи 4 (Ҳуҷҷати иттилоотии лоиҳаи хизматрасонии машваратӣ (ҲИЛХМ)) оварда шудааст.

(e) ҲИЛХМ барои инъикоси натиҷаҳои рушд мутобиқи Замимаи 4 мунтазам таҷдид карда мешавад. Дар ҳолати зарурати таҷдиди назар намудани ҲИЛХМ барои инъикоси тағйироти назаррас дар тавсифи умумии лоиҳа, таъсири эҳтимолӣ барои рушд ё баландшавии хавфҳои экологӣ ва иҷтимоӣ, КБМ Муштариро дар шакли хаттӣ дар бораи тағйироти пешниҳодшаванда пеш аз интишори он огоҳ месозад.

(f) Муштарӣ эътироф менамояд, ки СДИ ва сиёсату таҷрибаи КБМ дар мавриди чораҳо оид ба ҳифзи иттилооти махфӣ ва идоракунии бархӯрди манфиатҳо нисбати тамоми ҳуҷҷатҳо, маълумот ва иттилооти дигаре, ки КБМ аз муштариёни дигари худ ё шахсони сеюм гирифтааст, татбиқ карда мешаванд. Мувофиқан Муштарӣ эътироф менамояд, ки чунин иттилоот метавонад ба кормандони КБМ, ки Хизматрасониро анҷом медиҳад, маълум бошад ё набошад ва КБМ мавҷудияти чунин иттилоот, истифодаи чунин иттилоотро ҳангоми Хизматрасонӣ ошкор намесозад ё чунин иттилоотро бе розигии дахлдори чунин муштариён ё шахсони сеюм ба Муштарӣ ифшо намесозад.

(g) Муштариён эътироф менамоянд, ки мушовир/омбудсмени КБМ оид ба риояи талабот («МОРТ») механизми мустақили ҳисоботдиҳии КБМ оид ба масъалаҳои экологӣ ва иҷтимоӣ мебошад. Иттилооти иловагиро дар бораи МОРТ дар сомонаи http://www.CAO-ombudsman.org/ пайдо кардан мумкин аст. Дар ҳолати ба МОРТ ворид гардидани шикоят оид ба оқибатҳои экологӣ ва/ё экологии марбут бо Муомилоти ШДБХ, инчунин бо дархости КБМ, Муштарӣ ба кормандони МОРТ иҷозат медиҳад, ки дар соатҳои муқаррарии корӣ ва бо дарназардошти ҳама гуна қонуну қоидаҳои татбиқшаванда: (i) дастрасӣ ба ҳуҷҷатҳо ва/ё маълумоти Муштарӣ, ки мансуб ба Муомилоти ШДБХ мебошанд, дошта бошанд ва (ii) ба иншооту биноҳои Муштарӣ, ки дар онҳо Созишнома дар доираи ШДБХ амалӣ карда мешавад, танҳо бо мақсади иҷрои нақши МОРТ мутобиқи Сиёсати механизми мустақили ҳисоботдиҳии (МОРТ) КБМ/АБКС аз 28 июни соли 2021 бо суроғаи https://documents.worldbank.org/en/publication/documents-reports/documentdetail/889191625065397617/IFC-miga-independent-accountability-mechanism-CAO-policy шинос шудан мумкин аст, ташриф оварда, аз назар гузаронанд. Ҳангоми иҷрои кори худ МОРТ таҳти амали СДИ қарор мегирад. МОРТ метавонад иттилоотрои дар ҷараёни фаъолияти худ бадастовардаро бо дарназардошти муқаррарот ва талаботи СДИ ва Сиёсати МОРТ ифшо намояд.

Фасли 17. Ҳалли баҳсҳо

(a) Созишномаи мазкур ва ҳама гуна ҳуқуқу уҳдадориҳое, ки дар робита бо он бармеоянд, инчунин ҳама гуна қарорҳои арбитражӣ мутобиқи банди (с) Фасли 17 мазкур бояд мутобиқи қонунгузории Англия танзим карда ва тартиб дода шаванд.

