ҲУКУМАТИ ҶУМҲУРИИ ТОҶИКИСТОН

ҚАРОР

Мутобиқи моддаи 12 Қонуни Ҷумҳурии Ҷумҳурии Тоҷикистон «Дар бораи шартномаҳои байналмилалии Ҷумҳурии Тоҷикистон» Ҳукумати Ҷумҳурии Тоҷикистон қарор мекунад:

Ёддошти тафоҳум байни Вазорати меҳнат, муҳоҷират ва шуғли аҳолии Ҷумҳурии Тоҷикистон ва Вазорати шуғл ва меҳнати Ҷумҳурии Корея оид ба сафарбар намудан ва қабули кормандон тавассути низоми иҷозати кор, ки 31 октябри соли 2024 дар шаҳри Душанбе ба имзо расидааст, барои тасдиқ ба Маҷлиси намояндагони Маҷлиси Олии Ҷумҳурии Тоҷикистон пешниҳод карда шавад. 

 Қарори Маҷлиси намояндагони Маҷлиси Олии Ҷумҳурии Тоҷикистон

 Мутобиқи моддаи 57 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:

1. Ёддошти тафоҳум байни Вазорати меҳнат, муҳоҷират ва шуғли аҳолии Ҷумҳурии Тоҷикистон ва Вазорати шуғл ва меҳнати Ҷумҳурии Корея оид ба сафарбар намудан ва қабули кормандон тавассути низоми иҷозати кор, ки 31 октябри соли 2024 дар шаҳри Душанбе ба имзо расидааст, тасдиқ карда шавад.

2. Ҳукумати Ҷумҳурии Тоҷикистон бо тартиби муқарраргардида ҷониби Кореяро дар бораи аз ҷониби Ҷумҳурии Тоҷикистон иҷро гардидани расмиёти дохилидавлатие, ки барои эътибор пайдо кардани Ёддошти тафоҳуми мазкур заруранд, огоҳ намояд.

Ёддошти тафоҳум байни Вазорати меҳнат, муҳоҷират ва шуғли аҳолии Ҷумҳурии Тоҷикистон ва Вазорати шуғл ва меҳнати Ҷумҳурии Корея оид ба сафарбар намудан ва қабули кормандон тавассути низоми иҷозати кор

Вазорати меҳнат, муҳоҷират ва шуғли аҳолии Ҷумҳурии Тоҷикистон ва Вазорати шуғл ва меҳнати Ҷумҳурии Корея, ки минбаъд «Тарафҳо» номида мешаванд,

бо эҳтиром ба принсипҳои баробарӣ ва манфиатҳои мутақобила,

густариши муносибатҳои дӯстонаи мавҷудаи байни ду кишварро тавассути ҳамкорӣ дар соҳаи шуғл ва масъалаҳои меҳнатӣ, инчунин рушди нерӯи инсонӣ хоҳиш намуда,

бо дарки манфиатҳои аз ҳамкориҳои ҳарду кишвар бадастомада,

ба мувофиқаи зайл расиданд.

Моддаи 1. Ҳадаф

Мақсади Ёддошти тафоҳуми мазкур (минбаъд - «Ёддошт») пойдории заминаи ҳамкорӣ байни Тарафҳо ва баланд бардоштани шаффофият ва самаранокӣ дар раванди сафарбар намудани кормандон ба Ҷумҳурии Корея (минбаъд - "Корея") бо муайян намудани муқаррарот оид ба сафарбарсозӣ ва қабули коргарон дар доираи низоми иҷозати шуғл (минбаъд - "ЕРS"), мутобиқи Қонун дар бораи шуғли коргарони хориҷӣ ва дигар санадҳои Корея (минбаъд "Қонун дар бораи шуғли хориҷӣ") мебошад.

Ин Ёддошти тафоҳум дар доираи қонунҳо ва санадҳои меъёрию ҳуқуқии дахлдори ҳар ду кишвар ва бо назардошти мавҷудияти маблағҳои ҷудошуда ва ҳайати кормандони Тарафҳо амалӣ карда мешавад ва ҳарду ҷониб розӣ ҳастанд, ки ин Ёддошти тафоҳум қувваи ҳатмии ҳуқуқӣ надорад.

Моддаи 2. Мафҳумҳо

Бо мақсади Ёддошти мазкур:

(а) истилоҳи "корфармо" ба соҳибкоре дахл дорад, ки тибқи Қонун дар бораи шуғли хориҷй аз Вазорати шуғл ва меҳнати Ҷумҳурии Корея (минбаъд "ВШМ") барои ҷалби коргарони хориҷӣ иҷозат гирифтааст;

(б) истилоҳи “корҷӯй” ба шаҳрванди Тоҷикистон дахл дорад, ки мехоҳад як давраи муайян дар Корея тибқи Қонун дар бораи шуғли хориҷӣ кор кунад;

(в) истилоҳи "коргар" шаҳрванди Тоҷикистонро дар назар дорад, ки тибқи Қонун дар бораи шуғли хориҷӣ бо ҳадафи кор кардан дар Корея ба муддати муайян бо корфармо дар Корея шартномаи меҳнатӣ бастааст ё имзо карданӣ аст;

(г) истилоҳи "ниҳоди ирсолкунанда" ба мақомоте дахл дорад, ки тибқи Қонун дар бораи шуғли хориҷӣ барои ҷалб ва сафарбарсозии коргароне, ки мехоҳанд дар Корея кор кунанд, салоҳият дорад;

(ғ) мафҳуми «ниҳоди қабулкунанда» ба муассисае дахл дорад, ки тибқи Қонуни Ҷумҳурии Тоҷикистон дар бораи шуғли хориҷӣ салоҳияти идоракунии рӯйхати корҷӯён ва қабули коргарони тоҷикро аз агентии фиристодаи Ҷумҳурии Тоҷикистон (минбаъд «Тоҷикистон») дорад;

