ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРУ ИЛОВАҲО БА КОДЕКСИ ТАНДУРУСТИИ ҶУМҲУРИИ ТОҶИКИСТОН

Моддаи 1. Ба Кодекси тандурустии Ҷумҳурии Тоҷикистон аз 30 майи соли 2017 (Ахбори Маҷлиси Олии Ҷумҳурии Тоҷикистон, с. 2017, №5, қ. 1, мод. 270; с. 2021, №1-2, мод. 12) тағйиру иловаҳои зерин ворид карда шаванд:

1. Дар моддаи 1:

- аз сархати ҳафтум калимаҳои "тавассути ширкатҳои фарматсевтӣ ва ё намояндагии онҳо" хориҷ ва калимаҳои "мутахассисони соҳаи тандурустӣ" ба калимаи "онҳо" иваз карда шаванд;

- сархати наваду ҳафтум бо мазмуни зерин илова карда шавад:

"- фаъолияти тиббӣ - фаъолияти касбӣ оид ба расондани кумаки тиббӣ, гузарондани экспертизаи тиббӣ, муоинаи тиббӣ, шаҳодаткунонии тиббӣ, чорабиниҳои санитарӣ-зиддиэпидемикӣ ва фаъолияти касбии ба пайвандсозии узв ва (ё) бофтаҳо, гардиши хуни донорӣ ва (ё) ҷузъҳои он алоқаманд бо мақсадҳои тиббӣ;".

2. Дар сархати сеюми моддаи 6 калимаи "лоиҳаҳои" ба калимаи "лоиҳаи" иваз карда шавад.

3. Дар моддаи 40:

- дар номи модда калимаҳои "гирифтани товони" ба калимаи "ҷуброни" иваз карда шаванд;

- дар матни модда калимаҳои "гирифтани товони зарар" ба калимаҳои "ҷуброни зараре, ки ба саломатии онҳо расонда шудааст" иваз карда шаванд.

4. Дар моддаи 48:

- дар сархати чоруми қисми 1 калимаи "пардохти" ба калимаи "ҷуброни" иваз карда шавад;

- дар қисми 2:

- дар сархати ҳаштум аломати нуқта ба аломати нуқтавергул ";" иваз карда шавад;

- сархати нуҳум бо мазмуни зерин илова карда шавад:

"- барои дастрас намудани дору аз дорухонаи мушаххас тавсия диҳанд.".

Моддаи 2. Қонуни мазкур пас аз интишори расмӣ мавриди амал қарор дода шавад.