ҚОНУНИ ҶУМҲУРИИ ТОҶИКИСТОН
ДАР БОРАИ ВОРИД НАМУДАНИ ТАFЙИРОТ БА КОДЕКСИ ҲУҚУҚВАЙРОНКУНИИ МАЪМУРИИ ҶУМҲУРИИ ТОҶИКИСТОН
Бо қарори Маҷлиси намояндагони
Маҷлиси Олии Ҷумҳурии Тоҷикистон
8 майи соли 2024, № 1309
қабул карда шуд
Бо қарори Маҷлиси миллии
Маҷлиси Олии Ҷумҳурии Тоҷикистон
19 июни соли 2024, № 489
ҷонибдорӣ карда шуд
Моддаи 1. Ба Кодекси ҳуқуқвайронкунии маъмурии Ҷумҳурии Тоҷикистон, ки бо Қонуни Ҷумҳурии Тоҷикистон аз 31 декабри соли 2008 қабул шудааст (Ахбори Маҷлиси Олии Ҷумҳурии Тоҷикистон, с. 2008, № 12, қ. 1, мод. 989, мод. 990; с. 2009, № 5, мод. 321, № 9-10, мод. 543; с. 2010, № 1, мод. 2, мод. 5, № 3, мод. 153, №7, мод. 547, № 12, қ. 1, мод. 812; с. 2011, № 6, мод. 430, мод. 431, № 7-8, мод. 610, № 12, мод. 838; с. 2012, № 4, мод. 256, № 7, мод. 685, мод. 693, № 8, мод. 814, № 12, қ. 1, мод. 1004; с. 2013, № 3, мод. 181, № 7, мод. 508; с. 2014, № 3, мод. 143, мод. 144, № 7, қ. 1, мод. 389, мод. 390; с. 2015, № 3, мод. 201, № 7-9, мод. 707, мод. 708, № 11, мод. 955, № 12, қ. 1, мод. 1108; с. 2016, № 3, мод. 130, мод. 131, мод. 132, № 5, мод. 359, мод. 361, № 7, мод. 613, мод. 614, № 11, мод. 877; с. 2017, № 1-2, мод. 5, мод. 6, №5, қ. 1, мод. 275, № 7-9, мод. 568, мод. 585; с. 2018, № 1, мод. 9, № 5, мод. 268, мод. 269; с. 2019, № 1, мод. 8, № 6, мод. 312, мод. 313, № 7, мод. 464; с. 2020, № 1, мод. 6, № 7-9, мод. 604, мод. 606, мод. 621, № 12, мод. 900, мод. 901, с. 2021, № 6, мод. 384, мод. 385, № 12, қ. 2, мод. 686, мод. 687, мод. 688, мод. 689; с. 2022, № 1-3, мод. 12, №7, мод. 443, № 12, қ. 2, мод. 768; с. 2023, № 4-6, мод. 155, №11, мод. 459; с. 2024, № 1-2, мод. 3, мод. 4), тағйироти зерин ворид карда шаванд:
1. Дар тамоми матн калимаҳои "таъйини", "таъйин", "ТАЪЙИН", "Таъйини", "аломати ҷиноят" ва "яксаду" мувофиқан ба калимаҳои "таъини", "таъин", "ТАЪИН", "Таъини", "аломатҳои таркиби ҷиноят" ва "як саду" иваз карда шаванд.
2. Моддаи 90 дар таҳрири зерин ифода карда шавад:
"Моддаи 90. Иҷро накардани уҳдадорӣ оид ба таълиму тарбияи кӯдак
1. Барои бе сабабҳои узрнок ба таҳсилоти миёнаи умумӣ зиёда аз панҷоҳ соати дарсӣ дар як чоряки соли таҳсил фаро нагирифтани кӯдак аз тарафи падару модар, васӣ, парастор, шахсе, ки дар асоси шартнома кӯдакро тарбия мекунад, намояндаи дигари қонунии кӯдак, инчунин шахси воқеии дигар, ки кӯдак воқеан таҳти тарбияи ӯ қарор дорад,-
ба андозаи аз даҳ то дувоздаҳ нишондиҳанда барои ҳисобҳо ҷарима таъин карда мешавад.