(д) истилоҳи "ниҳоди тестӣ" ба муассисае дахл дорад, ки аз ҷониби ВШМ ваколатдор шудааст, ки ба он татбиқи умумии ЕРS-санҷиш оид ба донистани забони кореягӣ (минбаъд "ЕРS-ТОРIK"), санҷиши малакаҳо ва арзёбии салоҳият, аз ҷумла эълони тестҳо, қабули дархостҳо, таҳияи саволҳои тестӣ ва гузаронидани санҷиш тибқи Қонун дар бораи шуғли хориҷӣ гузаронида мешавад;

(е) истилоҳи "системаи холҳо" ба раванди ҷалбкунӣ дахл дорад, ки ЕРS-ТОРIK, санҷиши малака ва арзёбии салоҳиятро дар бар мегирад;

(ё) истилоҳи "Маркази ЕРS Корея" ба намояндагии Тоҷикистон дар назди ниҳоди қабулкунанда ифода мекунад, ки раванди сафарбарсозӣ ва қабули коргарони тоҷикро аз номи ВШМ ва ниҳоди қабулкунанда назорат менамояд.

Моддаи 3. Ниҳоди сафарбаркунанда ва қабулкунаида

Вазорати меҳнат, муҳоҷират ва шуғли аҳолии Ҷумҳурии Тоҷикистон (минбаъд «ВММША») ниҳоди давлатӣ буда, асосан барои фиристодани коргарони тоҷик ба Корея масъул мебошад. Бо вуҷуди ин, Тарафҳо ба қарор омадаанд, ки ҳангоми татбиқи Ёддошти тафоҳуми мазкур, ВММША МД “Агентии бокортаъминкунӣ дар хориҷа”-ро (минбаъд "АБХ") ҳамчун агентии ирсолкунанда таъин менамояд.

АБХ воҳиди давлатии ғайритиҷоратӣ дар зерсохтори ВММША буда, бевосита ба ҷалб ва сафарбар намудани коргарони тоҷик дар асоси принсипҳои ғайритиҷоратӣ ва худмаблағгузорӣ масъул хоҳад буд. Ягон агентӣ ғайр аз АБХ наметавонад дар раванди ирсол дар доираи ин Ёддошт иштирок намояд.

ВШМ ниҳоди давлатӣ буда, асосан масъули қабули коргарони тоҷик тавассути системаи ЕРS ба Корея ба ҳисоб меравад. Аммо, Тарафҳо ба қарор омаданд, ки дар татбиқи Ёддошти мазкур ВШМ Хадамоти рушди захираҳои инсонии Кореяро (минбаъд «ХРЗИ Корея») ҳамчун ниҳоди қабулкунанда таъин менамояд.

ХРЗИ Корея ниҳоди зертобеи ВШМ буда, аз ҳисоби буҷети милли маблағгузорӣ мешавад ва бевосита масъули идоракунии феҳристи корҷӯён ва қабули коргарони тоҷик мебошад.

Моддаи 4. Хароҷоти сафарбар намудан

Ҳар як коргар хароҷоти доқеиро ба ниҳоди ирсолкунанда дар ҷараёни қабули ариза ва фиристодани коргар пардохт мекунад (минбаъд «пардохти сафарбарсозӣ»).

Мутобиқи зербанди 1, пас аз имзои Ёддошти мазкур, ниҳоди ирсолкунанда ба ВШМ маълумот дар бораи маблағи умумии боҷи ирсолкунанда, ки бояд аз як коргар ситонида шавад, инчунин тақсимоти пардохтро пешниҳод менамояд. ВШМ метавонад аз ниҳоди ирсолкунанда дархост намояд, ки пардохти ирсолкуниро кам кунад, дар сурате, ки пардохти мазкур дорои ҷузъҳои нолозим аст ё ҳангоми баррасии вазъи иқтисодии Тоҷикистон (аз қабили даромади миллӣ) ё пардохти интиқоли кишварҳои дигар аз ҳад зиёд баланд арзёбӣ шудаанд.

Ниҳоди ирсолкунанда бо қарори муштарак бо ВШМ пардохти ирсолкуниро муқаррар намуда, оид ба тақсими пардохт (аз ҷумла арзиши муоинаи тиббӣ, ЕРS-ТОРIK, додани шиноснома ва раводид, бақайдгирии феҳрист, таълими пеш аз сафар ва чипта/андоз) тавассути пахши оммавӣ ё интишор дар веб-сайтҳои давлатӣ корбарӣ намояд. Дар сурати зарурат ВМШ метавонад маблағи пардохт ва таркиби онро аз коргарони тоҷик, ки барои кор ба Корея сафарбар карда мешаванд, санҷиш гузаронад.

Дар сурати ногузирии тағйирот дар интиқоли пардохт бо сабабҳои таваррум ё дигар мушкилотҳо, ниҳоди ирсолкунанда вобаста ба ин масъала ҳадди аққал як (1) моҳ пеш машварат намуда, уҳдадор аст ба ВШМ маълумот пешниҳод намояд.

Моддаи 5. Арзёбӣ дар ҷалби корҷӯёни мувофиқ

ВШМ системаи холҳоро татбиқ намуда, ХРЗИ Кореяро ҳамчун агентии санҷишӣ барои таъмини объективӣ дар раванд таъин менамояд. Барои ҷалби корҷӯёни мувофиқ, ВШМ нақшаҳои татбиқи системаи холҳоро муқаррар мекунад. Санаи татбиқ бо машварати мутақобилаи Тарафҳо муайян карда мешавад.

