ҚОНУНИ ҶУМҲУРИИ ТОҶИКИСТОН
ДАР БОРАИ ВОРИД НАМУДАНИ ТАҒЙИРУ ИЛОВАҲО БА КОДЕКСИ МУРОФИАВИИ ИҚТИСОДИИ ҶУМҲУРИИ ТОҶИКИСТОН
бо қарори Маҷлиси намояндагони
Маҷлиси Олии Ҷумҳурии Тоҷикистон
қабул шуд
бо қарори Маҷлиси миллии
Маҷлиси Олии Ҷумҳурии Тоҷикистон
аз 5 ноябри соли 2024,
№ 529ҷонибдорӣ карда шуд
Моддаи 1. Ба Кодекси мурофиавии иқтисодии Ҷумҳурии Тоҷикистон, ки бо Қонуни Ҷумҳурии Тоҷикистон аз 5 январи соли 2008 қабул шудааст (Ахбори Маҷлиси Олии Ҷумҳурии Тоҷикистон, с. 2008, № 1, қ. 1, мод. 4, мод. 5; с. 2011, №12, мод. 840; с. 2012, №7, мод. 719; с. 2013, №3, мод. 180; с. 2015, №11, мод. 954; с. 2017, №5, қ. 1, мод. 277; с. 2018, №1, мод. 7, №7-8, мод. 523; с.2019, №1, мод. 7; с. 2020, №4-5, мод. 235, №12, мод. 905; с. 2021, №12, қ. 2, мод. 692; с. 2022, №1-3, мод. 8, №7, мод. 441, №12, қ. 2, мод. 771), тағйиру иловаҳои зерин ворид карда шаванд:1. Ба қисми 1 моддаи 149 сархати ҳафтум бо мазмуни зерин илова карда шавад:«- давлати хориҷӣ дорои масунияти судӣ мебошад.».
2. Моддаи 230 дар таҳрири зерин ифода карда шавад:
«Моддаи 230. Масунияти судии ташкилотҳои байналмилалӣ
1. Масунияти судии ташкилотҳои байналмилалӣ бо санадҳои ҳуқуқии байналмилалие, ки Тоҷикистон онҳоро эътироф кардааст ва қонунҳо муайян карда мешавад.
2. Даст кашидан аз масунияти судӣ бо тартиби пешбининамудаи қонуни давлати хориҷӣ ё қоидаҳои ташкилоти байналмилалӣ ба амал бароварда мешавад. Дар ин ҳолат суди иқтисодӣ парвандаро бо тартиби муқаррарнамудаи Кодекси мазкур баррасӣ менамояд.».
3. Боби 301 бо мазмуни зерин илова карда шавад:
«БОБИ 301. ИСТЕҲСОЛОТИ ПАРВАНДАҲО БО ИШТИРОКИ ДАВЛАТИ ХОРИҶӢ
Моддаи 2351. Мурофиаи судии парвандаҳо бо иштироки давлати хориҷӣ
1. Пешниҳод намудани даъво ба суди иқтисодӣ нисбат ба давлати хориҷӣ, ҷалби давлати хориҷӣ ҷиҳати иштирок дар парванда ба сифати ҷавобгар ё шахси сеюм, гузоштани ҳабс ба молу мулки ба давлати хориҷӣ тааллуқдошта, ки дар ҳудуди Ҷумҳурии Тоҷикистон қарор дорад, андешидани тадбирҳои таъминотии дигар нисбат ба ин молу мулк, ситониш аз ин молу мулк бо тартиби иҷрои ҳалномаҳои суди иқтисодӣ, инчунин баррасии аризаҳо дар бораи эътироф ва иҷрои маҷбурии ҳалномаҳои судҳои хориҷӣ нисбат ба молу мулки дар ҳудуди Ҷумҳурии Тоҷикистон қарордоштаи давлати хориҷӣ мутобиқи Қонуни Ҷумҳурии Тоҷикистон «Дар бораи масунияти юрисдиксионии давлати хориҷӣ ва моликияти он дар Ҷумҳурии Тоҷикистон» ва бо тартиби муқаррарнамудаи Кодекси мазкур, агар санадҳои ҳуқуқии байналмилалие, ки Тоҷикистон онҳоро эътироф кардааст, ё қонунҳои Ҷумҳурии Тоҷикистон тартиби дигареро пешбинӣ накарда бошанд, амалӣ карда мешаванд.
