Замима ба қарори Ҳукумати Ҷумҳурии Тоҷикистон аз 28 марти соли 2024, № 174
Тартиби назорат, муоина ва ташхиси роҳҳои автомобилгард
1. МУҚАРРАРОТИ УМУМӢ
1.Тартиби назорат, муоина ва ташхиси роҳҳои автомобилгард (минбаъд - Тартиб) гузарондани корҳои назорат, муоина ва ташхиси роҳҳои автомобилгарди истифодаи умумро муайян мекунад. Гузарондани корҳои назорат, муоина ва ташхиси роҳҳои автомобилгарди истифодаи ғайриумумро соҳибони ин намуд роҳҳои автомобилгард амалӣ менамоянд.
2. Тартиби мазкур барои ташкилотҳои роҳдорие, ки бо таъмир ва нигоҳдории роҳҳо машғуланд, инчунин барои ташкилотҳое татбиқ мегардад, ки азназаргузаронӣ ва баҳодиҳии ҳолати роҳҳоро анҷом медиҳанд.
3. Тартиби назорат, муоина ва ташхиси роҳҳои автомобилгард дар асоси меъёрҳои сохтмонии идоравӣ таҳия гардида, ба сифати дастурамал барои гузаронидани назорат, муоина ва ташхиси роҳҳои автомобилгарди истифодаи умум ва ба нақша гирифтани корҳои таъмири роҳ пешбинӣ мегардад.
4. Тартиб иҷрои корҳоро оид ба гузарондани ташхис ва арзёбии ҳолати роҳҳо, татбиқи методологияи баҳодиҳии ҳар як нишондиҳандаи ҳолати роҳ ва ташаккули махзани маълумот, принсипҳои банақшагирӣ ва арзёбии самаранокии таъмири роҳҳоро аз рӯйи натиҷаҳои ташхис дар шакли тасдиқӣ баррасӣ мекунад.
5. Дар Тартиби мазкур мафҳумҳои асосии зерин истифода мешаванд:
- ташхиси роҳҳои автомобилгард - муоина, ҷамъоварӣ ва таҳлили маълумот дар бораи нишондиҳандаҳо, хусусиятҳо ва шароити фаъолияти роҳҳо ва иншооти роҳ, мавҷудияти нуқсонҳо ва сабабҳои пайдоиши онҳо, хусусиятҳои ҷараёни ҳаракати нақлиёт ва иттилооти дигаре, ки барои баҳодиҳӣ ва арзёбӣ дар вақти истифодабарии минбаъда заруранд;
- арзёбии ҳолати нақлиётию истифодабарӣ - муайян кардани дараҷаи мутобиқат ба талаботи меъёрии хусусиятҳои воқеии истеъмолии роҳҳо, андозаҳо ва тавсифи асосии онҳо;
- дараҷаи техникии роҳ - дараҷаи мутобиқат ба талаботи меъёрии андозаҳо ва хусусиятҳои доимии геометрии роҳ ва иншооти муҳандисии он;
- ҳолати нақлиётию истифодабарии роҳи автомобилгард - маҷмуи арзишҳои воқеии андозаҳо ва хусусиятҳои сатҳи техникӣ ва ҳолати истифодабарӣ ҳангоми тадқиқот ва арзёбӣ, ки хосиятҳои истеъмолии онро таъмин мекунанд;
- хусусиятҳои техникию истифодабарии роҳ - хусусиятҳои эътимоднокӣ ва самаранокии роҳ ҳамчун иншооти муҳандисӣ, ки мустаҳкамии фарш, ҳамворӣ, ноҳамворӣ, часпидани пӯшишҳо ва устувории хокро дар бар мегирад.
2. МАҚСАДИ АСОСИИ МУОИНА ВА ТАШХИСИ РОҲҲОИ АВТОМОБИЛГАРД
6. Маводи муоина ва ташхиси роҳ заминаи ибтидоии таҳияи лоиҳаи ҳуҷҷатҳои лоиҳавию харҷномавӣ барои таъмир ё таҷдиди роҳҳо ва иншооти роҳ мебошад.
7. Муоина ва ташхиси роҳҳои автомобилгард аз ҷониби соҳибони роҳҳои автомобилгард ташкил ва гузаронда мешаванд.
8. Ҳадафҳои асосии муоина ва ташхиси роҳҳои автомобилгард аз инҳо иборатанд:
- муайян кардани ҳолати нақлиётию истифодабарии роҳҳои автомобилгард;
- асосноккунии ба мақсад мувофиқ будани таъмир ё таҷдиди роҳҳои автомобилгард;
- муайян намудани ҳаҷми маблағҳое, ки барои мутобиқ кардани нишондиҳандаҳои нақлиётию истифодабарии роҳҳои автомобилгард то ба талаботи муқарраршуда заруранд;
- таҳияи барномаи корҳо оид ба таъмир ва таҷдиди роҳҳои автомобилгард барои давраи банақшагирифташуда.