ВММША ва ниҳоди ирсолкунанда дар самтҳои зерин барои татбиқи мунтазами системаи холҳо мусоидат хоҳанд кард:

(а) паҳн ва қабули варақаҳои дархост барои системаи холҳо;

(б) таъмин намудани макон барои қабули дархостҳо ва гузаронидани санҷишхо, нигоҳ доштани тартибот дар ҷой ва атрофи он;

(в) ба тартиб даровардани барасмиятдарории гумрукӣ ва озодкунӣ аз боҷҳои гумрукӣ ба маводи марбут ба санҷиш, ки барои системаи холҳо ворид ва хориҷ мешаванд;

(г) мусоидат ба раванди муҳоҷират, аз ҷумла расмиёти раводид (мувофиқи қонунгузории Тоҷикистон) барои кормандони агентии тестӣ ё дигар кормандоне, ки дар татбиқи системаи холҳо ҷалб шудаанд;

(ғ) озод кардани пардохти дархости ЕРS-ТОРIK аз андозбандӣ ва мусоидат ба интиқоли маблағ;

(д) ҳама гуна кӯмаки дигаре, ки аз ҷониби ВШМ ва агентии тестӣ дархост карда мешавад.

ВШМ ва агентии тестӣ мувофиқи дархости ВММША ва агентии ирсолкунанда барои татбиқи одилона ва самараноки системаи холҳо кӯмак ва дастгирӣ хоҳанд кард,

Талабот барои довталабони ЕРS-ТОРIK инҳоянд:

(а) нафарони аз 18 то 39 сола (дар рӯзи аввали бақайдгирӣ аз 39-сола зиёд набошад);

(б) шахсонн маҳкумнашуда аз ҷиноятҳое, ки ба ҷазои маҳрум сохтан аз озодӣ ё ҷазои сахттар пешбинӣ шудаанд;

(в) шахсоне, ки сабти депортатсия ё қарор дар бораи ихроҷ аз Корея надоранд;

(г) шахсоне, ки барои баромадан аз Тоҷикистон маҳдуд карда нашудаанд.

Пас аз татбиқи системаи холҳо, санҷиши малакаҳо барои онҳое, ки аз ЕРS-ТОРIK мегузаранд, ҳатмӣ хоҳад шуд.

Натиҷаи системаи холҳо (маҷмӯи холҳои ЕРS-ТОРIK, санҷиши маҳорат ва арзёбии салоҳият) дар давоми ду (2) сол аз рӯзи эълони он эътибор дорад ва ба корфармоён ҳамчун маълумоти иловагӣ дар бораи корҷӯён дар давоми ҷустуҷӯи кор пешниҳод карда мешавад.

Агентии тестӣ ва ниҳоди ирсолкунанда ҳарчи зудтар барои танзими масъалаҳои мушаххас оид ба татбиқи системаи холҳо Шартномаи уҳдадории хизматрасониро ба имзо мерасонанд.

Дар ҳолати зарурӣ, агентии тестӣ ва ниҳоди ирсолкунанда як муассисаи давлатӣ ё агентиро барои дастгирии вазифаҳои марбут ба системаи холҳо тавассути машварати қаблӣ таъин мекунанд. Агентии таъиншуда вазифаҳои марбут ба системаи холҳоро, ки аз ҷониби агентии тестӣ ва ниҳоди ирсолкунанда муайян карда шудаанд, иҷро менамояд.

Агар дар татбиқи системаи холҳо бо сабаби набудани ҳамкорӣ байни агентии тестӣ ва ниҳоди ирсолкунанда мушкилие ба амал ояд ё агар системаи холҳо татбиқ карда нашавад, ВШМ метавонад чораҳои зарурӣ, аз ҷумла боздоштани системаи холҳоро андешад.

Моддаи 6. Тартиб додани феҳристи корҷӯён

Корҷӯёне, ки аз арзёбии системаи холҳоро гузаштаанд, аризаи кории худро ба ниҳоди ирсолкунанда пешниҳод менамоянд.

Ниҳоди ирсолкунанда рӯйхат ва профилҳои корҷӯёнро (минбаъд «рӯйхати қаблӣ» номида мешавад), ки ба ҳамаи шартҳои дар поён зикршуда ҷавобгӯ мебошанд, таҳия намуда, ба ниҳоди қабулкунанда ирсол менамояд:

(а) шахсоне, ки аз арзёбии системаи холҳо гузаштаанд (дар давоми муҳлати эътибори системаи холҳо);

(б) шахсоне, ки эътибори шиносномаашон на камтар аз як (1) сол аст;

(с) шахсоне, ки аз муоинаи тиббии аз ҷониби ВШМ муайяншуда, гузаштаанд.

Рӯйхати қаблӣ маълумоти зеринро дар бар мегирад:

(а) маълумоти шахсии корҷӯ (аз ҷумла ном, миллат, санаи таваллуд, рақами мушаххас ва ҳолати ҷисмонӣ);

(б) нусхаи шиносномаи корҷӯ;

(в) шароити дилхоҳи шуғл (аз ҷумла музди меҳнат ва намуди фаъолият);

(г) маълумоти шахсӣ ва касбӣ (аз ҷумла маълумоти таҳсилот, таҷрибаи корӣ ва шаҳодатномаҳо);

(ғ) маълумот оид ба системаи холҳои аз ҷониби корҷӯ гирифташуда (аз ҷумла санаи санҷиш ва холҳо).

Ниҳоди қабулкунанда дар асоси феҳристи қаблӣ аз ҷониби ниҳоди ирсолкунанда феҳрист тартиб медиҳад. Агар дар рӯйхати қаблӣ хатогие мавҷуд бошад, он ба ниҳоди ирсолкунанда барои ислоҳ баргардонида мешавад ва дар давоми чордаҳ (14) рӯз аз лаҳзаи дархост дар бораи ислоҳ ба ниҳоди қабулкунанда дубора пешниҳод карда мешавад. Дар ҳолатҳои махсусе, ки вақти бештарро талаб мекунанд, ниҳоди ирсолкунанда бо ниҳоди қабулкунанда машварат менамоянд.

Агар шумораи корҷӯёни соҳибихтисос дар феҳрист аз шумораи ҷудогардидаи корҷуёни тоҷик зиёд бошад, интихоб тибқи усулҳои муштараки Тарафҳо муайян карда мешавад.

Ниҳоди ирсолкунанда барои кутоҳ кардани муҳлати додани шиноснома (мувофиқи қонунгузории Тоҷикистон) фаъолона мусоидат менамояд, то ба корҷӯён имкон диҳад, ки шиносномаро саривақт гирифта, нусхаи онро ҳангоми муроҷиат ба кор пешниҳод кунанд.

