Бо қарори Ҳукумати
Ҷумҳурии Тоҷикистон
аз 28 апрели соли 2023, № 171
тасдиқ шудааст
Тартиби дафни ҷасади террористони дар рафти амалиёти зиддитеррористӣ безараргардонидашуда
1. Тартиби дафни ҷасади террористони дар рафти амалиёти зиддитеррористӣ безараргардонидашуда (минбаъд - Тартиб) раванди дафни шахсонеро, ки фавти онҳо дар натиҷаи пешгирии амали террористии содиршуда фаро расидааст, ба танзим медарорад.
2. Тартиби мазкур ба шахсоне, ки нисбаташон таъқиби ҷиноятӣ бинобар фавти онҳо вобаста ба иштирок дар фаъолияти террористӣ, дар натиҷаи содир намудани амали террористӣ, инчунин дар сурати пешгирӣ намудани амали террористӣ қатъ карда шудааст, паҳн мегардад.
3. Дафн кардани шахсони дар банди 2 Тартиби мазкур зикргардида аз ҷониби мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳрҳо, ноҳияҳо, мақомоти худидоракунии шаҳрак ва деҳот, инчунин ташкилотҳои ба хизматрасонии маросими дафн машғулбуда дар ҷойҳои аз ҷониби мақомоти тафтиши пешакӣ муайянгардида анҷом дода шуда, оид ба ҷойи дафн хабар дода намешавад.
4. Барои анҷом додани дафн мақомоти тафтиши пешакӣ ба мақомоту ташкилоти дар банди 3 Тартиби мазкур зикргардида ҳуҷҷатҳои ҳамроҳикунандаи зарурӣ, аз ҷумла нусхаи қарор дар бораи қатъ намудани парвандаи ҷиноятиро нисбат ба шахсони дар банди 2 Тартиби мазкур зикргардида, инчунин маълумотномаи тиббӣ оид ба вафот, ки аз ҷониби муассисаҳои экспертизаи судӣтиббӣ дода шудааст, пешниҳод менамоянд.
5. Дар бораи фавти шаҳрвандони хориҷӣ ва шахсони бешаҳрванди дар рафти амалиёти зиддитеррористӣ безараргардонидашуда, ки аз кишварҳои дигар ба Ҷумҳурии Тоҷикистон омадаанд, мақомоти тафтиши пешакӣ намояндагиҳои дипломатӣ ё муассисаҳои консулии давлатҳои дахлдорро тавассути Вазорати корҳои хориҷии Ҷумҳурии Тоҷикистон огоҳ мекунанд.
6. Дар асоси маълумотномаи тиббӣ оид ба вафот мақомот ё маъмурияти ташкилоте, ки дафнро анҷом медиҳад, дар китоби бақайдгирӣ сабти дахлдорро ворид карда, ба қабр рақами бақайдгирӣ медиҳад. Дар китоби бақайдгирӣ сол, моҳ ва санаи дафн, рақами қабр, санаи таваллуд ва марг, рақам, сана ва аз ҷониби кӣ маълумотномаи тиббӣ оид ба вафот дода шудааст, ном ва нишонии мақомот ё ташкилоте, ки бақайдгириро анҷом додааст, ворид карда мешавад. Насаб, ном, номи падари фавтида дар китоби бақайдгирӣ нишон дода намешавад.
7. Мақомот ё маъмурияти ташкилоте, ки дафнро анҷом медиҳад, ба мақомоти тафтиши пешакӣ шаҳодатнома оид ба дафн (бо нишон додани санаи дафн)-ро барои ҳамроҳ намудан ба парвандаи ҷиноятӣ медиҳад.
8. Интиқол ва то ба ҷойи дафн бурда расондани шахсони фавтида дар тобутҳои пӯшида анҷом дода мешавад.
9. Бо қарори мақомоти тафтиши пешакӣ ба хешовандони шахсони дар банди 2 Тартиби мазкур зикргардида нусхаи маълумотномаи тиббӣ оид ба вафоти аз ҷониби муассисаҳои экспертизаи судӣ-тиббӣ додашуда ва хулосаи судӣ-тиббии азназаргузаронии ҷасад супорида мешавад.
10. Дафни шахсони дар банди 2 Тартиби мазкур зикргардида аз ҳисоби буҷети маҳаллӣ дар доираи маблағҳои пешбинишуда анҷом дода мешавад.