3. НАЗОРАТИ ИСТИФОДАБАРИИ ҲОЛАТИ РОҲҲОИ АВТОМОБИЛГАРД
9. Тартиби амалӣ намудани назорати истифодабарии ҳолати роҳҳои автомобилгард тартиби умумии амалисозии назорати ҳолати истифодабарии ҳолати роҳҳои автомобилгарди истифодаи умумро муайян мекунад.
10. Назорати ҳолати нақлиётию истифодабарӣ роҳҳои автомобилгард аз ҷониби Вазорати нақлиёти Ҷумҳурии Тоҷикистон, мақомоти иҷроияи маҳаллии ҳокимияти давлатӣ ва Раёсати бозрасии давлатии автомобилии Вазорати корҳои дохилии Ҷумҳурии Тоҷикистон (минбаъд - мақомоти назоратӣ) дар доираи ваколати онҳо амалӣ карда мешавад.
11. Ҳадафҳои асосии назорат аз инҳо иборатанд:
- гирифтани маълумоти объективӣ оид ба ҳолати нақлиётию истифодабарӣ ва хусусиятҳои техникию истифодабарии шабакаи роҳҳои автомобилгард;
- баланд бардоштани самаранокии корҳои нигоҳдории роҳҳои автомобилгард;
- баланд бардоштани масъулияти шахсии роҳбарон ва кормандони ташкилотҳое, ки корҳои нигоҳдории роҳи автомобилгардро амалӣ мекунанд.
12. Мақомоти назоратие, ки назорати ҳолати нақлиётию истифодабарии роҳҳои автомобилгардро амалӣ менамоянд, ҳуқуқ доранд аз ташкилотҳои давлатии нигоҳдории роҳҳои автомобилгард пешниҳоди ҳуҷҷатҳои барои назорат заруриро талаб карда, ба шахсони мансабдори ташкилотҳои давлатии хоҷагии роҳҳое, ки корҳои нигоҳдории роҳҳоро иҷро менамоянд, ҷиҳати бартараф намудани камбудиҳои ба бехатарии ҳаракат дар роҳ таҳдидкунанда дастурҳои дахлдор диҳанд.
4. МУОИНА ВА ТАШХИСИ РОҲҲОИ АВТОМОБИЛГАРДИ ДОРОИ АҲАМИЯТИ БАЙНАЛМИЛАЛӢ, ҶУМҲУРИЯВӢ ВА МАҲАЛЛӢ
13. Муоинаи роҳҳои автомобилгарди дорои аҳаммияти байналмилалӣ, ҷумҳуриявӣ ва маҳаллӣ аз тарафи комиссияи аз ҷониби Вазорати нақлиёти Ҷумҳурии Тоҷикистон таъсис додашаванда гузаронида мешавад. Ба ҳайати комиссия намояндагони Вазорати нақлиёти Ҷумҳурии Тоҷикистон, ташкилотҳои давлатии нигоҳдории роҳҳои автомобилгард, Раёсати бозрасии давлатии автомобилии Вазорати корҳои дохилии Ҷумҳурии Тоҷикистон ва ташкилотҳои давлатии идораи хоҷагии роҳҳои автомобилгарди вилояту минтақаҳо ҷалб карда мешаванд.
14. Муоина ва ташхиси иншооти сунъӣ дар роҳҳои автомобилгард мутобиқи меъёру қоидаҳои сохтмонӣ ва санадҳои меъёрии ҳуқуқии дигари техникӣ амалӣ карда мешаванд.
15. Соҳибони роҳҳои автомобилгард уҳдадоранд ба ташкилотҳое, ки муоина ва ташхиси роҳҳои автомобилгардро мегузаронанд, ҳуҷҷатҳои қайди техникӣ ва шиносномаи роҳҳои автомобилгард, инчунин ҳуҷҷатҳои дигарро оид ба тағйир додани андозаҳои асосӣ ва хусусиятҳои роҳҳои автомобилгарди дар тавозунашонбуда пешниҳод намоянд.
16. Натиҷа (санад) - и муоина ва ташхиси роҳҳои автомобилгарди дорои аҳаммияти байналмилалӣ ва ҷумҳуриявидошта ба Вазорати нақлиёти Ҷумҳурии Тоҷикистон пешниҳод мегардад.
17. Муоинаи роҳҳои автомобилгард ва иншооти роҳ рукни асосии низоми идоракунии рушд ва такмили шабакаи роҳҳо, баланд бардоштани нишондиҳандаҳои нақлиётию истифодабарӣ ва эътимоднокии ҳар роҳ ва шабакаи роҳҳои автомобилгард буда, барои самаранок истифода бурдани маблағу дороиҳои моддии барои рушди шабакаи роҳҳо равонашаванда замина ба вуҷуд меоварад.