Ниҳоди ирсолкунанда ба корҷӯён хабар медиҳад, ки дохил кардани онҳо ба рӯйхат кафолати кор карданро дар Корея намедиҳад.

Ниҳоди ирсолкунанда инфрасохтори зарурии технологияҳои иттилоотиро (IT) барои насби системаи Агентии давлатии ирсолкунанда (САДИ), барномаи компютерӣ барои ташкили феҳрист таъсис медиҳад ва ниҳоди қабулкунанда маълумоти дахлдорро ба ниҳоди ирсолкунанда мефиристад.

Моддаи 7. Идораи феҳристи корҷӯён

Феҳристи корҷӯён барои як (1) сол эътибор дорад. Ҳангоми ба охир расидани муҳлати феҳрист, корҷӯён метавонанд дар давоми муҳлати эътибори натиҷаи системаи холҳо дубора ба қайд гирифта шаванд ва ниҳоди ирсолкунанда дар ҳамкорӣ бо ниҳоди кабулкунанда барои таъмини дубора бақайдгирии корҷӯён дар феҳрист дар давоми муҳлати муқарраршуда талош хоҳад кард.

Ҳангоми ворид намудани тағйирот ба маълумот дар феҳрист, аз ҷумла омодагии корҷӯён барои дарёфти ҷои кор ё маълумот барои тамос ва ному насаби онҳо, ниҳоди ирсолкунанда ба ниҳоди қабулкунанда дар бораи тағйирот ва сабаби он хабар медиҳад.

Агар корҷӯ ба фаъолияти ғайриқонунӣ машғул шавад ё ҳуҷҷатҳои қалбакӣ пешниҳод кунад, ВШМ чораҳои заруриро меандешад, аз қабили хориҷ кардани корҷӯ аз рӯйхат, кам кардани шумораи ҷудошудаи корҷӯён, муваққатан боздоштани раванди фиристодани қувваи корӣ, ё қатъ кардани Ёддошти тафоҳуми мазкур.

ВШМ ба ВММША оид ба намудҳои соҳаҳое, ки дар доираи ЕРS иҷозат дода шудаанд ва шумораи ҷудошудаи корҷӯёни тоҷик дар феҳрист ҳар сол огоҳ менамояд.

Моддаи 8. Шартномаи меҳнатӣ

Ҳар як корфармо аз феҳрист корҷӯёнро интихоб намуда, варақаи шартномаи меҳнатии стандартиро, ки аз ҷониби ВШМ дар асоси Қонуни меҳнати хориҷӣ тасдиқ шудааст, тартиб медиҳад. Ниҳоди қабулкунанда шартномаи меҳнатиро ба ниҳоди ирсолкунанда мефиристад.

Ниҳоди ирсолкунанда ба ҳар як коргар мазмуни шартномаи меҳнатиро ҳаматарафа фаҳмонда медиҳад, то ки коргар онро пурра дарк намуда, тавонад, ки бо хоҳиши худ дар бораи бастани шартномаи меҳнатӣ қарори ниҳоӣ қабул кунад.

Ниҳоди ирсолкунанда дар давоми чордаҳ (14) рӯзи гирифтани шартномаи меҳнатӣ ба мақомоти қабулкунанда хабар медиҳад, ки оё ҳар як шартномаи меҳнатӣ аз ҷониби коргар имзо шудааст ё на, сабаби имзо накардани он, Агар қарор дар бораи бастани шартномаи меҳнатӣ дар давоми чордаҳ (14) рӯз расонида нашавад, ниҳоди қабулкунанда метавонад пас аз машварат бо корфармо ба ниҳоди қабулкунанда хабар медиҳад, ки оё ҳар як шартноман меҳнатӣ аз ҷониби корманд имзо шудааст ё не, дар сурати имзо нашудан, сабаби имзо накардани он. Агар қарор дар бораи бастани шартномаи меҳнатӣ дар давоми чордаҳ (14) рӯз расонида нашавад, ниҳоди қабулкунанда метавонад пас аз машварат бо корфармо шартномаро бастанашуда эълон намояд.

Агар корҷӯ шартномаи меҳнатии басташударо бекор кунад ё ду маротиба бе ягон сабаб шартномаи меҳнатии пешниҳодшударо имзо накунад, ниҳоди қабулкунанда метавонад ӯро аз рӯйхат хориҷ кунад.

ВШМ метавонад корфармоёнро аз киро кардани коргарони хориҷӣ маҳдуд кунад, агар онҳо шартномаи меҳнатии басташударо бе ягон сабаб бекор кунанд.

Ниҳоди ирсолкунанда нусхаи аслии щартномаи меҳнатии басташударо ба коргар пешниҳод мекунад ва ҳангоми сафар кардан ба Корея уҳдадор аст, ки онро бо худ гирад.

Ниҳоди ирсолкунанда ба коргарон бо мақсади тезонидани раванди тайёрии пеш аз сафар ба коргарон кӯмаки фаъолона мерасонад.

Моддаи 9. Омӯзиши пеш аз сафар

Ниҳоди ирсолкунанда барои коргароне, ки шартномаи меҳнатӣ бастаанд, омӯзиши пеш аз сафар ба таври фаврӣ мегузаронад, то онҳо ба Корея саривақт ворид шаванд.

Ниҳоди ирсолкунанда мундариҷа ва давомнокии таҳсилро тавассути машварати пешакӣ бо ВШМ муайян мекунад.

Ниҳоди ирсолкунанда ё худаш омӯзиши пеш аз сафарро анҷом медиҳад ё як муассисаи давлатӣ ё муассисаҳоеро интихоб мекунад, ки тавассути машварати пешакӣ бо ВШМ омӯзиши пеш аз сафар вогузор гардидааст.