2. Парвандаҳо бо иштироки давлати хориҷӣ бо тартиби қоидаҳои умумии истеҳсолоти даъвогӣ бо хусусиятҳои муқаррарнамудаи боби мазкур, бобҳои 29 ва 30 Кодекси мазкур ва дигар қонунҳо баррасӣ карда мешаванд. Ариза дар бораи эътироф ва иҷрои маҷбурии ҳалномаи судҳои хориҷӣ нисбат ба молу мулки дар ҳудуди Ҷумҳурии Тоҷикистон қарордоштаи давлати хориҷӣ тибқи тартиби муқаррарнамудаи ҳамин боб, боби 28 Кодекси мазкур ва дигар қонунҳо баррасӣ карда мешавад.
Моддаи 2352. Салоҳияти судҳои иқтисодӣ оид ба парвандаҳо бо иштироки давлати хориҷӣ
Салоҳияти судҳои иқтисодии Ҷумҳурии Тоҷикистон оид ба баррасии парвандаҳо бо иштироки давлати хориҷӣ тибқи қоидаҳои муқаррарнамудаи боби 4 Кодекси мазкур муайян карда мешавад.
Моддаи 2353. Ҳуқуқ ва уҳдадориҳои мурофиавии давлати хориҷӣ, намояндагӣ
1. Давлати хориҷӣ баробари ташкилотҳо, шаҳрвандони Ҷумҳурии Тоҷикистон аз ҳуқуқҳои мурофиавӣ истифода мебарад ва уҳдадориҳои мурофиавиро ба зимма дорад, аз ҷумла ҳуқуқ дорад пешбурди парвандаро дар суди иқтисодӣ ба воситаи намоянда ба роҳ монад.
2. Ваколатҳои намояндаи давлати хориҷӣ бояд дар ваколатнома ё дигар ҳуҷҷати тасдиқкунанда ифода ёбанд ва тибқи қонунгузории Ҷумҳурии Тоҷикистон ё қонунгузории давлати хориҷӣ, бо назардошти талаботи пешбининамудаи моддаи 234 Кодекси мазкур, ба расмият дароварда шаванд.
3. Намояндаи давлати хориҷӣ ҳуқуқ дорад аз номи давлати хориҷие, ки ӯ вакилӣ мекунад, ҳама амалҳои мурофиавиро анҷом диҳад, ба истиснои амалҳои дар қисми 4 моддаи мазкур пешбинишуда, агар дар ваколатнома ё дигар ҳуҷҷати тасдиқкунанда тартиби дигаре пешбинӣ нашуда бошад.
4. Дар ваколатнома ё дигар ҳуҷҷати тасдиқкунандае, ки давлати хориҷӣ додааст, бояд ҳуқуқҳои зерин махсус зикр гарданд:
1) имзо намудани ҷавоби аризаи даъвогӣ;
2) эътироф намудани даъво;
3) даст кашидан аз масунияти судӣ, масуният нисбат ба тадбирҳои таъминотии даъво, масуният нисбат ба иҷрои ҳалномаи суд;
4) пешниҳод намудани даъвои муқобили даъво, тағйир додани асос ё мавзуи даъвои муқобили даъво;
5) бастани созиши оштӣ ва созиш аз рӯйи ҳолатҳои воқеии парванда;
6) ба шахси дигар вогузоштани салоҳияти намояндагии худ;
7) гирифтани хабарномаи судӣ (аз ҷумла нусхаи санадҳои судӣ);
8) шикояти санадҳои судӣ;
9) имзо ва пешниҳод намудани ариза дар бораи аз нав баррасӣ намудани санадҳои судӣ аз рӯйи ҳолатҳои нав ошкоршуда;
10) гирифтани маблағ ва дигар молу мулки ба фоидаи ӯ гузарондашуда.
Моддаи 2354. Пешниҳод намудани аризаи даъвогӣ
1. Аризаи даъвогӣ нисбат ба давлати хориҷӣ ва ҳуҷҷатҳои ба он замимагардида бояд ба талаботи моддаҳои 124 ва 125 Кодекси мазкур мувофиқат намоянд.
2. Ба аризаи даъвогӣ инчунин тарҷумаи ба таври дахлдор тасдиқгардида ва ҳуҷҷатҳои ба он замимагардида ба забони расмӣ ё яке аз забонҳои расмии давлати хориҷии дар парванда иштироккунанда замима карда мешаванд.
Моддаи 2355. Хусусиятҳои андешидани тадбирҳо оид ба таъмини даъво
1. Тадбирҳо оид ба таъмини даъво аз ҷониби суди иқтисодӣ тибқи аризаи шахсони иштироккунандаи парванда бо тартиби муқаррарнамудаи боби 8 Кодекси мазкур андешида мешаванд, ба истиснои ҳолатҳое, ки агар давлати хориҷӣ ва молу мулки дар ҳудуди Ҷумҳурии Тоҷикистон қарордоштаи он аз масуният нисбат ба тадбирҳо оид ба таъмини даъво бархурдор бошанд ва давлати хориҷӣ аз ин масуният даст накашида бошад.