(b) Тарафҳо барои танзими хайрхоҳонаи ҳама гуна ихтилофот ва баҳсҳое, ки дар доира ё дар робита бо Созишнома ба миён меоянд, дар асоси созиши мутақобилан судманд чораҳо меандешанд. Дар ҳолате, ки агар ихтилофот ё баҳс бо тартиби дуҷониба дар давоми сӣ (30) рӯз аз санаи пешниҳоди огоҳиномаи хаттӣ аз ҷониби як Тараф ба Тарафи дигар дар бораи ихтилофот ё ҳолати баҳснок ҳал карда нашавад, пас муқаррароти боқимондаи Фасли 17 татбиқ мегардад.

(c) Дар ҳолати мавҷуд набудани ҳалли мулоҳитомез, ҳама гуна баҳс, талаб, ихтилофи назар ё мухолифате, ки аз Созишномаи мазмуз ба миён меояд ё ягон муносибат бо он дорад, аз ҷумла ҳама гуна баҳс дар мавриди мавҷудият, воқеият, шарҳи он, иҷро ё қатъ ва оқибати бекоркунии он ва ҳама гуна баҳсҳои марбут ба уҳдадориҳои то охир мувофиқанашудае, ки аз он бармеоянд ё бо он алоқаманданд (дар доираи мақсадҳои Фасли 17 мазкур – «Баҳсҳо»), бояд ба Суди байналмилалии арбитражии Палатаи байналмилалии савдо пешниҳод гардида, дар асоси коргузории арбитражӣ мутобиқи Қоидаҳои арбитражи Палатаи байналмилалии савдо (дар доираи мақсадҳои Фасли 17 мазкур – «Қоидаҳо») аз ҷониби як ё якчанд судяи арбитражии тибқи Қоидаҳо таъингардида ҳал карда шаванд. Қоидаҳо ба Фасли 18 дар шакли истинод ворид карда шудаанд. Забони арбитраж англисӣ мебошад. Мутобиқи моддаҳои 45 ва 69 Қонун дар бораи арбитраж аз соли 1996 юрисдиксияи судҳои Англия истисно карда мешавад. Суди арбитражӣ ҳуқуқ дорад, ки нисбати юрисдиксияи худ, аз ҷумла ҳама гуна эътироз дар мавриди мавҷудият, ҳаҷм ва воқеияти созиши (созишҳои) арбитражӣ ё дар мавриди он, ки оё ҳамаи талабот, талабот ва баҳисобгирии мутақобила, ки дар арбитраж анҷом дода шудаанд, метавонанд дар як арбитраж муайян карда шаванд, қарор қабул намояд.

(d) Ягон муқаррароти Созишномаи мазкур ё Қоидаҳо, инчунин муроҷиати КБМ ба арбитраж ба ҳеҷ ваҷҳ аз тарафи КБМ рад кардан, даст кашидан, қатъ намудан ё тағйир додани ҳама гуна имтиёз, масуният ё истисноҳои дар моддаҳои Созишномаи КБМ, конвенсияҳои байналмилалӣ ё ҳар қонунгузории татбиқшаванда муайянгардида намебошад ва дар назар надорад ва КБМ ҳамаи имтиёзҳо, масуният ва истисноҳоро мутобиқи онҳо нигоҳ медорад.

(e) Муштарӣ бебозгашт аз ҳама гуна талабкунии масуният, ки он метавонад нисбати ҳар арбитраж ё тафтишоти судие, ки аз Созишномаи мазкур бармеоянд ё бо он алоқаманданд, аз ҷумла масуният аз (i) юрисдиксияи ягон суд ё арбитраж, (ii) тафтишоти судӣ, (iii) манъи судӣ ё қарори дигари муваққатии суд ё ҳар қарори мушаххас барои иҷро ва (iv) ҳар мурофиа барои иҷрои ҳар қарор ё қарори суд дар мавриди манъи судӣ ба молу мулк, ҳабс ё мусодира ва ё пардохт мутобиқи ҳар чунин қарор дошта бошад ё гирад, инчунин аз ҳама гуна масунияти қонуние, ки метавонист дар ҳолати дигар дошта бошад ё аз он ба муқобили ҳар амр ё қарори суд, ки чунин воситаи ҳифзи хукуқӣ ё чунин иҷроро таъин менамояд, даст мекашад.