ВШМ метавонад коргареро, ки таҳсилоти пеш аз сафарро хатм накардааст ё аз муассисаи беиҷозат гирифта бошад, хориҷ (депортатсия) кунад. Дар ин ҳолат, корманд барои хароҷоти умумии вобаста ба бозгашти ӯ масъул хоҳад буд. Аммо ҷониби Тоҷикистон барои пӯшонидани хароҷот, агар коргар имкони онро надошта бошад, мусоидат хоҳад кард.

Моддаи 10. Гирифтани раводид

Ниҳоди ирсолкунанда фавран пас аз гирифтани Шаҳодатномаи тасдиқи додани раводид (минбаъд «ССVI») аз ниҳоди қабулкунанда ба коргарон хабар медиҳад ва бо пешниҳоди ҳуҷҷатҳои зарурӣ ба Сафорати Корея дар Ҷумҳурии Тоҷикистон барои гирифтани раводид ба коргарон муроҷиат намоянд.

Ниҳоди қабулкунанда метавонад шартномаи меҳнатии ҳар як коргареро, ки дар давоми се (3) моҳи эътибори ССVI барои гирифтани раводид муроҷиат намекунад, бекор намояд.

Дар сурати нарафтани коргар ба Корея баъд аз дастрас намудани ССVI бо сабабҳои ба монанди бекор кардани шартномаи меҳнатӣ аз ҷониби корфармо, ниҳоди ирсолкунанда бо дархости ниҳоди қабулкунанда дар андешидани чораҳо ҷиҳати бекор кардани ССVI ҳамкорӣ хоҳад кард.

Агар фоизи коргароне, ки пас аз гирифтани ССVI бо сабабҳои шахсӣ ба Корея рафтан нахоҳанд аз сатҳи муайян зиёд бошад ё ниҳоди ирсолкунанда мувофиқи зербанди 3 ҳамкорӣ накунад, ВШМ метавонад чораҳои зарурӣ андешад, масалан, коҳиш додани шумораи ҷудошудаи корҷӯён ё муваққатан боздоштани раванди фиристодани қувваи корӣ.

Ниҳоди ирсолкунанда ягона муассисаест, ки барои кӯмак дар дархости раводид ваколатдор шудааст ва ҳеҷ як мақомот дигар наметавонад ба ин раванд дахолат кунад.

Моддаи 11. Вуруди коргарон

Ниҳоди ирсолкунанда бо мақсади огоҳ кардани корфармоён дар бораи рафти омодагии коргарон барои вуруди онҳо ба Корея, дар ҳар марҳила маълумотро ба Низоми ЕРS навсозӣ мекунад. Чунин маълумот аз хатми таҳсили пеш аз сафар, вазъи дархостҳои раводид ва дигар маълумоти дахлдор иборат хоҳад буд.

Ниҳоди ирсолкунанда чораҳои зарурӣ меандешад, аз ҷумла фармоиши қаблии чиптаҳои ҳавопаймо, то боварӣ ҳосил кунад, ки коргарон дар санаи муқарраршуда ба Корея ворид мешаванд.

Ниҳоди ирсолкунанда ва ниҳоди қабулкунанда ҷиҳати ба тартиб даровардани раванди фиристодан бо мақсади пешгирӣ намудани таъхирҳои нолозим пеш аз ворид шудан ба Корея корҳоро идома медиҳанд.

Моддаи 12. Ҷойгиркунии коргарон

Пас аз вуруди коргарон, ВШМ пеш аз ба кор шурӯъ намудан, омӯзиш ва муоинаи тиббӣ мегузаронад. ВШМ ташкилот(ҳо)-ро, ки барои омӯзиши пас аз омадан ва муоинаи тиббӣ масъуланд, муайян мекунад.

Коргароне, ки аз муоинаи тиббӣ нагузаштаанд, ба Тоҷикистон баргардонида мешаванд ва ниҳоди қабулкунанда ба ниҳоди ирсолкунанда дар бораи баргардонидани чунин коргарон хабар медиҳад.

Агар коргар бо сабабҳои аз муоинаи ҳатмии тиббӣ нагузаштан, мушкилоти саломатӣ ҳангоми гузаштан аз таълими пас аз омадан ё мутобиқ нашудан ба ҷои кор ба Тоҷикистон баргардад, ӯ хароҷоти дахлдор, аз ҷумла, чипта ба Тоҷикистонро ба души худ мегирад. Дар сурати надоштани имкони пардохти он, ҷониби Тоҷикистон барои пӯшонидани хароҷот мусоидат хоҳад кард.

Моддаи 13. Дастгирӣ дар раванди сафарбар намудан ва қабул

ВШМ ё ниҳоди қабулкунанда метавонад маркази EPS-и Кореяро дар Тоҷикистон ҷойгир кунад, то раванди сафарбар намудан ва қабули коргарони тоҷикро дастгирӣ намояд.

Маркази EPS Корея тавассути машваратҳо бо ВММША ва ниҳоди ирсолкунанда метавонад дар раванди сафарбар намудани қувваи корӣ кӯмак, назорат ва машварат диҳад. Хусусиятҳо, ба монанди сана ва раванди сафарбарсозии кормандони он, тавассути машваратҳои қаблии байни Тарафҳо муайян карда мешаванд.

ВММША ва ниҳоди ирсолкунанда барои содда кардани вазифаҳои кормандоне, ки ба маркази EPS Корея дар Тоҷикистон фиристода шудаанд, ҳамкорӣ хоҳанд кард, аз ҷумла мусоидат дар гирифтани раводиди дарозмуддат ба кормандон ва оилаҳои онҳо, кӯмак дар расмиёти фурудгоҳ, пешниҳоди маводи дархостшуда.

Моддаи 14. Идоракунии шуғл ва будубош

Ба коргарон иҷозат дода мешавад, ки дар Корея ба муддати то се (3) сол аз рӯзи ворид шудан кор кунанд. Бо вуҷуди ин, дар баъзе ҳолатҳо, ба коргарон иҷозат дода мешавад, ки муҳлати кории худро як маротнба ба ҳадди аксар як (1) сол ва даҳ (10) моҳ, бо риояи муқаррароти дахлдори Қонун дар бораи шуғли хориҷӣ тамдид намоянд.