2. Барои аз ҷониби шахсони дар қисми 1 ҳамин модда зикршуда пешгирӣ накардани амалҳои зерини кӯдак:
- маводди дорои хусусияти террористӣ, экстремистӣ, тундгароӣ, ҷудоихоҳӣ, порнографӣ ва зӯровариро паҳн кардан;
- ба марказҳои дилхушӣ ва ё дар вақти бо қонунгузории Ҷумҳурии Тоҷикистон манъшуда ба марказҳои пешниҳоди бозиҳои компютерӣ рафтан;
- ба биною иншоот, панҷараҳо, санги болои қабрҳо, ҳайкалҳо, нимпайкараҳо ва ороишоти дар оромгоҳҳо ва ҷойҳои таърихию фарҳангӣ насбшуда зарар расондан;
- ба муассисаи таълимӣ овардани маҳсулоти тамоку, машруботи спиртӣ, воситаҳои нашъадор, моддаҳои психотропӣ, сахтаъсир ва мадҳушкунандаи дигар, асбобу ашёи манъшуда ва халандаву буранда, инчунин гирифта гаштани онҳо,-
ба андозаи аз понздаҳ то бист нишондиҳанда барои ҳисобҳо ҷарима таъин карда мешавад.
3. Барои аз ҷониби шахсони дар қисми 1 ҳамин модда зикршуда ва кормандони муассисаи таълимӣ ё тарбиявӣ дар раванди таълиму тарбия нисбат ба кӯдак истифода бурдани зӯроварӣ, инчунин назорат накардани кӯдак, ки дар натиҷа боиси аз ҷониби ӯ истифода шудани зӯроварӣ нисбат ба дигар шахсон мегардад, ҳангоми набудани аломатҳои таркиби ҷиноят,-
ба андозаи аз бист то бисту панҷ нишондиҳанда барои ҳисобҳо ҷарима таъин карда мешавад.
4. Барои дар давоми як соли баъди таъини ҷазои маъмурӣ такроран содир намудани кирдорҳое, ки дар қисмҳои 1 ва 2 ҳамин модда пешбинӣ шудаанд,-
ба андозаи аз сӣ то сию панҷ нишондиҳанда барои ҳисобҳо ҷарима таъин карда мешавад.
5. Барои дар давоми як соли баъди таъини ҷазои маъмурӣ такроран содир намудани кирдорҳое, ки дар қисми 3 ҳамин модда пешбинӣ шудаанд, ҳангоми набудани аломатҳои таркиби ҷиноят,-
ба андозаи аз чил то чилу панҷ нишондиҳанда барои ҳисобҳо ҷарима ё ҳабси маъмурӣ аз панҷ то даҳ шабонарӯз таъин карда мешавад.".
3. Моддаи 464(1) дар таҳрири зерин ифода карда шавад:
"Моддаи 464(1). Ба кӯдак додани иҷозати воридшавӣ ба марказҳои дилхушӣ ва марказҳои пешниҳоди бозиҳои компютерӣ
1. Барои аз тарафи шахсони воқеӣ, соҳибкорони инфиродӣ ва шахсони ҳуқуқӣ ба кӯдак додани иҷозати воридшавӣ ба марказҳои дилхушӣ (клубҳои шабона, дискоклубҳо, толорҳои букмекерӣ ва марказҳои бозиҳои бурднок), инчунин марказҳои пешниҳоди бозиҳои компютерӣ дар вақти бо қонунгузории Ҷумҳурии Тоҷикистон манъшуда,-
ба шахсони воқеӣ ба андозаи аз сад то як саду бист, ба соҳибкорони инфиродӣ аз як саду ҳаштод то дусад ва ба шахсони ҳуқуқӣ аз дусаду панҷоҳ то сесад нишондиҳанда барои ҳисобҳо ҷарима таъин карда мешавад.