2. Тадбирҳое, ки суди иқтисодӣ оид ба таъмини даъво андешидааст, бояд бекор карда шаванд, агар дар ҷараёни муҳокимаи судии парванда муқаррар карда шавад, ки давлати хориҷӣ ва молу мулки дар ҳудуди Ҷумҳурии Тоҷикистон қарордоштаи он аз масуният нисбат ба тадбирҳо оид ба таъмини даъво ё масуният нисбат ба иҷрои ҳалномаи суд бархурдор аст ва давлати хориҷӣ аз ин масуният даст накашидааст.
Моддаи 2356. Фиристодан ва супоридани хабарномаи судӣ дар бораи муҳокимаи судӣ ва дигар ҳуҷҷатҳои судӣ ба давлати хориҷӣ
1. Фиристодани хабарномаи судӣ ба давлати хориҷӣ дар бораи оғоз намудани истеҳсолоти парванда дар суди иқтисодии Ҷумҳурии Тоҷикистон ва дигар ҳуҷҷатҳои судӣ тавассути роҳҳои дипломатӣ амалӣ карда мешавад. Санаи супоридани ҳуҷҷатҳои мазкур санаи гирифтани хабарномаи судӣ аз ҷониби идораи амаликунандаи сиёсати хориҷии давлати дахлдори хориҷӣ ҳисобида мешавад.
2. Супориши суди иқтисодии Ҷумҳурии Тоҷикистон оид ба супоридани ҳуҷҷатҳо ба давлати хориҷӣ ва анҷом додани дигар амалҳои мурофиавӣ бо тартиби пешбининамудаи қонунгузории Ҷумҳурии Тоҷикистон ва санадҳои ҳуқуқии байналмилалие, ки Тоҷикистон онҳоро эътироф кардааст ва тартиби расондани ёрии ҳуқуқиро танзим мекунанд, ба расмият дароварда мешавад.
3. Хабарномаи судии дар қисмҳои 1 ва 2 моддаи мазкур пешбинишударо суди иқтисодӣ метавонад бевосита бо забонхат ба намояндаи давлати хориҷӣ супорад, агар ӯ дар парванда иштирок намояд ва тибқи тартиби муқарраргардида ваколатҳои дахлдор дошта бошад.
4. Давлати хориҷие, ки моҳиятан дар муҳокимаи судии парвандаи бар зидди ӯ оғозшуда иштирок кардааст, наметавонад ба он такя кунад, ки супоридани ҳуҷҷатҳо дар бораи муҳокимаи судӣ бар хилофи муқаррароти қисмҳои 1 ва 2 моддаи мазкур сурат гирифтааст.
5. Хабарномаи судӣ дар бораи таъйин намудани маҷлиси пешакии судӣ ё дар бораи таъйин намудани парванда ба муҳокимаи судӣ ба давлати хориҷӣ бо тартиби муқаррарнамудаи моддаи мазкур на дертар аз ду моҳ то рӯзи маҷлиси суд фиристода мешавад.
6. Хабарномаи судӣ, ки ба давлати хориҷӣ фиристода мешавад, дар ду нусха тартиб дода шуда, аз ҷониби суд тасдиқ карда мешаванд ва бо тарҷумаи ба таври дахлдор тасдиқшуда ба забони расмӣ ё яке аз забонҳои расмии давлати хориҷии дар парванда иштироккунанда ҳамроҳ карда мешавад.
Моддаи 2357. Хусусиятҳои маҷлиси пешакии судӣ ва қатъ кардани истеҳсолоти парванда
1. Дар маҷлиси пешакии судӣ, ки мутобиқи моддаи 135 Кодекси мазкур гузаронда мешавад, суди иқтисодӣ бо иштироки тарафҳо ҳамчунин масъалаи мавҷуд будани масунияти судии давлати хориҷиро нисбат ба баҳси баррасишаванда ҳал мекунад.
2. Агар маводи дар парванда мавҷудбуда ба суди иқтисодӣ барои баровардани хулоса дар маҷлиси пешакии судӣ оид ба мавҷуд будани масунияти судии давлати хориҷӣ нисбат ба баҳси баррасишаванда имкон надиҳад, ин масъала бояд дар рафти муҳокимаи судӣ ҳал карда шавад.
3. Дар сурати ҳозир нашудани намояндаи давлати хориҷӣ, ки дар бораи сана, вақт ва маҳалли баргузории маҷлиси пешакии судӣ ба таври дахлдор огоҳонида шудааст, суди иқтисодӣ дар асоси маводи дар парванда мавҷудбуда ҳалнома қабул мекунад.
