Ҳукумати Ҷумҳурии Тоҷикистон

ҚАРОР

Дар бораи Агентии захираҳои моддии давлатии назди Ҳукумати Ҷумҳурии Тоҷикистон

Мутобиқи моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Дар назди Ҳукумати Ҷумҳурии Тоҷикистон Агентии захираҳои моддии давлатӣ таъсис дода шавад.

2. Низомнома ва сохтори дастгоҳи марказии Агентии захираҳои моддии давлатии назди Ҳукумати Ҷумҳурии Тоҷикистон тасдиқ карда шаванд (замимаҳои 1 ва 2).

3. Номгӯи ташкилотҳои системаи Агентии захираҳои моддии давлатии назди Ҳукумати Ҷумҳурии Тоҷикистон тасдиқ карда шаванд (замима мегардад)(Қарори Ҳукумати ҶТ аз 02.02.2009 № 93, аз 26.06.2021 № 254).

4. Муқаррар карда шавад, ки Директори Агентии захираҳои моддии давлатии назди Ҳукумати Ҷумҳурии Тоҷикистон ду муовин дорад. Шумораи ниҳоии кормандони Агентии захираҳои моддии давлатии назди Ҳукумати Ҷумҳурии Тоҷикистон ба миқдори 45 воҳид (бе ҳайати хизматрасон) муқаррар карда шавад. Се воҳиди штатии Вазорати рушди иқтисод ва савдои Ҷумҳурии Тоҷикистон ба Агентии захираҳои моддии давлатии назди Ҳукумати Ҷумҳурии Тоҷикистон дода шавад (Қарори Ҳукумати ҶТ аз 02.02.2009 № 93, аз 11.10.2012 № 573,  аз 26.06.2021 № 254).

Лимити автомашинаҳои хизматӣ ба Агентии захираҳои моддии давлатии назди Ҳукумати Ҷумҳурии Тоҷикистон ба миқдори 3 (се) адад муқаррар карда шавад.

5. Маблағгузории Агентии захираҳои моддии давлатии назди Ҳукумати Ҷумҳурии Тоҷикистон аз ҳисоби маблағҳои буҷети ҷумҳуриявӣ анҷом дода шавад (Қарори Ҳукумати ҶТ аз 02.02.2009 № 93).

6. Агентии захираҳои моддии давлатии назди Ҳукумати Ҷумҳурии Тоҷикистон ва Вазорати рушди иқтисод ва савдои Ҷумҳурии Тоҷикистон дар мӯҳлати як моҳ лоиҳаи қарори Ҳукумати Ҷумҳурии Тоҷикистонро оид ба ворид намудани тағйирот ба қарори Ҳукумати Ҷумҳурии Тоҷикистон аз 28 декабри соли 2006 №589 "Дар бораи Вазорати рушди иқтисод ва савдои Ҷумҳурии Тоҷикистон" ба Ҳукумати Ҷумҳурии Тоҷикистон таклиф пешниҳод намоянд (Қарори Ҳукумати ҶТ аз 02.02.2009 № 93).