ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ АУДИТИ ДОХИЛӢ ДАР ТАШКИЛОТҲОИ БАХШИ ДАВЛАТӢ"

Моддаи 1. Ба Қонуни Ҷумҳурии Тоҷикистон "Дар бораи аудити дохилӣ дар ташкилотҳои бахши давлатӣ" аз 21 июли соли 2010 (Ахбори Маҷлиси Олии Ҷумҳурии Тоҷикистон, с. 2010, №7, мод. 563; с. 2016, №7, мод. 632; с. 2020, №12, мод. 921) тағйиру иловаҳои зерин ворид карда шаванд;

1. Дар моддаи 4 пас аз калимаи "ошкорбаёни," калимаи "шаффофият," илова ва калимаи "нақшавӣ" ба калимаи "банақшагирӣ" иваз карда шавад.

2. Дар банди 2) моддаи 5:

- дар сархати сеюм калимаи "ҳаматарафа" ба калимаи "мукаммал" иваз карда шавад;

- дар сархати чорум калимаи "судмандӣ" ба калимаи "натиҷабахшӣ" иваз карда шавад.

3. Дар қисми 1 моддаи 8:

- дар сархати сеюм калимаҳои "сохтори" ва "анҷом медиҳад" мувофиқан ба калимаҳои "сохтории" ва "анҷом дода, оид ба натиҷаҳои таҳкиқот хулосаи таҳлилӣ пешниҳод менамояд" иваз карда шаванд;

- сархати панҷум дар таҳрири зерин ифода карда шавад:

"- ба омӯзондан, такмили ихтисос, бозомӯзӣ ва ба аудиторҳои дохилӣ додани сертификат дар ташкилотҳои бахши давлатӣ мусоидат менамояд ва фаъолиятро дар ин соҳа ҳамоҳанг месозад;";

- сархати чордаҳум дар таҳрири зерин ифода карда шавад;

"- ваколатҳои дигареро, ки қонунгузории Ҷумҳурии Тоҷикистон пешбинӣ намудааст, амалӣ менамояд.".

4. Аз сархати дуюми қисми 1 моддаи 9 калимаи "фаъолияти" хориҷ карда шавад.

5. Ба сархати шашуми қисми 2 моддаи 10 пас аз калимаҳои "таъмин намудани" калимаҳои "воҳиди сохтории аудити дохилӣ бо" илова карда шаванд.

6. Дар моддаи 22:

- ба номи модда пас аз калимаҳои "риоя накардани" калимаи "талаботи" илова карда шавад;

- дар матни модда калимаи "муқаррароти" ба калимаи "талаботи" иваз карда шавад.

Моддаи 2. Қонуни мазкур пас аз интишори расмӣ мавриди амал қарор дода шавад.