ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ САРҲАДИ ДАВЛАТИИ ҶУМҲУРИИ ТОҶИКИСТОН"

Моддаи 1. Ба Қонуни Ҷумҳурии Тоҷикистон "Дар бораи Сарҳади давлатии Ҷумҳурии Тоҷикистон" аз 1 августи соли 1997 (Ахбори Маҷлиси Олии Ҷумҳурии Тоҷикистон, соли 1997, №15-16, мод. 254, №23-24, мод. 333; с. 2001, №4, мод. 197, мод. 203; с. 2002, №4, қ. 1, мод. 200; с. 2005, №7, мод. 403; с. 2006, №11, мод. 470; с. 2008, №10, мод. 801; с. 2009, №3, мод. 94) тағйиру иловаҳои зерин ворид карда шаванд:

1. Ба моддаи 11 қисми панҷум бо мазмуни зерин илова карда шавад:

"Шаҳрвандони Ҷумҳурии Тоҷикистон, шаҳрвандони хориҷӣ ва шахсони бешаҳрванд ҳуқуқ доранд назорати сарҳадиро тавассути "Дарвозаҳои электронӣ" гузаранд. Тартиби гузаштан аз назорати сарҳадӣ тавассути "Дарвозаҳои электронӣ" аз ҷониби Ҳукумати Ҷумҳурии Тоҷикистон тасдиқ карда мешавад.".

2. Дар банди 8) қисми дуюми моддаи 33 аломати нуқтавергул ";" ба аломати нуқта иваз карда шуда, ҷумлаи дуюм бо мазмуни зерин илова карда шавад:

"Дар сурати убури Сарҳади давлатӣ аз ҷониби шаҳрвандони Ҷумҳурии Тоҷикистон, шаҳрвандони хориҷӣ ва шахсони бешаҳрванд тавассути "Дарвозаҳои электронӣ" дар ҳуҷҷатҳои онҳо, ки барои убури Сарҳади давлатӣ ҳуқуқ медиҳанд, қайдҳои дахлдор гузошта намешаванд;".

Моддаи 2. Қонуни мазкур пас аз интишори расмӣ мавриди амал қарор дода шавад.