ҲУКУМАТИ ҶУМҲУРИИ ТОҶИКИСТОН

ҚАРОР

Қарори Шӯрои Маҷлиси намояндагони Маҷлиси Олии Ҷумҳурии Тоҷикистон аз 16 сентябри соли 2024, №2352 «Дар бораи лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи бамеъёрдарории техникӣ»-ро баррасӣ намуда, Ҳукумати Ҷумҳурии Тоҷикистон қарор мекунад:

Хулосаи замимагардидаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи бамеъёрдарории техникӣ» ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шавад.

Хулосаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи бамеъёрдарории техникӣ»

Ҳукумати Ҷумҳурии Тоҷикистон лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи бамеъёрдарории техникӣ»-ро, ки бо қарори Шӯрои Маҷлиси намояндагони Маҷлиси Олии Ҷумҳурии Тоҷикистон аз 16 сентябри соли 2024, №2352 барои додани хулоса ба Ҳукумати Ҷумҳурии Тоҷикистон пешниҳод гардидааст, мавриди баррасӣ қарор дода, оид ба моддаи 1 таклифҳои зеринро манзур менамояд:

1. Дар муқаддима санаи қабули Қонуни мазкур баъд аз номи он навишта шавад.

2. Рақамгузории қисмҳо дуруст навишта шаванд.

3. Дар қисми 3:

- сархати якуми ба моддаи 1 Қонуни мазкур иловашаванда таҷдид карда шавад, зеро он дар шакли коста ва душворфаҳм таҳия гардидааст;

- ба сархати дуюм пеш аз калимаи «мутобиқат» калимаи «(презумпсияи)» илова ва калимаҳои «дар соҳаи бамеъёрдарории техникӣ» хориҷ гардида, минбаъд дар тамоми матн ба инобат гирифта шавад;

- сархати даҳуми дар таҳрири нав ифодашавандаи моддаи 1 Қонуни мазкур дар иртибот ба муқаррароти моддаи 10 Қонуни Ҷумҳурии Тоҷикистон «Дар бораи санҷиши фаъолияти субъектҳои хоҷагидор» хориҷ карда шавад.

4. Қисми 5 дар робита ба муқаррароти муқаддимаи Қонуни мазкур хориҷ карда шавад.

5. Дар қисми 8 калимаи «нашри» ба калимаи «интишори» иваз карда шавад.

6. Дар қисми 9:

- дар сархати якум калимаи «нашри» ба калимаи «интишори» иваз карда шавад;

- сархати дуюм бинобар коста ва душворфаҳм таҳия гардидан, таҷдид карда шавад.

7. Сархати дуюми қисми 10 хориҷ карда шавад, зеро меъёри амалкунанда дуруст ва фаҳмо буда, дар шакли пешниҳодшуда такрори меъёри қисми 1 моддаи 14 Қонуни мазкур мебошад.

8. Ба сархати дуюми қисми 11 пас аз калимаи «салоҳияти» калимаи «мувофиқан» илова карда шавад.

9. Сархати дуюми қисми 12 дар иртибот бо тағйироти дар сархати дуюми қисми 7 ишорашуда хориҷ карда шавад.

10. Дар қисми 13:

- ба сархати якум пеш аз калимаи «қисми» калимаи «ба» илова карда шуда, дар сархати якум ба қисми 4 моддаи 13 Қонуни мазкур иловашаванда калимаҳои «кимиёвӣ», «талаботҳои» ва «инобат» мувофиқан ба калимаҳои «химиёвӣ», «талабот» ва «эътибор» иваз карда шаванд;

- сархати дуюм бознигарӣ карда шавад, зеро қисми 7 моддаи 13 Қонуни мазкур аз як ҷумла иборат буда, калимаҳои тибқи лоиҳа пешниҳодшуда дар он мавҷуд нестанд;

- сархати сеюм хориҷ карда шавад.

11. Қисми 14 хориҷ шавад, зеро зарурати илова намудани қисми 13 ба моддаи 14 Қонуни мазкур дар шакли пешниҳодшуда дида намешавад.

12. Қисми 16 таҷдид карда шавад, зеро қисми 1 моддаи 18 дар таҳрири нав пешниҳодшаванда коста буда, мазмуни қисми 1 моддаи 18 Қонуни мазкурро ба пуррагӣ фаро намегирад.

13. Дар қисми 17 калимаи «нашршуда» ба калимаи «интишоршуда» иваз карда шавад.

Пешниҳод карда мешавад, ки хатоҳои имлоӣ, грамматикӣ ва техникии дар лоиҳа ҷойдошта ислоҳ гардида, матни забони русӣ ба матни забони тоҷикӣ мутобиқ карда шавад.