ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Ҷоизаи давлатии академик Бобоҷон Ғафуров

Мутобиқи моддаи 17 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Ҷоизаи давлатии академик Бобоҷон Ғафуров таъсис дода шавад.

2. Низомнома ва ҳайати кумитаи Ҷоизаи давлатии академик Бобоҷон Ғафуров тасдиқ карда шаванд (замимаҳои 1 ва 2).

3. Вазорати молияи Ҷумҳурии Тоҷикистон барои пардохти маблағҳои Ҷоизаи мазкур дар соли баргузории озмун барои дарёфти Ҷоиза аз ҳисоби буҷети ҷумҳуриявӣ маблағҳои заруриро ҷудо намояд.

4. Академияи миллии илмҳои Тоҷикистон оид ба иҷрои қарори мазкур тадбирҳои зарурӣ андешад.