ҲУКУМАТИ ҶУМҲУРИИ ТОҶИКИСТОН

ҚАРОР 

Қарори Шурои Маҷлиси намояндагони Маҷлиси Олии Ҷумҳурии Тоҷикистон аз 6 майи соли 2024, №2189 «Дар бораи лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи мониторинги экологӣ»-ро баррасӣ намуда, Ҳукумати Ҷумҳурии Тоҷикистон қарор мекунад:

Хулосаи замимагардидаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон «Оид ба ворид намудани тағйироту иловаҳо ба Қонуни Ҷумҳурии Тоҷикистон «Дар бораи мониторинги экологӣ» ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шавад.

Ҳукумати Ҷумҳурии Тоҷикистон лоиҳаи Қонуни Ҷумҳурии Тоҷикистон «Оид ба ворид намудани тағйироту иловаҳо ба Қонуни Ҷумҳурии Тоҷикистон «Дар бораи мониторинги экологӣ»-ро, ки бо қарори Шурои Маҷлиси намояндагони Маҷлиси Олии Ҷумҳурии Тоҷикистон аз 6 майи соли 2024, №2189 барои додани хулоса ба Ҳукумати Ҷумҳурии Тоҷикистон пешниҳод гардидааст, баррасӣ карда, вобаста ба моддаи 1 чунин пешниҳод менамояд:

1. қисми 4 таҷдиди назар карда шавад, зеро бо ворид намудани тағйири мазкур ҷумла коста ва душворфаҳм мешавад;
2. дар қисми 5:

- сархати якум дар таҳрири зерин ифода карда шавад:

"- дар қисмҳои 1 ва 3 калимаҳои «қаламрави» ва «мӯҳлатҳои» мувофиқан ба калимаҳои «ҳудуди» ва «муҳлатҳои» иваз карда шаванд;»;

- сархатҳои чорум, панҷум, ҳаштум, нуҳум ва даҳуми қисми 2 иловашаванда таҷдид карда шаванд, зеро сархатҳои зикршуда ваколати мақоми ваколатдори давлатӣ дар соҳаи ҳифзи муҳити зист набуда, дар амалия гуногунфаҳмиро ба миён меорад;

- дар сархати сеюм пас аз калима ва рақами «ва 4» калимаи «мувофиқан» илова карда шавад.

Дар лоиҳа хатоҳои имлоию техникии дигар ислоҳ карда шуда, матни забони русӣ ба матни забони давлатӣ мутобиқ карда шавад.