ҲУКУМАТИ ҶУМҲУРИИ ТОҶИКИСТОН

ҚАРОР

Мутобиқи моддаи 17 Қонуни конститутсионии Ҷумҳурии Тоҷикистон «Дар бораи Ҳукумати Ҷумҳурии Тоҷикистон» Ҳукумати Ҷумҳурии Тоҷикистон қарор мекунад:

Қарори комиссияи Ҷоизаи ба номи Исмоили Сомонӣ дар бораи бо Ҷоизаи ба номи Исмоили Сомонӣ дар соли 2024 сарфароз гардонидани олимони ҷавоне, ки дар соҳаи илм ва техника корҳои намоён анҷом додаанд, тасдиқ карда шавад (замима мегардад).

 Қарори комиссияи Ҷоизаи ба номи Исмоили Сомонӣ

Мутобиқи банди 13 Низомномаи Ҷоизаи ба номи Исмоили Сомонӣ барои олимони ҷавон, ки дар соҳаи илм ва техника корҳои намоён анҷом додаанд, ки бо қарори Ҳукумати Ҷумҳурии Тоҷикистон аз 29 майи соли 2023, № 207 тасдиқ шудааст ва фармоиши раиси Кумитаи кор бо ҷавонон ва варзиши назди Ҳукумати Ҷумҳуриии Тоҷикистон «Дар бораи тасдиқи Низомномаи Комиссияи ҷоизаи ба номи Исмоили Сомонӣ» аз 17 июли соли 2023, № 16 комиссияи Ҷоизаи ба номи Исмоили Сомонӣ қарор мекунад:

1. Бо Ҷоизаи ба номи Исмоили Сомонӣ дар соли 2024 шахсони зерин сарфароз гардонида шаванд:

1) дар соҳаи илмҳои табиӣ ва риёзӣ:

- Раҷабзода Фаридун Кишвар - декани факултети фарматсевтии Донишгоҳи миллии Тоҷикистон, номзади илмҳои биологӣ;

- Каримзода Дониёр Ҷалил - мудири кафедраи алгебра ва назарияи ададҳои факултети механикаю математикаи Донишгоҳи миллии Тоҷикистон, номзади илмҳои физикаю математика;

2) дар соҳаи илмҳои техникӣ ва технологӣ:

- Ҷӯразода Шоҳин Ҷӯра - муаллими калони кафедраи электроэнергетикаи филиали Донишгоҳи миллӣ-тадқиқотии Донишкадаи энергетикии Москва дар шаҳри Душанбе, номзади илмҳои техникӣ;

- Ҳасанзода Насрулло - дотсенти кафедраи неругоҳҳои электрикии Донишгоҳи техникии Тоҷикистон ба номи академик М.С.Осимӣ, номзади илмҳои техникӣ;

3) дар соҳаи илмҳои иқтисодӣ:

- Зокирзода Фарзона Ҷума - дотсенти кафедраи баҳисобгирии бухгалтерии факултети баҳисобгирӣ ва иқтисоди рақамии Донишгоҳи миллии Тоҷикистон, номзади илмҳои иқтисодӣ;

4) дар соҳаи илмҳои гуманитарӣ:

- Асҳобиддини Шералӣ - директори Муассисаи давлатии таълимии литсей барои хонандагони болаёқати шаҳри Душанбе, номзади илмҳои педагогӣ;

- Ҳайдарзода Мурод Пирмаҳмад - дотсенти кафедраи ҳуқуқи маъмурӣ ва фаъолияти маъмурии факултети №2 Академияи Вазорати корҳои дохилии Ҷумҳурии Тоҷикистон, номзади илмҳои ҳуқуқшиносӣ;

5) дар соҳаи илмҳои ҷомеашиносӣ:

- Зокирзода Суҳроб Ибод - ёвари ректори Муассисаи давлатии таълимии Донишгоҳи давлатии фарҳанг ва санъати Тоҷикистон ба номи М.Турсунзода, номзади илмҳои фалсафа;

- Саидзода Далер Муҳибулло - муаллими калони кафедраи таърихи фалсафа ва фалсафаи иҷтимоии факултети фалсафаи Донишгоҳи миллии Тоҷикистон, доктори фалсафа PhD;

6) дар соҳаи илмҳои тиббӣ:

- Одилзода Исмоил Ёқубҷон - муовини директор оид ба корҳои таълими Муассисаи давлатии таълимии «Коллеҷи тиббии ҷумҳуриявӣ», номзади илмҳои тиб;

- Шамсуллозода Шерхон Нуралӣ – мудири шуъбаи ҷарроҳии ҷигар, роҳҳои талхагузар ва ғадуди зери меъдаи Муассисаи давлатии «Маркази шаҳрии ёрии таъҷилии тиббии шаҳри Душанбе»;

7) дар соҳаи илмҳои кишоварзӣ:

- Асрориён Абдуҳамид Ҷамил - ходими калони шуъбаи агрохимияи Институти хокшиносӣ ва агрохимияи Академияи илмҳои кишоварзии Тоҷикистон, номзади илмҳои кишоварзӣ.

2. Қарори комиссияи Ҷоизаи ба номи Исмоили Сомонӣ дар соли 2024 тибқи тартиби муқарраршуда ба Ҳукумати Ҷумҳурии Тоҷикистон барои тасдиқ пешниҳод карда шавад.