ҲУКУМАТИ ҶУМҲУРИИ ТОҶИКИСТОН 

ҚАРОР

Қарори Шурои Маҷлиси намояндагони Маҷлиси Олии Ҷумҳурии Тоҷикистон аз 3 апрели соли 2024, №2098 «Дар бораи лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи фаъолияти обуҳавошиносӣ»-ро баррасӣ намуда, Ҳукумати Ҷумҳурии Тоҷикистон қарор мекунад:

Хулосаи замимагардидаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи фаъолияти обуҳавошиносӣ» ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шавад.

Хулосаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи фаъолияти обуҳавошиносӣ»

 Ҳукумати Ҷумҳурии Тоҷикистон лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи фаъолияти обуҳавошиносӣ»-ро, ки бо қарори Шӯрои Маҷлиси намояндагони Маҷлиси Олии Ҷумҳурии Тоҷикистон аз 3 апрели соли 2024, №2098 барои додани хулоса ба Ҳукумати Ҷумҳурии Тоҷикистон пешниҳод гардидааст, баррасӣ карда, ба моддаи 1 таклифҳои зеринро манзур менамояд:

1. Дар муқаддима калимаҳои «тағйироту иловаи» ба калимаҳои «тағйиру иловаҳои» иваз карда шаванд.

2. Дар қисми 1 калимаи «шахсонӣ» ба калимаи «шахсони» иваз карда шавад.

3. Оид ба қисми 2, сархати понздаҳуми ба моддаи 1 Қонуни мазкур иловашаванда хориҷ карда шавад, зеро мафҳуми иловашаванда дар Қонуни Ҷумҳурии Тоҷикистон «Дар бораи ҳифзи пиряхҳо» пешбинӣ шуда, ба таври дигар шарҳ дода шудааст.

4. Қисмҳои 5 ва 6 дар таҳрири зерин ифода карда шаванд:

«5. Дар сархати чоруми моддаи 6 калимаҳои «мушоҳидакунии» ва «мушоҳидакунӣ)» мувофиқан ба калимаҳои «мушоҳидавӣ» ва «мушоҳидавӣ)-и» иваз карда шаванд.

6. Дар сархати дуюми моддаи 8 калимаи «мушоҳидакунӣ» ба калимаи «мушоҳида» иваз карда шавад.

5. Аз қисми 8 калимаи «модда» хориҷ карда шавад.

6. Қисми 9 дар таҳрири зерин ифода карда шавад:

«9. Дар матни моддаи 11 калимаҳои «иҷозатномадиҳӣ ба баъзе намудҳои фаъолият» ба калимаҳои «низоми иҷозатдиҳӣ» иваз карда шаванд.».

7. Ба қисми муқаддимавии қисми 10 пас аз калимаи «Дар» калимаҳои «қисми якуми» илова гардида, дар сархатҳои якум ва дуюм калимаҳои «сеюми қисми якум» ва «нуҳуми қисми якум» мувофиқан ба калимаҳои «сеюм» ва «нуҳум» иваз карда шаванд.

8. Сархати якуми қисми 12, ки иштибоҳан қисми 10 (оид ба моддаи 18) нишон дода шудааст, дар таҳрири зерин ифода карда шавад:

«- дар ном ва матни модда калимаи «мушоҳидакунӣ» ба калимаи «мушоҳидавӣ» иваз карда шаванд;».

Матни забони русии лоиҳа ба матни забони тоҷикии он мутобиқ гардонида, хатоҳои имлоӣ ва техникии дар лоиҳа ҷойдошта ислоҳ карда шаванд.

Дар маҷмуъ пешниҳод менамоем, ки лоиҳаи мазкур ба талаботи техникаи меъёрэҷодкунии муқаррарнамудаи Қонуни Ҷумҳурии Тоҷикистон «Дар бораи санадҳои меъёрии ҳуқуқӣ» мутобиқ карда шавад.