4. Ҳолатҳои муқаррарнамудаи суди иқтисодӣ ва хулоса дар бораи мавҷуд будан ё набудани масунияти юрисдиксионии давлати хориҷӣ бояд дар санади судие, ки аз рӯйи натиҷаҳои баррасии парванда қабул шудааст, дарҷ карда шаванд.
5. Агар суди иқтисодӣ дар маҷлиси пешакии судӣ ё ҳангоми муҳокима дар маҷлиси судӣ ба хулоса ояд, ки давлати хориҷӣ масунияти судӣ дорад, истеҳсолоти парвандаро мутобиқи моддаи 149 Кодекси мазкур қатъ менамояд.
Моддаи 2358. Хулосаи мақомоти давлатӣ, ташкилотҳои дигар ва коршиносон оид ба масъалаҳои татбиқи масунияти юрисдиксионӣ
1. Вазорати корҳои хориҷии Ҷумҳурии Тоҷикистон бо ташаббуси суди иқтисодӣ ё бо ташаббуси худ оид ба татбиқи масунияти юрисдиксионӣ вобаста ба масъалаҳои зерин хулоса медиҳад:
- оид ба ҳолати ҳуқуқии ташкилот, мақомоти ҳокимияти давлатӣ, шахси мансабдоре, ки дар баррасии парванда ба сифати давлати хориҷӣ ҷалб карда мешаванд;
- оид ба мавҷудияти амалигардонии ваколатҳои мустақили ҳокимият дар амалҳои давлати хориҷӣ;
- оид ба мавҷудияти масунияти юрисдиксионии давлати хориҷӣ ва моликияти он дар Ҷумҳурии Тоҷикистон;
- оид ба ҳаҷми масунияти юрисдиксионие, ки дар давлати хориҷӣ ба Ҷумҳурии Тоҷикистон пешниҳод карда мешавад;
- оид ба дигар масъалаҳое, ки ба ваколати мақомоти давлатии мазкур дохил мешаванд.
2. Суди иқтисодӣ метавонад бо тартиби муқарраргардида ба мақомот ва ташкилотҳои дигари Ҷумҳурии Тоҷикистон ва хориҷи кишвар барои мусоидат ва тавзеҳот оид ба масъалаҳое, ки мавзуи баҳс мебошанд, муроҷиат кунад ё коршиносонро (мутахассисонро) ҷалб намояд.
3. Хулоса ва тавзеҳоти гирифташуда бояд аз ҷониби суди иқтисодӣ бо назардошти маҷмуи далелҳои дар парванда мавҷудбуда баҳо дода шаванд.
Моддаи 2359. Татбиқи принсипи мутақобила
1. Ҳангоми баррасии парванда нисбат ба давлати хориҷӣ суди иқтисодии Ҷумҳурии Тоҷикистон бо ташаббуси худ ё бо дархости тарафҳо метавонад принсипи мутақобиларо татбиқ намояд.
2. Таносуби ҳаҷми масунияти юрисдиксионие, ки давлати хориҷӣ ба Ҷумҳурии Тоҷикистон пешниҳод намудааст ва масунияти юридиксионие, ки Ҷумҳурии Тоҷикистон ба давлати хориҷӣ пешниҳод кардааст, аз ҷониби суди иқтисодӣ дар асоси далелҳои пешниҳоднамудаи тарафҳо ва хулосаи Вазорати корҳои хориҷии Ҷумҳурии Тоҷикистон муайян карда мешавад.
3. Агар исбот карда шавад, ки дар давлати хориҷии нисбат ба он масъалаи масунияти юрисдиксионӣ бамиёномада ба Ҷумҳурии Тоҷикистон масунияти юрисдиксионӣ нисбат ба андозаи маҳдуди ба давлати хориҷӣ дар Ҷумҳурии Тоҷикистон пешниҳодшуда дода шудааст, он гоҳ суди иқтисодӣ ҳангоми ҳалли ин масъала дар асоси принсипи мутақобила ҳуқуқ дорад аз ҳамон андозаи масунияти юрисдиксияе, ки Ҷумҳурии Тоҷикистон дар давлати дахлдори хориҷӣ дорад, барояд.
4. Хулосаи асосноки суди иқтисодӣ дар бораи татбиқи принсипи мутақобила ва мутобиқи он маҳдуд кардани масунияти юрисдиксионии давлати хориҷӣ ҳангоми баррасии парвандаи мушаххас аз рӯйи натиҷаи баррасии ин парванда дар ҳалномаи суди иқтисодӣ дарҷ карда мешавад.
