ҚОНУНИ ҶУМҲУРИИ ТОҶИКИСТОН

ДАР БОРАИ ВОРИД НАМУДАНИ ТАҒЙИРУ ИЛОВАҲО БА КОДЕКСИ ЗАМИНИ ҶУМҲУРИИ ТОҶИКИСТОН

Моддаи 1. Ба Кодекси замини Ҷумҳурии Тоҷикистон, ки бо Қонуни Ҷумҳурии Тоҷикистон аз 13 декабри соли 1996 қабул шудааст (Ахбори Маҷлиси Олии Ҷумҳурии Тоҷикистон, с. 1996, №23, мод. 351; с. 1997, фасли IV, №23-24, мод. 333; с. 1999, №5, мод. 59; с. 2001, №4, мод. 176; с. 2004, №2, мод. 55, №3, мод. 190; с. 2006, №7, мод. 347; с. 2008, №1, қ.2, мод. 22, №6, мод. 463; с. 2011, №3, мод. 171; с. 2012, №4, мод. 269, №8, мод. 828; с. 2016, №11, мод. 879; с. 2021, №12, қ.2, мод. 697, мод. 698, мод. 699; с. 2022, №7, мод. 444), тағйиру иловаҳои зерин ворид карда шаванд:

1. Дар зербанди а) қисми якуми моддаи 17 калимаҳои "Сертификати ҳуқуқи истифодаи замин" ба калимаҳои "шаҳодатнома дар бораи бақайдгирии давлатӣ" иваз карда шаванд.

2. Дар моддаи 27:

- ба ҷумлаи якуми қисми якум пеш аз калимаҳои "зарур аст" калимаҳои "дар доираи меъёрҳои муқарраргардида" илова карда шаванд;

- дар ҷумлаи дуюми қисми якум калимаи "ҳудуди" ба калимаҳои "меъёрҳои муқарраргардидаи" иваз карда шавад;

- ба қисми чорум пас аз калимаи "истифоданашуда" калимаҳои "бо тартиби пешбининамудаи моддаҳои 37 ва 39 Кодекси мазкур" илова карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.