2. Барои дар давоми як соли пас аз таъини ҷазои маъмурӣ такроран содир намудани кирдоре, ки дар қисми 1 ҳамин модда пешбинӣ шудааст,-
ба шахсони воқеӣ ба андозаи аз як саду сӣ то як саду панҷоҳ, ба соҳибкорони инфиродӣ аз дусаду бист то дусаду панҷоҳ ва ба шахсони ҳуқуқӣ аз чорсад то панҷсад нишондиҳанда барои ҳисобҳо ҷарима таъин карда мешавад.".
4. Моддаи 481 дар таҳрири зерин ифода карда шавад:
"Моддаи 481. Риоя накардани талаботи қонунгузории Ҷумҳурии Тоҷикистон дар бораи танзими ҷашну маросим
1. Барои хабардор накардани комиссияҳои доимии маҳаллӣ оид ба танзими ҷашну маросим дар хусуси баргузории тӯйи домодию арӯсӣ ва маросими азодорӣ, инчунин пошидан ва часпондани пул дар ҷашну маъракаҳо,-
ба андозаи даҳ нишондиҳанда барои ҳисобҳо ҷарима таъин карда мешавад.
2. Барои гузарондани маъракаҳои манъшуда, вайрон намудани тартиби гузарондани маъракаи зодрӯз, хатнасур, маросими дигари вобаста ба таваллуди кӯдак, дафну азодорӣ ва мавлудхонӣ,-
ба шахсони воқеӣ ба андозаи як саду бист ва ба шахсони мансабдор ба андозаи сесаду панҷоҳ нишондиҳанда барои ҳисобҳо ҷарима таъин карда мешавад.
3. Барои вайрон намудани талаботи қонунгузорӣ оид ба гузарондани тӯйи домодию арӯсӣ, аз ҷумла риоя накардани шумораи даъватшудагон, вақт ва давомнокии баргузории ҷашну маросим,-
ба шахсони воқеӣ ба андозаи дусаду бист ва шахсони мансабдор ба андозаи панҷсаду панҷоҳ нишондиҳанда барои ҳисобҳо ҷарима таъин карда мешавад.
4. Барои аз ҷониби шахсони воқеӣ ва ҳуқуқӣ (ҳунармандон, тарабхона, қаҳвахона, ошхона ва тӯйхонаҳо) вайрон намудани тартиби хизматрасонии ҷашну маросим, аз ҷумла оид ба шумораи даъватшудагон ва вақти баргузории тӯю маъракаҳо,-
ба шахсони воқеӣ ба андозаи сесад ва ба шахсони ҳуқуқӣ ба андозаи як ҳазору панҷсад нишондиҳанда барои ҳисобҳо ҷарима таъин карда мешавад.
5. Барои риоя накардани тартиби гузарондани маъракаҳои гуселу пешвоз вобаста ба адои ҳаҷ ё умра (берун аз доираи оила), ташкили маъракаҳои ҳоҷизиёрат, ҳоҷиталбон, ҳоҷиошӣ ва дигар маърака ба хотири ҳаҷ ё умра, инчунин тақсими туҳфаҳо, идона оро додани ҳавлӣ, кӯчаву маҳалла ва мошинҳо ба хотири ҳаҷ ё умра,-
ба шахсони воқеӣ ба андозаи сесад ва ба шахсони мансабдор ба андозаи ҳаштсад нишондиҳанда барои ҳисобҳо ҷарима таъин карда мешавад.
6. Барои дар давоми як соли баъди таъини ҷазои маъмурӣ такроран содир намудани кирдорҳои дар қисмҳои 2, 3, 4 ва 5 ҳамин модда пешбинишуда, ба истиснои кирдорҳо ва шахсони дар қисмҳои 7 ва 8 ҳамин модда зикргардида,-
ба шахсони воқеӣ ба андозаи як ҳазор, ба шахсони мансабдор ба андозаи як ҳазору дусад ва ба шахсони ҳуқуқӣ ба андозаи ду ҳазору панҷсад нишондиҳанда барои ҳисобҳо ҷарима таъин карда мешавад.
