ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ АГЕНТИИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯИ ҶУМҲУРИИ ТОҶИКИСТОН"

Моддаи 1.

Ба Қонуни Ҷумҳурии Тоҷикистон "Дар бораи Агентии назорати давлатии молиявӣ ва мубориза бо коррупсияи Ҷумҳурии Тоҷикистон" аз 20 марти соли 2008 (Ахбори Маҷлиси Олии Ҷумҳурии Тоҷикистон, с. 2008, №3, мод. 193; с. 2009, №5, мод. 323; с. 2010, №3, мод. 154; с. 2011, №6, мод. 459; с. 2013, №7, мод. 517; с. 2014, №11, мод. 645; с. 2016, №3, мод. 137; с. 2017, №1-2, мод. 10, мод. 11, мод. 12, №5, қ. 1, мод. 298; с. 2020, №1, мод. 10, мод. 11, мод. 12, №5, қ. 1, мод. 298; с. 2021, №1-2, мод. 6) тағйиру иловаҳои зерин ворид карда шаванд:

1. Дар қисми 3 моддаи 11 калимаи "пешгирии" ба калимаҳои "муқовимат ба" иваз карда шавад.

2. Дар сархати сеюми моддаи 12 пас аз калимаи "масъулияти" калимаҳои "муовини якум ва" илова карда шуда, калимаи "сарраёсатҳо," хориҷ карда шавад.

3. Дар моддаи 13:

- дар сархати сеюм калимаҳои "мақомоти Агентӣ ва сохторҳои тобеи" ва "мақомоти он," мувофиқан ба калимаҳои "воҳидҳои сохтории Агентӣ ва воҳидҳои маҳаллии" ва "мақомот" иваз карда шаванд;

- аз сархати панҷум калимаҳои "сарраёсатҳо ва" хориҷ карда шаванд;

- дар сархати ҳафтум калимаҳои "кории мақомоти назорати давлатии" ба калимаҳои "умумии тафтишу санҷишҳои" иваз карда шаванд;

- дар сархати сездаҳум калимаҳои "рутбаҳо" ва "махсуси олӣ" ба калимаҳои "рутбаҳои олӣ" ва "махсус" иваз карда шаванд.

4. Аз ҷумлаҳои якум ва дуюми қисми 2 моддаи 15 калимаи "сарраёсатҳо," хориҷ карда шавад.

5. Дар моддаи 16 калимаҳои "сарраёсатҳо ва раёсатҳо" ба калимаҳои "раёсату шуъбаҳо" иваз карда шаванд.

6. Дар қисми 10 моддаи 26:

- калимаҳои "махсус, дараҷавӣ ва тахассусӣ", "ҳуқуқу қудратӣ ё ҳокимияти давлатӣ" ва "ва ҳокимияти давлатӣ" мувофиқан ба калимаҳои "махсус ва дараҷавӣ", "ҳуқуқ ва сохторҳои низомӣ" ва "ва сохторҳои низомӣ" иваз карда шаванд;

- ҷумлаи дуюм бо мазмуни зерин илова карда шавад:

"Баробаркунии рутбаҳои дараҷавӣ ва тахассусии кормандони дигар мақомоти давлатӣ, ки дар Агентӣ ба вазифа таъин мегарданд, бо дарназардошти собиқаи хизмати давлатии онҳо тибқи Низомномаи адои хизмат дар воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсияи Ҷумҳурии Тоҷикистон амалӣ карда мешавад.".

7. Дар моддаи 27:

- дар қисми 3 калимаҳои "Тартиби" ва "ҳайати роҳбарикунандаи хурд, миёна ва калонро" мувофиқан ба калимаҳои "Номгӯи мансабҳо ва тартиби" ва "кормандони мақомоти Агентиро" иваз карда шаванд;

- қисми 4 хориҷ карда шавад;

- қисми 5 қисми 4 ҳисобида шавад.

8. Дар қисми 4 моддаи 30 рақам ва калимаи "20 фоиз" ба рақам ва калимаи "25 фоиз" иваз карда шаванд.

9. Ба қисми 2 моддаи 32 сархати сенздаҳум бо мазмуни зерин илова карда шавад:

"- ба кори дигар гузаштани корманд;".

Моддаи 2.

Қонуни мазкур пас аз интишори расмӣ мавриди амал қарор дода шавад.