Фасли 18. Тағйиру иловаҳо

Ҳар тағйиру илова ё даст кашидан аз ҳар муқаррароти Созишномаи мазкур ё ҳар розигӣ мутобиқи ҳар муқаррароти Созишномаи мазкур бояд дар шакли хаттӣ ба расмият дароварда шаванд ва дар ҳолати ворид намудани тағйир бояд аз ҷониби Тарафҳо ба имзо расонида шаванд.

Фасли 19. Нигоҳ доштани ҳуқуқҳо

Ягон таҷрибаи корӣ, қодир набудани ҳар яке аз Тарафҳо ё ба таъхир гузоштани татбиқи ҳама гуна ҳуқуқҳо, воситаҳои ҳифзи ҳуқуқӣ, ҳуқуқ барои ихтиёрдорӣ, ваколат ё ҳуқуқҳои дигар мутобиқи Созишномаи мазкур ин ё ҳар ҳуқуқи дигар, воситаи ҳифзи ҳуқуқӣ, ҳуқуқ барои ихтиёрдорӣ, ваколат ё ҳуқуқи дигарро мутобиқи Созишномаи мазкур маҳдуд намекунад ё наметавонад ҳамчун даст кашидан аз онҳо ё розигии хомӯшона бо он баррасӣ карда шавад, ки ин бо ҳар тариқ барои иловатан ё дар оянда амалӣ сохтани онҳо монеъ мешавад.

Фасли 20. Манъи гузашт кардани ҳуқуқҳо

Ҳеҷ яке аз Тарафҳо ҳуқуқ надорад, ки бе розигии пешакии хаттии Тарафи дигар ҳуқуқ ё уҳдадориҳоро мутобиқи Созишномаи мазкур интиқол диҳад ё гузашт намояд.

Фасли 21. Яклухтии Созишнома ва Тарафҳои Созишнома

(a) Созишномаи мазкур якҷо бо тамоми замимаҳо ҳуҷҷати ягонаи байни Тарафҳо баимзорасида буда, нисбат ба ҳар ва тамоми созишномаҳои қаблӣ, ёддоштҳои тафоҳум ва мувофиқаҳои шифоҳӣ ва хаттии байни Тарафҳо дар мавриди мавзуи Созишномаи мазкур бартарӣ дорад. Агар ягон шарти Созишномаи мазкур беэътибор, ғайриқонунӣ ё аз эътибори даъвоӣ маҳрумшуда эътироф карда шавад, ин ба воқеияти шартҳои дигари Созишномаи мазкур таъсир намерасонад ва Созишномаи мазкур тавре тафсир дода мешавад, ки агар чунин шарти беэътибор, ғайриқонунӣ ё эътибори даъвогӣ надошта ба он ворид карда нашуда бошад.

(b) Созишномаи мазкур метавонад ҳамчун ҳуҷҷати ягона ё дар якчанд нусха ба имзо расонида шавад.

Фасли 22. Шарҳу эзоҳ

Дар Созишномаи мазкур:

(a) сарлавҳаҳо танҳо барои хониши бароҳат пешбинӣ гардида, ба тафсири Созишномаи мазкур таъсир намерасонанд;

(b) калимаҳои дар шакли танҳо ифодагардида шумораи ҷамъро дар бар мегиранд ва баръакс;

(c) истинод ба Фасл ё Замима истинод ба фасл ё замимаи Созишномаи мазкур мебошад; ва

(d) калимаҳо «аз ҷумла», «минҷумла», «чунончи» ва калимаҳо бо мазмуни шабеҳ фарогирии умумии калимаҳоеро, ки пеш аз онҳо оварда шудаанд, маҳдуд намесозанд.