Ба ҳамаи коргароне, ки ихтиёран пас аз ба итмом расидани шартномаи меҳнатӣ ба ватан баргаштаанд, муҳлати шашмоҳаи дубора ворид шуданро маҳдуд мекунад. Бо вуҷуди ин, ба коргароне, ки ҳангоми корашон бе тағйир додани ҷои корашон самимона ба кори худ содиқ буданд, пас аз як (1) моҳи тарки Корея иҷозати дубора ворид шуданро дода, аз талаботи системаи холҳо, инчунин таҳсилоти қаблӣ ва пас аз сафар бо дархости корфармоён, озод карда мешаванд.

ВММША ва ниҳоди ирсолкунанда кафолат медиҳанд, ки ҳамаи коргарон тамоми қонунҳои Кореяро риоя кунанд, аз ҷумла санади шуғли хориҷӣ ва санади назорати муҳоҷират. ВШМ ва ниҳоди қабулкунанда ҳуқуқҳои коргарони хориҷиро тибқи қонунҳои марбут ба меҳнати Корея ҳимоя хоҳанд кард.

ВММША ва ниҳоди ирсолкунанда бо мақсади дастгирии раванди шуғл ва идоракунии будубош метавонанд намояндагонро ба Корея фиристанд. Хусусиятҳо, аз қабили сана ва раванди ирсоли онҳо, инчунин нақшаҳо тавассути машваратҳои қаблии байни Тарафҳо муайян карда мешаванд.

ВШМ ва ниҳоди қабулкунанда дар осон кардани вазифаҳои намояндагони ба Корея фиристодашуда, аз ҷумла пешниҳоди маводи дахлдор, ҷавобҳо ба дархостҳои мусоҳиба ва дастгирӣ дар гирифтани раводиди мувофиқ барои онҳо ва оилаҳои онҳо ҳамкорӣ хоҳанд кард.

Тарафҳо коргарони баргаштаро барои гирифтани имтиёзҳои суғурта дар доираи суғуртаи кафолати рафтан ва суғуртаи арзиши бозгашт роҳнамоӣ мекунанд ва инчунин ба онҳое, ки аллакай бе имтиёз ба хона баргаштаанд, дастгирӣ хоҳанд кард.

Дар сурате, ки коргар Кореяро бидуни пешниҳоди даъво барои суғуртаи кафолати рафтан ё пардохтҳои суғуртаи хароҷоти бозгашт тарк кунад, ВММША ва ВШМ ба корманд дар гирифтани пардохтҳои суғурта кӯмак мерасонанд ва ниҳоди ирсолкунанда маълумотеро, аз қабили суроғаи коргар ва маълумоти тамос, ки ВШМ дар ҷараёни баргардонидани пардохтҳо зарур мешуморад, пешниҳод хоҳад кард.

ВШМ ва ниҳоди қабулкунанда ба ВММША ва ниҳоди ирсолкунанда тавассути САДИ маълумоти асосӣ дар бораи коргарони тоҷикро пешниҳод менамояд, то сиёсати онҳо барои коҳиш додани коргарони ғайриқонунӣ самараноктар амалӣ карда шавад. Ҷонибҳо барои такмили пайваста ва фаъолияти устувори САДИ ҳамкорӣ хоҳанд кард.

Моддаи 15. Пешгирии коррупсия ва муқовимат ба будубоши ғайриқонунии коргарон

Тарафҳо ҷиҳати таъмини шаффофият ва самаранокии раванди ирсол ва қабул ҳамкорӣ хоҳанд кард. Бо мақсади баланд бардоштани шаффофият, Тарафҳо метавонанд маркази шикоятӣ таъсис диҳанд, ки дар он дар бораи рафтори нодуруст хабар дода мешавад.

ВММША ва ниҳоди ирсолкунанда EPS-ро дар Тоҷикистон таблиғ хоҳанд кард, аз ҷумла мафҳуми асосии он, раванди ба шуғл таъминкунӣ ва пардохти интиқол. Хусусиятҳо, ба монанди усул ва ҷадвалҳои таблиғот, тавассути машваратҳо бо ВШМ, ниҳоди қабулкунанда ё маркази EPS Корея ҳал карда мешаванд.

ВММША ва ниҳоди ирсолкунанда ба ВШМ, ниҳоди кабулкунанда ва/ё маркази EPS Корея дар таблиғи EPS тавассути воситаҳои ба монанди баргузории презентатсияҳо дар Тоҷикистон мусоидат хоҳанд кард.

Тарафҳо барои ба таври комил идора кардани шуғл ва будубоши муваққатии коргарони тоҷик, аз қабили ҷилавгирӣ аз ғоиб мондани коргарон бидуни иҷозат, ҳавасманд кардани рафтани ихтиёрии онҳо аз Корея баъди ба охир расидани муҳлати кор ва кам кардани шумораи коргарони ғайриқонунии тоҷик, ки дар Корея истиқомат мекунанд, талош хоҳанд кард.

ВММША бо ВШМ ҳамкорӣ хоҳад кард, то нақшаи коҳиш додани коргарони ғайриқонунӣ дар Кореяро, ки дар замимаи Ёддошти мазкур оварда шудааст, таҳия намояд. ВММША барои иҷрои ҳадафҳо ва вазифаҳои мушаххаси нақшаи коҳиш додани шумораи коргарони ғайриқонунии тоҷик дар Корея корбарӣ менамояд.

Тарафҳо дар роҳандозии мониторинги ҳамаҷонибаи раванди фиристодани қувваи корӣ, ки ҷалб ва ҷойгиркунӣ, шуғл ва будубош ва бозгашти коргаронро дар бар мегирад, бо мақсади ноил шудан ба рушди минбаъда ва самаранокии баландтар дар татбиқи EPS фаъолона ҳамкорӣ хоҳанд кард.