5. МУОИНАИ КӯЧАҲО ВА РОҲҲОИ ШАҲРҲО
18. Муоинаи шабакаи кӯчаҳо ва роҳҳои шаҳрҳо ва маҳалҳои аҳолинишин, новобаста аз шакли моликияташон, аз ҷониби комиссияи таъсисдодаи мақомоти иҷроияи маҳаллии ҳокимияти давлатии шаҳру ноҳияҳо гузаронда мешавад. Ба ҳайати комиссияҳо намояндагони мақомоти иҷроияи ҳокимияти давлатии шаҳру ноҳияҳо, шуъбаи бозрасии давлатии автомобилӣ, корхонаҳои маъмурӣ - коммуналӣ, ташкилотҳои роҳдорӣ ва ташкилотҳои нақлиёти автомобилӣ дохил мешаванд.
19. Ҳангоми омодагӣ ба муоинаи роҳҳо маълумоти зерини санади санҷишию назоратӣ доир ба роҳи баррасишаванда омӯхта мешавад:
- шиносномаи техникии роҳ;
- нақшаҳои ҷойгиршавии аломатҳои роҳ, нишонаҳои роҳ ва шиносномаҳои чароғакҳои роҳнамо;
- маълумоти омории садамаҳо;
- нақшаҳои кори ташкилотҳои давлатии нигоҳдории роҳҳои автомобилгард, хоҷагии манзилию коммуналӣ оид ба таъмини бехатарии ҳаракат дар роҳ;
- нақшаҳои ташкили ҳаракат дар роҳ (барои шабакаҳои кӯчаю роҳҳои маҳалҳои аҳолинишин).
20. Ҳангоми муоинаи роҳҳо ба нишондодҳои зерин диққати ҷиддӣ дода мешавад:
- ҳолати роҳи мошингард, канораи роҳ, пиёдароҳаҳо, гузаргоҳҳои пиёдагардон ва роҳҳои дучархаронҳо;
- таъмини биниш дар гардишҳо ва нақшаи амудӣ, дар бурришҳо ва пайвастшавии роҳҳо;
- ҳолат ва муҷаҳҳазии гузаргоҳҳои роҳи оҳан, истгоҳҳои нақлиёти ҷамъиятӣ;
- ҳолати фарши роҳ, пиёдароҳаҳо, роҳравҳо, роҳҳои таворавӣ, низоми ҳавотозакунӣ, рӯшноидиҳӣ ва обпартоҳо дар иншооти сунъӣ (пулҳо, пулҳои болои роҳҳо, нақбҳо ва ғайра);
- таҷҳизонидани гузаргоҳҳо барои пиёдагардон бо воситаҳои техникии ташкили ҳаракат дар роҳ;
- ҳолати рӯшноидиҳандаҳои сунъӣ дар ҷойҳои убури роҳҳои гуногунсатҳ, дар қитъаҳои роҳи аз маҳалҳои аҳолинишин убуршаванда, дар истгоҳҳои нақлиёти ҷамъиятӣ ва ғайра;
- ҷойгиршавии иншооти соҳаи хизматрасониву савдо ва реклама дар шафати шабакаҳои кӯчаю роҳҳо;
- ҳолати техникии аломатҳои роҳ, нишонаҳои роҳ ва иншооти чароғакҳои роҳнамо, мутобиқати онҳо ба талаботи ҳуҷҷатҳои меъёрӣ;
- низоми таъмини иттилоотии ронандагон (хатсайр ва иттилооти хизматрасонӣ);
- ҳолати таваққуфгоҳҳо ва майдончаҳои истироҳат.
21. Ҳангоми муоинаи кӯчаҳо ва роҳҳои шаҳрҳо, инчунин риояи талаботи зерин санҷида мешавад:
- ҳолати сарпӯшҳои чоҳҳои зеризаминӣ (баланд ё паст ҷойгир шудани сарпӯш нисбат ба сатҳи роҳи мошингард, фарсуда шудани фарши роҳи гирду атрофи сарпӯш ва монанди инҳо);
- ташкил намудани таваққуфгоҳҳо дар назди бозорҳо, марказҳои фарҳангӣ, савдо ва варзиш, биноҳои маъмурӣ, ташкилотҳои таълимӣ ва ғайра;
- ҷиҳозонидан ва танзими хатсайрҳои нақлиёти ҷамъиятӣ (автобусҳо, троллейбусҳо);
- низоми ҳамроҳӣ кардани ронандагон дар хатсайр, аз ҷумла барои ҳамлу нақли бор, махсусан барои автомашинаҳои боркаши байналмилалӣ.