БАРОИ ТАСДИҚИ МУҚАРРАРОТИ ДАР БОЛО ЗИКРГАРДИДА Тарафҳо Созишномаи мазкурро, ки бо имзоҳо ва зикри номҳо тасдиқ шудааст, дар рӯзи дар боло зикргардида ба имзо расониданд.

ВАЗОРАТИ ЭНЕРГЕТИКА ВА ЗАХИРАҲОИ ОБИ ҶУМҲУРИИ ТОҶИКИСТОН

Имзо: ______________________

Насаб, ном ва номи падар: Ҷумъа Далер Шофақир

Мансаб: Вазир

КОРПОРАТСИЯИ БАЙНАЛМИЛАЛИИ МОЛИЯВӢ

Имзо: ______________________

Насаб, ном ва номи падар: _______________________

Мансаб: _______________________

Дар Ҷумҳурии Тоҷикистон зиёда аз 10 миллион нафар зиндагӣ мекунанд. Бо иқтидори ғании оби дарёҳо, кӯлҳои табиӣ ва пиряхҳо истеҳсоли неруи барқ ​​дар Ҷумҳурии Тоҷикистон қариб пурра аз гидроэнергетика (тақрибан 17,000 ГВт/соат дар як сол) вобаста аст. Ба ҳиссаи неругоҳҳои барқи обӣ тақрибан 95% иқтидори мукарраргардидаи кишвар рост меояд.

Ҷумҳурии Тоҷикистон зарурати диверсификатсияи манбаъҳои тавлиди неруи барқ ​​ва коҳиш додани вобастагиро аз воридоти маҳсулоти нафтӣ эътироф мекунад. Тоҷикистон дорои яке аз баландтарин нишондиҳандаҳои радиатсияи офтоб дар Осиёи Марказӣ мебошад. Иқтидори тахминии неруи офтобӣ тақрибан 25 миллиард кВт/соат мебошад, дар як сол 280-330 рӯзи офтобӣ мешавад. Бо вуҷуди ин, на неругоҳҳои барқи офтобии давлатӣ ва на хусусии миқёси саноатӣ сохта нашудаанд.

Аз ин рӯ, 3 октябри соли 2023 Ҷумҳурии Тоҷикистон бо ҳадафи истифодаи иқтидори назарраси нерӯи офтобии кишвар, бо иштирокчии бахши хусусӣ (ИБХ) (яъне ширкати ACWA POWER) Ёддошти тафоҳум ба имзо расонд. Созишнома тарҳрезӣ, маблағгузорӣ, сохтмон, истифода, нигоҳдорӣ ва интиқоли як нерӯгоҳи барқи офтобӣ дар Тоҷикистонро тавассути музокироти мустақим бо ҳадди ақали иқтидори умумии тахминии 500 МВт пешбинӣ мекунад. Ҷойгиршавии дақиқи нерӯгоҳи офтобӣ дар асоси мушаххасоти ниҳоии техникӣ аз натиҷаҳои асосноккунии техникӣ-иқтисодии аз ҷониби мушовирони ИБХ пешниҳодшуда муайян карда мешавад.

Бо дарназардошти таҷрибаи густурдаи минтақавӣ ва ҷаҳонии КБМ дар лоиҳаҳои офтобӣ, ҶТ аз КБМ дархост кардааст, ки ҳамчун мушовири стратегӣ барои татбиқи Лоиҳа амал кунад ва дар омодасозии лоиҳа баррасӣ ва машварат диҳад.

