ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРОТ БА ҚОНУНИ ҶУМҲУРИИ ТОҶИКИСТОН "ДАР БОРАИ ИХТИРОЪ"

Моддаи 1. Ба Қонуни Ҷумҳурии Тоҷикистон "Дар бораи ихтироъ" аз 28 феврали соли 2004 (Ахбори Маҷлиси Олии Ҷумҳурии Тоҷикистон, с. 2004, №2, мод. 49; с. 2012, №7, мод. 707; с. 2013, №3, мод. 199; с. 2016, №11, мод. 888; с. 2019, №1, мод. 15) тағйироти зерин ворид карда шаванд:

1. Дар қисми панҷуми моддаи 12, қисми якуми моддаи 19 ва қисмҳои шашум ва ҳафтуми моддаи 27 калимаҳои "пардохти боҷ" ва "боҷ" ба калимаи "пардохт" иваз карда шаванд.

2. Дар қисми ёздаҳуми моддаи 20, қисми ёздаҳуми моддаи 21 ва қисми якуми моддаи 34 калимаҳои "пардохта шудани боҷи" ва "пардохти боҷи" ба калимаи "пардохти" иваз карда шаванд.

3. Дар моддаи 25 калимаҳои "пардохта шудани боҷ", "пардохти боҷ", "пардохти боҷи" ва "пардохтани боҷро" мувофиқан ба калимаҳои "пардохт", "пардохт", "пардохти" ва "пардохтро" иваз карда шаванд.

4. Дар сархати сеюми қисми якуми моддаи 33 калимаҳои "напардохтани боҷи" ба калимаҳои "насупоридани пардохти" иваз карда шаванд.

5. Дар моддаи 39:

- номи модда дар таҳрири зерин ифода карда шавад:

"Моддаи 39. Пардохтҳо";

- дар матни модда калимаҳои "боҷ", "пардохтҳои корбарӣ", "пардохтҳои корбариро" ва "Боҷ ва пардохтҳои корбариро" мувофиқан ба калимаҳои "пардохт", "пардохт", "пардохтро" ва "Пардохтро" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.