22. Аз рӯйи натиҷаҳои муоинаи роҳҳо ҳуҷҷатҳои зерин омода карда мешаванд:
- санаде, ки дар он намуд ва ҳаҷми кор оид ба беҳтар намудани шароити роҳ ва ислоҳи камбудиҳои ошкоршуда, муҳлати иҷрои онҳо, иҷрокунандагони мушаххас нишон дода мешаванд;
- пешниҳод оид ба ворид намудани тағйирот ба макони ҷойгиршавии воситаҳои техникии ташкили ҳаракат дар роҳ.
23. Вобаста ба камбудиҳои дар кӯчаҳо ва роҳҳо, инчунин иншоотҳои онҳо ошкоргардида мақоми ваколатдори давлатӣ дар соҳаи бехатарии ҳаракат дар роҳ ба шахсони мансабдори ташкилотҳои роҳдорию коммуналӣ ва ташкилотҳое, ки соҳибони роҳҳои автомобилгарди музднок мебошанд, амрномаҳо медиҳад.
24. Муоинаи назоратӣ аз ҷониби мақоми ваколатдори давлатӣ дар соҳаи бехатарии ҳаракат дар роҳ аз рӯйи зарурат гузаронида мешавад. Дар ҷараёни муоинаи назоратӣ иҷрои корҳое, ки дар ҳуҷҷатҳои муоинаи роҳҳо натиҷагирӣ шудааст, инчунин корҳое, ки дар амрномаҳои қаблан додашуда қайд гардидаанд, санҷида шуда, сабабҳои иҷро нашудани онҳо муайян карда мешаванд.
6. МУОИНАИ МАХСУСИ РОҲҲОИ АВТОМОБИЛГАРД ВА ГУЗАРГОҲҲОИ РОҲИ ОҲАН
25. Ба муоинаи махсуси роҳҳо автомобилгард ва гузаргоҳҳои роҳи оҳан дохил мешаванд:
- санҷиши рафти омодагии ташкилотҳои роҳдорию коммуналӣ барои истифодабарии роҳ дар мавсими тирамоҳу зимистон;
- муоинаи ҳолати гузаргоҳҳои роҳи оҳан.
26. Муоинаи махсуси гузаргоҳҳои роҳи оҳан аз ҷониби комиссияи таъсисдодаи Вазорати нақлиёти Ҷумҳурии Тоҷикистон гузаронида мешавад. Ба ҳайати комиссияи намояндагони Вазорати нақлиёти Ҷумҳурии Тоҷикистон, Раёсати бозрасии давлатии автомобилии Вазорати корҳои дохилии Ҷумҳурии Тоҷикистон, роҳбарони қитъаҳои роҳи оҳан, қитъаҳои сигнализатсия ва алоқа, нуқтаҳои таъминоти барқ, ташкилотҳои давлатии нигоҳдории роҳҳо дохил мешаванд.
27. Ҳангоми муоинаи ҳолати гузаргоҳҳои роҳи оҳан ба шартҳои зерин бояд диққати асосӣ дода шавад:
- мутобиқати категорияи гузаргоҳҳои роҳи оҳан ба ташкили ҳаракат дар роҳ;
- унсурҳои геометрии роҳ дар мавқеи наздик шудан ба гузаргоҳ;
- муҷаҳҳаз будани гузаргоҳ бо аломатҳои роҳ, сигналҳои овоздор ва беовоз (рӯшноидиҳанда), самти гардиш, мино, рӯшноии сунъӣ, чароғаки роҳнамо ва ғавчӯбҳо;
- мавҷуд будани гузаргоҳҳо барои пиёдагардон дар гузаргоҳ;
- мавҷуд будани аломатҳои роҳ дар роҳ то наздик шудан ба мавзеи гузаргоҳ.
28. Аз рӯйи натиҷаҳои санҷиш ҳуҷҷатҳои зерин омода карда мешаванд:
- санаде, ки дар он намуд ва ҳаҷми корҳо оид ба бартараф намудани камбудиҳои ошкоргардида, муҳлати иҷрои онҳо, иҷрокунандагони мушаххас дарҷ карда мешаванд;
- амрномаи мақоми ваколатдори давлатӣ дар соҳаи бехатарии ҳаракат дар роҳ ба шахсони мансабдор оид ба камбудиҳои дар нигоҳдории гузаргоҳҳо ва баромадгоҳҳо ҷойдошта;
- варақа барои ҳар як гузаргоҳи роҳи оҳан, ки дар парвандаи санҷишию назоратӣ нигоҳ дошта шуда, барои назорати иҷрои чорабиниҳо оид ба таъмини бехатарии ҳаракат дар роҳ истифода мегардад.
7. МУҚАРРАРОТИ ХОТИМАВӢ
29. Барои риоя накардани муқаррароти Тартиби мазкур шахсони воқеӣ ва ҳуқуқӣ тибқи қонунгузории Ҷумҳурии Тоҷикистон масъул мебошанд.