                   (Ниг. ба банди (a) Фасли 1)

-иштирок дар вохӯриҳои асосӣ оид ба муомилот бо мушовирони Муштарӣ ва муҳокимаҳо бо Муштарӣ ва сармоягузорони эҳтимолӣ. Дар ҷараёни омодасозии муомилот мо интизорем, ки якчанд вохӯриҳо баргузор гардида, дар онҳо масъалаҳои зерин баррасӣ мешаванд, аз ҷумла: тарҳ ва сохтори муомилот, мувофиқасозӣ бо тарафҳои манфиатдор, мушкилоти асосии ошкоргардидаи муомилот ва роҳҳои ҳалли онҳо ва ғайра. Муҳим аст, ки КБМ дар ин вохӯриҳои асосӣ иштирок намояд, то барои пешниҳоди Хизматрасонӣ имконият дошта бошад;

-дастгирӣ дар муайян намудани сохтори нисбатан мувофиқтари сохтори ҲДБХ бо мақсади дохил намудани тақсимоти хавфҳои дар савдои озмунӣ оид ба энергетикаи офтобӣ дар кишварҳои ҳамсоя амалигардида,

-ва ҳуҷҷатҳои лоиҳавии тақсимоти хавфҳо ба сохтори муомилот барои таъмини ҷолибияти сармоягузории Лоиҳа;

-Баррасии натиҷаҳои асосие, ки аз ҷониби ИБХ таҳия шудааст, ба монанди Меморандуми иттилоотӣ, ҳисоботи санҷиши зарурӣ, модели молиявӣ ва ғайра ва пешниҳоди тавсияҳо оид ба хавфҳо ва мушкилоти эҳтимолии экологӣ ва иҷтимоӣ, инчунин беҳбудиҳо мутобиқи Таҷрибаи хуби байналмилалии соҳавӣ, Стандартҳои фаъолияти КБМ ва Дастурамали Гурӯҳи Бонки Умумиҷаҳонӣ оид ба ҳифзи меҳнат ва муҳити атроф.

Санҷиши экологӣ ва иҷтимоӣ

Тавре ки дар фасли 1-и Шартномаи мазкур зикр шудааст, Фармоишгар дар якҷоягӣ бо ИБХ-и интихобшуда барои муайянкунӣ, идоракунӣ ва кам кардани ҳама хатарҳои экологӣ ва иҷтимоиӣ вобаста ба Лоиҳа масъуланд. Гарчанде ки КБМ барои риояи Фармоишгар ё ИБХ-и интихобшуда ба Стандартҳои Фаъолияти КБМ ё ҳама гуна қонунҳо ва қоидаҳои дахлдор ё идоракунии ҳама гуна хатарҳои экологӣ ва иҷтимоии марбут ба Лоиҳа ӯҳдадор ё масъулият надорад, КБМ вазифаҳои муайянеро, ки дар зер тавсиф шудаанд, иҷро хоҳад кард. мувофиқи ҳадафи худ оид ба маслиҳат додан ба муштарӣ ба таври мувофиқ ба Стандартҳои Фаъолияти КБМ ва Дастурҳои Стандартҳои Муҳити зист ва Тандурустии Гурӯҳи Бонки Ҷаҳонӣ.

Стандартҳои иҷрои КБМ мавзӯъҳои зеринро баррасӣ мекунанд:

- Стандарти иҷрои 1: Арзёбӣ ва идоракунии хатарҳо ва таъсироти экологӣ ва иҷтимоӣ;

- Стандарти иҷрои 2: Меҳнат ва шароити корӣ;

- Стандарти иҷрои 3: Самаранокии захираҳо ва пешгирии ифлосшавӣ;

- Стандарти иҷрои 4: Саломатӣ, бехатарӣ ва бехатарии ҷомеа;

- Стандарти иҷрои 5: Харидани замин ва кӯчонидани иҷборӣ;

- Стандарти иҷрои 6: Ҳифзи гуногунии биологӣ ва идоракунии устувори захираҳои табиии зинда;

- Стандарти иҷрои 7: Мардуми бумӣ; ва

- Стандарти иҷрои 8: Мероси фарҳангӣ.

Бар асоси маълумоти мавҷуда cтандартҳои иҷроии 1 то 4 барои насби неруи офтобӣ мувофиқ хоҳад буд, дар ҳоле ки мувофиқати Стандарти иҷроиши 5 то 8 аз ҷойгиршавии неругоҳҳо вобаста хоҳад буд.