Тарафҳо барои таъмини иҷрои босамари Барномаи дастгирии бозгаштагон, аз ҷумла хизматрасонии фаъоли шуғл барои кӯмак ба коргарони бозгашта барои мутобиқ шудан ба кишвари худ ҳамкорӣ хоҳанд кард.

Дар сурати ошкор шудани фасоди шадид ва/ё қонуншиканӣ дар раванди фиристодан, ё фоизи бе рухсатӣ дар ҷои кор набудани коргарони тоҷик, ё будубоши ғаӣриқонунӣ дар Корея нисбат ба коргарони дигар кишварҳои ирсолкунанда ба маротиб бештар бошад, ВШМ чораҳои заруриро меандешад, ба монанди кам кардани шумораи ҷудошудаи корҷӯён дар рӯйхат, боздоштани муваққатии раванди сафарбарсозӣ ё қатъи Ёддошт.

Моддаи 16. Муқаррарот барои кормандони Маркази EPS Корея

Тарафи Тоҷикистон ба кормандон ва оилаҳои онҳо дар маркази EPS-и Корея имтиёзҳо ва манфиатҳои зерин медиҳад:

а) додани шаҳодатномаи дипломатӣ ба роҳбари маркази EPS Корея барои таъмини ҳамкории ҳамаи муассисаҳои давлатии Тоҷикистон ҷиҳати иҷрои вазифаҳои зарурӣ аз ҷониби Вазорати корҳои хориҷии Ҷумҳурии Тоҷикистон дар асоси дархости расмии Ҳукумати Корея амалӣ карда мешавад;

б) барои ворид шудан ба фурудгоҳ то нуқтаи назорати шиноснома бо категорияҳои гумрук, коргар, транзит, (С. О, Т) ба роҳбари Маркази EPS Корея гузарномаи махсус дода мешавад. Ҳангоми зарурат дастрасии берун аз нуқтаи назорати шиносномавӣ бо дархости Вазорати шуғл ва меҳнати Ҷумҳурии Корея дар муҳлати муқарраршуда ба роҳбари Маркази EPS баррасӣ карда мешавад.

в) Тибқи тартиби муқарраршуда ба кормандони Маркази EPS Корея ва оилаҳои онҳо аз пардохтҳои консулӣ, боҷҳои гумрукӣ, андозҳо ва дигар пардохтҳои шабеҳи фискалӣ мусоидат карда мешавад. Илова бар ин, барои воситаҳои нақлиёти автомобилӣ, ки барои фаъолияти офисӣ ба иҷора гирифта шудаанд ё киро шудаанд, бо миқдори мувофиқашудаи мақомоти дахлдор, инчунин барои ҳама гуна андозҳо ва пардохтҳои дахлдори андоз, ки вобаста ба пардохти хароҷоти идоравӣ аз хориҷа интиқол дода мешаванд, мусоидат карда мешавад.

Моддаи 17. Муқаррароти умумӣ

Ҳама гуна ихтилофот ё баҳсҳое, ки ҳангоми тафсир ё татбиқи Ёддошти мазкур ба миён меояд, тавассути машваратҳои байни Тарафҳо ҳал карда мешаванд.

Дар суратн фаро нагирифтани баъзе масъалаҳо дар Ёддошт, ки ҳангоми фиристодан ва қабул кардан ба миён оянд ё дар сурати таҷдиди назари баъзе муқаррароти Ёддошт, Тарафҳо метавонанд бо розигии мутақобилаи хаттӣ муқаррароти иловагиро аз нав дида бароянд ё илова кунанд.

ВШМ метавонад аз ВММША барои дастгирии зарурии коргарон, ки аз хориҷа ба Корея дар ҳолатҳои пешбининашаванда, ба монанди пандемияҳои ҷаҳонӣ ворид шудаанд, дархост намояд. Чунин ҳолат барои таъмини татбиқи пайвастаи EPS ва пешгирии бемориҳои сироятӣ дар чунин шароит пешниҳод мегардад.

Моддаи 18. Эътиборнокӣ, давомнокӣ ва қатъшавӣ

Ёддошти мазкур аз рӯзи ба имзо расонидани он эътибор пайдо мекунад, зимнан ҷониби Тоҷикистон баъди ба имзо расидани Ёддошти тафоҳуми мазкур дар давоми 30 руз расмиёти дохилидавлатиро, ки барои эътибор пайдо кардани он заруранд, мегузаронад.

Ёддошти тафоҳуми мазкур барои ду (2) сол эътибор дорад. Аммо, он метавонад бо ҳама гуна сабабҳои узрнок, ки дар огоҳии хаттии ҳарду Тараф на камтар аз се (3) моҳ пеш аз он равона шудааст, боздошта шавад ё қатъ карда шавад.

Ҳатто, агар ин Ёддошти тафоҳум дар ҷараёни музокираҳо оид ба тамдиди он ба охир расад, он то ба имзо расидани Ёддошти тафоҳуми нав эътибор дорад. Бо вуҷуди ин, ҳар кадоме аз Тарафҳо метавонад ин Ёддошти тафоҳумро қатъ кунад, агар гуфтушунид беш аз шаш (6) моҳ бе шарҳ ё сабабҳои узрнок ба таъхир гузошта шуда бошад.

Ёддошти тафоҳуми мазкур метавонад бо дархости як тараф дар сурати фаъолияти зерин боздошта шавад, аз ҷумла содир шудани фаъолияти ҷиддии ғайриқонунӣ, аз қабили таҳдид ба ҳамкориҳои дуҷониба, ҳифзи коргарон ва амнияти миллӣ аз ҷониби коргарон ва корфармоён, ки қобилияти истифодабарии EPS-ро надоранд.

Дар сурати содир шудани амалҳои ҷиддии ғайриқонунӣ, аз қабили таҳдид ба ҳамкориҳои дуҷониба, ҳифзи коргарон ва амнияти миллӣ аз ҷониби коргарон ва корфармоёне, ки қобилияти истифодабарии EPS-ро надоранд, амали Ёддошти тафоҳуми мазкур метавонад бо дархости яке аз Тарафҳо боздошта шавад.