7. Барои дағалона ё дар вазъияти фавқулода, пандемияи бемориҳои сироятӣ, ҳолатҳои фавқулодаи дорои хусусияти табиӣ ва техногенидошта вайрон кардани талаботи қонунгузорӣ оид ба танзими ҷашну маросим,-
ба шахсони воқеӣ ба андозаи як ҳазору дусад, ба шахсони мансабдор ба андозаи як ҳазору панҷсад ва ба шахсони ҳуқуқӣ ба андозаи се ҳазор нишондиҳанда барои ҳисобҳо ҷарима таъин карда мешавад.
8. Барои аз ҷониби соҳибкори инфиродӣ, муассис ё роҳбари ташкилоти тиҷоратӣ, сархатиб, имомхатиб, имоми масҷиди панҷвақта, ходими ғайрирасмии динӣ, раиси маҳалла ва роҳбари дигари мақомоти худфаъолияти ҷамъиятӣ содир кардани кирдорҳои дар қисмҳои 2, 3 ва 5 ҳамин модда пешбинишуда, инчунин аз ҷониби шахсони мазкур барои дағалона ё дар вазъияти фавқулода, пандемияи бемориҳои сироятӣ, ҳолатҳои фавқулодаи дорои хусусияти табиӣ ва техногенидошта вайрон кардани талаботи қонунгузорӣ оид ба танзими ҷашну маросим,-
ба андозаи як ҳазору панҷсад нишондиҳанда барои ҳисобҳо ҷарима таъин карда мешавад.".
5. Моддаи 482 дар таҳрири зерин ифода карда шавад:
"Моддаи 482. Машғул шудан ба сеҳру ҷоду ва фолбинӣ
Барои машғул шудан ба сеҳру ҷоду ва фолбинӣ,-
ба шахсони воқеӣ ба андозаи аз ҳаштод то сад нишондиҳанда барои ҳисобҳо ҷарима ё ҳабси маъмурӣ ба муҳлати аз даҳ то понздаҳ шабонарӯз таъин карда мешавад.".
Моддаи 2. Қонуни мазкур пас аз интишори расмии он мавриди амал қарор дода шавад.
Президенти
Ҷумҳурии Тоҷикистон Эмомалӣ Раҳмон
ш. Душанбе,
аз 20 июни соли 2024, № 2051
Закон Республики Таджикистан
О ВНЕСЕНИИ ИЗМЕНЕНИЙ В КОДЕКС РЕСПУБЛИКИ ТАДЖИКИСТАН ОБ АДМИНИСТРАТИВНЫХ ПРАВОНАРУШЕНИЯХ
Принят постановлением МН МОРТ
от 8 мая 2024 года №1309
Одобрен постановлением ММ МОРТ
от 19 июня 2024 года №489
Статья 1. Внести в Кодекс Республики Таджикистан об административных правонарушениях, принятый Законом Республики Таджикистан от 31 декабря 2008 года (Ахбори Маджлиси Оли Республики Таджикистан, 2008 г., № 12, ч. 1, ст. 989, ст. 990; 2009 г., № 5, ст. 321, № 9-10, ст. 543; 2010 г., № 1, ст. 2, ст. 5, № 3, ст.153, № 7, ст. 547, № 12, ч. 1, ст. 812; 2011 г., № 6, ст. 430, ст. 431, № 7-8, ст. 610, № 12, ст. 838; 2012 г., № 4, ст. 256, № 7, ст. 685, ст. 693, № 8, ст. 814, № 12, ч. 1, ст. 1004; 2013 г., № 3, ст. 181, № 7, ст. 508; 2014 г., №3, ст. 143, ст. 144, № 7, ч. 1, ст. 389, ст. 390; 2015 г., № 3, ст. 201, № 7-9, ст. 707, ст. 708, № 11, ст. 955, № 12, ч. 1, ст. 1108; 2016 г., № 3, ст. 130, ст. 131, ст. 132, № 5, ст. 359, ст. 361, № 7, ст. 613, ст. 614, № 11, ст. 877; 2017 г., № 1-2, ст. 5, ст. 6, № 5, ч. 1, ст. 275, № 7-9, ст. 568, ст. 585; 2018 г., №1, ст. 9, № 5, ст. 268, ст. 269; 2019 г., № 1, ст. 8, № 6, ст. 312, ст. 313, № 7, ст. 464; 2020 г., № 1, ст. 6, № 7-9, ст. 604, ст. 606, ст. 621, № 12, ст. 900, ст. 901; 2021 г., № 6, ст. 384, ст. 385, № 12, ч. 2, ст. 686, ст. 687, ст. 688, ст. 689; 2022 г., № 1-3, ст. 12, № 7, ст. 443, № 12, ч. 2, ст. 768; 2023 г., № 4-6, ст. 155, №11, ст. 459; 2024 г., № 1-2, ст. 3, ст. 4), следующие изменения:
1. Во всем тексте слова "признаков преступления" и "признака преступления" заменить соответственно словами "признаков состава преступления" и "признака состава преступления".