Дар давоми лоиҳа, КБМ ба муштарӣ маслиҳат медиҳад, ки ба талаботи стандартҳои фаъолият мувофиқ бошад ва ҳадафи ниҳоӣ ба муштарӣ дар бораи хатарҳои асосии экологӣ ва иҷтимоӣ (хусусан экологӣ, бехатарӣ, меҳнат, иҷтимоӣ ва амният) ва таъсироти Лоиҳа, норасоиҳо байни муқаррароти миллӣ ва Стандартҳои фаъолият ва чораҳои эҳтимолии коҳиш додани таъсир, аз ҷумла пешгирӣ ва кам кардани ҳадди ақал, бо мақсади таҳияи Лоиҳа мутобиқи қонунгузории миллӣ ва стандартҳои фаъолиятмувофиқат намояд.

Ҳамчун як қисми Лоиҳаи дастгоҳҳои офтобӣ дар доираи озмуни шарикии давлат ва бахши хусусӣ, КБМ:

 КБМ баррасии мизи корӣ оид ба Лоиҳаро барои таъсир ва хатарҳои эҳтимолии экологӣ ва иҷтимоӣ ба амал меорад, на тавассути омузиши шахсӣ. Дар он ҷумла, КБМ муайян мекунад, ки барои сохтори транзаксия чӣ маълумоти иловагӣ лозим аст (масалан, маълумоти ибтидоӣ, харитасозии ҷонибҳои манфиатдор ва ғайра).

 Метавонад бо салоҳдиди худ, мушовирони берунаро барои муайян кардани (i) хатарҳо ва таъсироти асосии экологӣ ва иҷтимоии марбут ба лоиҳа, (ii) муайянсозии пешакии чораҳои эҳтимолии коҳиш додани таъсирро мутобиқи қонунгузории миллӣ ва стандартҳои фаъолияти КБМ таъмин намояд ва (iii) тафсилоти доираи кори ҳама гуна таҳқиқоти иловагие, ки барои лоиҳа заруранд (ба мисли Арзёбии таъсиррасонӣ ба муҳити зист ва иҷтимоӣ).

 натиҷаҳои экологӣ ва иҷтимоии мушовири ИБХ-ро дида мебарояд ва ба Муштарӣ оид ба хатарҳои асосӣ, чораҳои пешниҳодшуда ва тақсимоти хатарҳо, дар бораи камбудиҳои боқимондаи иттилоот, агар мавҷуд бошад, ва роҳҳои бартараф намудани камбудиҳо ва муқаррароти экологӣ ва бехатариро барои дохил намудан ба созишномаи лоиҳа машварат медиҳад.

 Дар асоси натиҷаҳои баррасии экологӣ ва иҷтимоӣ ба Муштарӣ оид ба стратегияи тақсими хатарҳо ва муқаррароти экологӣ ва иҷтимоӣ барои ҳуҷҷатҳои лоиҳа маслиҳат медиҳад.

       (Ниг. ба банди (b) Фасли 1 ва банди (c) Фасли 1)

Кормандони КБМ

Роҳбури гурӯҳи корӣ: Мартин Собек

Аъзои дигари гурӯҳи корӣ: Рауан Сейфуллина, Рустам Шамурадов

Корманди калони соҳавӣ: Стефан Раҷаонариво

Кормандон оид ба муҳити атроф ва масъалаҳои иҷтимоӣ: Ҷованна Монти, Антонио Сантанелло

Шарҳ

Натиҷаҳо аз рӯйи индикаторҳо

Хавфҳои экологӣ ва иҷтимоӣ

1. Мутобиқи банди F-и ҷорӣ намудани Созишнома оид ба хизматрасонии машваратӣ Муштарӣ метавонанд таъини КБМ-ро ба сифати мушовири стратегӣ барои кӯмак ба муштарӣ (ҳо)тибқи шарту шароит тамдид кунанд. ки дар ин Замима, дар баҳодиҳӣ ва назорати ШДБХ-и мустақим додашуда, аз ҷумла назорати кор ва натиҷаҳои аз ҷониби мушовирони муштарӣ иҷрошуда ("Лоиҳаи иловагӣ") муқаррар шудааст.