Дар шаҳри Душанбе 31 декабри соли 2024 дар ду нусхаи аслӣ имзо шудааст, ки ҳар кадом бо забонҳои тоҷикӣ, кореягӣ ва англисӣ буда, ҳамаи матнҳо эътибори якхела доранд.

Дар сурати ба вуҷуд омадани ихтилоф дар тафсири ин Ёддошти тафоҳум ба матни англисӣ бартарӣ дода мешавад.

 А. МАҚСАД ВА ХАРИТАИ РОҲ

1. Паст кардани шумораи коргароне, ки муҳлати шартномаашон гузаштаст, вале ба ватан барнамегарданд.

Ҳисоби миёнаи коргароне, ки муҳлати шартномаашон мутаносибан дар солҳои 2020, 2021 ва 2022 ба охир расидааст, вале ба ватан барнагаштаанд.

Мақсад аз он иборат аст, ки ин суръат аз рӯи ҷадвали зерин паст карда шавад:

2. Паст карданн шумораи коргарони ғайриқонунӣ.

Вазорати меҳнат, муҳоҷират ва шуғли аҳолии Ҷумҳурии Тоҷикистон ба паст кардани шумораи умумии 1000 коргари ғайриқонунӣ дар Корея, тақрибан ба 1000 нафар дар 0 аз рӯи ҷадвали зерин равона шудааст:

В. ТАДБИРҲО

1. Амонат

1.1. Мавзуъ

• Корфармо ва мухоҷир

1.2. Шароит

• Амонати баргардонидашудаи корфармоён барои таъмини риояи қоидаҳои муҳоҷират

1.3. Ташкилотҳои татбиқкунанда

• Вазорати меҳнат, муҳоҷират ва шуғли аҳолии Ҷумҳурии Тоҷикистон
• Мақомотҳои дахлдори Корея

1.4. Амалисозӣ

• Ваколатнома
• Тасдиқи қабул

1. Маълумот ва ҳамоҳангӣ

2.1 Дар Тоҷикистон 

2.2 Дар Корея

    3.      Тяқвияти омӯзиши пеш аз сафари коргарон барои кор дар Корея

         3.1  Мавзуҳо

3.2 Мазмун

3.3 Ташкилотҳои татбиқкунанда

• Вазорати меҳнат, муҳоҷират ва шуғли аҳолии Ҷумҳурии Тоҷикистон

• Мақомоти дахлдори Корея

4. Идоракунии меҳнат дар Корея

4.1. Мавзуҳо

«Ҳукуқ ва ухдадориҳои коргарон

• Амният ва ҳифзи меҳнат
• Риояи қонунӣ ва ҳалли баҳсҳо

4.2. Ташкилотҳои татбиқкунанда

• Вазорати меҳнати Корея
• Хадамоти муҳоҷирати Корея
• Нозироти меҳнатии маҳаллӣ ва агентиҳои шуғл

4.3. Шунавандагони мақсаднок

• Муҳоҷироне, ки дар Корея кор мекунанд
• Корфармоёне, ки муҳоҷиронро киро мекунанд

4.4. Амалисозӣ

• Санҷишҳо ва аудитҳои мунтазам
• Барномаҳои роҳнамоӣ ва таълими кормандон
• Хизматрасонии дастгирӣ ва машварат барои кормандон
• Дастгирии ҳуқуқӣ ва миёнаравӣ

5. Дастгирии ренитегратсия

5.1. Шакли дастгирӣ

• Машварати касбӣ ва кӯмак дар шуғл
• Дастгирии молиявӣ ва қарзҳои хурд
• Барномаҳои таълимӣ ва омӯзиши малакаҳо
• Дастгирии равонӣ ва кӯмак дар мутобиқшавӣ

5.2. Ташкилотҳои татбиқкунанда

• Вазорати меҳнат, муҳоҷират ва шуғли аҳолии Ҷумҳурии Тоҷикистон
• Марказҳои шуғли маҳаллӣ, ташкилотҳои ғайридавлатӣ ва созмонҳои байналмилалӣ
• Ташкилотҳои кореягии дастгирии коргарони баргашта

5.3. Шунавандагони мақсаднок

• Муҳоҷирони баргашта
• Коргароне, ки шартномаҳои худро ба итмом расонидаанд ва мехоҳанд дубора ҳампиро шаванд

5.4. Амалисозӣ

• Эҷоди барномаҳо ва хидматҳои реинтегратсионӣ
• Ҳамкорӣ бо тиҷорати маҳаллӣ ва муассисаҳои таълимӣ
• Таъмини захираҳо барои оғози тиҷорати хурд
• Ҳамроҳӣ ва дастгирии мунтазам

6. Ҷаримаҳои маъмурӣ барои коргарони ғайриқонунӣ

6.1. Субъектҳои татбиқшаванда

• Муҳоҷироне, ки бе иҷозати дуруст дар кишвар иқомат доранд

• Корфармоёне, ки коргарони ғайриқонуниро киро мекунанд

6.2. Асоси амалисозӣ

• Қонунҳои муҳоҷират ва меҳнати Корея
• Созишномаҳои байналмилалӣ ва созишномаҳои муҳоҷирати меҳнатӣ

6.3. Ташкилотҳои татбиқкунанда

• Хадамоти муҳоҷирати Корея
• Вазорати мехнати Корея
• Мақомоти ҳифзи ҳуқуқи маҳаллӣ

С. ҲИСОБОТИ АРЗЕБӢ

Мақсад: Арзёбии самаранокӣ ва таъсири сиёсатҳо ва барномаҳои муҳоҷират.

• Компонентҳо:
• Таҳлили сатҳи риоя ва вайронкунӣ
• Шарҳи барномаҳои дастгирии кормандон
• Арзёбии барномаҳои таълимӣ ва роҳнамоӣ
• о Фикру мулоҳизаҳои кормандон ва корфармоён
• Тавсияҳо оид ба бехтар кардани сиёсат