2. Статью 90 изложить в следующей редакции:
"Статья 90. Неисполнение обязанностей по обучению и воспитанию ребенка
1. Не вовлечение ребёнка к общему среднему образованию без уважительных причин более пятидесяти часов в одной четверти учебного года родителем, опекуном, попечителем, лицами, воспитывающими ребёнка на основании договора, иным законным представителем ребёнка, а также иным физическим лицом, на воспитании которого ребёнок фактически находится,
влечет наложение штрафа в размере от десяти до двенадцати показателей для расчётов.
2. Не предотвращение лицами, предусмотренных в части 1 настоящей статьи следующих действий ребенка:
- распространение материалов террористического, экстремистского, радикального, сепаратистского, порнографического и насильственного характера;
- посещение развлекательных центров или центров предоставления компьютерных игр в запрещённое законодательством Республики Таджикистан времени;
- повреждение зданий и сооружений, оград, надгробных камней, памятников, бюстов, украшений, установленных на кладбищах и историко-культурных местах;
- приносить с собой в образовательное учреждение табачные изделия, алкоголь, наркотические средства, психотропные вещества, сильнодействующий или другие одурманивающие вещества, запрещенные инструменты и вещества и колюще-режущие предметы, а также их ношения с собой, -
влечет наложение штрафа в размере от пятнадцати до двадцати показателей для расчётов.
3. Применение насилия в отношении ребенка лицами, указанными в части 1 настоящей статьи и работникам образовательного или воспитательного учреждения в процессе обучения и воспитания, а также неосуществление контроля над ребенком, в результате которого с его стороны применяется насилие в отношении других лиц, при отсутствии признаков состава преступления, -
влечет наложение штрафа в размере от двадцати до двадцати пяти показателей для расчётов.
4. Повторное совершение действий, предусмотренных частями 1 и 2 настоящей статьи, в течение одного года после наложения административного взыскания, -
влечет наложение штрафа в размере от тридцати до тридцати пяти показателей для расчётов.
5. Повторное совершение действий, предусмотренных частью 3 настоящей статьи, в течение одного года после наложения административного взыскания, при отсутствии признаков состава преступления, -
влечет наложение штрафа от сорока до сорока пяти показателей для расчётов или административный арест на срок от пяти до пятнадцати суток".
3. Статью 464(1) изложить в следующей редакции:
"Статья 464(1). Допуск ребенка в развлекательные центры и центры предоставления компьютерных игр
1. Допуск ребенка на посещение развлекательных центров (ночных клубов, дискоклубов, букмекерских контор и азартных игровых центров), а также центров предоставления компьютерных игр в запрещенное законодательством Республики Таджикистан времени физическими лицами, индивидуальными предпринимателями и юридическими лицами, -
влечет наложение штрафа на физических лиц в размере от ста до ста двадцати, на индивидуальных предпринимателей от ста восьмидесяти до двухсот и на юридических лиц в размере от двухсот пятидесяти до трехсот показателей для расчетов.
2. Повторное совершение действий, предусмотренных частью 1 настоящей статьи, в течение одного года после наложения административного взыскания, -
влечет наложение штрафа на физических лиц от ста тридцати до ста пятидесяти, на индивидуальных предпринимателей от двухсот двадцати до двухсот пятидесяти и на юридических лиц в размере от четырехсот до пятисот показателей для расчетов.".