Бо қарори Ҳукумати
Ҷумҳурии Тоҷикистон
аз 28 апрели соли 2023, № 171
тасдиқ шудааст
Тартиби дафни ҷасади террористони дар рафти амалиёти зиддитеррористӣ безараргардонидашуда
1. Тартиби дафни ҷасади террористони дар рафти амалиёти зиддитеррористӣ безараргардонидашуда (минбаъд - Тартиб) раванди дафни шахсонеро, ки фавти онҳо дар натиҷаи пешгирии амали террористии содиршуда фаро расидааст, ба танзим медарорад.
2. Тартиби мазкур ба шахсоне, ки нисбаташон таъқиби ҷиноятӣ бинобар фавти онҳо вобаста ба иштирок дар фаъолияти террористӣ, дар натиҷаи содир намудани амали террористӣ, инчунин дар сурати пешгирӣ намудани амали террористӣ қатъ карда шудааст, паҳн мегардад.
3. Дафн кардани шахсони дар банди 2 Тартиби мазкур зикргардида аз ҷониби мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳрҳо, ноҳияҳо, мақомоти худидоракунии шаҳрак ва деҳот, инчунин ташкилотҳои ба хизматрасонии маросими дафн машғулбуда дар ҷойҳои аз ҷониби мақомоти тафтиши пешакӣ муайянгардида анҷом дода шуда, оид ба ҷойи дафн хабар дода намешавад.
4. Барои анҷом додани дафн мақомоти тафтиши пешакӣ ба мақомоту ташкилоти дар банди 3 Тартиби мазкур зикргардида ҳуҷҷатҳои ҳамроҳикунандаи зарурӣ, аз ҷумла нусхаи қарор дар бораи қатъ намудани парвандаи ҷиноятиро нисбат ба шахсони дар банди 2 Тартиби мазкур зикргардида, инчунин маълумотномаи тиббӣ оид ба вафот, ки аз ҷониби муассисаҳои экспертизаи судӣтиббӣ дода шудааст, пешниҳод менамоянд.
5. Дар бораи фавти шаҳрвандони хориҷӣ ва шахсони бешаҳрванди дар рафти амалиёти зиддитеррористӣ безараргардонидашуда, ки аз кишварҳои дигар ба Ҷумҳурии Тоҷикистон омадаанд, мақомоти тафтиши пешакӣ намояндагиҳои дипломатӣ ё муассисаҳои консулии давлатҳои дахлдорро тавассути Вазорати корҳои хориҷии Ҷумҳурии Тоҷикистон огоҳ мекунанд.
6. Дар асоси маълумотномаи тиббӣ оид ба вафот мақомот ё маъмурияти ташкилоте, ки дафнро анҷом медиҳад, дар китоби бақайдгирӣ сабти дахлдорро ворид карда, ба қабр рақами бақайдгирӣ медиҳад. Дар китоби бақайдгирӣ сол, моҳ ва санаи дафн, рақами қабр, санаи таваллуд ва марг, рақам, сана ва аз ҷониби кӣ маълумотномаи тиббӣ оид ба вафот дода шудааст, ном ва нишонии мақомот ё ташкилоте, ки бақайдгириро анҷом додааст, ворид карда мешавад. Насаб, ном, номи падари фавтида дар китоби бақайдгирӣ нишон дода намешавад.
7. Мақомот ё маъмурияти ташкилоте, ки дафнро анҷом медиҳад, ба мақомоти тафтиши пешакӣ шаҳодатнома оид ба дафн (бо нишон додани санаи дафн)-ро барои ҳамроҳ намудан ба парвандаи ҷиноятӣ медиҳад.
8. Интиқол ва то ба ҷойи дафн бурда расондани шахсони фавтида дар тобутҳои пӯшида анҷом дода мешавад.
9. Бо қарори мақомоти тафтиши пешакӣ ба хешовандони шахсони дар банди 2 Тартиби мазкур зикргардида нусхаи маълумотномаи тиббӣ оид ба вафоти аз ҷониби муассисаҳои экспертизаи судӣ-тиббӣ додашуда ва хулосаи судӣ-тиббии азназаргузаронии ҷасад супорида мешавад.
10. Дафни шахсони дар банди 2 Тартиби мазкур зикргардида аз ҳисоби буҷети маҳаллӣ дар доираи маблағҳои пешбинишуда анҷом дода мешавад.