Замима ба қарори Ҳукумати Ҷумҳурии Тоҷикистон аз 28 марти соли 2024, № 174
Тартиби назорат, муоина ва ташхиси роҳҳои автомобилгард
1. МУҚАРРАРОТИ УМУМӢ
1.Тартиби назорат, муоина ва ташхиси роҳҳои автомобилгард (минбаъд - Тартиб) гузарондани корҳои назорат, муоина ва ташхиси роҳҳои автомобилгарди истифодаи умумро муайян мекунад. Гузарондани корҳои назорат, муоина ва ташхиси роҳҳои автомобилгарди истифодаи ғайриумумро соҳибони ин намуд роҳҳои автомобилгард амалӣ менамоянд.
2. Тартиби мазкур барои ташкилотҳои роҳдорие, ки бо таъмир ва нигоҳдории роҳҳо машғуланд, инчунин барои ташкилотҳое татбиқ мегардад, ки азназаргузаронӣ ва баҳодиҳии ҳолати роҳҳоро анҷом медиҳанд.
3. Тартиби назорат, муоина ва ташхиси роҳҳои автомобилгард дар асоси меъёрҳои сохтмонии идоравӣ таҳия гардида, ба сифати дастурамал барои гузаронидани назорат, муоина ва ташхиси роҳҳои автомобилгарди истифодаи умум ва ба нақша гирифтани корҳои таъмири роҳ пешбинӣ мегардад.
4. Тартиб иҷрои корҳоро оид ба гузарондани ташхис ва арзёбии ҳолати роҳҳо, татбиқи методологияи баҳодиҳии ҳар як нишондиҳандаи ҳолати роҳ ва ташаккули махзани маълумот, принсипҳои банақшагирӣ ва арзёбии самаранокии таъмири роҳҳоро аз рӯйи натиҷаҳои ташхис дар шакли тасдиқӣ баррасӣ мекунад.
5. Дар Тартиби мазкур мафҳумҳои асосии зерин истифода мешаванд:
- ташхиси роҳҳои автомобилгард - муоина, ҷамъоварӣ ва таҳлили маълумот дар бораи нишондиҳандаҳо, хусусиятҳо ва шароити фаъолияти роҳҳо ва иншооти роҳ, мавҷудияти нуқсонҳо ва сабабҳои пайдоиши онҳо, хусусиятҳои ҷараёни ҳаракати нақлиёт ва иттилооти дигаре, ки барои баҳодиҳӣ ва арзёбӣ дар вақти истифодабарии минбаъда заруранд;
- арзёбии ҳолати нақлиётию истифодабарӣ - муайян кардани дараҷаи мутобиқат ба талаботи меъёрии хусусиятҳои воқеии истеъмолии роҳҳо, андозаҳо ва тавсифи асосии онҳо;
- дараҷаи техникии роҳ - дараҷаи мутобиқат ба талаботи меъёрии андозаҳо ва хусусиятҳои доимии геометрии роҳ ва иншооти муҳандисии он;
- ҳолати нақлиётию истифодабарии роҳи автомобилгард - маҷмуи арзишҳои воқеии андозаҳо ва хусусиятҳои сатҳи техникӣ ва ҳолати истифодабарӣ ҳангоми тадқиқот ва арзёбӣ, ки хосиятҳои истеъмолии онро таъмин мекунанд;
- хусусиятҳои техникию истифодабарии роҳ - хусусиятҳои эътимоднокӣ ва самаранокии роҳ ҳамчун иншооти муҳандисӣ, ки мустаҳкамии фарш, ҳамворӣ, ноҳамворӣ, часпидани пӯшишҳо ва устувории хокро дар бар мегирад.
2. МАҚСАДИ АСОСИИ МУОИНА ВА ТАШХИСИ РОҲҲОИ АВТОМОБИЛГАРД
6. Маводи муоина ва ташхиси роҳ заминаи ибтидоии таҳияи лоиҳаи ҳуҷҷатҳои лоиҳавию харҷномавӣ барои таъмир ё таҷдиди роҳҳо ва иншооти роҳ мебошад.
7. Муоина ва ташхиси роҳҳои автомобилгард аз ҷониби соҳибони роҳҳои автомобилгард ташкил ва гузаронда мешаванд.
8. Ҳадафҳои асосии муоина ва ташхиси роҳҳои автомобилгард аз инҳо иборатанд:
- муайян кардани ҳолати нақлиётию истифодабарии роҳҳои автомобилгард;
- асосноккунии ба мақсад мувофиқ будани таъмир ё таҷдиди роҳҳои автомобилгард;
- муайян намудани ҳаҷми маблағҳое, ки барои мутобиқ кардани нишондиҳандаҳои нақлиётию истифодабарии роҳҳои автомобилгард то ба талаботи муқарраршуда заруранд;
- таҳияи барномаи корҳо оид ба таъмир ва таҷдиди роҳҳои автомобилгард барои давраи банақшагирифташуда.