2. КБМ ба Муштарӣ хидматрасониҳои дар Замимаи 1 ба Замимаи мазкур тавсифшударо пешниҳод мекунад («Хизматрасониҳои иловагии лоиҳа»).

3. Муштарӣ ба КБМ маблағи [_________________] Доллари ИМА дар як моҳ пардохт мекунад, ки бояд дар давоми (30) рӯзи тақвимӣ пас аз ба охир расидани моҳи дахлдор пардохта шавад («Пардохти иловагии нигоҳдории лоиҳа[1]»).

4. Агар дар ин Замимаи мазкур тартиби дигаре равшан зикр нагардида бошад, тамоми шартҳо ва шартҳои Созишнома оид ба хизматрасонии машваратӣ дар санаи [_________________] ба ин замима татбиқ карда мешаванд.

5. Замимаи мазкур аз рӯзи иҷрои Тарафи охирини Созишномаи мазкур эътибор пайдо мекунад.

ВАЗОРАТИ ЭНЕРГЕТИКА ВА ЗАХИРАҲОИ ОБИ ҶУМҲУРИИ ТОҶИКИСТОН

Имзо: ______________________

Насаб, ном ва номи падар: Ҷумъа Далер Шофақир

Мансаб: Вазир

КОРПОРАТСИЯИ БАЙНАЛМИЛАЛИИ МОЛИЯВӢ

Имзо: ______________________

Насаб, ном ва номи падар: ________________

Мансаб: _______________________

-------------------------

[1] Тарафҳо то ба имзо расидани Замима дар бораи Пардохти дақиқи иловагии Лоиҳа ё усули дигари подош барои Лоиҳаи иловагӣ мувофиқа хоҳанд кард.

- Иштирок дар вохӯриҳои калидии марбут ба муомилот бо муштариён ва муҳокимаҳо бо муштарӣ ва сармоягузорони эҳтимолӣ. Дар ҷараёни омодасозии муомилот, мо интизорем, ки якчанд вохӯриҳо баргузор карда шаванд, то дар байни дигарон дар бораи масъалаҳои зерин муҳокима карда шаванд: тарҳрезии транзаксия ва сохтори транзаксия, ҳамоҳангӣ бо ҷонибҳои манфиатдор, муҳокимаи масъалаҳои асосии муомилоти муайяншуда ва роҳҳои ҳалли онҳо, ва ғайра. Муҳим аст, ки КБМ дар ин ҷаласаҳои калидӣ ширкат варзад, то дар ҳолати зарурӣ равандро ба самти оптималтари роҳнамоӣ кунад.

- Дастгирии муайян кардани сохтори мувофиқтарин сохтори ҳамкориҳои бахшҳои давлативу хусусӣ бо мақсади ворид намудани ҳуҷҷатҳои лоиҳаи офтобӣ тақсимоти хавф ба сохтори транзаксия барои таъмини қобилиятнокии лоиҳа.

- Баррасии натиҷаҳои асосие, ки аз ҷониби сармоягузорони эҳтимолӣ таҳия шудаанд, ба монанди Ёддошти иттилоотӣ, ҳисоботи санҷиши зарурӣ, модели молиявӣ ва пешниҳоди тавсияҳо.

- Пешниҳоди тавсияҳо оид ба хатарҳо ва масъалаҳои эҳтимолии экологӣ ва бехатарии экологӣ ва такмилдиҳӣ мутобиқи таҷрибаҳои хуби байналмилалии саноат, стандартҳои иҷроиши КБМ ва Дастурҳои муҳити зист, саломатӣ ва бехатарӣ.

- Дар вохӯриҳо ва мубоҳисаҳои асосии марбут ба транзаксия ширкат варзад ва дар марҳилаи гуфтушунид Муштариро дастгирӣ кунад

-------------------------

[2] Ин миқёси нишондиҳандаи кор аст. Тарафҳо то ба имзо расидани замима дар бораи ҳаҷми дақиқи кор ба мувофиқа меоянд.