ҲУКУМАТИ ҶУМҲУРИИ ТОҶИКИСТОН

ҚАРОР

Мутобиқи моддаи 17 Қонуни конститутсионии Ҷумҳурии Тоҷикистон «Дар бораи Ҳукумати Ҷумҳурии Тоҷикистон» Ҳукумати Ҷумҳурии Тоҷикистон қарор мекунад:

Қарори Кумитаи Ҷоизаи давлатии Ҷумҳурии Тоҷикистон ба номи Абӯабдулло Рӯдакӣ дар соҳаи адабиёт, санъат, меъморӣ ва журналистика дар соли 2024 тасдиқ карда шавад (замима мегардад).

ҚАРОРИ Кумитаи Ҷоизаи давлатии Ҷумҳурии Тоҷикистон ба номи Абӯабдулло Рӯдакӣ дар соҳаи адабиёт, санъат, меъморӣ ва журналистикаи назди Ҳукумати Ҷумҳурии Тоҷикистон

I. Қарори комиссияи ҳисоби овозҳои маҷлиси умумии ҳайати Кумита тасдиқ карда шавад.

II. Дар натиҷаи овоздиҳии пинҳонии аъзои Кумитаи Ҷоизаи давлатии Ҷумҳурии Тоҷикистон ба номи Абӯабдулло Рӯдакӣ дар соҳаи адабиёт, санъат, меъморӣ ва журналистикаи назди Ҳукумати Ҷумҳурии Тоҷикистон барои дарёфти Ҷоизаи давлатии Ҷумҳурии Тоҷикистон ба номи Абӯабдулло Рӯдакӣ дар соли 2024 довталабони зерин ғолибони озмун дониста шаванд:

Шоир Рустам Ваҳҳобзода – барои маҷмуаи шеърҳои «Қаламрави меҳр».

Коргардон Носир Саидов, муаллифи сенария Сафар Ҳақдод, наворбардор Георгий Дзалаев, оҳангсоз Далер Назаров ва офарандагони нақшҳои асосӣ - Надежда Муҳаммадҷонова, Зулфия Қодирова, Мавлонбибӣ Наҷмиддинова ва Абдукарими Машраб – барои филми ҳунарии «Роҳ».

Ҷӯрахон Обидпур – барои «Луғатномаи тафсирии истилоҳоти мусиқӣ».

Самӣ Азизиён – барои асари меъмории «Тахти тоҷикон» дар маҷмааи «Майдони Истиқлол».

Нависанда Равшан Махсумзод – барои маҷмуаи қисса ва ҳикояҳои «Кафшергар».

Абдураҳмон Абдуманнон – барои маҷмӯаи очерк, мусоҳиба ва мақолаҳои публитсистии «Аз дирӯз ва имрӯзи адабиёти тоҷик».

дар мамлакатҳои хориҷӣ:

Иосиф Брагинский – барои силсилаи асарҳои адабиётшиносӣ, чопи осори адибони тоҷик дар нашриётҳои Россия ва Аврупо ва тарғиби собитқадамонаи асарҳои адабиёти классикӣ ва муосири тоҷик.

III. Қарори мазкур тибқи тартиби муқарраргардида барои тасдиқ ба Ҳукумати Ҷумҳурии Тоҷикистон пешниҳод карда шавад.