3. НАЗОРАТИ ИСТИФОДАБАРИИ ҲОЛАТИ РОҲҲОИ АВТОМОБИЛГАРД
9. Тартиби амалӣ намудани назорати истифодабарии ҳолати роҳҳои автомобилгард тартиби умумии амалисозии назорати ҳолати истифодабарии ҳолати роҳҳои автомобилгарди истифодаи умумро муайян мекунад.
10. Назорати ҳолати нақлиётию истифодабарӣ роҳҳои автомобилгард аз ҷониби Вазорати нақлиёти Ҷумҳурии Тоҷикистон, мақомоти иҷроияи маҳаллии ҳокимияти давлатӣ ва Раёсати бозрасии давлатии автомобилии Вазорати корҳои дохилии Ҷумҳурии Тоҷикистон (минбаъд - мақомоти назоратӣ) дар доираи ваколати онҳо амалӣ карда мешавад.
11. Ҳадафҳои асосии назорат аз инҳо иборатанд:
- гирифтани маълумоти объективӣ оид ба ҳолати нақлиётию истифодабарӣ ва хусусиятҳои техникию истифодабарии шабакаи роҳҳои автомобилгард;
- баланд бардоштани самаранокии корҳои нигоҳдории роҳҳои автомобилгард;
- баланд бардоштани масъулияти шахсии роҳбарон ва кормандони ташкилотҳое, ки корҳои нигоҳдории роҳи автомобилгардро амалӣ мекунанд.
12. Мақомоти назоратие, ки назорати ҳолати нақлиётию истифодабарии роҳҳои автомобилгардро амалӣ менамоянд, ҳуқуқ доранд аз ташкилотҳои давлатии нигоҳдории роҳҳои автомобилгард пешниҳоди ҳуҷҷатҳои барои назорат заруриро талаб карда, ба шахсони мансабдори ташкилотҳои давлатии хоҷагии роҳҳое, ки корҳои нигоҳдории роҳҳоро иҷро менамоянд, ҷиҳати бартараф намудани камбудиҳои ба бехатарии ҳаракат дар роҳ таҳдидкунанда дастурҳои дахлдор диҳанд.
4. МУОИНА ВА ТАШХИСИ РОҲҲОИ АВТОМОБИЛГАРДИ ДОРОИ АҲАМИЯТИ БАЙНАЛМИЛАЛӢ, ҶУМҲУРИЯВӢ ВА МАҲАЛЛӢ
13. Муоинаи роҳҳои автомобилгарди дорои аҳаммияти байналмилалӣ, ҷумҳуриявӣ ва маҳаллӣ аз тарафи комиссияи аз ҷониби Вазорати нақлиёти Ҷумҳурии Тоҷикистон таъсис додашаванда гузаронида мешавад. Ба ҳайати комиссия намояндагони Вазорати нақлиёти Ҷумҳурии Тоҷикистон, ташкилотҳои давлатии нигоҳдории роҳҳои автомобилгард, Раёсати бозрасии давлатии автомобилии Вазорати корҳои дохилии Ҷумҳурии Тоҷикистон ва ташкилотҳои давлатии идораи хоҷагии роҳҳои автомобилгарди вилояту минтақаҳо ҷалб карда мешаванд.
14. Муоина ва ташхиси иншооти сунъӣ дар роҳҳои автомобилгард мутобиқи меъёру қоидаҳои сохтмонӣ ва санадҳои меъёрии ҳуқуқии дигари техникӣ амалӣ карда мешаванд.
15. Соҳибони роҳҳои автомобилгард уҳдадоранд ба ташкилотҳое, ки муоина ва ташхиси роҳҳои автомобилгардро мегузаронанд, ҳуҷҷатҳои қайди техникӣ ва шиносномаи роҳҳои автомобилгард, инчунин ҳуҷҷатҳои дигарро оид ба тағйир додани андозаҳои асосӣ ва хусусиятҳои роҳҳои автомобилгарди дар тавозунашонбуда пешниҳод намоянд.
16. Натиҷа (санад) - и муоина ва ташхиси роҳҳои автомобилгарди дорои аҳаммияти байналмилалӣ ва ҷумҳуриявидошта ба Вазорати нақлиёти Ҷумҳурии Тоҷикистон пешниҳод мегардад.
17. Муоинаи роҳҳои автомобилгард ва иншооти роҳ рукни асосии низоми идоракунии рушд ва такмили шабакаи роҳҳо, баланд бардоштани нишондиҳандаҳои нақлиётию истифодабарӣ ва эътимоднокии ҳар роҳ ва шабакаи роҳҳои автомобилгард буда, барои самаранок истифода бурдани маблағу дороиҳои моддии барои рушди шабакаи роҳҳо равонашаванда замина ба вуҷуд меоварад.