4. Статью 481 изложить в следующей редакции:
"Статья 481. Несоблюдение требований законодательства Республики Таджикистан об упорядочении торжеств и обрядов
1. Не уведомления местных постоянных комиссий по упорядочению торжеств и обрядов о проведении церемоний бракосочетания и обрядов траура, а также за осыпание деньгами в торжествах и мероприятиях,
влечет наложение штрафа в размере десяти показателей для расчетов.
2. Проведение запрещенных мероприятий, нарушение порядка проведения мероприятий дня рождения, обряда обрезания, других церемоний, связанных с рождением ребенка, траура и мавлудхони, -
влечет наложение штрафа на физических лиц в размере ста двадцати и на должностных лиц в размере трехсот пятидесяти показателей для расчетов.
3. Нарушение требований законодательства о проведении церемоний бракосочетания, в том числе несоблюдение количества приглашенных, времени и продолжительности проведения торжества и обрядов, -
влечет наложение штрафа на физических лиц в размере двухсот двадцати и на должностных лиц в размере пятьсот пятидесяти показателей для расчетов.
4. Нарушение порядка проведения торжеств и обрядов, в том числе в отношении количества приглашенных, и времени проведения свадеб и мероприятий физическими и юридическими лицами (артистами, ресторанами, кафе, столовыми и свадебными залами), -
влечет наложение штрафа на физических лиц в размере трехсот и на юридических лиц в размере одной тысячи пятисот показателей для расчетов.
5. Несоблюдение порядка проведения мероприятий проводов и встреч по случаю совершения хаджа и умры (вне кругу семьи), организация мероприятий хочизиёрат, хочиталбон, хочиоши и других мероприятий по случаю хаджа или умры, а также раздача подарков, праздничное украшение дворов, улиц и автомобилей по случаю хаджа или умры, -
влечет наложение штрафа на физических лиц в размере трехсот и на должностных лиц в размере восемьсот показателей для расчетов.
6. За повторное совершение в течение одного года после наложения административного взыскания действий, предусмотренных частями 2, 3, 4 и 5 настоящей статьи, за исключением действий и лиц, указанных в частях 7 и 8 настоящей статьи, -
влечет наложение штрафа на физических лиц в размере одной тысячи, на должностных лиц в размере одной тысячи двухсот и на юридических лиц в размере двух тысячи пятисот показателей для расчетов.
7. Грубое нарушение или нарушение требований законодательства об упорядочении торжеств и обрядов в условиях чрезвычайных ситуаций, пандемии инфекционных заболеваний, условиях чрезвычайных ситуаций природного и техногенного характера, -
влечет наложение штрафа на физических лиц в размере одной тысячи двухсот, на должностных лиц в размере одной тысячи пятисот и на юридических лиц в размере трех тысячи показателей для расчетов.
8. Совершение действий, предусмотренных частями 2, 3 и 5 настоящей статьи индивидуальным предпринимателем, учредителем или руководителем коммерческой организации, сархатибом, имомхатибом, имамом мечети пятикратного моления, неофициальным религиозным служителем, председателем махаллы и другим руководителем органа общественной самодеятельности, а также грубое нарушение или нарушение требований законодательства об упорядочении торжеств и обрядов в условиях чрезвычайных ситуаций, пандемии инфекционных заболеваний, условиях чрезвычайных ситуаций природного и техногенного характера указанными лицами, -
влечет наложение штрафа в размере одной тысячи пятисот показателей для расчетов.".
5. Статью 482 изложить в следующей редакции:
"Статью 482. Занятие колдовством и гаданием
Занятие колдовством и гаданием, -
влечёт наложение штрафа на физических лиц в размере от восьмидесяти до ста показателей для расчетов или административным арестом на срок от десяти до пятнадцати суток.".
Статья 2. Настоящий Закон ввести в действие после его официального опубликования.
Президент
Республики Таджикистан Эмомали Рахмон
г.Душанбе
20 июня 2024 года №2051
