ҲУКУМАТИ ҶУМҲУРИИ ТОҶИКИСТОН 

ҚАРОР

Мутобиқи моддаи 58 Конститутсияи Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

Лоиҳаи Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи гаравхона» маъқул дониста шуда, ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шавад.

ҚОНУНИ ҶУМҲУРИИ ТОҶИКИСТОН

Моддаи 1. Ба Қонуни Ҷумҳурии Тоҷикистон «Дар бораи гаравхона» аз 22 июли соли 2013 (Ахбори Маҷлиси Олии Ҷумҳурии Тоҷикистон, с.2013, №7, мод.520; с.2014, №11, мод. 662; с.2020, №7-9, мод.619; с.2022, №12, қ.2, мод.785) тағйироти зерин ворид карда шавад:

1. Дар муқаддима, сархатҳои якум, дуюм, панҷум, ҳафтум, ҳаштум ва ёздаҳуми моддаи 1, қисмҳои 1, 3, 4, 7 ва 14 моддаи 4, моддаи 4(1), қисми 1 моддаи 6, қисмҳои 2, 3 ва 5 моддаи 7, қисмҳои 1 ва 3 моддаи 8, қисми 1 сархати шашуми қисми 2 ва қисми 4 моддаи 10, қисми 1, сархати панҷуми қисми 2 ва қисми 4 моддаи 11, қисмҳои 2, 3, 4, 5, 6 ва 7 моддаи 12, моддаҳои 13 ва 14, қисмҳои 1 ва 4 моддаи 15 калимаҳои «кӯтоҳмӯҳлат», «кӯтоҳмуддат», «мӯҳлати», «Мӯҳлати», «мавзӯи», «Мавзӯи», «мӯҳр», «мӯҳри», «ӯҳдадор», «ӯҳдадориҳои», «ӯҳдадориҳояшро» ва «ӯҳдадории» мувофиќан ба калимаҳои «кутоҳмуҳлат», «кутоҳмуҳлат», «муҳлати», «Муҳлати» «мавзуи», «Мавзуи», «муҳр», «муҳри», «уҳдадор», «уҳдадориҳои», «уҳдадориҳояшро» ва «уҳдадории» иваз карда шаванд.

2. Дар моддаи 3 калимаҳои «иҷозатномадиҳӣ ба баъзе намудҳои фаъолият» ба калимаҳои «низоми иҷозатдиҳӣ» иваз карда шаванд.

3. Дар қисмҳои 12, 14 ва 15 моддаи 4 ва сархати сеюми қисми 3 моддаи 9 калимаҳои «қонунигардонии (расмикунонии)» ба калимаҳои «қонунигардонӣ (расмикунонӣ)-и» иваз карда шаванд.

4. Дар қисмҳои 1 ва 7 моддаи 12 калимаи «граждании» ба калимаи «мадании» иваз карда шавад.

Моддаи 2. Қонуни мазкур пас аз интишори расмӣ мавриди амал қарор дода шавад.