5. МУОИНАИ КӯЧАҲО ВА РОҲҲОИ ШАҲРҲО
18. Муоинаи шабакаи кӯчаҳо ва роҳҳои шаҳрҳо ва маҳалҳои аҳолинишин, новобаста аз шакли моликияташон, аз ҷониби комиссияи таъсисдодаи мақомоти иҷроияи маҳаллии ҳокимияти давлатии шаҳру ноҳияҳо гузаронда мешавад. Ба ҳайати комиссияҳо намояндагони мақомоти иҷроияи ҳокимияти давлатии шаҳру ноҳияҳо, шуъбаи бозрасии давлатии автомобилӣ, корхонаҳои маъмурӣ - коммуналӣ, ташкилотҳои роҳдорӣ ва ташкилотҳои нақлиёти автомобилӣ дохил мешаванд.
19. Ҳангоми омодагӣ ба муоинаи роҳҳо маълумоти зерини санади санҷишию назоратӣ доир ба роҳи баррасишаванда омӯхта мешавад:
- шиносномаи техникии роҳ;
- нақшаҳои ҷойгиршавии аломатҳои роҳ, нишонаҳои роҳ ва шиносномаҳои чароғакҳои роҳнамо;
- маълумоти омории садамаҳо;
- нақшаҳои кори ташкилотҳои давлатии нигоҳдории роҳҳои автомобилгард, хоҷагии манзилию коммуналӣ оид ба таъмини бехатарии ҳаракат дар роҳ;
- нақшаҳои ташкили ҳаракат дар роҳ (барои шабакаҳои кӯчаю роҳҳои маҳалҳои аҳолинишин).
20. Ҳангоми муоинаи роҳҳо ба нишондодҳои зерин диққати ҷиддӣ дода мешавад:
- ҳолати роҳи мошингард, канораи роҳ, пиёдароҳаҳо, гузаргоҳҳои пиёдагардон ва роҳҳои дучархаронҳо;
- таъмини биниш дар гардишҳо ва нақшаи амудӣ, дар бурришҳо ва пайвастшавии роҳҳо;
- ҳолат ва муҷаҳҳазии гузаргоҳҳои роҳи оҳан, истгоҳҳои нақлиёти ҷамъиятӣ;
- ҳолати фарши роҳ, пиёдароҳаҳо, роҳравҳо, роҳҳои таворавӣ, низоми ҳавотозакунӣ, рӯшноидиҳӣ ва обпартоҳо дар иншооти сунъӣ (пулҳо, пулҳои болои роҳҳо, нақбҳо ва ғайра);
- таҷҳизонидани гузаргоҳҳо барои пиёдагардон бо воситаҳои техникии ташкили ҳаракат дар роҳ;
- ҳолати рӯшноидиҳандаҳои сунъӣ дар ҷойҳои убури роҳҳои гуногунсатҳ, дар қитъаҳои роҳи аз маҳалҳои аҳолинишин убуршаванда, дар истгоҳҳои нақлиёти ҷамъиятӣ ва ғайра;
- ҷойгиршавии иншооти соҳаи хизматрасониву савдо ва реклама дар шафати шабакаҳои кӯчаю роҳҳо;
- ҳолати техникии аломатҳои роҳ, нишонаҳои роҳ ва иншооти чароғакҳои роҳнамо, мутобиқати онҳо ба талаботи ҳуҷҷатҳои меъёрӣ;
- низоми таъмини иттилоотии ронандагон (хатсайр ва иттилооти хизматрасонӣ);
- ҳолати таваққуфгоҳҳо ва майдончаҳои истироҳат.
21. Ҳангоми муоинаи кӯчаҳо ва роҳҳои шаҳрҳо, инчунин риояи талаботи зерин санҷида мешавад:
- ҳолати сарпӯшҳои чоҳҳои зеризаминӣ (баланд ё паст ҷойгир шудани сарпӯш нисбат ба сатҳи роҳи мошингард, фарсуда шудани фарши роҳи гирду атрофи сарпӯш ва монанди инҳо);
- ташкил намудани таваққуфгоҳҳо дар назди бозорҳо, марказҳои фарҳангӣ, савдо ва варзиш, биноҳои маъмурӣ, ташкилотҳои таълимӣ ва ғайра;
- ҷиҳозонидан ва танзими хатсайрҳои нақлиёти ҷамъиятӣ (автобусҳо, троллейбусҳо);
- низоми ҳамроҳӣ кардани ронандагон дар хатсайр, аз ҷумла барои ҳамлу нақли бор, махсусан барои автомашинаҳои боркаши байналмилалӣ.