Моддаи 23510. Ҳалномаи ғоибона
1. Суди иқтисодӣ метавонад пас аз муқаррар намудани шартҳои зерин нисбат ба давлати хориҷӣ, ки дар муҳокимаи суди иқтисодии Ҷумҳурии Тоҷикистон иштирок накардааст (баррасии парванда дар ғоибӣ), ҳалномаи ғоибона қабул намояд:
1) риояи талаботи моддаи 2356 Кодекси мазкур;
2) аз рӯзи фиристодани супориш дар бораи супоридани ҳуҷҷатҳо ба давлати хориҷӣ оид ба оғози истеҳсолоти парванда нисбат ба он на камтар аз ду моҳ гузашта бошад;
3) тибқи қонунҳои Ҷумҳурии Тоҷикистон давлати хориҷӣ аз масунияти судӣ истифода намебарад;
4) давлати хориҷӣ дар бораи ба муҳлати оқилона мавқуф гузоштани маҷлиси судӣ дархост пешниҳод накарда бошад, ё дархости мазкур аз ҷониби суди иқтисодӣ асоснок рад карда шуда бошад.
2. Аз рӯйи натиҷаи баррасии парванда дар ғоибии давлати хориҷие, ки дар парванда ҷавобгар мебошад, бо назардошти ҳамаи шартҳои пешбининамудаи қисми 1 моддаи мазкур, суди иқтисодӣ метавонад дар ғоибии давлати хориҷии мазкур ҳалнома қабул намояд.
3. Нусхаи ҳалномаи суди иқтисодӣ на дертар аз панҷ рӯз пас аз қабули он бо тартиби муқаррарнамудаи моддаи 2356 Кодекси мазкур аз ҷониби суди иқтисодӣ ба давлати хориҷӣ фиристода мешавад.
4. Давлати хориҷӣ дар давоми ду моҳ аз рӯзи ба ӯ бо тартиби муқаррарнамудаи моддаи 2356 Кодекси мазкур супоридани нусхаи ҳалномаи дар қисми 2 моддаи мазкур зикргардидаи суди иқтисодӣ ҳуқуқ дорад бо тартиби пешбининамудаи Кодекси мазкур аз болои он шикоят намояд.
Моддаи 23511. Имтиёз ва масуниятҳои давлати хориҷӣ дар ҷараёни муҳокимаи судӣ
1. Дар ҷараёни баррасии парванда бо иштироки давлати хориҷӣ аз ҷониби суди иқтисодӣ ба ин давлати хориҷӣ ҷаримаи судӣ таъйин карда намешавад ва аз ин давлати хориҷӣ дар бораи пешпардохти хароҷоти судӣ вобаста ба баррасии парванда талаб карда намешавад.
2. Муқаррароти қисми 1 моддаи мазкур ҳангоми қабули ҳалномаи суди иқтисодӣ аз рӯйи натиҷаи моҳиятан баррасӣ намудани парванда ба суди иқтисодӣ ҷиҳати рӯёндани хароҷоти судӣ аз давлати хориҷӣ тибқи қоидаҳои муқаррарнамудаи боби 9 Кодекси мазкур монеъ намегардад.
Моддаи 23512. Тартиби иҷро намудани санадҳои судӣ нисбат ба давлати хориҷӣ
1. Иҷро намудани санадҳои судии суди иқтисодӣ, ки нисбат ба давлати хориҷӣ ва молу мулки дар ҳудуди Ҷумҳурии Тоҷикистон қарордоштаи он қабул гардидаанд, дар асоси натиҷаи баррасии даъво ё аризаи дахлдор оид ба эътироф ва иҷрои ҳалномаҳои судҳои хориҷӣ ва арбитражи хориҷӣ, тибқи қонунгузории Ҷумҳурии Тоҷикистон дар бораи истеҳсолоти иҷро амалӣ карда мешавад.
2. Суди иқтисодӣ бо тартиби муқаррарнамудаи моддаи 2356 Кодекси мазкур давлати хориҷиро дар бораи эътибори қонунӣ пайдо кардани санади судӣ ва додани варақаи иҷро огоҳ мекунад.».
Моддаи 2. Қонуни мазкур пас аз интишори расмӣ мавриди амал қарор дода шавад.
