ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Тартиби муқаррар кардани давраҳои иштироки бевоситаи хизматчиёни ҳарбӣ, кормандон ва мутахассисони мақомоти дахлдори давлатӣ дар амалиёти зиддитеррористӣ ҷиҳати баҳисобгирии имтиёзноки собиқаи хизматӣ (собиқаи меҳнатӣ) барои таъини нафақа

Мутобиқи моддаи 36 Қонуни Ҷумҳурии Тоҷикистон "Дар бораи муқовимат ба терроризм" Ҳукумати Ҷумҳурии Тоҷикистон қарор мекунад:

1. Тартиби муқаррар кардани давраҳои иштироки бевоситаи хизматчиёни ҳарбӣ, кормандон ва мутахассисони мақомоти дахлдори давлатӣ дар амалиёти зиддитеррористӣ ҷиҳати баҳисобгирии имтиёзноки собиқаи хизматӣ (собиқаи меҳнатӣ) барои таъини нафақа тасдиқ карда шавад (замима мегардад).

2. Субъектҳои бевосита ба терроризм муқовиматкунанда ва мақомоти ваколатдори дигар иҷрои қарори мазкурро таъмин намоянд.