22. Аз рӯйи натиҷаҳои муоинаи роҳҳо ҳуҷҷатҳои зерин омода карда мешаванд:
- санаде, ки дар он намуд ва ҳаҷми кор оид ба беҳтар намудани шароити роҳ ва ислоҳи камбудиҳои ошкоршуда, муҳлати иҷрои онҳо, иҷрокунандагони мушаххас нишон дода мешаванд;
- пешниҳод оид ба ворид намудани тағйирот ба макони ҷойгиршавии воситаҳои техникии ташкили ҳаракат дар роҳ.
23. Вобаста ба камбудиҳои дар кӯчаҳо ва роҳҳо, инчунин иншоотҳои онҳо ошкоргардида мақоми ваколатдори давлатӣ дар соҳаи бехатарии ҳаракат дар роҳ ба шахсони мансабдори ташкилотҳои роҳдорию коммуналӣ ва ташкилотҳое, ки соҳибони роҳҳои автомобилгарди музднок мебошанд, амрномаҳо медиҳад.
24. Муоинаи назоратӣ аз ҷониби мақоми ваколатдори давлатӣ дар соҳаи бехатарии ҳаракат дар роҳ аз рӯйи зарурат гузаронида мешавад. Дар ҷараёни муоинаи назоратӣ иҷрои корҳое, ки дар ҳуҷҷатҳои муоинаи роҳҳо натиҷагирӣ шудааст, инчунин корҳое, ки дар амрномаҳои қаблан додашуда қайд гардидаанд, санҷида шуда, сабабҳои иҷро нашудани онҳо муайян карда мешаванд.
6. МУОИНАИ МАХСУСИ РОҲҲОИ АВТОМОБИЛГАРД ВА ГУЗАРГОҲҲОИ РОҲИ ОҲАН
25. Ба муоинаи махсуси роҳҳо автомобилгард ва гузаргоҳҳои роҳи оҳан дохил мешаванд:
- санҷиши рафти омодагии ташкилотҳои роҳдорию коммуналӣ барои истифодабарии роҳ дар мавсими тирамоҳу зимистон;
- муоинаи ҳолати гузаргоҳҳои роҳи оҳан.
26. Муоинаи махсуси гузаргоҳҳои роҳи оҳан аз ҷониби комиссияи таъсисдодаи Вазорати нақлиёти Ҷумҳурии Тоҷикистон гузаронида мешавад. Ба ҳайати комиссияи намояндагони Вазорати нақлиёти Ҷумҳурии Тоҷикистон, Раёсати бозрасии давлатии автомобилии Вазорати корҳои дохилии Ҷумҳурии Тоҷикистон, роҳбарони қитъаҳои роҳи оҳан, қитъаҳои сигнализатсия ва алоқа, нуқтаҳои таъминоти барқ, ташкилотҳои давлатии нигоҳдории роҳҳо дохил мешаванд.
27. Ҳангоми муоинаи ҳолати гузаргоҳҳои роҳи оҳан ба шартҳои зерин бояд диққати асосӣ дода шавад:
- мутобиқати категорияи гузаргоҳҳои роҳи оҳан ба ташкили ҳаракат дар роҳ;
- унсурҳои геометрии роҳ дар мавқеи наздик шудан ба гузаргоҳ;
- муҷаҳҳаз будани гузаргоҳ бо аломатҳои роҳ, сигналҳои овоздор ва беовоз (рӯшноидиҳанда), самти гардиш, мино, рӯшноии сунъӣ, чароғаки роҳнамо ва ғавчӯбҳо;
- мавҷуд будани гузаргоҳҳо барои пиёдагардон дар гузаргоҳ;
- мавҷуд будани аломатҳои роҳ дар роҳ то наздик шудан ба мавзеи гузаргоҳ.
28. Аз рӯйи натиҷаҳои санҷиш ҳуҷҷатҳои зерин омода карда мешаванд:
- санаде, ки дар он намуд ва ҳаҷми корҳо оид ба бартараф намудани камбудиҳои ошкоргардида, муҳлати иҷрои онҳо, иҷрокунандагони мушаххас дарҷ карда мешаванд;
- амрномаи мақоми ваколатдори давлатӣ дар соҳаи бехатарии ҳаракат дар роҳ ба шахсони мансабдор оид ба камбудиҳои дар нигоҳдории гузаргоҳҳо ва баромадгоҳҳо ҷойдошта;
- варақа барои ҳар як гузаргоҳи роҳи оҳан, ки дар парвандаи санҷишию назоратӣ нигоҳ дошта шуда, барои назорати иҷрои чорабиниҳо оид ба таъмини бехатарии ҳаракат дар роҳ истифода мегардад.
7. МУҚАРРАРОТИ ХОТИМАВӢ
29. Барои риоя накардани муқаррароти Тартиби мазкур шахсони воқеӣ ва ҳуқуқӣ тибқи қонунгузории Ҷумҳурии Тоҷикистон масъул мебошанд.