Президенти Ҷумҳурии Тоҷикистон Эмомалӣ Раҳмон
ш. Душанбе, аз 13 ноябри соли 2024, № 2085
Закон Республики Таджикистан
О ВНЕСЕНИИ ИЗМЕНЕНИЙ И ДОПОЛНЕНИЙ В ЭКОНОМИЧЕСКИЙ ПРОЦЕССУАЛЬНЫЙ КОДЕКС РЕСПУБЛИКИ ТАДЖИКИСТАН
Принят постановлением МН МОРТ
от 12 июня 2024 года,
№1357Одобрен постановлением ММ МОРТ
от 5 ноября 2024 года
№529Статья 1. Внести в Экономический процессуальный кодекс Республики Таджикистан, принятый Законом Республики Таджикистан от 5 января 2008 года (Ахбори Маджлиси Оли Республики Таджикистан, 2008 г., №1, ч. 1, ст. 4, ст. 5; 2011 г., №12, ст. 840; 2012 г., №7, ст. 719; 2013 г., №3, ст. 180; 2015 г., №11, ст. 954; 2017 г., №5, ч. 1, ст. 277; 2018 г., №1, ст. 7, №7-8, ст. 523; 2019 г., №1, ст. 7; 2020 г., №4-5, ст. 235, №12, ст. 905; 2021 г., №12, ч. 2, ст. 692; 2022 г., №1-3, ст. 8, №7, ст. 441, №12, ч.2, ст.771), следующие изменения и дополнения:
1. Часть 1 статьи 149 дополнить абзацем седьмым следующего содержания:
«-иностранное государство обладает судебным иммунитетом.».
2. Статью 230 изложить в следующей редакции:
«Статья 230. Судебный иммунитет международных организаций
1. Судебный иммунитет международных организаций определяется международными правовыми актами, признанными Таджикистаном и законами.
2. Отказ от судебного иммунитета осуществляется в порядке, предусмотренном законом иностранного государства или правилами международной организации. В этом случае экономический суд рассматривает дело в порядке, установленном настоящим Кодексом.».
3. Дополнить главой 301 следующего содержания:
«ГЛАВА 301. ПРОИЗВОДСТВО ПО ДЕЛАМ С УЧАСТИЕМ ИНОСТРАННОГО ГОСУДАРСТВА
Статья 2351. Судопроизводство по делам с участием иностранного государства
1. Предъявление в экономическом суде иска к иностранному государству, привлечение иностранного государства к участию в деле в качестве ответчика или третьего лица, наложение ареста на имущество иностранного государства, находящееся на территории Республики Таджикистан, принятие в отношении этого имущества иных мер по обеспечению иска, обращение взыскания на это имущество в порядке исполнения решений экономического суда, а также рассмотрение заявлений о признании и принудительном исполнении решений иностранных судов в отношении имущества иностранного государства, находящегося на территории Республики Таджикистан, осуществляются в соответствии с Законом Республики Таджикистан «О юрисдикционном иммунитете иностранного государства и его собственности в Республике Таджикистан» и в порядке, установленном настоящим Кодексом, если иное не предусмотрено международными правовыми актами, признанными Таджикистаном или законами Республики Таджикистан.
2. Дела с участием иностранного государства рассматриваются по общим правилам искового производства с особенностями, установленными настоящей главой, главами 29 и 30 настоящего Кодекса и другими законами. Заявление о признании и принудительном исполнении решений иностранных судов в отношении имущества иностранного государства, находящегося на территории Республики Таджикистан, рассматривается в порядке, установленном настоящей главой, главой 28 настоящего Кодекса и другими законами.
Статья 2352. Компетенция экономических судов по делам с участием иностранного государства
Компетенция экономических судов Республики Таджикистан по рассмотрению дел с участием иностранного государства определяется по правилам, установленным главой 4 настоящего Кодекса.
Статья 2353. Процессуальные права и обязанности иностранного государства, представительство
1. Иностранное государство пользуется процессуальными правами и несёт процессуальные обязанности наравне с организациями, гражданами Республики Таджикистан, в том числе правом вести свои дела в суде через представителя.
2. Полномочия представителя иностранного государства должны быть выражены в доверенности или ином документе, подтверждённом и оформленном в соответствии с законодательством Республики Таджикистан или законодательством иностранного государства, с учетом требований, предусмотренных статьёй 234 настоящего Кодекса.
3. Представитель иностранного государства вправе совершать от имени представляемого им иностранного государства все процессуальные действия, за исключением действий, указанных в части 4 настоящей статьи, если иное не предусмотрено в доверенности или ином подтверждённом документе.
4. В доверенности или ином подтверждённом документе, выданном иностранным государством, должны быть специально оговорены следующие права:
1) на подписание отзыва, на исковое заявление;
2) на признание иска;
3) на отказ от судебного иммунитета, иммунитета в отношении мер по обеспечению иска, иммунитета в отношении исполнения судебного решения;
4) предъявление встречного иска, изменение основания или предмета встречного иска;
5) заключение мирового соглашения и соглашения по фактическим обстоятельствам;
6) передачу своих полномочий представителю другого лица (передоверие);
7) получение судебных извещений (включая копии судебных актов);
8) на обжалование судебных актов;
9) на подписание, подачу заявления о пересмотре судебных актов по новым или вновь открывшимся обстоятельствам;
10) на получение присужденных денежных средств или иного имущества.
Статья 2354. Предъявление искового заявления
1. Исковое заявление с иностранным государством и прилагаемые к нему документы должны соответствовать требованиям статей 124 и 125 настоящего Кодекса.
2. К исковому заявлению также прилагается надлежащим образом заверенный перевод искового заявления и прилагаемых к нему документов на официальный язык или один из официальных языков иностранного государства, привлекаемого к участию в деле.
Статья 2355. Особенности применения мер по обеспечению иска
1. Меры по обеспечению иска применяются экономическим судом по заявлению лиц, участвующих в деле, в порядке, установленном главой 8 настоящего Кодекса, за исключением случаев, если иностранное государство и его имущество, находящееся на территории Республики Таджикистан, пользуются иммунитетом в отношении мер по обеспечению иска и иностранное государство не отказалось от этого иммунитета.
2. Примененные экономическим судом меры по обеспечению иска подлежат отмене, если в ходе судебного разбирательства будет установлено, что иностранное государство и его имущество, находящееся на территории Республики Таджикистан, пользуются иммунитетом в отношении мер по обеспечению иска или иммунитетом в отношении исполнения решения суда и иностранное государство не отказалось от этих иммунитетов.
Статья 2356. Направление и вручение иностранному государству судебного извещения о судебном разбирательстве и иных судебных документов
1. Направление иностранному государству судебного извещения о возбуждении дела в экономическом суде Республики Таджикистан и иных судебных документов осуществляется по дипломатическим каналам. Датой вручения этих документов считается дата получения судебного извещения ведомством, реализующим внешнюю политику соответствующего иностранного государства.
2. Поручение экономического суда Республики Таджикистан о вручении иностранному государству документов и совершении иных процессуальных действий оформляется в порядке, предусмотренном законодательством Республики Таджикистан и международными правовыми актами, признанными Таджикистаном, регламентирующими процедуру оказания правовой помощи.
3. Предусмотренное в частях 1 и 2 настоящей статьи судебное извещение может быть вручены экономическим судом непосредственно под расписку представителю иностранного государства, если он участвует в деле и в установленном порядке наделен соответствующими полномочиями.
4. Иностранное государство, принявшее участие в судебном разбирательстве по существу возбужденного против него дела, не может ссылаться на то, что вручение документов о судебном разбирательстве было сделано не в соответствии с положениями частей 1 и 2 настоящей статьи.
5. Судебное извещение о назначении предварительного судебного заседания или о назначении дела к разбирательству в судебном заседании направляется иностранному государству в порядке, установленном настоящей статьей, не позднее, чем за два месяца до дня судебного заседания.
6. Судебное извещение, подлежащее вручению иностранному государству, составляется в двух экземплярах, заверяются судом и сопровождаются надлежащим образом заверенным переводом на официальный язык или один из официальных языков иностранного государства, привлекаемого к участию в деле.
Статья 2357. Особенности предварительного судебного заседания и прекращения производства по делу
1. В предварительном судебном заседании, проводимом в соответствии со статьёй 135 настоящего Кодекса, экономический суд с участием сторон также решает вопрос о наличии у иностранного государства судебного иммунитета в отношении рассматриваемого спора.
2. Если имеющиеся в деле материалы не позволяют экономическому суду в предварительном судебном заседании сделать вывод о наличии у иностранного государства судебного иммунитета в отношении рассматриваемого спора, этот вопрос подлежит разрешению входе судебного разбирательства.
3. В случае неявки надлежащим образом извещенного о дате, времени и месте предварительного судебного заседания представителя иностранного государства экономический суд принимает решение на основе материалов, имеющихся в деле.
4. Установленные экономическим судом обстоятельства и вывод о наличии или отсутствии у иностранного государства юрисдикционного иммунитета должны быть отражены в судебном акте, принимаемом по результатам рассмотрения дела.
5. Если экономический суд в предварительном судебном заседании или при разбирательстве в судебном заседании пришел к выводу о наличии у иностранного государства судебного иммунитета, суд прекращает производство по делу в соответствии со статьёй 149 настоящего Кодекса.
Статья 2358. Заключение государственных органов, других организаций и экспертов по вопросам применения юрисдикционного иммунитета
1. Министерство иностранных дел Республики Таджикистан по инициативе экономического суда или по своей инициативе дает заключение по следующим вопросам, связанным с применением юрисдикционного иммунитета:
- о правовом положении государства, органов государственной власти, составных частей государства и их органов, других организаций и (или) полномочных представителей государства, которые в пределах своей компетенции вправе осуществлять суверенные властные полномочия;
- о наличии в действиях иностранного государства осуществления суверенных властых полномочий;
- о наличии юрисдикционного иммунитета иностранного государства и его собственности в Республике Таджикистан;
- об объеме предоставляемого юрисдикционного иммунитета Республике Таджикистан в иностранном государстве;
- по другим вопросам, относящимся к компетенции указанного государственного органа.
2. Экономический суд может в установленном порядке обратиться по вопросам, являющимся предметом спора, за содействием и разъяснением также к иным органам и организациям в Республике Таджикистан и за границей или привлечь экспертов (специалистов).
3. Полученные заключения и разъяснения подлежат оценке экономическим судом с учетом совокупности имеющихся в деле доказательств.
Статья 2359. Применение принципа взаимности
1. При рассмотрении иска, предъявленного к иностранному государству, экономический суд Республики Таджикистан по собственной инициативе или по ходатайству сторон может применить принцип взаимности.
2. Соотношение объема юрисдикционного иммунитета, предоставляемых Республике Таджикистан в иностранном государстве определяется экономическим судом на основании доказательств, представленных сторонами и заключения Министерства иностранных дел Республики Таджикистан.
3. Если будет доказано, что в иностранном государстве, в отношении которого возник вопрос о юрисдикционном иммунитете, Республике Таджикистан предоставляется юрисдикционный иммунитет в ограниченном объеме, чем тот, который предоставляется иностранному государству в Республике Таджикистан, то экономический суд при решении указанного вопроса на основе принципа взаимности вправе исходить из того же объема юрисдикционного иммунитета, каким Республика Таджикистан пользуется в соответствующем иностранном государстве.
4. Мотивированный вывод экономического суда о применении принципа взаимности и в соответствии с ним ограничении юрисдикционных иммунитетов иностранного государства при рассмотрении конкретного дела указывается в решении экономического суда, принимаемом по результатам рассмотрения этого дела.
Статья 23510. Заочное решение
1. Экономический суд может принять заочное решение в отношении иностранного государства, не принявшего участия в разбирательстве в экономическом суде Республики Таджикистан (рассмотрение дела в отсутствие), после установления следующих условий:
1) соблюдены требованиястатьи 2356 настоящего Кодекса;
2) с даты направления поручения о вручении иностранному государству документов о возбуждении в отношении него производство по делу прошло не менее двух месяцев;
3) в соответствии с законами Республики Таджикистан иностранное государство не пользуется судебным иммунитетом;
4) иностранным государством не заявлено ходатайство об отложении на разумный срок судебного заседания либо указанное ходатайство мотивированно отклонено экономическим судом.
2. По результатам рассмотрения дела в отсутствие иностранного государства, являющегося ответчиком по делу и при соблюдении всех условий, предусмотренных частью 1 настоящей статьи, экономический суд может вынести решение в отсутствие указанного иностранного государства.
3. Копия решения экономического суда не позднее чем в течение пяти дней со дня его принятия направляется экономическим судом иностранному государству в порядке, установленном статьёй 2356 настоящего Кодекса.
4. Иностранное государство в течение двух месяцев со дня вручения ему в порядке, установленном статьёй 2356 настоящего Кодекса, копии указанного в части 2 настоящей статьи решения экономического суда вправе обжаловать его в порядке, предусмотренном настоящим Кодексом.
Статья 23511. Привилегии и иммунитеты иностранного государства в ходе судебного разбирательства
1. При рассмотрении экономическим судом дела с участием иностранного государства на это иностранное государство не может быть наложен судебный штраф, а также к этому иностранному государству не могут быть предъявлены требования о предварительной оплате судебных расходов, связанных с рассмотрением дела.
2. Положения части 1 настоящей статьи не препятствуют экономическому суду взыскать с иностранного государства судебные расходы по правилам, установленным главой 9 настоящего Кодекса, при принятии экономическим судом решения по результатам рассмотрения дела по существу.
Статья 23512. Порядок исполнения судебных актов в отношении иностранного государства
1. Исполнение судебных актов экономического суда, вынесенных в отношении иностранного государства, его имущества, находящегося на территории Республики Таджикистан, по результатам рассмотрения соответствующих иска или заявления о признании и исполнении решений иностранных судов и иностранного арбитража, осуществляется в соответствии с законодательством Республики Таджикистан об исполнительном производстве.
2. Экономический суд в порядке, установленном статьёй 2356 настоящего Кодекса, извещает иностранное государство о вступлении судебного акта в законную силу и выдаче исполнительного листа.».
Статья 2. Настоящий Закон ввести в действие после его официального опубликования.
Президент Республики Таджикистан Эмомали Рахмон
г.Душанбе 13 ноября 2024 года №2085
